అథానందమయీం సాక్షాచ్చబ్దబ్రహ్మస్వరూపిణీం
ఈడే సకలసంపత్యై జగత్కారణమంబికాం ॥ 01 ॥
విద్యామశేషజననీమరవిందయోనే -
ర్విష్ణోశ్శివస్యచవపుః ప్రతిపాదయిత్రీం
సృష్టిస్థితిక్షయకరీం జగతాం త్రయాణాం
స్తోప్యేగిరావిమలయాప్యహమంబికే త్వాం ॥ 02 ॥
పృథ్వ్యా జలేన శిఖినా మరుతాంబరేణ
హోత్రేందునా దినకరేణ చ మూర్తిభాజః
దేవస్య మన్మథరిపోః పరశక్తిమత్తా
హేతుస్త్వమేవ ఖలు పర్వతరాజపుత్రి ॥ 03 ॥
త్రిస్రోతసస్సకలదేవసమర్చితాయా
వైశిష్ట్యకారణమవైమి తదేవ మాతః
త్వత్పాదపంకజ పరాగ పవిత్రితాసు
శంభోర్జటాసు సతతం పరివర్తనం యత్‌ ॥ 04 ॥
ఆనందయేత్కుముదినీమధిపః కళానా-
న్నాన్యామినఃకమలినీ మథనేతరాంవా
ఏకస్యమోదనవిధౌ పరమేకమీష్టే
త్వం తు ప్రపంచమభినందయసి స్వదృష్ట్యా ॥ 05 ॥
అద్యాప్యశేషజగతాం నవయౌవనాసి
శైలాధిరాజతనయాప్యతి కోమలాసి
త్రయ్యాః ప్రసూరపి తయానసమీక్షితాసి
ధ్యేయాసి గౌరి మనసోనపథి స్థితాసి ॥ 06 ॥
ఆసాద్య జన్మ మనుజేషు చిరాద్దురాపం
తత్రాపిపాటవమవాస్య నిజేంద్రియాణాం
నాభ్యర్చయంతి జగతాం జనయిత్రి యేత్వాం
నిశ్రేణికాగ్రమధిరుహ్య పునః పతంతి ॥ 07 ॥
కర్పూరచూర్ణహిమవారివిలోడితేన
యే చందనేన కుసుమైశ్చ సుజాతగంధైః
ఆరాధయంతిహి భవాని సముత్సుకాస్త్వాం
తేఖల్వఖండభువనాధిభువః ప్రథంతే ॥ 08 ॥
ఆవిశ్యమధ్యపదవీం ప్రథమేసరోజే
సుప్తాహిరాజసదృశీం విరచయ్యవిశ్వం
విద్యుల్లతావలయవిభ్రమముద్వహంతీ
పద్మానిపంచ విదలయ్య సమశ్ను వానా ॥ 09 ॥
తన్నిర్గతామృతరసైరభిషిచ్యగాత్రం
మార్గేణ తే నవిలయం పునరప్యవాప్తా
యేషాంహృది స్ఫురసిజాతు నతేభవేయు-
ర్మాతర్మహేశ్వర కుటుంబిని గర్భభాజః ॥ 10 ॥
ఆలంబికుండలభరామభిరామవక్త్రాం
ఆపీవరస్తనతటీం తను వృత్తమధ్యాం
చింతాక్షసూత్రకలశాలిఖీతాఢ్యహాసాం
ఆవర్తయామిమనసా తవ గౌరిమూర్తిమ్‌ ॥ 11 ॥
ఆస్థాయయోగమవిజిత్య చ వైరిషట్కం
అబధ్యచేంద్రియగణం మనసి ప్రసన్నే
పాశాంకుశాభయవరాఢ్యకరాం సువక్త్రాం
ఆలోకయంతి భువనేశ్వరి యోగినస్త్వామ్‌ ॥ 12 ॥
ఉత్తప్తహాటకనిభాం కరిభిశ్చతుర్భిః
ఆవృత్తితామృత ఘటైరభిషిచ్యమానా
హస్తద్వయేన నళినే రుచిరే వహంతీ
పద్మాపిసాభయకరా భవసి త్వమేవ ॥ 13 ॥
అష్టాభిరుగ్రవివిధాయుధవాహినీభిర్‌-
దోర్వల్లరీభిరధిరుహ్య మృగాధివాసం
