గంగాధరమఖివిరచితా।
పరమాభరణం విష్ణోర్వక్షసి సా సాగరేంద్రవరపుత్రీ ।
యా మూర్తిర్మతీ కాలే క్షమా జనానాం కృతాపరాధానాం ॥ 01 ॥
సా నః శ్రేయో దద్యాత్ కమలా కమలాసనాదిజననీం యాం ।
సంప్రాప్య సహచరీం హరిరవతి జగంత్యనాకులం సతతం ॥ 02 ॥
నిత్యశ్రేయోదానే ఖ్యాతా యా హరిగృహస్య సర్వస్వం ।
శ్రుతిమౌలిస్తుతవిభవా సా భాతు పురః సదాస్మాకం ॥ 03 ॥
విష్ణుక్రీడాలోలా విఖ్యాతా దీనరక్షణే లక్ష్మీః ।
జననీ నః స్ఫురతు సదా తేన వయం కిల కృతార్థాః స్మః॥ 04 ॥
నిర్వాణాంకురజననీ కాలే సా సార్వభౌమపదదోగ్ధ్రీ ।
నిరసతిమోహసమూహా మమ దైవతమాదృతం గురుభిః॥ 05 ॥
విష్ణోర్వక్షసి లసితా శీతమయూఖస్య సోదరీ కమలా ।
కమలాయతనయనా నః పాతు సదా పాపరాశిభ్యః ॥ 06 ॥
కవిపరిషదా చ వేదైః నిత్యం స్తుతనిజమహోదయా కమలా ।
మనసి మమ సంనిధత్తాం త్వమితానందాయ లోకనాథేన ॥ 07 ॥
దుగ్ధోదధితనయా సా దురితనిహంత్రీ కృతప్రణామానాం ।
అనందపదవిధాత్రీ పత్యా సాకం పదే పదే లోకే ॥ 08 ॥
మన్మథజననీ సా మామవతు సరోజాక్షగేహినీ కమలా ।
యామారాధ్య బుధేంద్రా విశంతి పరమం తు తత్ పదం విష్ణోః ॥ 09 ॥
సత్సూక్తికృతివిధాత్రీ నమతామంబా త్రిలోక్యాస్తు ।
నిత్యప్రసాదభూమ్నా రక్షతి మామాదరాత్ కమలా ॥ 10 ॥
మమ సూక్తిరంజలిపుటః ప్రణతిశ్చానేకసంఖ్యాకా ।
కుతుకాత్ క్షీరోదసుతామమితానందాయ గాహతే కమలాం ॥ 11 ॥
యా పారమార్థ్యసరణిః సా కమలా నిశ్చితా వేదైః ।
సైషా హి జగన్మాతా సంసృతితాపాపహంత్రీ చ ॥ 12 ॥
మందస్మితమధురాననమమందసంతోషదాయి భజతాం తత్ ।
కమలారూపం తేజో విభాతు నిత్యం మదీయహృత్కమలే ॥ 13 ॥
కాలే క్షపయతి కమలా కటాక్షధాట్యా హి మామకం దురితం ।
అత ఏవాశ్రితరక్షణదీక్షేత్యేవం జనో వదతి ॥ 14 ॥
నవనవహర్మ్యవిధాత్రీ నాకికిరీటార్చితా చ సా దేవీ ।
జ్యోతిర్మండలలసితా మునిహృదయాబ్జాసనా చ సద్గతిదా ॥ 15 ॥
సంవీక్ష్య జలధితనయాం భూయో భూయః ప్రణమ్య భక్తగణః ।
నిరసితదురితౌఘః సన్ స్తౌతి ముదా మోక్షసిద్ధయే కమలాం ॥ 16 ॥
రాకానిశీవ దేవ్యాం దృష్టాయాం భక్తగణవాణీ ।
భజతే జలనిధిశైలీం సాంగోపాంగం కృతానందా ॥ 17 ॥
దుర్గతిభీత్యా ఖిన్నః సో?హం శరణం భజామి తాం కమలాం ।
శరణార్థినాం హి రక్షాకృదితి ఖ్యాతా హి యా లోకే ॥ 18 ॥
న హి కలయతే హృదంతే మందారం కామధేనుం వా ।
యః సేవతే ముకుందప్రియాం శ్రియం నిత్యభావేన ॥ 19 ॥
కైటభమర్దనమహిషీం మమాంజలిర్గాహతాం కాలే ।
