Sri Bhuvaneshwaree Sahasra Nama Sthotram - శ్రీ భువనేశ్వరీ సహస్ర నామ స్తోత్రం

శ్రీ భువనేశ్వరీ సహస్ర నామ స్తోత్రం

శ్రీదేవ్యువాచ - శ్రీపార్వత్యువాచ -
దేవ దేవ మహాదేవ సర్వశాస్త్రవిశారద ! ।
కపాలఖట్వాంగధర ! చితాభస్మానులేపన  ॥ 01 ॥

యా ఆద్యా ప్రకృతిర్నిత్యా సర్వశాస్త్రేషు గోపితా ।
తస్యాః శ్రీభువనేశ్వర్యా నామ్నాం పుణ్యం సహస్రకం ॥ 02 ॥

కథయస్వ మహాదేవ ! యథా దేవీ ప్రసీదతి ।
సాధు పృష్టం మహాదేవి ! సాధకానాం హితాయ వై ॥ 03 ॥

సాధు లోకహితాయ చ

ఈశ్వర ఉవాచ - శ్రీమహేశ్వర ఉవాచ -

యా ఆద్యా ప్రకృతిర్నిత్యా సర్వశాస్త్రేషు గోపితా ।
యస్యాః స్మరణమాత్రేణ సర్వపాపైః ప్రముచ్యతే ॥ 04 ॥

ఆరాధనాద్భవేద్యస్యా జీవన్ముక్తో న సంశయః ।
తస్యా నామసహస్రం వై కథయామి సమాసతః ॥ 05 ॥

తస్యా నామసహస్రాణి కథయామి శ్రుణుష్వ తత్‌

వినియోగః -
అస్య శ్రీభువనేశ్వర్యా సహస్రనామస్తోత్రస్య దక్షిణామూర్తిఋషిః,
పంక్తిశ్చందః, ఆద్యా శ్రీభువనేశ్వరీదేవతా, హ్రీం బీజం,
శ్రీం శక్తిః, క్లీం కీలకం, మమ శ్రీధర్మార్థకామమోక్షార్థే 
జపే వినియోగః ।

ఋష్యాదిన్యాసః -
శ్రీదక్షిణామూర్తిఋషయే నమః శిరసి ।
పంక్తిశ్చందసే నమః ముఖే ।
ఆద్యా శ్రీభువనేశ్వరీదేవతాయై నమః హృది ।
హ్రీం బీజాయ నమః గుహ్వే ।
శ్రీం శక్తయే నమః నాభౌ ।
క్లీం కీలకాయ నమః పాదయోః ।
ధర్మార్థకామమోక్షార్థే వినియోగాయ నమః సర్వాంగే ।

అథ సహస్రనామస్తోత్రం ।
ఆద్యా మాయా పరా శక్తిః శ్రీం హ్రీం క్లీం భువనేశ్వరీ ।
ఆద్యా కమలా వాణీ మాయా శ్రీభువనేశ్వరీ
భువనా భావనా భవ్యా భవానీ భవభావినీ ॥ 06॥
భవమోచనీ

రుద్రాణీ రుద్రభక్తా చ తథా రుద్రప్రియా సతీ ।
ఉమా కాత్యాయనీ దుర్గా మంగలా సర్వమంగలా ॥ 07 ॥
ఉమా కామేశ్వరీ

త్రిపురా పరమేశానీ త్రిపురా సుందరీ ప్రియా ।
రమణా రమణీ రామా రామకార్యకరీ శుభా ॥ 08 ॥

బ్రాహ్మీ నారాయణీ చండీ చాముండా ముండనాయికా ।
మాహేశ్వరీ చ కౌమారీ వారాహీ చాపరాజితా ॥ 09 ॥

మహామాయా ముక్తకేశీ మహాత్రిపురసుందరీ ।
సుందరీ శోభనా రక్తా రక్తవస్త్రాపిధాయినీ ॥ 10 ॥

రక్తాక్షీ రక్తవస్త్రా చ రక్తబీజాతిసుందరీ ।
రక్తచందనసిక్తాంగీ రక్తపుష్పసదాప్రియా ॥ 11 ॥

కమలా కామినీ కాంతా కామదేవసదాప్రియా ।
లక్ష్మీ లోలా చంచలాక్షీ చంచలా చపలా ప్రియా ॥ 12 ॥

