NANU PALIMPA NADACHI VACHITHIVO-నను పాలింప నడచి వచ్చితివో

 నను పాలింప నడచి వచ్చితివో

తాళం: ఆది
రాగం: మోహనం (మేళకర్త 28, హరి కాంభోజి  జన్యరాగ)
రూపకర్త: త్యాగరాజ

ఆరోహణ: స రి2 గ3 ప ద2 స      
అవరోహణ: స ద2 ప గ3 రి2 స

పల్లవి
నను పాలింప నడచి వచ్చితివో
నా ప్రాణ నాథ

అనుపల్లవి
వనజ నయన మోమును జూచుట
జీవనమని నెనరున మనసు మర్మము తెలిసి (నను)

చరణం
సురపతి నీల మణి నిభ తనువుతో
ఉరమున ముత్యపు సరుల చయముతో
కరమున శర కోదండ కాంతితో
ధరణి తనయతో త్యాగరాజార్చిత (నను)

NAGUMOMU GANALENI-నగుమోము గనలేని

నగుమోము గనలేని

తాళం: ఆది
రాగం: ఆభేరి (మేళకర్త 22, కరహరప్రియ జన్యరాగ)
రూపకర్త: త్యాగరాజ

ఆరోహణ: స గ 2 మ 1 ప ని 2 స
అవరోహణ: స ని2 ద2 ప మ 1 గ 2 రి 2 స

పల్లవి
నగుమోము గనలేని నాజాలి తెలిసి నను బ్రోవగ రాదా శ్రీ రఘువర నీ (పల్లవి)

అనుపల్లవి
నగరాజధర నీదు పరైవార లెల్ల ఒగిబోధన జేసే వారలు గారే యిటు లుండుదురె|| నగు|| 

చరణం

ఖగరాజు నీ యానతి విని వేగ చనలేదో 
గగనాని కిలకు బహు దూరంబనినాదో
జగమేలె పరమాత్మ ఎవరితో మొరలిడుదు 
వగ జూపకు తాళను నన్నేలుకోర త్యాగరాజనుత నీ || నగు|| 

