పల్లవి
ఏపురాణముల నెంత వెదికినా
శ్రీపతిదాసులు చెడ రెన్నడును ||
చరణములు
వారివిరహితములు అవి గొన్నాల్లకు
విరసంబులు మరి విఫలములు |
నరహరి గొలి చిటు నమ్మినవరములు
నిరతము లెన్నడు నెలవులు చెడవు ||
కమలాక్షుని మతిగాననిచదువులు
కుమతంబులు బహుకుపథములు |
జమళి నచ్యుతుని సమారాధనలు
విమలములే కాని వితథముగావు ||
శ్రీవల్లభుగతి జేరనిపదవులు
దావతులు కపటధర్మములు |
శ్రీవేంకటపతి సేవించునేవలు
పావనము లధికభాగ్యపుసిరులు ||