న హి నాథనీయమత్ర క్షమాతలే సా ప్రసన్నాస్తు ॥ 20 ॥
సంతాపపీడితం మామవతు సదా శ్రీరరిప్రియా మాతా ।
రక్షితవాయసముఖ్యా కృపానిధిః పుణ్యకృద్దృశ్యా ॥ 21 ॥
న హి కేవలం ప్రణామైః స్తుత్యా భక్త్యా సమారాధ్యా ।
సత్యేన ధర్మనివహైర్భావేన చ కమలగేహినీ కమలా ॥ 22 ॥
కదాచిత్కవిలోకే? ప్యక్షీణానందదాయినీ కమలా ।
రక్షతు కటాక్షకలికాంకూరైర్భక్తానిహాదరతః ॥ 23 ॥
కలిపాపగ్లపితానాం మురమర్దనదివ్యగేహినీ లక్ష్మీః ।
రాజతి శరణం పరమం వశీకృతేశా చ విబుధగణసేవ్యా ॥ 24॥
నిత్యోల్లసదురుమాలా వక్షసి కమలా హరేర్భాతి ।
నిజతనుభాసా ద్యోతితకౌస్తుభమణిరంబుధేస్తనయా ॥ 25 ॥
మాతర్మంగలదాయిన్యమరేంద్రవధూసమర్చితాంఘ్రియుగే ।
మాం పాహ్యపాయనివహాత్ సంతతమకలక్షమామూర్తే ॥ 26 ॥
యది కలితా చోపేక్షా నశ్యేత్ కిల తావకీ మహతీ ।
కీర్తిరతో?మ్బ కటాక్షైః పరిషించ ముదా ముహుః శీతైః ॥ 27 ॥
ధనధాన్యసుతాదిరుచిగ్రస్తం మాం పాహి కమలే త్వం ।
తేనోర్జితకీర్తిః స్యా మాతస్త్వం సర్వరక్షిణీ ఖ్యాతా ॥ 28 ॥
తవ పాదాంబుజయుగలధ్యానం మాతర్మదీయమఘమాశు ।
కబలీకరోతి కాలే తేనాహం సిద్ధసంకల్పః ॥ 29 ॥
అంజలికలికా హి కృతా యది తస్యై మురనిహంతృదయితాయై ।
రసనాగ్రే ఖేలనభాక్ తస్య తు పుంసో గిరాం దేవీ ॥ 30 ॥
మాతస్తవ మూర్తిరియం సుధామయీ నిశ్చితా నిపుణైః ।
యత్ తద్దర్శనభూమ్నా నిరస్తతాపా బుధా భవంత్యచిరాత్ ॥ 31 ॥
కలితజగత్త్రయరక్షాభరాణి మయి దేవి సంవిధేహి ముదా ।
త్వద్వీక్షణాని కమలే తేనాహం సిద్ధసంకల్పః ॥ 32 ॥
వరదే మురారిదయితే జయంతి తే వీక్షణాని యాని దివి ।
సంప్రాప్య తాని మఘవా విజితారిర్దేవసంఘవంద్యశ్చ ॥ 33 ॥
మోహాంధకారభాస్కరమంబ కటాక్షం విధేహి మయి కమలే ।
యేనాప్తజ్ఞానకలాః స్తువంతి విబుధాస్త్వదీయసదసి కలం ॥ 34 ॥
కామక్రోధాదిమహాసత్త్వనిరాసం కృపాసారాత్ ।
కురు మాతర్మమ సంసృతిభీతిం చ నిరాకురు త్వమేవారాత్ ॥ 35 ॥
మూఢానామపి హృద్యాం కవితాం దాతుం యదీయపరిచర్యా ।
ప్రభవతి కాలే సా హి శ్రీరంబా నః ప్రసన్నాస్తు ॥ 36 ॥
దివ్యక్షేత్రేషు బుధా దినకరమధ్యే చ వేదమౌలౌ చ ।
యత్థ్పానమితి వదంతి శ్రీరేషా భాతి సంశ్రితహరిరి ॥ 37 ॥
నిజలీలాక్రాంతహరీ రక్షతి కమలా కటాక్షధాట్యా నః ।
శరణార్థినశ్చ కాలే విహగోరగపశుముఖానుర్వ్యాం ॥ 38 ॥
సమరాంగణేషు జయదా త్రిదశానాం మౌలిభిర్మాన్యా ।