JAGADANANDA KARAKA జగదానంద కారకా

 జగదానంద కారకా

తాళం: ఆది
రాగం: నాటై  (మేళకర్త 36, చల నాటై   జన్యరాగ)
రూపకర్త: త్యాగరాజ

ఆరోహణ: స రి3 గ3 మ1 ప ద3 ని3 స      
అవరోహణ: స ని3 ప మ1 రి3 స

పల్లవి

జగదానంద కారకా, జయ జానకీ ప్రాణ నాయకా

అనుపల్లవి

గగనాధిప సత్కులజ రాజ రాజేశ్వర

సుగుణాకర సురసేవ్య భవ్య దాయక

సదా సకల జగదానంద కారకా

చరణం

అమర తారక నిచయ కుముద హిత పరిపూర్ణ నగ సుర సురభూజ

దధి పయోధి వాస హరణ సుందరతర వదన సుధామయ వచో

బృంద గోవింద సానంద మా వరాజరాప్త శుభకరానేక || 1 || 

నిగమ నీరజామృతజ పోషకా నిమిశవైరి వారిద సమీరణ

ఖగ తురంగ సత్కవి హృదాలయా గణిత వానరాధిప నతాంఘ్రియుగ || 2 || 

ఇంద్ర నీలమణి సన్నిభాప ఘన చంద్ర సూర్య నయనాప్రమేయ

వాగీంద్ర జనక సకలేశ శుభ్ర నాగేంద్ర శయన శమన వైరి సన్నుత || 3 || 

పాద విజిత మౌని శాప సవ పరిపాల వర మంత్ర గ్రహణ లోల

పరమ శాంత చిత్త జనకజాధిప సరోజభవ వరదాఖిల || 4 || 

సృష్టి స్థిత్యంతకార కామిత కామిత ఫలదా సమాన గాత్ర

శచీపతి నుతాబ్ధి మద హరా నురాగరాగ రాజితకధా సారహిత || 5 || 

సజ్జన మానసాబ్ధి సుధాకర కుసుమ విమాన సురసారిపు కరాబ్జ

లాలిత చరణావ గుణ సురగణ మద హరణ సనాతనా జనుత || 6 || 

ఓంకార పంజర కీర పుర హర సరోజ భవ కేశవాది రూప

వాసవరిపు జనకాంతక కలాధరాప్త కరుణాకర శరణాగత

జనపాలన సుమనో రమణ నిర్వికార నిగమ సారతర || 7 || 

కరధృత శరజాలా సుర మదాప హరణ వనీసుర సురావన

కవీన బిలజ మౌని కృత చరిత్ర సన్నుత శ్రీ త్యాగరాజనుత || 8 || 

పురాణ పురుష నృవరాత్మజ శ్రిత పరాధీన కర విరాధ రావణ

విరావణ నఘ పరాశర మనోహర వికృత త్యాగరాజ సన్నుత || 9 || 

అగణిత గుణ కనక చేల సాల విడలనారుణాభ సమాన చరణాపార

మహిమాద్భుత సుకవిజన హృత్సదన సుర మునిగణ విహిత కలశ

నీర నిధిజా రమణ పాప గజ నృసింహ వర త్యాగరాజాధినుత || 10 || 

GANDHAMU PUYARUGA గంధము పుయ్యరుగా పన్నీరు

గంధము పుయ్యరుగా పన్నీరు

తాళం: ఆది  
రాగం: పున్నాగవరాళి( మేళకర్త 8, హనుమ తోడి  జన్యరాగ)
రూపకర్త: త్యాగరాజ

ఆరోహణ: ని2 స రి1 గ2 మ1 ప ద1 ని2
అవరోహణ: ని2 ద1 ప మ1 గ2 రి1 స ని2

పల్లవి:

గంధము పుయ్యరుగా పన్నీరు

గంధము పుయ్యరుగా

అను పల్లవి:

అందమయిన యదునందనుపై

కుందరదన లిరవొందగ పరిమళ ||గంధము||

తిలకము దిద్దరుగా కస్తూరి తిలకము దిద్దరుగా

కలకలమను ముఖకళగని సొక్కుచు

బలుకుల నమృతము లొలికెడు స్వామికి ||గంధము||

చేలము గట్టరుగా బంగారు చేలము గట్టరుగా

మాలిమితో గోపాలబాలులతో

నాల మేపిన విశాలనయనునికి ||గంధము||

హారతులెత్తరుగా ముత్యాల హారతులెత్తరుగా

నారీమణులకు వారము యౌవన

వారక యొసగెడు వారిజాక్షునికి ||గంధము||

పూజలు సేయరుగా మనసార పూజలు సేయరుగా

జాజులు మరి విరజాజులు దవనము

రాజిత త్యాగరాజ నుతునికి ||గంధము||

GANAMURTHE SRI KRISHNAVENU - గానమూర్తే శ్రీకృష్ణవేణు

 గానమూర్తే శ్రీకృష్ణవేణు

తాళం: దేశాది -ఆది 
రాగం: గానమూర్తి
రూపకర్త: త్యాగరాజ

పల్లవి

గానమూర్తే శ్రీకృష్ణవేణు
గానలోల త్రిభువనపాల పాహి (గాన)

అను పల్లవి
మానినీమణి శ్రీ రుక్మిణి
మానసాపహార మారజనక దివ్య (గాన)

చరణము

నవనీతచోర నందసత్కిశోర
నరమిత్రధీర నరసింహ శూర
నవమేఘతేజ నగజాసహజ
నరకాంతకాజ నరత్యాగరాజ (గాన)

KARUNA JALADHE DASHARADHE కరుణా జలధే దాశరథే

 కరుణా జలధే దాశరథే

తాళం: ఆది
రాగం: నాథనామ క్రియ (మేళకర్త 15, మాయామాళవగౌలై  జన్యరాగ) 
రూపకర్త: త్యాగరాజ

