అగ్ని సూక్తం (ఋగ్వేద)
(ఋ.వే.1.1.1)
అ॒గ్నిమీ॑ళే పు॒రోహి॑తం-యఀ॒జ్ఞస్య॑ దే॒వమృ॒త్విజ॑మ్ ।
హోతా॑రం రత్న॒ధాత॑మమ్ ॥ 01 ॥
అ॒గ్నిః పూర్వే॑భి॒ర్ఋషి॑భి॒రీడ్యో॒ నూత॑నైరు॒త ।
స దే॒వా।ణ్ ఏహ వ॑క్షతి ॥ 02 ॥
అ॒గ్నినా॑ ర॒యిమ॑శ్నవ॒త్పోష॑మే॒వ ది॒వేది॑వే ।
య॒శసం॑-వీఀ॒రవ॑త్తమమ్ ॥ 03 ॥
అగ్నే॒ యం-యఀ॒జ్ఞమ॑ధ్వ॒రం-విఀ॒శ్వతః॑ పరి॒భూరసి॑ ।
స ఇద్దే॒వేషు॑ గచ్ఛతి ॥ 04 ॥
అ॒గ్నిర్హోతా॑ క॒విక్ర॑తుః స॒త్యశ్చి॒త్రశ్ర॑వస్తమః ।
దే॒వో దే॒వేభి॒రా గ॑మత్ ॥ 05 ॥
యద॒ఙ్గ దా॒శుషే॒ త్వమగ్నే॑ భ॒ద్రం క॑రి॒ష్యసి॑ ।
తవేత్తత్స॒త్యమం॑గిరః ॥ 06 ॥
ఉప॑ త్వాగ్నే ది॒వేది॑వే॒ దోషా॑వస్తర్ధి॒యా వ॒యమ్ ।
నమో॒ భరం॑త॒ ఏమ॑సి ॥ 07 ॥
రాజం॑తమధ్వ॒రాణాం॑ గో॒పామృ॒తస్య॒ దీది॑విమ్ ।
వర్ధ॑మానం॒ స్వే దమే॑ ॥ 08 ॥
స నః॑ పి॒తేవ॑ సూ॒నవేఽగ్నే॑ సూపాయ॒నో భ॑వ ।
సచ॑స్వా నః స్వ॒స్తయే॑ ॥ 09 ॥
No comments:
Post a Comment