భైరవీ భయహర్త్రీ చ మహాభయవినాశినీ ।
భయంకరీ మహాభీమా భయహా భయనాశినీ ॥ 13 ॥

శ్మశానే ప్రాంతరే దుర్గే సంస్మృతా భయనాశినీ ।
జయా చ విజయా చైవ జయపూర్ణా జయప్రదా ॥ 14 ॥

యమునా యామునా యామ్యా యామునజా యమప్రియా ।
సర్వేషాం జనికా జన్యా జనహా జనవర్ధినీ ॥ 15 ॥

కాలీ కపాలినీ కుల్లా కాలికా కాలరాత్రికా ।
మహాకాలహృదిస్థా చ కాలభైరవరూపిణీ ॥ 16 ॥

కపాలఖట్వాంగధరా పాశాంకుశవిధారిణీ ।
అభయా చ భయా చైవ తథా చ భయనాశినీ ॥ 17 ॥

మహాభయప్రదాత్రీ చ తథా చ వరహస్తినీ ।
గౌరీ గౌరాంగినీ గౌరా గౌరవర్ణా జయప్రదా ॥ 18 ॥

ఉగ్రా ఉగ్రప్రభా శాంతిః శాంతిదాஉశాంతినాశినీ ।
ఉగ్రతారా తథా చోగ్రా నీలా చైకజటా తథా ॥ 19 ॥

హాంహాం హూం హూం తథా తారా తథా చ సిద్ధికాలికా ।
తారా నీలా చ వాగీశీ తథా నీలసరస్వతీ ॥ 20 ॥

గంగా కాశీ సతీ సత్యా సర్వతీర్థమయీ తథా ।
తీర్థరూపా తీర్థపుణ్యా తీర్థదా తీర్థసేవికా ॥ 21 ॥

పుణ్యదా పుణ్యరూపా చ పుణ్యకీర్తి ప్రకాశినీ ।
పుణ్యకాలా పుణ్యసంస్థా తథా పుణ్యజనప్రియా ॥ 22 ॥

తులసీ తోతులాస్తోత్రా రాధికా రాధనప్రియా ।
సత్యాసత్యా సత్యభామా రుక్మిణీ కృష్ణవల్లభా ॥ 23 ॥

దేవకీ కృష్ణమాతా చ సుభద్రా భద్రరూపిణీ ।
మనోహరా తథా సౌమ్యా శ్యామాంగీ సమదర్శనా ॥ 24 ॥

ఘోరరూపా ఘోరతేజా ఘోరవత్ప్రియదర్శనా । 
కుమారీ బాలికా క్షుద్రా కుమారీరూపధారిణీ ॥ 25 ॥

యువతీ యువతీరూపా యువతీరసరంజకా ।
పీనస్తనీ క్షూద్రమధ్యా ప్రౌఢా మధ్యా జరాతురా ॥ 26 ॥

అతివృద్దా స్థాణురూపా చలాంగీ చంచలా చలా ।
దేవమాతా దేవరూపా దేవకార్యకరీ శుభా ॥ 27 ॥

దేవమాతా దితిర్దక్షా సర్వమాతా సనాతనీ ।
పానప్రియా పాయనీ చ పాలనా పాలనప్రియా ॥ 28 ॥

మత్స్యాశీ మాంసభక్ష్యా చ సుధాశీ జనవల్లభా ।
తపస్వినీ తపీ తప్యా తపఃసిద్ధిప్రదాయినీ ॥ 29 ॥

హవిష్యా చ హవిర్భోక్త్రీ హవ్యకవ్యనివాసినీ ।
యజుర్వేదా వశ్యకరీ యజ్ఞాంగీ యజ్ఞవల్లభా ॥ 30 ॥

దక్షా దాక్షాయిణీ దుర్గా దక్షయజ్ఞవినాశినీ ।
పార్వతీ పర్వతప్రీతా తథా పర్వతవాసినీ ॥ 31 ॥

హైమీ హర్యా హేమరూపా మేనా మాన్యా మనోరమా ।
కైలాసవాసినీ ముక్తా శర్వక్రీడావిలాసినీ ॥ 32 ॥

చార్వంగీ చారురూపా చ సువక్త్రా చ శుభాననా ।
చలత్కుండలగండశ్రీర్లసత్కుండలధారిణీ ॥ 33 ॥

