Sri Shodasi Devi Ashtottara Sata Nama Stottram - శ్రీ షోడశీ దేవి అష్టోత్తర శతనామ స్తోత్త్రం

శ్రీ షోడశీ దేవి అష్టోత్తర శతనామ స్తోత్త్రం 

భృగురువాచ
చతుర్వక్త్ర జగన్నాథ స్తోత్రం వద మమ ప్రభో
యస్యానుష్టాన మాత్రేణ నరో భక్తి మావాప్నుయాత్  ॥ 01 ॥

బ్రహ్మోవాచ 
సహస్రనామ్నా మాకృష్య నామ్నాం అష్టోత్తరం శతం
గుహ్యాద్గుహ్య తరం గుహ్యం సుందర్యాః పరికీర్తితమ్‌ ॥ 02 ॥

వినియోగః 
అస్యశ్రీ షోడశ్యష్టోత్తర శతనామ స్తోత్రస్య 

శంభు బుషిః అనుష్టుష్పందః 

శ్రీషోడశీ దేవతా ధర్మార్థ కామమోక్ష సిద్ధయే పఠే వినియోగః

ఓం త్రిపురా షోడశీ మాతా త్యక్షరా త్రితయా త్రయీ
సుందరీ సుముఖీ సేవ్యా సామవేద పరాయణా ॥ 03 ॥

శారదా శబ్దనిలయా సాగరా సరిదంబరా
శుద్దాశుద్ధ తనుస్సాధ్వీ శివధ్యాన పరాయణా ॥ 04 ॥

స్వామినీ శుంభువనితా శాంభవీ చ సరస్వతీ
సముద్రమథినీ శీఘ్రగామినీ శీఘ్రసిద్ధిదా ॥ 05 ॥

సాధుసేవ్యా సాధుగమ్యా సాధు సంతుష్ట మానసా
ఖట్వాంగ ధారిణీఖర్వా ఖడ్గకర్పర ధారిణీ ॥ 06 ॥

షడ్వర్గ భావరహితా షడ్వర్గ పరిచారికా
షడ్వర్గా చ షడంగా చ షోఢాషోడశ వార్షికీ ॥ 07 ॥

క్రతురూపా క్రతుమతీ ఋభుక్ష క్రతుమండితా
కవర్గాది పవర్గాంతా అంతస్థ్సా అంతరూపిణీ ॥ 08 ॥

ఆకారాకారరహితా కాలమృత్యు జరాపహా
తన్వీతత్వేశ్వరీ తారా త్రివర్షా జ్ఞానరూపిణీ ॥ 09 ॥

కాళీకరాళీ కామేశీ చ్ఛాయా సంజ్ఞా ప్యరుంధతీ
నిర్వికల్పా మహావేగా మహోత్సాహా మహోదరీ ॥ 10 ॥

మేధా బలాకా విమలా విమల జ్ఞానదాయినీ
గౌరీ వసుంధరా గోపుత్రీ గవాంపతి నిషేవితా ॥ 11 ॥

భగాంగా భగరూపా చ భక్తిభావ పరాయణా
ఛిన్నమస్తా మహాధూమా తథాధూమ్ర విభూషణా ॥ 12 ॥

ధర్మ కర్మాదిరహితా ధర్మకర్మ పరాయణా
సీతామాతంగినీ మేధా మధుదైత్య వినాశినీ ॥ 13 ॥

భైరవీ భువనా మాతాఽభయదా భయసుందరీ
భావుకా బగళా కృత్యా బాలాత్రిపురసుందరీ ॥ 14 ॥

రోహిణీ రేవతీ రమ్యా రంభా రావణ వందితా
శతయజ్ఞ మయీ సత్వా శతక్రతు వరప్రదా ॥ 15 ॥

శతచంద్రాననా దేవీ సహస్రాదిత్య సన్నిభా
సోమసూర్యాగ్ని నయనా వ్యాఘ్ర చర్మాంబరా వృతా ॥ 16 ॥

అర్థేందు ధారిణీ మత్తా మదిరా మదిరేక్షణా
ఇతి తే కథితం గోప్యం నామ్నాం అష్టోత్తరం శతమ్‌ ॥ 17 ॥

సుందర్యా సర్వదా సేవ్యం మహాపాతక నాశనమ్‌
గోపనీయం గోపనీయం గోపనీయం కలౌయుగే ॥ 18 ॥

సహస్రనామ పాఠస్య ఫలం యద్వై ప్రకీర్తితమ్‌
తస్మాత్కోటి గుణం పుణ్యం స్తవ స్యాస్య ప్రకీర్తనాత్‌ ॥ 19 ॥

పఠేత్సదా భక్తియుతో నరోయో నిశీధకాలేఽప్యరుణోదయే వా
ప్రదోషకాలే నవమీ దినేఽథవా లభేత్‌ భోగాన్‌ పరమాద్భుతాన్‌ ప్రియాన్‌ ॥ 20 ॥ 

॥ ఇతి బ్రహ్మయామళే షోడశీ అష్టోత్తర శతనామ స్తోత్రమ్‌ సంపూర్ణం ॥

శ్రీ లలితా త్రిపుర సుందరి మహా విద్యా

నిత్య స్తోత్రావళి