Varahi Shodasa Namavali – శ్రీ వారాహీ షోడశ నామావళిః

శ్రీ వారాహీ షోడశ నామావళిః

ఓం శ్రీ బృహత్ వారాహ్యై నమః
ఓం శ్రీ మూల వారాహ్యై నమః
ఓం శ్రీ స్వప్న వారాహ్యై నమః
ఓం శ్రీ ఉచిష్ట వారాహ్యై నమః
ఓం శ్రీ వార్దలీ వారాహ్యై నమః
ఓం శ్రీ భువన వారాహ్యై నమః
ఓం స్తంభన వారాహ్యై నమః
ఓం బంధన వారాహ్యై నమః
ఓం పంచమీ ప్వారాహ్యై నమః
ఓం భక్త వారాహ్యై నమః
ఓం శ్రీ మంత్రిణీ వారాహ్యై నమః
ఓం శ్రీ దండినీ వారాహ్యై నమః
ఓం అశ్వ రూడ వర్హ్యై నమః
ఓం మహిషా వాహన వారాహ్యై నమః
ఓం సింహ వాహన వారాహ్యై నమః
ఓం మహా వారాహ్యై నమో నమః

॥ ఇతి శ్రీ వారాహీ షోడశ నామావళిః ॥

వారాహీ

దశమహా విద్యలు

నిత్య స్తోత్రావళి

Varahi Dwadasa Namavali – శ్రీ వారాహీ ద్వాదశనామావళిః

శ్రీ వారాహీ ద్వాదశనామావళిః

ఓం పంచమ్యై నమః ।
ఓం దండనాథాయై నమః ।
ఓం సంకేతాయై నమః ।
ఓం సమయేశ్వర్యై నమః ।
ఓం సమయసంకేతాయై నమః ।
ఓం వారాహ్యై నమః ।
ఓం పోత్రిణ్యై నమః ।
ఓం శివాయై నమః ।
ఓం వార్తాళ్యై నమః ।
ఓం మహాసేనాయై నమః ।
ఓం ఆజ్ఞాచక్రేశ్వర్యై నమః ।
ఓం అరిఘ్న్యై నమః ।

॥ ఇతి శ్రీ వారాహీ ద్వాదశనామావళిః ॥

వారాహీ

దశమహా విద్యలు

నిత్య స్తోత్రావళి

Varaha Mukhi Stavam – వరాహముఖీ స్తవః

వరాహముఖీ స్తవః

కువలయనిభా కౌశేయార్ధోరుకా ముకుటోజ్జ్వలా
హలముసలినీ సద్భక్తేభ్యో వరాభయదాయినీ ।
కపిలనయనా మధ్యే క్షామా కఠోరఘనస్తనీ
జయతి జగతాం మాతః సా తే వరాహముఖీ తనుః ॥ 01 ॥

తరతి విపదో ఘోరా దూరాత్పరిహ్రియతే భయం
స్ఖలితమతిభిర్భూతప్రేతైః స్వయం వ్రియతే శ్రియా ।
క్షపయతి రిపూనీష్టే వాచాం రణే లభతే జయం
వశయతి జగత్సర్వం వారాహి యస్త్వయి భక్తిమాన్ ॥ 02 ॥

స్తిమితగతయః సీదద్వాచః పరిచ్యుతహేతయః
క్షుభితహృదయాః సద్యో నశ్యద్దృశో గలితౌజసః ।
భయపరవశా భగ్నోత్సాహాః పరాహతపౌరుషాః
భగవతి పురస్త్వద్భక్తానాం భవంతి విరోధినః ॥ 03 ॥

కిసలయమృదుర్హస్తః క్లిశ్యేత కందుకలీలయా
భగవతి మహాభారః క్రీడాసరోరుహమేవ తే ।
తదపి ముసలం ధత్సే హస్తే హలం సమయద్రుహాం
హరసి చ తదాఘాతైః ప్రాణానహో తవ సాహసమ్ ॥ 04 ॥

జనని నియతస్థానే త్వద్వామదక్షిణపార్శ్వయో-
-ర్మృదుభుజలతామందోక్షేపప్రవాతితచామరే ।
సతతముదితే గుహ్యాచారద్రుహాం రుధిరాసవై-
-రుపశమయతాం శత్రూన్ సర్వానుభే మమ దైవతే ॥ 05 ॥