మహాసింహాసనస్థా చ హేమభూషణభూషితా ।
హేమాంగదా హేమభూషా చ సూర్యకోటి సమప్రభా ॥ 34 ॥

బాలాదిత్యసమాకాంతిః సిందూరార్చితవిగ్రహా ।
యవా యావకరూపా చ రక్తచందనరూపధృక్‌ ॥ 35 ॥

కోటరీ కోటరాక్షీ చ నిర్లజ్జా చ దిగంబరా ।
పూతనా బాలమాతా చ శూన్యాలయనివాసినీ ॥ 36 ॥

శ్మశానవాసినీ శూన్యా హృద్యా చతురవాసినీ ।
మధుకైటభహంత్రీ చ మహిషాసురఘాతినీ ॥ 37 ॥

నిశుంభశుంభమథనీ చండముండవినాశినీ ।
శివాఖ్యా శివరూపా చ శివదూతీ శివప్రియా ॥ 38 ॥

శివదా శివవక్షఃస్థా శర్వాణీ శివకారిణీ ।
ఇంద్రాణీ చేంద్రకన్యా చ రాజకన్యా సురప్రియా ॥ 39 ॥

లజ్జాశీలా సాధుశీలా కులస్త్రీ కులభూషికా ।
మహాకులీనా నిష్కామా నిర్లజ్జా కులభూషణా ॥ 40 ॥

కులీనా కులకన్యా చ తథా చ కులభూషితా ।
అనంతానంతరూపా చ అనంతాసురనాశినీ ॥ 41 ॥

హసంతీ శివసంగేన వాంఛితానందదాయినీ ।
నాగాంగీ నాగభూషా చ నాగహారవిధారిణీ ॥ 42 ॥

ధరిణీ ధారిణీ ధన్యా మహాసిద్ధిప్రదాయినీ ।
డాకినీ శాకినీ చైవ రాకినీ హాకినీ తథా ॥ 43 ॥

భూతా ప్రేతా పిశాచీ చ యక్షిణీ ధనదార్చితా ।
ధృతిః కీర్తిః స్మృతిర్మేధా తుష్టిఃపుష్టిరుమా రుషా ॥ 44 ॥

శాంకరీ శాంభవీ మీనా రతిః ప్రీతిః స్మరాతురా ।
అనంగమదనా దేవీ అనంగమదనాతురా ॥ 45 ॥

భువనేశీ మహామాయా తథా భువనపాలినీ ।
ఈశ్వరీ చేశ్వరీప్రీతా చంద్రశేఖరభూషణా ॥ 46 ॥

చిత్తానందకరీ దేవీ చిత్తసంస్థా జనస్య చ ।
అరూపా బహురూపా చ సర్వరూపా చిదాత్మికా ॥ 47 ॥

అనంతరూపిణీ నిత్యా తథానంతప్రదాయినీ ।
నందా చానందరూపా చ తథా?నందప్రకాశినీ ॥ 48 ॥

సదానందా సదానిత్యా సాధకానందదాయినీ ।
వనితా తరుణీ భవ్యా భవికా చ విభావినీ ॥ 49 ॥

చంద్రసూర్యసమా దీప్తా సూర్యవత్పరిపాలినీ ।
నారసింహీ హయగ్రీవా హిరణ్యాక్షవినాశినీ ॥ 50 ॥

వైష్ణవీ విష్ణుభక్తా చ శాలగ్రామనివాసినీ ।
చతుర్భుజా చాష్టభుజా సహస్రభుజసంజ్ఞితా ॥ 51 ॥

ఆద్యా కాత్యాయనీ నిత్యా సర్వాద్యా సర్వదాయినీ ।
సర్వచంద్రమయీ దేవీ సర్వవేదమయీ శుభా ॥ 52 ॥

సవదేవమయి దేవీ సర్వలోకమయీ పురా ।
సర్వసమ్మోహినీ దేవీ సర్వలోకవశంకరీ ॥ 53 ॥

రాజినీ రంజినీ రాగా దేహలావణ్యరంజితా ।
నటీ నటప్రియా ధూర్తా తథా ధూర్తజనార్దినీ ॥ 54 ॥

