Sri Tripura Sundare vedapara Sthava - శ్రీ త్రిపుర సుందరీ వేదపార స్తవః

శ్రీ త్రిపుర సుందరీ వేదపార స్తవః

శ్రీగణేశాయ నమః
కస్తూరీపఙ్కభాస్వద్గలచలదమలస్థూలముక్తావలీకా
జ్యోత్స్నాశుద్ధావదాతా శశిశిశుముకుటాల్కృతా బ్రహ్మపత్నీ ।
సాహిత్యామ్ఫోజభ్భఙ్గీ కవికులవినుతా సాత్త్వికీం వాగ్విభూతిం
దేయాన్మే శుభవస్త్రా కరచలవలయా వల్లకీం వాదయన్తీ ॥  01 ॥

ఏకాన్తే యోగివృన్ధైః ప్రశమితకరణైః క్షుత్పిపాసావిముకైః
సానన్దం ధ్యానయోగాద్విసగుణసద్దశీ దృశ్యతే చిత్తమధ్యే ।
యా దేవీ హంసరూపా భవభయహరణం సాధకానాం విధత్తే
సా నిత్యం నాదరూపా త్రిభువనజననీ మోదమావిష్కరోతు ॥ 02 ॥

ఈక్షిత్రీ సృష్టికాలే త్రిభువనమథ యా తత్‌క్షణేఽనుప్రవిశ్య
స్థేమానం ప్రాపయన్తీ నిజగుణవిభవైః సర్వథా వ్యాప్య విశ్వమ్‌ ।
సంహర్త్రీసర్వభాసాం విలయనసమయే స్వాత్మని స్వప్రకాశా
సా దేవీ కర్మబన్ధం మమ భవకరణం నాశ్యత్వాదిశక్తిః ॥ 03 ॥

లక్ష్యా యా చక్రరాజే నవపురలసితే యోగినీవృన్దగుప్తే
సౌవర్ణే శైలశృఙ్గే సురగణరచితే తత్త్వసోపానయుక్తే  ।
మన్త్రిణ్యా మేచక్గ్యా కుచభరనతయా కోలముఖ్యా చ సార్ధం
సామ్రాజ్ఞీ సా మదీయా మదగజగమనా దీర్హమాయుస్తనోతు ॥ 04 ॥

హ్రీఙ్కారామ్బోజభృఙ్గీ హయముఖవినుతా హానివృద్ధ్యాదిహీనా
హంసోఽహంమన్రరాజ్ఞీ హరిహయవరదా హాదిమన్త్రార్థరూపా ।
హస్తే చిన్ముద్రికాఢ్యా హతబహుదనుజా హస్తికృత్తిప్రియా మే
హార్దం శోకాతిరేకం శమయతు లలితాఘీశ్వరీ పాశహస్తా ॥ 05 ॥

హస్తే పఙ్కేరుహాభే సరససరసిజం బిభ్రతీ లోకమాతా
క్షీరోదన్వత్సుకన్యా కరివరవినుతా నిత్యపుష్టాక్ష గేహా ।
పద్మాక్షీ హేమవర్ణా మురరిపుదయితా శేవధిః సమ్పదాం యా
సా మే దారిద్య్రదోషం దమయతు కరుణాదృష్టిపాతైరజస్రమ్‌ ॥ 06 ॥

సచ్చిద్బ్రహ్మస్వరూపాం సకలగుణయుతాం నిర్గుణాం నిర్వికారాం
రాగద్వేషాదిహన్త్రీం రవిశశినయనాం రాజ్యదానప్రవీణామ్‌ ।
చత్వారింశత్త్రికోణే చతురధికసమే చక్రరాజే లసన్తీం
కామాక్షీం కామితానాం వితరణచతురాం చేతసా భావయామి ॥ 07 ॥

కన్దర్పే శాన్తదర్పే త్రినయననయనజ్యోతిషా దేవవృన్ధైః
సాశ్కం సాశ్రుపాతం సవినయకరుణం యాచితా కామపత్న్యా ।
యా దేవీ దృష్టిపాతైః పునరపి మదనం జీవయామాస సద్యః
సా నిత్యం రోగశాన్యై ప్రభవతు లలితాధీశ్వరీ చిత్ప్రకాశా ॥ 08 ॥

