Sri Tripura Bhairavee Kavacham - శ్రీ త్రిపురభైరవీ కవచం

శ్రీ త్రిపురభైరవీ కవచం

శ్రీ పార్వతి ఉవాచ :
దేవ దేవ మహాదేవ సర్వశాస్త్ర విశారద
కృపాంకురు జగన్నాథ ధర్మజ్ఞోஉసి మహామతే. ॥ 01 ॥

భైరవీయా పురాప్రోక్తా విద్యాత్రిపుర పూర్వికా
తస్యాస్తు కవచం దివ్యం మహ్యం కథయతత్వతః ॥ 02 ॥

తస్యాస్తుకవచం శ్రుత్వా జగాద జగదీశ్వరః
అద్భుతం కవచందేవ్యా భైరవ్యా దివ్యరూపదం ॥ 03 ॥

ఈశ్వర ఉవాచ :
కథయామి మహావిద్యా కవచం సర్వదుర్లభం
శృణుష్వత్వంచ విధినా శ్రుత్వాగోప్యం తదంతరా ॥ 04 ॥

యస్యాః ప్రసాదాత్సకలం బిభర్మి భువనత్రయం
యస్యా స్సర్వం సముత్పన్నం యస్యామద్యాపి తిష్ఠతి ॥ 05 ॥

మాతాపితా జగద్ధన్యా జగద్బ్రహ్మ స్వరూపిణీ
సిద్ధిదాత్రీచ సిద్ధాస్యా దసిద్ధా దుష్ట జంతుషు ॥ 06 ॥

సర్వభూత హితంకర్త్రీ సర్వభూత స్వరూపిణీ
కకారీపాతుమాందేవీ కామినీ కామదాయినీ. ॥ 07 ॥

ఏకారీ పాతుమాందేవీ మూలాధారస్వరూపిణీ
ఇకారీ పాతుమాందేవీ భూరిసర్వసుఖప్రదా ॥ 08 ॥

లకారీ పాతుమాందేవీ ఇంద్రాణీ వరవల్లభా
హ్రీంకారీ పాతుమాందేవీ సర్వదా శంభు సుందరీ ॥ 09 ॥

ఏతైర్వర్ణైర్మహామాయా శాంభవీపాతుమస్తకం
కకారీ పాతుమాందేవీ శర్వాణీ హరగేహినీ ॥ 10 ॥

మకారీ పాతుమాందేవీ సర్వపాపప్రణాశినీ
కకారీపాతుమాందేవీ కామరూపధరాసదా ॥ 11 ॥

కాకారీపాతుమాందేవీ శంబరారి ప్రియాసదా
పకారీపాతుమాందేవీ ధరా ధరణిరూపధ్యక్‌ ॥ 12 ॥

హ్రీంకారీ పాతుమాం దేవీ ఆకారార్థ శరీరిణీ
ఏతైర్వర్ణైర్మహామాయా కామరాజ ప్రియావతు. ॥ 13 ॥

మకరాఃపాతు మాందేవీ సావిత్రీ సర్వదాయినీ
కకారఃపాతు సర్వత్ర కలాంబా సర్వరూపిణీ ॥ 14 ॥

లకారః పాతుమాం దేవీ లక్ష్మీస్సర్వ సులక్షణా
ఓం హ్రీం మాంపాతు సర్వత్రదేవీ త్రిభువనేశ్వరీ ॥ 15 ॥

ఏతైర్వర్ణైర్మహామాయా పాతుశక్తి స్వరూపిణీ
వాగ్భవా మస్తకంపాతు వదనం కామరాజితా. ॥ 16 ॥

శక్తిస్వరూపిణీపాతు హృదయం యంత్రసిద్ధిదా
సుందరీ సర్వదాపాతు సుందరీపరిరక్షతు ॥ 17 ॥

రక్తవర్ణా సదాపాతుసుందరీ సర్వదాయినీ
నానాలంకార సంయుక్తా సుందరీపాతు సర్వదా. ॥ 18 ॥

సర్వాంగసుందరీ పాతుసర్వత్ర శివదాయినీ
జగదాహ్లాదజననీ శంభురూపా చ మాంసదా ॥ 19 ॥

సర్వమంత్ర మయీపాతు సర్వసౌభాగ్యదాయినీ
సర్వలక్ష్మీ మయీదేవీ పరమానందదాయినీ ॥ 20 ॥

పాతుమాం సర్వదాదేవీ నానాశంఖ నిధిశ్శివా
పాతుపద్మనిధిర్దేవీ సర్వదా శివదాయినీ ॥ 21 ॥

పాతుమాం దక్షిణామూర్తి ఋషిస్సర్వత్రమస్తకే
పంఙ్త్కిశ్చంద స్వరూపాతు ముఖేపాతు సురేశ్వరీ ॥ 22 ॥

గంధాష్టకాత్మికాపాతు హృదయం శంకరీ సదా
సర్వసంమోహినీపాతు పాతు సంక్షోభిణీ సదా. ॥ 23 ॥

సర్వసిద్ధిప్రదాపాతు సర్వాకర్షణకారిణీ
క్షోభిణీ సర్వదాపాతు వశినీ సర్వదావతు ॥ 24 ॥

ఆకర్షిణీ సదాపాతు సదాసంమోహినీ తథా
రతిదేవీ సదాపాతు భగాంగా సర్వదావతు ॥ 25 ॥

మాహేశ్వరీ సదాపాతు కౌమారీ సర్వదావతు
సర్వాహ్లాదనకారీమాం పాతు సర్వవశంకరీ ॥ 26 ॥

క్షేమంకరీ సదాపాతు సర్వాంగం సుందరీ తథా
సర్వాంగంయువతీ సర్వం సర్వసౌభాగ్యదాయినీ ॥ 27 ॥