మహామాయా మహామోహా మహాసత్త్వవిమోహితా ।
బలిప్రియా మాంసరుచిర్మధుమాంసప్రియా సదా ॥ 55 ॥

మధుమత్తా మాధవికా మధుమాధవరూపికా ।
దివామయీ రాత్రిమయీ సంధ్యా సంధిస్వరూపిణీ ॥ 56 ॥

కాలరూపా సూక్ష్మరూపా సూక్ష్మిణీ చాతిసూక్ష్మిణీ ।
తిథిరూపా వారరూపా తథా నక్షత్రరూపిణీ ॥ 57 ॥

సర్వభూతమయీ దేవీ పంచభూతనివాసినీ ।
శూన్యాకారా శూన్యరూపా శూన్యసంస్థా చ స్తంభినీ ॥ 58 ॥

ఆకాశగామినీ దేవీ జ్యోతిశ్చక్రనివాసినీ ।
గ్రహాణాం స్థితిరూపా చ రుద్రాణీ చక్రసంభవా ॥ 59 ॥

ఋషీణాం బ్రహ్మపుత్రాణాం తపఃసిద్ధిప్రదాయినీ ।
అరుంధతీ చ గాయత్రీ సావిత్రీ సత్త్వరూపిణీ ॥ 60 ॥

చితాసంస్థా చితారూపా చిత్తసిద్ధిప్రదాయినీ ।
శవస్థా శవరూపా చ శవశత్రునివాసినీ ॥ 61 ॥

యోగినీ యోగరూపా చ యోగినాం మలహారిణీ ।
సుప్రసన్నా మహాదేవీ యామునీ ముక్తిదాయినీ ॥ 62 ॥

నిర్మలా విమలా శుద్ధా శుద్ధసత్వా జయప్రదా ।
మహావిద్యా మహామాయా మోహినీ విశ్వమోహినీ ॥ 63 ॥

కార్యసిద్ధికరీ దేవీ సర్వకార్యనివాసినీ ।
కార్యకార్యకరీ రౌద్రీ మహాప్రలయకారిణీ ॥ 64 ॥

స్త్రీపుంభేదాహ్యభేద్యా చ భేదినీ భేదనాశినీ ।
సర్వరూపా సర్వమయీ అద్వైతానందరూపిణీ ॥ 65 ॥

ప్రచండా చండికా చండా చండాసురవినాశినీ ।
సుమస్తా బహుమస్తా చ ఛిన్నమస్తా! సునాశినీ ॥ 66 ॥

అరూపా చ విరూపా చ చిత్రరూపా చిదాత్మికా ।
బహుశస్త్రా అశస్త్రా చ సర్వశస్త్రప్రహారిణీ ॥ 67 ॥

శాస్త్రార్ధా శాస్త్రవాదా చ నానా శాస్త్రార్థవాదినీ ।
కావ్యశాస్త్రప్రమోదా చ కావ్యాలంకారవాసినీ ॥ 68 ॥

రసజ్ఞా రసనా జిహ్వా రసామోదా రసప్రియా ।
నానాకౌతుకసంయుక్తా నానారసవిలాసినీ ॥ 69 ॥

అరూపా చ స్వరూపా చ విరూపా చ సురూపిణీ ।
రూపావస్యా తథా జీవా వేశ్యాద్యా వేశధారిణీ ॥ 70 ॥

నానావేశధరా దేవీ నానావేశేషు సంస్థితా ।
కురూపా కుటిలా కృష్ణా కృష్ణారూపా చ కాలికా ॥ 71 ॥

లక్ష్మీప్రదా మహాలక్ష్మీః సర్వలక్షణసంయుతా ।
కుబేరగృహసంస్థా చ ధనరూపా ధనప్రదా ॥ 72 ॥

నానారత్నప్రదా దేవీ రత్నఖండేషు సంస్థితా ।
వర్ణసంస్థా వర్ణరూపా సర్వవర్ణమయీ సదా ॥ 73 ॥

ఓంకారరూపిణీ వాచ్యా ఆదిత్యజ్యోతీరూపిణీ ।
సంసారమోచినీ దేవీ సంగ్రామే జయదాయినీ ॥ 74 ॥

జయరూపా జయాఖ్యా చ జయినీ జయదాయినీ ।
మానినీ మానరూపా చ మానభంగప్రణాశినీ ॥ 75 ॥

మాన్యా మానప్రియా మేధా మానినీ మానదాయినీ ।
సాధకాసాధకాసాధ్యా సాధికా సాధనప్రియా ॥ 76 ॥