హరతు దురితం క్షేత్రాధీశః స్వశాసనవిద్విషాం
రుధిరమదిరామత్తః ప్రాణోపహారబలిప్రియః ।
అవిరతచటత్కుర్వద్దంష్ట్రాస్థికోటిరటన్ముఖో
భగవతి స తే చండోచ్చండః సదా పురతః స్థితః ॥ 06 ॥

క్షుభితమకరైర్వీచీహస్తోపరుద్ధపరస్పరై-
-శ్చతురుదధిభిః క్రాంతా కల్పాంతదుర్లలితోదకైః ।
జనని కథముత్తిష్ఠేత్ పాతాలసర్పబిలాదిలా
తవ తు కుటిలే దంష్ట్రాకోటీ న చేదవలంబనమ్ ॥ 07 ॥

తమసి బహులే శూన్యాటవ్యాం పిశాచనిశాచర-
-ప్రమథకలహే చోరవ్యాఘ్రోరగద్విపసంకటే ।
క్షుభితమనసః క్షుద్రస్యైకాకినోఽపి కుతో భయం
సకృదపి ముఖే మాతస్త్వన్నామ సన్నిహితం యది ॥ 08 ॥

విదితవిభవం హృద్యైః పద్యైర్వరాహముఖీస్తవం
సకలఫలదం పూర్ణం మంత్రాక్షరైరిమమేవ యః ।
పఠతి స పటుః ప్రాప్నోత్యాయుశ్చిరం కవితాం ప్రియాం
సుతసుఖధనారోగ్యం కీర్తిం శ్రియం జయముర్వరామ్ ॥ 09 ॥

వారాహీ

దశమహా విద్యలు

నిత్య స్తోత్రావళి

Varahi Dwadasa Nama Stotram – శ్రీ వారాహీ ద్వాదశనామ స్తోత్రం

శ్రీ వారాహీ ద్వాదశనామ స్తోత్రం

అస్య శ్రీవారాహీ ద్వాదశ నామ స్తోత్రస్య అశ్వానన ఋషిః ।
అనుష్టుప్ఛందః | శ్రీవారాహీ దేవతా ।
శ్రీవారాహి ప్రసాద సిద్ధ్యర్థం ।
సర్వ సంకట హరణ జపే వినియోగః ॥

పంచమీ దండనాథా చ సంకేతా సమయేశ్వరీ ।
తథా సమయసంకేతా వారాహీ పోత్రిణీ శివా ॥ 01 ॥

వార్తాలీ చ మహాసేనాఽఽజ్ఞాచక్రేశ్వరీ తథా ।
అరిఘ్నీ చేతి సంప్రోక్తం నామ ద్వాదశకం మునే ॥ 02 ॥

నామ ద్వాదశధాభిజ్ఞ వజ్రపంజరమధ్యగః ।
సఙకటే దుఃఖమాప్నోతి న కదాచన మానవః  ॥ 03 ॥

వారాహీ

దశమహా విద్యలు

నిత్య స్తోత్రావళి

Varahi Nigrahashtakam – శ్రీ వారాహీ నిగ్రహాష్టకం

శ్రీ వారాహీ నిగ్రహాష్టకం

దేవి క్రోడముఖి త్వదంఘ్రికమలద్వంద్వానురక్తాత్మనే
మహ్యం ద్రుహ్యతి యో మహేశి మనసా కాయేన వాచా నరః ।
తస్యాశు త్వదయోగ్రనిష్ఠురహలాఘాతప్రభూతవ్యథా-
-పర్యస్యన్మనసో భవంతు వపుషః ప్రాణాః ప్రయాణోన్ముఖాః ॥ 01 ॥

దేవి త్వత్పదపద్మభక్తివిభవప్రక్షీణదుష్కర్మణి
ప్రాదుర్భూతనృశంసభావమలినాం వృత్తిం విధత్తే మయి ।
యో దేహీ భువనే తదీయహృదయాన్నిర్గత్వరైర్లోహితైః
సద్యః పూరయసే కరాబ్జచషకం వాంఛాఫలైర్మామపి ॥ 02 ॥

