Sri Tripura Sundare Suprabhatam - శ్రీ త్రిపుర సుందరీ సుప్రభాతం

శ్రీ త్రిపుర సుందరీ సుప్రభాతం

శ్రీసేవ్య-పాదకమలే శ్రిత-చన్ద్ర-మౌలే
శ్రీచన్ద్రశేఖర-యతీశ్వర-పూజ్యమానే।
శ్రీఖణ్డ-కన్దుకకృత-స్వ-శిరోవతంసే
శ్రీమన్మహాత్రిపురసున్దరి సుప్రభాతమ్‌ ॥ 01 ॥

ఉత్తిష్ఠ తుఙ్గ -కులపర్వత-రాజ -కన్యే
ఉత్తిష్ఠ భక్త-జన-దుఃఖ -వినాశ-దక్షే ।
ఉత్తిష్ఠ సర్వ-జగతీ-జనని ప్రసన్నే
ఉత్తిష్ఠ హే త్రిపురసున్దరి సుప్రభాతమ్‌ ॥ 02 ॥

ఉత్తిష్ఠ రాజత-గిరి -ద్విషతో రథాత్‌ త్వం
ఉత్తిష్ఠ రత్న-ఖచితత్‌ జ్వలితాచ్చ పీఠాత్‌।
ఉత్తిష్ఠ బన్ధన-సుఖం పరిధూయ శంభోః
ఉత్తిష్ఠ విఘ్నిత-తిరస్కరిణీం విపాట్య ॥ 03 ॥

యత్పృష్ఠభాగమవలమ్బ్య విభాతి లక్ష్మీః
యస్యా వసన్తి నిఖిలా అమరాశ్చ దేహే।
స్నాత్వా విశుద్ధహృదయా కపిలా సవత్సా
సిద్దా ప్రదర్శయితుమిహ నస్తవ విశ్వరూపమ్‌ ॥ 04 ॥

ఆకర్ణ్యతేఽద్య మదమత్త-గజేన్ద్రనాదః
త్వం బోధ్యసే ప్రతిదినం మధురేణ యేన ।
భూపాలరాగముఖరా ముఖవాద్యవీణా
భేరీధ్వనిశ్చ కురుతే భవతీం ప్రబుద్దామ్‌ ॥ 05 ॥

త్వాం సేవితుం వివిధ -రత్న-సువర్ణ-రూప్య-
ఖాద్యమ్బరైః కుసుమ-పత్ర-ఫలైశ్చ భక్తాః ।
శ్రద్ధాన్వితాః జనని విస్మృత -గృహ్య-బన్ధాః
ఆయాన్తి భారత-నివాసి-జనాః సవేగమ్‌ ॥ 06 ॥

జీవాతవః సుకృతినః శ్రుతిరూపమాతుః
విప్రాః ప్రసన్న-మనసో జపితార్మ-మన్త్రాః ।
శ్రీసూక్త-రుద్ర-చమకాద్యవధారణాయ
సిద్ధాః మహేశ-దయితే తవ సుప్రభాతమ్‌ ॥ 07 ॥

ఫాలప్రకాసి-తిలక్కా-సువాసినీనాం 

కర్ఫూర-భద్ర-శిఖయా తవ దృష్టి-దోషమ్‌ ।
గోష్ఠీ విభాతి పరిహర్తుమనన్యభావా 

హే దేవి పఙ్త్కిశ ఇయం తవ సుప్రభాతమ్‌ ॥ 08 ॥

ఉగ్రః సహస్ర-కిరణోఽపి కరం సమర్ప్య 

త్వత్తేజసః పురత ఏష విలజ్జితః సన్‌ ।
రక్తస్తనావుదయమేత్యగపృష్ఠలీనః 

పద్మం త్వదాస్యసహజం కురుతే ప్రసన్నమ్‌ ॥ 09 ॥

నృత్యన్తి బర్హనివహం శిఖినః ప్రసార్య
గాయన్తి పఞ్చమగతేన పికాః స్వరేణ।
ఆస్తే తరఙ్గతతి-వాద్య-మృద్గ-నాదః
తౌర్యత్రికం శుభమకృత్రిమమస్తు తుభ్యమ్‌ ॥ 10 ॥

సంతాప-పాప-హరణే త్వయి దీక్షితాయాం
సంతాప-హారి-శశి-పాపహరాపగాభ్యామ్‌ ।
కుత్రాపి ధూర్జటి -జటా-విపినే నిలీనం
ఛిన్నా సరిత్‌ క్షయముపైతి విధుశ్చ వక్రః ॥ 11 ॥

భుక్త్వా కుచేల-పృతుకం నను గోపబాలః
ఆకర్ణ్య తే వ్యరచయత్‌ సుహృదం కుబేరమ్‌ ।
వ్యాజస్య నాస్తి తవ రిక్త-జనాదపేక్షా
నిర్వ్యాజమేవ కరుణాం నమతే తనోషి ॥ 12 ॥

ప్రాప్నోతి వృద్ధిమతులాం పురుషః కటాక్షైః

ద్వన్ద్వీ ధ్రువం క్షయముపైతి న చాత్ర శఙ్కా ।
మిత్రస్తవోషసి పదం పరిసేవ్య వృద్ధః 

చన్ద్రస్త్వదీయ -ముఖశత్రుతయా వినష్టః ॥ 13 ॥

సృష్టి-స్థితి-ప్రలయ-సాక్షిణీ విశ్వ-మాతః 

స్వర్గాపవర్గ-ఫల-దాయని శంభు-కాన్తే ।
శ్రుత్యన్తఖేలిని విపక్ష-కఠోర-వజ్రే భద్రే 

ప్రసన్న-హృదయే తవ సుప్రభాతమ్‌ ॥ 14 ॥

మాతః స్వరూపమనిశం హృది పశ్యతాం తే
కో వా న సిద్ధ్యతి మనశ్చిర-కాంక్షితార్థః ।
సిద్ధ్యన్తి హన్త ధరణీ-ధన-ధాన్య-ధామ-

ధీ-ధేను-ధైర్య-ధృతయః సకలాః పుమార్దాః ॥ 15 ॥

శ్రీ లలితా త్రిపుర సుందరి మహా విద్యా