శ్రీ సూర్య అష్టోత్తరశతనామ స్తోత్రం
అరుణాయ శరణ్యాయ కరుణారససింధవే
అసమానబలాయాఽర్తరక్షకాయ నమో నమః || 01 ||
ఆదిత్యాయాఽదిభూతాయ అఖిలాగమవేదినే
అచ్యుతాయాఽఖిలజ్ఞాయ అనంతాయ నమో నమః || 02 ||
ఇనాయ విశ్వరూపాయ ఇజ్యాయేంద్రాయ భానవే
ఇందిరామందిరాప్తాయ వందనీయాయ తే నమః || 03 ||
ఈశాయ సుప్రసన్నాయ సుశీలాయ సువర్చసే
వసుప్రదాయ వసవే వాసుదేవాయ తే నమః || 04 ||
ఉజ్జ్వలాయోగ్రరూపాయ ఊర్ధ్వగాయ వివస్వతే
ఉద్యత్కిరణజాలాయ హృషీకేశాయ తే నమః || 05 ||
ఊర్జస్వలాయ వీరాయ నిర్జరాయ జయాయ చ
ఊరుద్వయాభావరూపయుక్తసారథయే నమః || 06 ||
ఋషివంద్యాయ రుగ్ఘంత్రే ఋక్షచక్రచరాయ చ
ఋజుస్వభావచిత్తాయ నిత్యస్తుత్యాయ తే నమః || 07 ||
ౠకారమాతృకావర్ణరూపాయోజ్జ్వలతేజసే
ఋక్షాధినాథమిత్రాయ పుష్కరాక్షాయ తే నమః || 08 ||
లుప్తదంతాయ శాంతాయ కాంతిదాయ ఘనాయ చ
కనత్కనకభూషాయ ఖద్యోతాయ నమో నమః || 09 ||
లూనితాఖిలదైత్యాయ సత్యానందస్వరూపిణే
అపవర్గప్రదాయాఽర్తశరణ్యాయ నమో నమః || 10 ||
ఏకాకినే భగవతే సృష్టిస్థిత్యంతకారిణే
గుణాత్మనే ఘృణిభృతే బృహతే బ్రహ్మణే నమః || 11 ||
ఐశ్వర్యదాయ శర్వాయ హరిదశ్వాయ శౌరయే
దశదిక్సంప్రకాశాయ భక్తవశ్యాయ తే నమః || 12 ||
ఓజస్కరాయ జయినే జగదానందహేతవే
జన్మమృత్యుజరావ్యాధివర్జితాయ నమో నమః || 13 ||
ఔన్నత్యపదసంచారరథస్థాయాత్మరూపిణే
కమనీయకరాయాఽబ్జవల్లభాయ నమో నమః || 14 ||
అంతర్బహిఃప్రకాశాయ అచింత్యాయాఽత్మరూపిణే
అచ్యుతాయ సురేశాయ పరస్మైజ్యోతిషే నమః || 15 ||
అహస్కరాయ రవయే హరయే పరమాత్మనే
తరుణాయ వరేణ్యాయ గ్రహాణాంపతయే నమః || 16 ||
ఓం నమో భాస్కరాయాఽదిమధ్యాంతరహితాయ చ
సౌఖ్యప్రదాయ సకలజగతాంపతయే నమః || 17 ||
నమః సూర్యాయ కవయే నమో నారాయణాయ చ
నమో నమః పరేశాయ తేజోరూపాయ తే నమః || 18 ||
ఓం శ్రీం హిరణ్యగర్భాయ ఓం హ్రీం సంపత్కరాయ చ
ఓం ఐం ఇష్టార్థదాయాఽనుప్రసన్నాయ నమో నమః || 19 ||
శ్రీమతే శ్రేయసే భక్తకోటిసౌఖ్యప్రదాయినే
నిఖిలాగమవేద్యాయ నిత్యానందాయ తే నమః || 20 ||
నిత్య పారాయణ శ్లోకాలు
No comments:
Post a Comment