చిన్నమస్తా ధ్యానం
ప్రత్యాలీఢపదాం సదైవ దధతీం ఛిన్నం శిరః కర్త్రికాం
దిగ్వస్త్రాం స్వకబన్దశోణితసుధాధారాం పిబన్తీం ముదా ।
నాగాబద్ధశిరోమణిం త్రినయనాం హృద్యుత్పలాల్కృతాం
రత్యాసక్తమనోభవోపరి దృఢాం వన్దే జపాసన్నిభామ్‌ ॥ 01 ॥
దక్షే చాతిసితా విముక్తచికురా కర్త్రీం తథా ఖర్పరమ్‌
హస్తాభ్యాం దధతీ రజోగుణభవా నామ్నాపి సా వర్షినీ ।
దేవ్యాశ్చిన్నకబన్థతః పతదసృగ్ధారాం పిబన్తీ ముదా
నాగాబద్ధశిరోమణిర్మనువిదా ధ్యేయా సదా సా సురైః ॥ 02 ॥
ప్రత్యాలీఢపదా కబన్థవిగలద్రక్తం పిబన్తీ ముదా
సైషా యా ప్రలయే సమస్తభువనం భోక్తుం క్షమా తామసీ ।
శక్తిః సాపి పరాత్పరా భగవతీ నామ్నా పరా డాకినీ
ధ్యేయా ధ్యానపరైః సదా సవినయం భక్తేష్టభూతిప్రదా ॥ 03 ॥
భాస్వన్మణ్డలమధ్యగాం నిజశిరశ్చిన్నం వికీర్ణాలకమ్‌
స్ఫారాస్యం ప్రపిబద్గలాత్స్వరుధిరం వామే కరే బిభ్రతీమ్‌ ।
యాభాసక్తరతిస్మరోపరిగతాం సఖ్యో నిజే డాకినీ
వర్ణిన్యౌ పరిదృశ్య మోదకలితాం శ్రీఛిన్నమస్తాం భజే ॥ 04 ॥
స్వనాభౌ నీరజం ధ్యాయామ్యర్ధం వికసితం సితమ్‌ ।
తత్పద్మకోశమధ్యే తు మణ్డలం చణ్డరోచిషః ॥ 05 ॥
జపాకుసుమస్కశం రక్తబన్థూకసన్నిభమ్‌ ।
రజస్సత్వతమోరేఖా యోనిమణ్డలమణ్డితమ్‌ ॥ 06 ॥
తన్మధ్యే తాం మహాదేవీం సూర్యకోటిసమప్రభామ్‌ ।
ఛిన్నమస్తాం కరే వామే ధారయన్తీం స్వమస్తకమ్‌ ॥ 07 ॥
ప్రసారితముఖీం దేవీం లేలిహానాగ్రజిహ్వికామ్‌ ।
పిబన్తీం రౌధిరీం ధారాం నిజకణ్ఠవినిర్గతామ్‌ ॥ 08 ॥
వికీర్ణకేశపాశాం చ నానాపుష్పసమన్వితామ్‌ ।
దక్షిణే చ కరే కర్త్రీం ముణ్డమాలావిభూషితామ్‌ ॥ 09 ॥
దిగమ్బరాం మహాఘోరాం ప్రత్యాలీఢపదే స్థితామ్‌ ।
అస్థిమాలాధరాం దేవీం నాగయజ్ఞేపవీతినీమ్‌ ॥ 10 ॥
రతికామోపరిష్ఠాం చ సదా ధ్యాతాం చ మన్త్రిభిః ।
సదా షోడశవర్షీయాం పీనోన్నతపయోధరామ్‌ ॥ 11 ॥
విపరీతరతాసక్తౌ ధ్యాయామి రతిమన్మథౌ ।
శాకినీవర్ణినీయుక్తాం వామదక్షిణయోగతః ॥ 12 ॥
దేవీగలోఛ్ఛలద్రక్తధారాపానం ప్రకుర్వతీమ్‌ ।
వర్ణినీం లోహితాం సౌమ్యాం ముక్తకేశీం దిగమ్భరామ్‌ ॥ 13 ॥
కపాలకర్త్రికాహస్తాం వామదక్షిణయోగతః ।
నాగయజ్ఞేపవీతాఢ్యాం జ్వలత్తేజోమయీమివ ॥ 14 ॥
ప్రత్యాలీఢపదాం విద్యాం నానాల్కరభూషితామ్‌ ।
సదా ద్వాదశవర్షీయాం అస్థిమాలావిభూషితామ్‌ ॥ 15 ॥
డాకినీం వామపార్శ్వే తు కల్పసూర్యానలోపమామ్‌ ।
విద్యుజ్జటాం త్రినయనాం దన్తప్త్కబలాకినీమ్‌ ॥ 16 ॥
దంష్ట్రాకరాలవదనాం పీనోన్నతపయోధరామ్‌ ।
మహాదేవీం మహాఘోరాం ముక్తకేశీం దిగమ్బరామ్‌ ॥ 17 ॥
లేలిహానమహాజిహ్వాం ముణ్డమాలావిభూషితామ్‌ ।
కపాలకర్త్రికాహస్తాం వామదక్షిణయోగతః ॥ 18 ॥
దేవీగలోచ్చలద్రక్తధారాపానం ప్రకుర్వతీమ్‌ ।
కరస్థితకపాలేన భీషణేనాతిభీషణామ్‌ ॥ 19 ॥
॥ ఆభ్యాం నిషేవ్యమాణాం తాం కలయే జగదీశ్వరీమ్‌ ॥
No comments:
Post a Comment