ఆరోహణ: స రి1 గ3 మ1 ప ద1 ని3
అవరోహణ: ని3 ద1 ప మ1 గ3 రి1 స ని3

పల్లవి

కరుణా జలధే దాశరథే

కమనీయానన సుగుణనిధే 

చరణము(లు):

నీ మయమేగా నిలను 

నేమని నే దూరుదును || 1 || 

నిజదాసుల యనుభవ మొకటి

నిను తెలియని జనమత మొకటి || 2 ||

వలచుచు నామము జేయుదురే నిను

దలచుచు ప్రొద్దు పోగొట్టుదురే || 3 ||

సుకృతము లొప్పగింతురే నీ

ప్రకృతిని దెలిసి యేగింతురే || 4 ||

మనసారగ బూజింతురే నిను

మాటి మాటికి యోచింతురే || 5 ||

నిను గనులకు కన కోరుదురే నవ

నిధు లబ్భిన సుఖమును కోరరే || 6 ||

నీ వన్నిటయని పలుకుదురే

నీవే తానని కుల్కుదురే || 7 ||

తమలో మెలగుచు నుందురే 

తారకరూపుని కందురే || 8 ||

భాగవత ప్రహ్లాదహిత రామ

భావుక త్యాగరాజనుత || 9 ||

KANA KANA RUCHIRA కన కన రుచిరా

 కన కన రుచిరా

తాళం: ఆది

రాగం: వరాళి(మేళకర్త 39, జలవరాళి   జన్యరాగ)

రూపకర్త: త్యాగరాజ

ఆరోహణ: స గ1 రి1 గ1 మ2 ప ద1 ని3 స 

అవరోహణ: స ని3 ద1 ప మ2 గ1 రి1 స

పల్లవి

కన కన రుచిరా కనక వసన నిన్ను

అనుపల్లవి

దిన దినమును అనుదిన దినమును

మనసున చనువున నిన్ను || కన || 

చరణంలు 

పాలుగారు మోమున

శ్రీయపార మహిమ కనరు నిన్ను || కన || 

కళకళమను ముఖకళ గలిగిన సీత

కులుకుచు నోర కన్నులను జూచే నిన్ను || కన || 

బాలాకాభ సుచేల మణిమయ మాలాలంకృత కంధర

సరసిజాక్ష వర కపోల సురుచిర కిరీటధర సంతతంబు మనసారగ || కన || 

సపత్ని మాతయౌ సురుచిచే కర్ణ శూలమైన మాటల వీనుల

చురుక్కన తాళక శ్రీ హరిని ధ్యానించి సుఖియింపగ లేదా యటు || కన || 

మృదమద లలామ శుభానిటిల వర జటాయు మోక్ష ఫలద

పవమాన సుతుడు నీదు మహిమ దెల్ప సీత దెలిసి

వలచి సొక్కలేదా ఆరీతి నిన్ను || కన || 

సుఖాస్పద విముఖాంబుధర పవన విదేహ మానస విహారాప్త

సురభూజ మానిత గుణాంక చిదానంద ఖగ తురంగ ధృత రథంగ

పరమ దయాకర కరుణారస వరుణాలయ భయాపహర శ్రీ రఘుపతే || కన || 

కామించి ప్రేమమీద కరముల నీదు పాద కమలముల బట్టుకొను

వాడు సాక్షి రామ నామ రసికుడు కైలాస సదనుడు సాక్షి

మరియు నారద పరాశర శుక శౌనక పురంధర నగజా ధరజ

ముఖ్యులు సాక్షి గాదా సుందరేశ సుఖ కలశాంబుధి వాసా శ్రితులకే || కన || 

సతతము ప్రేమ పూరితుడగు త్యాగరాజనుత

ముఖజిత కుముదహిత వరద నిన్ను

కన కన రుచిరా కనక వసన నిన్ను || కన ||