వాగ్దేవీ సర్వదాపాతు వాణీమాం సర్వదావతు
వశినీ సర్వదాపాతు మహాసిద్ధిప్రదావతు. ॥ 28 ॥

సర్వవిద్రావిణీపాతు గణనాథా సదావతు
దుర్గాదేవీ సదాపాతు వటుకస్సర్వదావతు. ॥ 29 ॥

క్షేత్రపాల స్సదాపాతు పాతుచా పరశాంతిదా
అనంతస్సర్వదా పాతు వరాహస్సర్వదావతు. ॥ 30 ॥

పృథివీ సర్వదాపాతు స్వర్ణసింహాసనస్తథా
రక్తామృతశ్చ సతతం పాతుమాం సర్వకాలతః ॥ 31 ॥

సుధార్ణవస్సదాపాతు కల్పవృక్షస్సదావతు
శ్వేతచ్చత్రం సదాపాతు రత్నదీప స్సదావతు ॥ 32 ॥

సతతం నందనోద్యానం పాతుమాం సర్వసిద్ధయే
దిక్పాలా స్సర్వదాపాంతుద్వంద్వౌఘాస్సకలాస్తథా. ॥ 33 ॥

వాహనాని సదాపాంతు సర్వదాస్త్రాణి పాంతుమాం
శస్త్రాణి సర్వదాపాంతు యోగిన్యఃపాంతు సర్వదా ॥ 34 ॥

సిద్ధాః పాంతు సదాదేవీ సర్వసిద్ధిప్రదావతు
సర్వాంగ సుందరిదేవీ సర్వదావతు మాంతథా ॥ 35 ॥

ఆనందరూపిణీదేవీ చిత్స్వరూపా చిదాత్మికా
సర్వదా సుందరీపాతు సుందరీ భవసుందరీ ॥ 36 ॥

పృథగ్ధేవాలయేఘోరే సంకటే దుర్గమేగిరౌ
అరణ్యేప్రాంతరేవాపి పాతుమాం సుందరీ సదా. ॥ 37 ॥

ఇదం కవచ మిత్యుక్తం మంత్రోద్దారశ్చ పార్వతి
యఃపఠేత్ప్రయతో భూత్వా త్రిసంధ్యం నియతశ్శుచిః ॥ 38 ॥

తస్ససర్వార్థసిద్ధిస్స్యా ద్యద్యన్మనసి వర్తతే
గోరోచనాకుంకుమేన రక్తచందనకేనవా. ॥ 39 ॥

స్వయంభూకుసుమైశ్శుక్లైః భూమిపుత్రే శనౌసురే
శ్మశానేప్రాంతరేవాపి శూన్యాగారే శివాలయే ॥ 40 ॥

స్వశక్త్యాగురుణాయంత్రం పూజయిత్వాకుమారికాం
తన్మనుం పూజయిత్వాచ గురుపఙ్త్కింతథైవచ. ॥ 41 ॥

దేవ్యైబలిం నివేద్యాథ నరమార్జారసూకరైః
నకులైర్మహిషైర్మేషైః పూజయిత్వావిధానతః ॥ 42 ॥

ధృత్వాసువర్ణమధ్యస్థం కంఠేవా దక్షిణేభుజే
సుతిథౌ శుభనక్షత్రే సూర్యస్యోదయనే యథా ॥ 43 ॥

థారయిత్వా చ కవచం సర్వసిద్ధిం లభేన్నరః
కవచస్యచ మాహాత్మ్యం నాహంవర్షశతైరపి ॥ 44 ॥

శక్రోపితు మహేశాని వక్తుంతస్య ఫలంతుయత్‌
నదుర్భిక్షఫలంతత్ర నశత్రోః పీడనంతథా. ॥ 45 ॥

సర్వవిఘ్న ప్రశమనం సర్వవ్యాధి వినాశనమ్‌
సర్వరక్షాకరం జంతో శ్చతుర్వర్గఫలప్రదమ్‌ ॥ 46 ॥

యత్రకుత్రనవక్తవ్యం నదాతవ్యం కదాచన
మంత్రప్రాప్యవిధానేన పూజయేత్సతతం సుధీః ॥ 47 ॥

తత్రాపి దుర్గభం మన్యే కవచం దేవరూపిణమ్‌
గురోఃప్రసాదమాసాద్య విద్యాం ప్రాప్యసుగోపితామ్‌ ॥ 48 ॥

తత్రాపి కవచం దివ్యం దుర్లభం భువనత్రయే
శ్లోకంవాస్తవమేకం వా యఃపఠేత్ప్రయ తశ్శుచిః ॥ 49 ॥

తస్య సర్వార్థసిద్ది స్స్యాచ్చంకరేణ ప్రభాషితం
గురుర్దేవోహరస్సాక్షాత్‌ పత్నీ తస్యచపార్వతీ ॥ 50 ॥

అభేదేన యజేద్యస్తు తస్య సిద్ధి రదూరతః

॥ ఇతి శ్రీ రుద్రయామళే భైరవ భైరవీ సంవాదే శ్రీ త్రిపురభైరవీ కవచమ్‌ సమాప్తం ॥

శ్రీ త్రిపుర భైరవీ మహా విద్యా

దశమహా విద్యలు

నిత్య స్తోత్రావళి