చండోత్తుండవిదీర్ణదుష్టహృదయప్రోద్భిన్నరక్తచ్ఛటా
హాలాపానమదాట్టహాసనినదాటోపప్రతాపోత్కటమ్ ।
మాతర్మత్పరిపంథినామపహృతైః ప్రాణైస్త్వదంఘ్రిద్వయం
ధ్యానోడ్డామరవైభవోదయవశాత్ సంతర్పయామి క్షణాత్ ॥ 03 ॥

శ్యామాం తామరసాననాంఘ్రినయనాం సోమార్ధచూడాం జగ-
-త్త్రాణవ్యగ్రహలాయుధాగ్రముసలాం సంత్రాసముద్రావతీమ్ ।
యే త్వాం రక్తకపాలినీం హరవరారోహే వరాహాననాం
భావైః సందధతే కథం క్షణమపి ప్రాణంతి తేషాం ద్విషః ॥ 04 ॥

విశ్వాధీశ్వరవల్లభే విజయసే యా త్వం నియంత్రాత్మికా
భూతానాం పురుషాయుషావధికరీ పాకప్రదాకర్మణామ్ ।
త్వాం యాచే భవతీం కిమప్యవితథం యో మద్విరోధీజన-
-స్తస్యాయుర్మమ వాంఛితావధిభవేన్మాతస్తవైవాజ్ఞయా ॥ 05 ॥

మాతః సమ్యగుపాసితుం జడమతిస్త్వాం నైవ శక్నోమ్యహం
యద్యప్యన్వితదైశికాంఘ్రికమలానుక్రోశపాత్రస్య మే ।
జంతుః కశ్చన చింతయత్యకుశలం యస్తస్య తద్వైశసం
భూయాద్దేవి విరోధినో మమ చ తే శ్రేయః పదాసంగినః ॥ 06 ॥

వారాహీ వ్యథమానమానసగలత్సౌఖ్యం తదాశాబలిం
సీదంతం యమప్రాకృతాధ్యవసితం ప్రాప్తాఖిలోత్పాదితమ్ ।
క్రందద్బంధుజనైః కలంకితకులం కంఠవ్రణోద్యత్కృమిం
పశ్యామి ప్రతిపక్షమాశు పతితం భ్రాంతం లుఠంతం ముహుః ॥ 07 ॥

వారాహీ త్వమశేషజంతుషు పునః ప్రాణాత్మికా స్పందసే
శక్తివ్యాప్తచరాచరా ఖలు యతస్త్వామేతదభ్యర్థయే ।
త్వత్పాదాంబుజసంగినో మమ సకృత్పాపం చికీర్షంతి యే
తేషాం మా కురు శంకరప్రియతమే దేహాంతరావస్థితిమ్ ॥ 08 ॥

॥ ఇతి శ్రీ వారాహీ నిగ్రహాష్టకం ॥

వారాహీ

దశమహా విద్యలు

నిత్య స్తోత్రావళి

Varahi Anugraha Ashtakam – శ్రీ వారాహి అనుగ్రహాష్టకం

శ్రీ వారాహి అనుగ్రహాష్టకం

ఈశ్వర ఉవాచ:
మాతర్జగద్రచననాటకసూత్రధార-
-స్త్వద్రూపమాకలయితుం పరమార్థతోఽయమ్ ।
ఈశోఽప్యమీశ్వరపదం సముపైతి తాదృక్
కోన్యః స్తవం కిమివ తావకమాదధాతు ॥ 01 ॥

నామాని కింతు గృణతస్తవ లోకతుండే
నాడంబరం స్పృశతి దండధరస్య దండః ।
తల్లేశలంఘితభవాంబునిధీ యతోఽయం
త్వన్నామసంస్మృతిరియం న పునః స్తుతిస్తే ॥ 02 ॥

త్వచ్చింతనాదరసముల్లసదప్రమేయా-
-ఽఽనందోదయాత్సముదితః స్ఫుటరోమహర్షః ।
మాతర్నమామి సుదినాని సదేత్యముం త్వా-
-మభ్యర్థయేర్థమితి పూరయతాద్దయాలో ॥ 03 ॥

ఇంద్రేందుమౌలివిధికేశవమౌలిరత్న-
-రోచిశ్చయోజ్జ్వలితపాదసరోజయుగ్మే ।
చేతో నతౌ మమ సదా ప్రతిబింబితా త్వం
భూయో భవాని భవనాశిని భావయే త్వామ్ ॥ 04 ॥