ఆపది రక్షణదక్షా సా కమలా నః ప్రసన్నాస్తు ॥ 39 ॥
నిత్యానందాసనభాడ్ నవనిధివంద్యా చ సాగరేంద్రసుతా ।
విలసతి మాధవవక్షసి పాలితలోకత్రయా చ జననీ నః॥ 40 ॥
మునినుతనిజపరిపాటీ వాగ్థాటీ దానలోలుపా భజతాం ।
శిక్షితరిపుజనకోటీ విలసతి ధృతశాతకుంభమయశాటీ ॥ 41 ॥
నిఖిలాగమవేద్యపదా నిత్యం సద్భిః సమారాధ్యా ।
సంసృతిపాశనిహంత్రీ యా తస్యై చాంజలిః క్రియతే ॥ 42 ॥
భూయాంసి నమాంసి మయా భక్తేన కృతాని కమలజాంఘ్రియుగే ।
నిత్యం లగంతు తేన హి సర్వా రాజంతి సంపదో మాన్యాః ॥ 43 ॥
నిత్యం నిర్మలరూపే బరదే వారాశికన్యకే మాతః ।
సద్గణరక్షణదీక్షే పాహీతి వదంతమాశు మాం పాహి ॥ 44 ॥
భువనజనని త్వమారాత్ కృతరక్షణసంతతిః క్షమామూర్తే ।
ప్రతివస్తు రమే కలితస్వరూపశక్త్యా హి రాజసే జగతి ॥ 45 ॥
జయ జయ కలశాబ్ధిసుతే జయ జయ హరివల్లభే రమే మాతః ।
ప్రాతరితి విబుధవర్యాః పఠంతి నామాని తే హి మే గురవః ॥ 46 ॥
నేత్రరుచివిజితశారదపద్మే పద్మే నమస్తుభ్యం ।
తేన వయం గతవిపదః సా ముక్తిః కరగతా కలితా ॥ 47 ॥
సతతం బద్ధాంజలిపుటముపాస్మహే తచ్చుభప్రదం తేజః ।
యత్ కమలోదరనిలయం కమలాక్షప్రీతివీచికాపూరం ॥ 48 ॥
స్ఫురతు మమ వచసి కమలే త్వదీయవైభవసుధాధారా ।
నిత్యం వ్యక్తిం ప్రాప్తా ధుతనుతజనఖేదజాలకా మహతీ ॥ 49॥
కమలే తవ నుతివిషయే బుద్ధిర్జాతా హి మే సహసా ।
తేన మమ భాగధేయం పరిణతమిత్యేవ నిత్యసంతుష్టః ॥ 50 ॥
కవితారసపరిమలితం కరోతి వదనం నతానాం యా ।
స్తోతుం తాం మే హ్యారాత్ సా దేవీ సుప్రసన్నాస్తు ॥ 51 ॥
హరిగృహిణి తావకం నుతరూపం యే భువి నిజే హృదంభోజే ।
ధ్యాయంతి తేషు విబుధా అపి కల్పకకుసుమమర్పయంతి ముదా ॥ 52 ॥
నానావరదానకలాలోలుపహృదయే హృదంభుజస్థే మాం ।
రక్షాపాయాత్ సహసా కురు భక్తం దోషహీనం చ ॥ 53 ॥
నిజఘనకేశరుచా జితనీలాంబుధరే శశాంకసహజన్మన్ ।
పద్మే త్వదీయరూపం మనోహరం భాతు మే హృదయే ॥ 54॥
ఘనకుంకుమలసితాంగం ముక్తాహారాదిభూషితం మధురం ।
మందస్మితమధురాస్యం సూర్యేందువిలోచనం చ బుధమాన్యం ॥ 55 ॥
నిబిడకుచకుంభయుగలం నిజదృగ్జితహరిణశాబకాక్షియుగం ।
లీలాగతిజితకలభం మధువైరిమనోహరం చ సురమాన్యం ॥ 56 ॥
దిశి దిశి విస్తృతసంపద్విలాసమధురం చ కుందదంతాలి ।
మదనజనకం చ విష్ణోః సర్వస్వం సర్వదానచణం ॥ 57 ॥
కులదైవతమస్మాకం సంవిద్రూపం నతార్తిహరరూపం ।
నానాదుర్గతిహరణక్షమమమరీసేవితం సకలం ॥ 58 ॥