హవ్యైః కవ్యైశ్చ సర్వైః శ్రుతిచయవిహితైః కర్మభిః కర్మశీలా
ధ్యానాద్యైరష్టభిశ్చ ప్రశమితకలుషా యోగినః పర్ణభక్షాః ।
యామేవానేకరూపాం ప్రతిదినమవనౌ సంశ్రయన్తే విధిజ్ఞాః
సామే మోహాన్ధకారం బహుభవజనితం నాశయత్వాదిమాతా ॥ 09 ॥

లక్ష్యా మూలత్రికోణే గురువరకరుణాలేశతః కామపీఠే
యస్యాః విశ్వం సమస్తం బహుతరవితతం జాయతే కుణ్డలిన్యాః ।
యస్యాః శక్తి ప్రరోహాదవిరలమమృతం విన్దతే యోగివృన్దం
తాం వన్దే నాదరూపాం ప్రణవపదమయీం ప్రాణినాం ప్రాణదాత్రీమ్‌ ॥ 10 ॥

హ్రీఙ్కారామ్భోధిలక్షీం హిమగిరితనయామీశ్వరీమీశ్వరాణాం
హ్రీంమన్త్రారాధ్యదేవీం శ్రుతిశతశిఖరైర్మృగ్యమాణాం మృగాక్షీమ్‌ ।
హ్రీంమన్త్రాన్తైస్త్రికూటైః స్థిరతరమతిభిర్ధార్యమాణాం జ్వలన్తీం
హ్రీం హ్రీం హ్రీమిత్యజస్రం హృదయసరసిజే భావయేఽహం భవానీమ్‌ ॥ 11 ॥

సర్వేషాం ధ్యానమాత్రాత్సవితురుదరగా చోదయన్తీ మనీషాం
సావిత్రీ తత్పదార్థా శశియుతమకుటా పఞ్చశీర్షా త్రినేత్రా ।
హస్తాగ్రైః శ్ఖచక్రాద్యఖిలజనపరిత్రాణదక్షాయుధానాం
బిభ్రాణా వృన్దమమ్బా విశదయతు మతిం మామకీనాం మహేశీ ॥ 12 ॥

కర్త్రీ లోకస్య లీలావిలసితవిధినా కారయిత్రీ క్రియాణాం
భర్త్రీ స్వాను ప్రవేశాద్వియదనిలముఖైః ప్చభూతైః స్వసృష్టైః ।
హర్త్రీ స్వేనైవ ధామ్నా పునరపి విలయే కాలరూపం దధానా
హన్యాదామూలమస్మత్కలుషభరముమా భుక్తిముక్తిప్రదాత్రీ ॥ 13 ॥

లక్ష్యా యా పుణ్యజాలైర్గురువరచరణామ్భోజ సేవావిశేషాద్‌
దృశ్యా స్వాన్తే సుధీభిర్దరదలితమహాపద్మకోశేన తుల్యే ।
లక్షం జస్వాపి యస్యా మనువరమణిమాసిద్ధిమన్తో మహాన్తః
సా నిత్యం మామకీనే హృదయసరసిజే వాసమ్గకరోతు ॥ 14 ॥

హ్రీంశ్రీర్మైంమన్త్రరూపా హరిహరవినుతాఽగస్త్యపత్నీప్రదిష్టా
హాదిః కాద్యర్ణతత్త్వా సురపతివరదా కామరాజప్రదిష్టా ।
దుష్టానాం దానవానాం మదభరహరణా దుఃఖహాన్త్రీ బుధానాం
సామ్రాజ్ఞీ చక్రరాజ్ఞీ ప్రదిశతు కుశలం మహ్యమోఙ్కారరూపా ॥ 15 ॥

శ్రీంమన్త్రార్థస్వరూపా శ్రితజనదురితధ్వాన్తహన్త్రీ శరణ్యా
శ్రౌతస్మార్తక్రియాణామవికలఫలదా ఫాలనేత్రస్య దారాః ।
శ్రీచక్రాన్తర్నిషణ్ణా గుహవరజననీ దుష్టహన్త్రీ వరేణ్యా
శ్రీమత్సింహాసనేశీ ప్రదిశతు విపులాం కీర్తిమాననరూపా ॥ 16 ॥

శ్రచిక్రవరసామ్రాజ్ఞీ శ్రీమత్త్రిపురసున్దరీ ।
శ్రీగుహాన్వయసౌవర్ణదీపికా దిశతు శ్రియమ్‌ ॥ 17 ॥ 

॥ ఇతి శ్రీమత్త్రిపురసున్దరీవేదసారస్తవః సంపూర్ణం ॥

శ్రీ లలితా త్రిపుర సుందరి మహా విద్యా