స్థావరా జంగమా ప్రోక్తా చపలా చపలప్రియా ।
ఋద్దిదా ఋద్దిరూపా చ సిద్దిదా సిద్దిదాయినీ ॥ 77 ॥

క్షేమంకరీ శంకరీ చ సర్వసమ్మోహకారిణీ ।
రంజితా రంజినీ యా చ సర్వవాంఛాప్రదాయినీ ॥ 78 ॥

భగలింగప్రమోదా చ భగలింగనివాసినీ ।
భగరూపా భగాభాగ్యా లింగరూపా చ లింగినీ ॥ 79 ॥

భగగీతిర్మహాప్రీతిర్లింగగీతిర్మహాసుఖా ।
స్వయంభూః కుసుమారాధ్యా స్వయంభూః కుసుమాకులా ॥ 80 ॥

స్వయంభూః పుష్పరూపా చ స్వయంభూః కుసుమప్రియా ।
శుక్రకూపా మహాకూపా శుక్రాసవనివాసినీ ॥ 81 ॥

శుక్రస్థా శుక్రిణీ శుక్రా శుక్రపూజకపూజితా ।
కామాక్షా కామరూపా చ యోగినీ పీఠవాసినీ ॥ 82 ॥

సర్వపీఠమయీ దేవీ పీఠపూజానివాసినీ ।
అక్షమాలాధరా దేవీ పానపాత్రవిధారిణీ॥ 83 ॥

శూలినీ శూలహస్తా చ పాశినీ పాశరూపిణీ ।
ఖడ్గినీ గదినీ చైవ తథా సర్వాస్త్రధారిణీ ॥ 84 ॥

భావ్యా భవ్యా భవానీ సా భవముక్తిప్రదాయినీ ।
చతురా చతురప్రీతా చతురాననపూజితా ॥ 85 ॥

దేవస్తవ్యా దేవపూజ్యా సర్వపూజ్యా సురేశ్వరీ ।
జననీ జనరూపా చ జనానాం చిత్తహారిణీ ॥ 86 ॥

జటిలా కేశబద్దా చ సుకేశీ కేశబద్ధికా ।
అహింసా ద్వేషికా ద్వేష్యా సర్వద్వేషవినాశినీ ॥ 87 ॥

ఉచ్చాటినీ ద్వేషినీ చ మోహినీ మధురాక్షరా ।
క్రీడా క్రీడకలేఖాంకకారణాకారకారికా ॥ 88 ॥

సర్వజ్ఞా సర్వకార్యా చ సర్వభక్షా సురారిహా ।
సర్వరూపా సర్వశాంతా సర్వేషాం ప్రాణరూపిణీ ॥ 89 ॥

సృష్టిస్థితికరీ దేవీ తథా ప్రలయకారిణీ ।
ముగ్ధా సాధ్వీ తథా రౌద్రీ నానామూర్తివిధారిణీ ॥ 90 ॥

ఉక్తాని యాని దేవేశి అనుక్తాని మహేశ్వరి ।
యత్‌ కించిద్‌ దృశ్యతే దేవి తత్‌ సర్వం భువనేశ్వరీ ॥ 91 ॥

ఇతి శ్రీభువనేశ్వర్యా నామాని కథితాని తే ।
సహస్రాణి మహాదేవి ఫలం తేషాం నిగద్యతే ॥ 92 ॥

యః పఠేత్‌ ప్రాతరుత్థాయ చార్ధరాత్రే తథా ప్రియే ।
ప్రాతఃకాలే తథా మధ్యే సాయాహ్నే హరవల్లభే ॥ 93 ॥

యత్ర తత్ర పఠిత్వా చ భక్త్యా సిద్ధిర్న సంశయః ।
పఠేద్‌ వా పాఠయేద్‌ వాపి శృణుయాఛ్చ్రావయేత్తథా ॥ 94 ॥

తస్య సర్వం భవేత్‌ సత్యం మనసా యచ్చ వాంఛితం ।
అష్టమ్యాం చ చతుర్దశ్యాం నవమ్యాం వా విశేషతః ॥ 95 ॥

సర్వమంగలసంయుక్తే సంక్రాతౌ శనిభౌమయోః ।
యః పఠేత్‌ పరయా భక్త్యా దేవ్యా నామసహస్రకం ॥ 96 ॥

