SRI NILA SARASWATI STOTRAM – శ్రీ నీలసరస్వతీస్తోత్రం

శ్రీ నీలసరస్వతీస్తోత్రం

ఘోరరూపే మహారావే సర్వశత్రు భయంకరీ |

భక్తేభ్యో వరదే దేవి త్రాహి మాం శరణాగతమ్ || 01 ||

ఓం సురాసురార్చితే దేవి సిద్ధ గంధర్వ సేవితే |

జాడ్యపాపహరే దేవి త్రాహి మాం శరణాగతమ్ || 02 ||

జటాజూట సమాయుక్తే లోలజిహ్వాంతకారిణీ |

ద్రుతబుద్ధికరే దేవి త్రాహి మాం శరణాగతమ్ || 0౩ ||

సౌమ్యక్రోధధరే రూపే చండరూపే నమోఽస్తు తే |

సృష్టిరూపే నమస్తుభ్యం త్రాహి మాం శరణాగతమ్ || 04 ||

జడానాం జడతాం హంతి భక్తానాం భక్తవత్సలా |

మూఢతాం హర మే దేవి త్రాహి మాం శరణాగతమ్ ||05 ||

హ్రూం హ్రూంకారమయే దేవి బలిహోమప్రియే నమః |

ఉగ్రతారే నమో నిత్యం త్రాహి మాం శరణాగతమ్ || 06 ||

బుద్ధిం దేహి యశో దేహి కవిత్వం దేహి దేవి మే |

మూఢత్వం చ హరేర్దేవి త్రాహి మాం శరణాగతమ్ || 07 ||

ఇంద్రాదివిలసద్ద్వంద్వవందితే కరుణామయీ |

తారే తారధినాథాస్థే త్రాహి మాం శరణాగతమ్ || 08 ||

అష్టమ్యాం చ చతుర్దశ్యాం నవమ్యాం చ పఠేన్నరః |

షణ్మాసైః సిద్ధిమాప్నోతి నాత్ర కార్యా విచారణా || 09 ||

మోక్షార్థీ లభతే మోక్షం ధనార్థీ లభతే ధనమ్ |

విద్యార్థీ లభతే విద్యాం తర్కవ్యాకరణాదికమ్ || 10 ||

ఇదం స్తోత్రం పఠేద్యస్తు సతతం శ్రద్ధయాన్వితః |

తస్య శత్రుః క్షయం యాతి మహాప్రజ్ఞా ప్రజాయతే || 11 ||

పీడాయాం యాపి సంగ్రామే జాడ్యే దానే తథా భయే |

య ఇదం పఠతి స్తోత్రం శుభం తస్య న సంశయః |

ఇతి ప్రణమ్య స్తుత్వా చ యోనిముద్రాం ప్రదర్శయేత్ |

|| ఇతి శ్రీ నీల సరస్వతీ స్తోత్రం ||