దూర్వాదళద్యుతి రమాత్య విపక్షపక్షాన్‌
న్యక్కుర్వతీ త్వమసి దేవి భవాని దుర్గే ॥ 14 ॥
ఆవిర్నిదాఘ జలశీకరశోభివక్త్రాం
గుంజాఫలేన పరికల్పితహారయష్టిం
రత్నాంశుకామసితకాంతిమలంకృతాం త్వాం
ఆద్యాం పుళిందతరుణీమసకృన్నమామి ॥ 15 ॥
హంసైర్గతిః క్వణితనూపుర దూరదృష్టే
మూర్తేరివాప్తవచనైరనుగమ్యమానౌ
పద్మావివోర్ధ్యముఖరూఢ సుజాత నాళౌ
శ్రీకంఠపత్ని శిరసైవ దధే తవాంఘ్రీ ॥ 16 ॥
ద్వాభ్యాం సమీక్షితుమతృప్తిమతేవదృగ్భ్యాం
ఉత్పాద్యతాత్రినయనం వృషకేతనేన
సాంద్రానురాగభవనేన నిరీక్ష్యమాణే
జంఘే ఉభే అపి భవాని తవానతోస్మి ॥ 17 ॥
ఊరూ స్మరామి జితహస్తి కరావలేపౌ
స్థాల్యేనమార్దవతయా పరిభూతరంభౌ
శ్రేణీభరస్య సహనౌ పరికల్ప్యదత్తా
స్తంభావివాంగవయసా తవ మధ్యమేన ॥ 18 ॥
శ్రోణ్యౌస్తనౌచ యుగపత్ప్రథయిప్యతోచ్యైః
బాల్యాత్పరేణవయసాపరి కృష్ణసారః
రోమావళీవిలసితేన విభావ్యమూర్తిం
మధ్యం తవ స్ఫురతు మే హృదయస్య మధ్యే ॥ 19 ॥
సఖ్యాస్మృరస్య హరనేత్ర హుతాశభీరోః
లావణ్యవారిభరితం నవయౌవనేన
ఆపాద్య దత్తమివ పల్లవమప్రవిష్టం
నాభింకదాపి తవదేవి న విస్మరేయమ్‌ ॥ 20 ॥
ఈశోపి గేహపిశునం భసితం దధానే
కాశ్మీరకర్దమ మను స్తన పంకజేన
స్నానోల్ధితస్య కరిణః క్షణలక్షఫేనౌ
సిందూరితా స్మరయతః స మదస్య కుంభౌ ॥ 21 ॥
కంఠాతిరిక్త గళదుజ్జ్వల కాంతిధారా
శోభౌ భుజౌ నిజరిపోర్మకరధ్వజేన
కంఠగ్రహాయ రచితౌ కిల దీర్ఘపాశౌ
మాతర్మమ స్మృతిపథం నవిలజ్జయేతామ్‌ ॥ 22॥
నాత్యాయతం రుచిరకంబువిలాస చౌర్యం
భూషాభరేణ వివిధేన విరాజమానం
కంఠం మనోహరగుణం గిరిరాజకన్యే
సంచిన్త్యతృప్తి ముపయామి కదాపి నాహమ్‌ ॥ 23॥
అత్యాయతాక్షమభిజాతలలాటపట్టం
మందస్మితేన దర ఫుల్లకపోలరేఖం
బింబాధరం ఖలు సమున్నతదీర్ఘనాసం
యత్తేస్మరత్య సకృతంబ స ఏవజాతః ॥ 24 ॥
ఆవిస్త్వయార కరలేఖమనల్ప గంధ
పుష్పోపరిభ్రమదళి వ్రజనిర్విశేషం
యశ్చేతసా కలయతే తవ కేశపాశం
తస్య త్వయం గలతి దేవి పురాణపాశః ॥ 25 ॥
శ్రుతి సురచితపాకం ధీమతాం స్తోత్రమేతత్‌
పఠతియ ఇహమర్త్యో నిత్యమార్ద్రాంతరాత్మా
స భవతి పదముచ్చైస్సంపదాం పాదనమ్ర
క్షితిపముకుటలక్ష్మీర్లక్షణానాంచిరాయ ॥ 26 ॥
॥ ఇతి శ్రీభువనేశ్వరీ స్తోత్రం సమాప్తం ॥
No comments:
Post a Comment