తస్య దేహేచ సంస్థానం కురుతే భువనేశ్వరీ ।
తస్య కార్యం భవేద్‌ దేవి అన్యథా న కథంచన ॥ 97 ॥

శ్మశానే ప్రాంతరే వాపి శూన్యాగారే చతుష్పథే ।
చతుష్పథే చైకలింగే మేరుదేశే తథైవ చ॥ 98 ॥

జలమధ్యే వహ్నిమధ్యే సంగ్రామే గ్రామశాంతయే ।
జపత్వా మంత్రసహస్రం తు పఠేన్నామసహస్రకం ॥ 99 ॥

ధూపదీపాదిభిశ్చైవ బలిదానాదికైస్తథా ।
నానావిధైస్తథా దేవి నైవేద్యైర్భువనేశ్వరీం ॥ 100 ॥

సంపూజ్య విధివజ్జప్త్వా స్తుత్వా నామసహస్రకైః ।
అచిరాత్‌ సిద్ధిమాప్నోతి సాధకో నాత్ర సంశయః ॥ 101 ॥

తస్య తుష్టా భవేద్‌ దేవీ సర్వదా భువనేశ్వరీ ।
భూర్జపత్రే సమాలిఖ్య కుకుమాద్‌ రక్తచందనైః ॥ 102 ॥

తథా గోరోచనాద్యైశ్చ విలిఖ్య సాధకోత్తమః ।
సుతిథౌ శుభనక్షత్రే లిఫీత్వా దక్షిణే భుజే ॥ 103 ॥

ధారయేత్‌ పరయా భక్త్యా దేవీరూపేణ పార్వతి ! ।
తస్య సిద్ధిర్మహేశాని అచిరాచ్చ భవిష్యతి ॥ 104 ॥

రణే రాజకులే వాஉపి సర్వత్ర విజయీ భవేత్‌ ।
దేవతా వశమాయాతి కిం పునర్మానవాదయః ॥ 105 ॥

విద్యాస్తంభం జలస్తంభం కరోత్యేవ న సంశయః ।
పఠేద్‌ వా పాఠయేద్‌ వాஉపి దేవీభక్త్యా చ పార్వతి ॥ 106 ॥

ఇహ భుక్త్వా వరాన్‌ భోగాన్‌ కృత్వా కావ్యార్థవిస్తరాన్‌ ।
అంతే దేవ్యా గణత్వం చ సాధకో ముక్తిమాప్నుయాత్‌ ॥ 107 ॥

ప్రాప్నోతి దేవదేవేశి సర్వార్థాన్నాత్ర సంశయః ।
హీనాంగే చాతిరిక్తాంగే శఠాయ పరశిష్యకే ॥ 108 ॥

న దాతవ్యం మహేశాని ప్రాణాంతేஉపి కదాచన ।
శిష్యాయ మతిశుద్ధాయ వినీతాయ మహేశ్వరి ॥ 109 ॥

దాతవ్యః స్తవరాజశ్చ సర్వసిద్ధి ప్రదో భవేత్‌ ।
లిఖిత్వా ధారయేద్‌ దేహే దుఃఖం తస్య న జాయతే ॥ 110 ॥

య ఇదం భువనేశ్వర్యాః స్తవరాజం మహేశ్వరి ।
ఇతి తే కధితం దేవి భువనేశ్యాః సహస్రకం ॥ 111 ॥

యస్మై కస్మై న దాతవ్యం వినా శిష్యాయ పార్వతి ।
సురతరువరకాంతం సిద్ధిసాధ్యైకసేవ్యం
యది పఠతి మనుష్యో నాన్యచేతాః సదైవ ।
ఇహ హి సకలభోగాన్‌ ప్రాప్య చాంతే శివాయ
వ్రజతి పరసమీపం సర్వదా ముక్తిమంతే ॥ 112 ॥

॥ ఇతి శ్రీరుద్రయామలే తంత్రే భువనేశ్వరీసహస్రనామాఖ్యం స్తోత్రం సంపూర్ణం ॥

శ్రీ భువనేశ్వరీ దేవి ఉపాసన విధానము

శ్రీ భువనేశ్వరి మహా విద్యా

దశమహా విద్యలు

నిత్య స్తోత్రావళి