సఫల ఏకాదశి రోజున ప్రతి ప్రయోగం విజయవంతమవుతుంది. ఈ రోజున ఆరోగ్యానికి సంబంధించిన ఉపవాసం వల్ల ప్రయోజనం ఉంటుంది. ఈ రోజు ఉపవాసం డబ్బు, వ్యాపారంలో లాభాన్ని ఇస్తుంది. పిల్లలను లేనివారికి పిల్లల కొరకు, పిల్లలు బాగా వృద్ధిలోకి రావడానికి ఈ ఉపవాసం పాటిస్తారు. ఉద్యోగంలో విజయానికి ఇది అత్యంత అనుకూలమైన వ్రతం.
ఈ రోజు శ్రీ హరిని ఎలా పూజించాలి?
ఏకాదశి ఉదయం లేదా సాయంత్రం శ్రీ హరిని తెల్ల చందనం లేదా గోపీ చందనం నుదుటిపై పూసుకుని శ్రీ హరిని పూజించండి. శ్రీ హరికి పంచామృతం, పూలు, కాలానుగుణ పండ్లను సమర్పించండి. ఉపవాసం పాటించినట్లయితే, సాయంత్రం ఆహారం తీసుకునే ముందు, నీటిలో దీపదానం చేయండి. ఈ రోజున పేదవారికి వెచ్చని బట్టలు, ఆహారాన్ని దానం చేయడం కూడా శ్రేయస్కరం.
ఉద్యోగంలో విజయం కోసం పూజ
మీ కుడి చేతిలో నీరు, పసుపు పువ్వులు తీసుకుని, మీ ఉద్యోగంలో విజయం కోసం వరం కోసం ఆ శ్రీ మహా విష్ణువును ప్రార్ధించండి. ఆవు నెయ్యితో దీపం వెలిగించి నారాయణ కవచాన్ని పఠించండి. సఫల ఏకాదశి రోజు నుండి, 11 రోజుల పాటు నిరంతరం నారాయణ కవచాన్ని పఠించండి. ఉద్యోగ సమస్యలు తీరుతాయి, మీరు ఖచ్చితంగా విజయం సాధిస్తారు.
డబ్బు సమస్య
డబ్బుకు సంబంధించిన ఏదైనా పని ఆగిపోయినట్లయితే, ప్రతిరోజూ ఉదయాన్నే నీటిలో ఎర్రటి పువ్వులు వేసి సూర్య భగవానుడికి సమర్పించండి. ప్రతిరోజు సాయంత్రం నెయ్యితో దీపం వెలిగించండి. మీ పని త్వరలో పూర్తి అవుతుంది.
సంతానం పొందడం కోసం
వెండి పాత్రలో పంచామృతాన్ని హరికి సమర్పించండి. "ఓం నమో నారాయణాయ" మంత్రాన్ని 108 సార్లు జపించండి. పంచామృతాన్ని ప్రసాదంగా తీసుకుని సంతానం కలగాలని ప్రార్థించండి.
సఫల ఏకాదశి ప్రాముఖ్యత
పురాణాల ప్రకారం, శ్రీకృష్ణుడు మరియు ధర్మరాజు యుధిష్ఠిరుడి మధ్య సంభాషణ సమయంలో సఫల ఏకాదశి యొక్క ప్రాముఖ్యత ప్రస్తావించబడింది. ఈ ఏకాదశి ఉపవాసం ద్వారా 1000 అశ్వమేధ యాగాలు చేసినంత ఫలితం లభిస్తుంది అని నమ్ముతారు. కాబట్టి, ఈ రోజున ఒక వ్యక్తి ఉపవాసం ఉంటే, అతని/ఆమె బాధలన్నీ ముగుస్తాయి, అదృష్టం అనుకూలంగా ఉంటుంది కోరికలు నెరవేరుతాయి.
సఫల ఏకాదశి కథ
పురాతన కాలంలో చంపావతి నగరాన్ని మాహిష్మత రాజు పరిపాలించేవాడు. అతనికి నలుగురు కుమారులు ఉన్నారు, వారిలో లుంభక చాలా క్రూరమైన వాడు. అతను తన తండ్రి డబ్బును చెడు పనులకు ఖర్చు చేసేవాడు. అతని పనులకు చింతించి, రాజు అతన్ని బహిష్కరించాడు. అయినప్పటికీ లుంభక దోపిడి మరియు దొంగతనాల అలవాట్లు మానలేదు.
ఒక సారి, అతనికి 3 రోజులు ఆహారం లభించలేదు. అటూ ఇటూ తిరుగుతూ ఓ సన్యాసి ఆశ్రమం వద్దకు చేరుకున్నాడు. ఆ రోజు సఫల ఏకాదశి. కాబట్టి, సన్యాసి అతనికి స్వాగతం పలికి ఆహారాన్ని అందించాడు. ఋషి యొక్క ఈ ప్రవర్తనను చూసి లుంభక మారిపోయాడు. సన్యాసి పాదాలపై పడి ఆయన ఆశీస్సులు కోరాడు. సన్యాసి అతన్ని తన శిష్యుడిగా చేసుకున్నాడు.
కాలక్రమేణా, లుంభక మంచి పనులు చేయటం ఆరంభించాడు. సన్యాసి మార్గదర్శకత్వంలో లుంభక ఏకాదశి ఉపవాసం ప్రారంభించాడు. అతను పూర్తిగా మారిపోయి మంచివాడిగా మారినప్పుడు, సన్యాసి అతనికి తన అసలు రూపం చూపించాడు. అది సన్యాసి రూపంలో వున్నది అతని తండ్రి. దీని తర్వాత, లుంభక రాజుగా తన బాధ్యతలను గొప్పగా నిర్వహించి అందరికీ ఆదర్శంగా నిలిచాడు. అతను జీవించి ఉన్నంత వరకు సఫల ఏకాదశికి ఉపవాసం ఉండేవాడు.
No comments:
Post a Comment