SRI KALIKA KAVACHAM (TRAILOKYA VIJAYAM)- శ్రీ కాళికా కవచం (త్రైలోక్య విజయం )

శ్రీ కాళికా కవచం (త్రైలోక్య విజయం )

శ్రీ సదాశివ ఉవాచ:
త్రైలోక్య విజయస్యాస్య కవచస్య ఋషిః శివః ।
ఛందోஉనుష్టు ప్ దేవతా చ ఆధ్యా కాళీ ప్రకీర్తితా ॥ 01 ॥

మాయాబీజం బీజమితి రమా శక్తి రుదాహృత ।
క్రీం కీలకం కామ్యసిద్దౌ వినియోగః ప్రకీర్తితః ॥ 02 ॥

అధ కవచమ్:
హ్రీమాద్యా మే శిరః పాతు శ్రీం కాళీ వదనం మమ ।
హృదయం క్రీం పరా శక్తి: పాయాత్కంఠం పరాత్పరా ॥ 03 ॥

నేత్రే పాతు జగద్ధాత్రీ కర్ణౌ రక్షతు శంకరీ ।
ఘ్రాణం పాతు మహామాయా రసనాం సర్వమంగళా ॥ 04 ॥

దంతాన్ రక్షతు కౌమారీ కపోలౌ కమలాలయా ।
ఓష్టాధరౌ క్షమా రక్షేచ్చిబుకం చారుహాసిని ॥ 05 ॥

గ్రీవాం పాయాత్కులేశాని కకుత్పాతు కృపామయీ ।
ద్వౌ బాహూ బాహుదా రక్షేత్కరౌ కైవల్యదాయిని ॥ 06 ॥

స్కందౌ కపర్ధినీ పాతు పృష్ఠం త్రైలోక్యతారిణి ।
పార్శ్వే పాయాదపర్ణా మే కటిం మే కమఠాసనా ॥ 07 ॥

నాభౌ పాతు విశాలాక్షీ ప్రజాస్థానం ప్రభావతీ ।
ఊరూ రక్షతు కల్యాణీ పాదౌ మే పాతు పార్వతీ ॥ 08 ॥

జయదుర్గాఽవతు ప్రాణాన్ సర్వాంగం సర్వసిద్ధిదా ।
రక్షాహీనం తు యత్ స్థానం వర్జితం కవచేన చ ॥ 09 ॥

తత్సర్వం మే సదా రక్షేదాద్యా కాళీ సనాతనీ ।
ఇతి తే కథితం దివ్యం త్రైలోక్యవిజయాభిధమ్ ॥ 10 ॥

కవచం కాళికాదేవ్యా ఆద్యయా: పరమాద్భుతమ్ ।
పూజాకాలే పఠేద్యస్తు ఆద్యాధికృతమానసః ॥ 11 ॥

సర్వాన్ కామానవాప్నోతి తస్యాద్యాశు ప్రసీదతి ।
మంత్రసిద్ధిర్భవేదాశు కింకరాః క్షుద్రసిద్ధయః ॥ 12 ॥

అపుత్రో లభతే పుత్రం ధనార్ధీ ప్రాప్నుయాద్ధనమ్ ।
విద్యార్ధీ లభతే విద్యామ్ కామీ కామానవాప్నుయాత్ ॥ 13 ॥

సహస్రావృతపాఠేన వర్మణోஉస్య పురస్క్రియా ।
పురశ్చరణసంపన్నం యధోక్తఫలదం భవేత్ ॥ 14 ॥

చందనాగరుకస్తూరీకుంకుమై రక్తచందనైః ।
భూర్జే విలిఖ్య గుటికాం స్వర్ణస్థాం ధారయేద్యది ॥ 15 ॥

శిఖాయాం దక్షిణే బాహౌ కంఠే వా సాధకః కటౌ ।
తస్యాద్యా కాళికా వశ్యా వాంఛితార్ధం ప్రయచ్ఛతి ॥ 16 ॥

న కుత్రాపి భయం తస్య సర్వత్ర విజయీ కవిః ।
అరోగీ చిరజీవీ స్యాద్భలవాన్ ధారణక్షమః ॥ 17 ॥

సర్వ విద్యాసు నిపుణః సర్వశాస్త్రార్థతత్త్వవిత్ ।
వశే తస్య మహీపాలా భోగమోక్షౌ కరస్థితౌ ॥ 18 ॥

॥ ఇతి మహనిర్వాణతంత్రే సప్తమోల్లాసే
త్రైలోక్యవిజయకవచం నామ శ్రీ కాళికా కవచమ్ ॥

నిత్య స్తోత్రావళి

నిత్య పారాయణ శ్లోకాలు

స్తోత్రాలు

పంచాంగం