Sri Dhumavati Sthotram 2 - శ్రీ ధూమావతి స్తోత్రం-2

 శ్రీ ధూమావతి స్తోత్రం-2

ప్రాతర్యాస్యాత్కుమారీ కుసుమకలికయా జాపమాలాం జపంతీ
మధ్యాహ్నే ప్రౌఢరూపా వికసితవదనా చారునేత్రా నిశాయాం,
సంధ్యాయాం వృద్ధరూపా గలితకుచయుగా ముండమాలాం
వహంతీ సా దేవీ దేవదేవీ త్రిభువన జననీ కాళికా పాతు యుష్మాన్‌ ॥ 01 ॥

బధ్వా ఖట్వాంగకోటౌ కపిలవరజటామండలం పద్మయోనేః
కృత్వాదైత్యో త్తమాంగే స్రజమురసి శిరశ్శేఖరం తారక్ష్యపక్షైః
పూర్ణం రక్తై స్సురాణాం యమమహిషమహాశృంగ మాదాయ పాణౌ
పాయాద్వో వంద్యమాన ప్రలయ ముది తయా భైరవః కాళరాత్య్రామ్‌ ॥ 02 ॥

చర్వంతీ మస్తిఖండం ప్రకటకటకటా శబ్దసంఘాత ముగ్రం
కుర్వాణా ప్రేతమధ్యే కహకహ కహకహా హాస్యముగ్రం కృశాంగీ
నిత్యం నిత్య ప్రసక్తా డమరు డిమడిమాన్‌ స్ఫారయంతీ ముఖాబ్జం
పాయాన్నశ్చండికేయం ఝఝఝఝమఝమా  జల్పమానా భ్రమంతీ ॥ 03 ॥

టం టం టం టం టంటాప్రకర టమటమానాటఘంటాం వహం తీ
స్ఫేం స్ఫేం స్ఫేం స్ఫార కారాటకటకితహసా నాదసంఘట్టభీమా,
లోలం ముండాగ్రమాలా లల హలహలహా లోలలోలాగ్ర వాచం
చర్వంతీ చండముండం మటమటముటితే చర్వయంతీ పునాతు ॥ 04 ॥

వామేకర్ణే మృగాక ప్రళయపరిగతం దక్షిణే సూర్యబింబం
కంఠే నక్షత్ర హారం వరవికటజటాజూటకేముండమాలాం
స్కంధే కృత్వోరగేంద్రం ధ్వజనికరయుతం బ్రహ్మకంకాలభారం
సంహారే ధారయంతీ మమ హరతు భయం భద్రదా భద్రకాళీ ॥ 05 ॥

తైలాభ్య క్తైక వేణీత్రపుమయవిలసత్కర్ణికా క్రాంతకర్ణా
లోహేనై కేన కృత్వా చరణనళినకా మాత్మనః పాదశోభాం
దిగ్వాసార సభేన గ్రసతి జగదిదం యా యవాకర్ణపూరా
వర్షిణ్యాతి ప్రబద్దా ధ్వజవితతభుజా సాసి దేవి త్వమేవ॥ 06 ॥

సంగ్రామే హేతికృత్యై స్సరుధిరదశనై ర్యద్భటానాం శిరోభిః
మాలామాబద్ధ్వమూర్థ్ని ధ్వజవితతభుజా త్వంశ్మశానే ప్రవిష్టా
దృష్టా భూత ప్రభూతైః పృథుతర జఘనా బద్ధనాగేంద్రకాంచీ
శూలాగ్రవ్యగ్రహస్తా మధురుధిరవసా తామ్రనేత్రా నిశాయామ్‌ ॥ 07 ॥

దంష్ట్రారౌద్రే ముఖేஉస్మిం స్తవ విశతి జగద్దేవి సర్వం క్షణార్థాత్‌
సంసారస్యాంతకాలే నరరుధిర వసాసంప్లవే భూతధూమే
కాళి కాపాలికీ సా శవశయనరతా యోగినీ యోగముద్రా
రక్తారూక్షా సభాస్థా మరణభయహర త్వం శివా చండఘంటా ॥ 08 ॥

ధూమావత్యష్టకం పుణ్యం సర్వాపద్వినివారణం
యః పఠేత్సాధకో భక్త్యా సిద్దిం విందతి వాంఛితామ్‌ ॥ 09 ॥

మహాపది మహాఘోరే మహారోగే మహారణే
శత్రూచ్చాటే మారాణాదౌ జంతూనాం మోహనేతథా ॥ 10 ॥

పఠేత్‌ స్తోత్రమిదం దేవి సర్వతః సిద్ధిభాగ్భవేత్‌
దేవదానవగంధర్వ యక్షరాక్షసపన్నగాః ॥ 11 ॥

సింహవ్యాఘ్రాదికాస్సర్వే స్తోత్రస్మరణమాత్రతః
దూరాద్దూరతరం యాంతికింపునర్మానుషాదయః ॥ 12 ॥

స్తోత్రేణానేన దేవేశి కిన్న సిధ్యతి భూతలే
సర్వ శాంతిర్భవేద్దేవి అంతే నిర్వాణతాం వజ్రేత్‌ ॥ 13 ॥

॥ ఇత్యూర్వ్వామ్నాయే శ్రీ ధూమవతీ స్తోత్రమ్‌ సమాప్తం ॥

శ్రీ ధూమావతి మహా విద్యా

దశమహా విద్యలు

నిత్య స్తోత్రావళి

పంచాంగం