లీలోద్ధృతక్షితితలస్య వరాహమూర్తే-
-ర్వారాహమూర్తిరఖిలార్థకరీ త్వమేవ ।
ప్రాలేయరశ్మిసుకలోల్లసితావతంసా
త్వం దేవి వామతనుభాగహరా హరస్య ॥ 05 ॥

త్వామంబ తప్తకనకోజ్జ్వలకాంతిమంత-
-ర్యే చింతయంతి యువతీతనుమం గలాంతామ్ ।
చక్రాయుధాం త్రినయనాం వరపోత్రివక్త్రాం
తేషాం పదాంబుజయుగం ప్రణమంతి దేవాః ॥ 06 ॥

త్వత్సేవనస్ఖలితపాపచయస్య మాత-
-ర్మోక్షోఽపి యస్య న సతో గణనాముపైతి ।
దేవాసురోరగనృపూజితపాదపీఠః
కస్యాః శ్రియః స ఖలు భాజనతాం న ధత్తే ॥ 07 ॥

కిం దుష్కరం త్వయి మనోవిషయం గతాయాం
కిం దుర్లభం త్వయి విధానువదర్చితాయామ్ ।
కిం దుర్భరం త్వయి సకృత్స్మృతిమాగతాయాం
కిం దుర్జయం త్వయి కృతస్తుతివాదపుంసామ్ ॥ 08 ॥

వారాహీ

దశమహా విద్యలు

నిత్య స్తోత్రావళి

Varahi Devi Stuti – వారాహి దేవి స్తుతి

వారాహి దేవి స్తుతి

ధ్యానం:
కృష్ణ వర్ణాం తు వారాహీం మహిషస్తాం మహోదరీమ్
వరదాం దండినీం ఖడ్గం బిభ్రతీమ్ దక్షిణే కరే
ఖేట పాత్రా2భయాన వామే సూకరాస్యాం భజామ్యహం

స్తుతి:
నమోస్తు దేవి వారాహి జయైకార స్వరూపిణి
జపిత్వా భూమిరూపేణ నమో భగవతః ప్రియే ॥ 01 ॥

జయక్రోడాస్తు వారాహి దేవిత్వాంచ నామామ్యహం
జయవారాహి విశ్వేశి ముఖ్య వారాహితే నమః ॥ 02 ॥

ముఖ్య వారాహి వందేత్వాం అంధే అంధినితే నమః
సర్వ దుష్ట ప్రదుష్టానం వాక్ స్థంబనకరీ నమః ॥ 03 ॥

నమస్తంభిని స్తంభేత్వాం జృంభే జృంభిణితే నమః
రంధేరంధిని వందేత్వాం నమో దేవీతు మోహినీ ॥ 04 ॥

స్వభక్తానాంహి సర్వేషాం సర్వ కామ ప్రదే నమః
బాహ్వా స్తంభకరీ వందే చిత్త స్తంభినితే నమః ॥ 05 ॥

చక్షు స్తంభిని త్వాం ముఖ్య స్తంభినీతే నమో నమః
జగత్ స్తంభిని వందేత్వవం జిహ్వవ స్తంభన కారిణి ॥ 06 ॥

స్తంభనం కురు శత్రూణాం కురమే శత్రు నాశనం
శీఘ్రం వశ్యంచ కురతే యోగ్నే వాచాత్మకే నమః ॥ 07 ॥

ట చతుష్టయ రూపేత్వాం శరణం సర్వదాభజే
హోమాత్మకే ఫట్ రూపేణ జయాద్యాన కేశివే ॥ 08 ॥

దేహిమే సకలాన్ కామాన్ వారాహి జగదీశ్వరీ
నమస్తుభ్యం నమస్తుభ్యం నమస్తుభ్యం నమోనమః ॥ 09 ॥

అనుగ్రహ స్తుతి:
కిం దుష్కరం త్వయి మనో విష్యం గతాయాం
కిం దుర్లభం త్వయి విధానవ దార్చితాయాం
కిం దుష్కరం త్వయి పకృతసృతి మాగతాయాం
కిం దుర్జయం త్వయి కృతస్తుతి వాదపుంసాం

వారాహీ

దశమహా విద్యలు

నిత్య స్తోత్రావళి