పంచదశవర్ణమానం పయోజవక్త్రం పితామహసమర్చ్యం ।
జగదవనజాగరూకం హరిహరసంమాన్యవైభవం కిమపి ॥ 59 ॥
కరుణాపూరితనయనం పరమానందప్రదం చ పరిశుద్ధం ।
ఆగమగణసంవేద్యం కోశగృహం సర్వసంపదాం నిత్యం ॥ 60 ॥
మాతస్తావకపాదాంబుజయుగలం సంతతం స్ఫురతు ।
తేనాహం తవ రూపం ద్రక్ష్యామ్యానందసిద్ధయే సకలం॥ 61 ॥
దేవ్యా కటాక్షితాః కిల పురుషా వా యోషితః పశవః ।
మాన్యంతే సురసంసది కల్పకకుసుమైః కృతారణాః కాలే ॥ 62 ॥
సుమనోవాంఛాదానే కృతావధానం ధనం విష్ణోః ।
ధిషణాజాడ్యాదిహరం యద్వీక్షణమామనంతి జగతి బుధాః ॥ 63 ॥
అంతరపి బహిరుదారం తవ రూపం మంత్రదేవతోపాస్యం ।
జనని స్ఫురతు సదా నః సంమాన్యం శ్రేయసే కాలే ॥ 64 ॥
మురరిపుపుణ్యశ్రేణీపరిపాకం తావకం రూపం ।
కమలే జనని విశుద్ధం దద్యాఛ్చ్రేయో ముహుర్భజతాం ॥ 65 ॥
పుణ్యశ్రేణీ కమలా సా జననీ భక్తమానసే స్థితిభాక్ ।
తేజస్తతిభిర్మోహితభువనా భువనాధినాథగృహిణీయం ॥ 66 ॥
జలనిధికన్యారూపం హరిమాన్యం సర్వసంపదాం హేతుః ।
చిరకృతసుకృతవిశేషాన్నయనయుగే భాతి సర్వస్య ॥ 67 ॥
జలనిధితపఃఫలం యన్మునిజనహృదయాబ్జనిత్యకృతనృత్తం ।
కరుణాలోలాపాంగం తత్ తేజో భాతు నిఃసమం వదనే ॥ 68 ॥
శమితనతదురితసంఘా హరయే నిజనేత్రకల్పితానంగా ।
కృతసురశాత్రవభంగా సా దేవీ మంగలైస్తుంగా ॥ 69 ॥
నిఖిలాగమసిద్ధాంతం హరిశుద్ధాంతం సదా నౌమి ।
తేనైవ సర్వసిద్ధిః శాస్త్రేషు వినిశ్చితా విబుధైః ॥ 70 ॥
కృష్ణకృతవివిధలీలం తవ రూపం మాతరాదరాన్మాన్యం ।
స్ఫురతు విలోచనయుగలే నిత్యం సంపత్సమృద్ధ్యై నః॥ 71 ॥
కరుణాకటాక్షలహరీ కామాయాస్తు ప్రకామకృతరక్షా ।
లక్ష్మ్యా మాధవమాన్యా సత్సుఖదానే దిశి ఖ్యాతా ॥ 72 ॥
అపవర్గసిద్ధయే త్వామంబామంభోజలోచనాం లక్ష్మీం ।
అవలంబే హరిదయితే పద్మాసనముఖసురేంద్రకృతపూజాం ॥ 73 ॥
తావకకటాక్షలహరీం నిధేహి మయి దేవి కమలే త్వం ।
తేన మనోరథసిధిర్భువి పరమే ధామని ప్రచురా ॥ 74 ॥
త్వామాదరేణ సతతం వీక్షేమహి మాతరబ్జకృతవాసాం ।
విష్ణోర్వక్షో నిలయామక్షయసుఖసిద్ధయే లోకే ॥ 75 ॥
సా నః సిధ్యతు సిద్ధ్యై దేవానాం వ్మామనోஉతీతా ।
హరిగృహిణీ హరిణాక్షీ పాలితలోకత్రయా చ జననీయం ॥ 76 ॥
సకలచరాచరచిన్మయరూపం యస్యా హి దేవతోపాస్యం ।
సా దదతు మంగలం మే నిత్యోజ్జ్వలమాదరాజ్జననీ ॥ 77 ॥
శీతమయూఖసహోదరి తాం త్వామంబాం హి శీలయే నిత్యం ।
నిరసితవైరిగణో?హం హరిచరణన్యస్తరక్షశ్చ ॥ 78 ॥
దిక్షి విదిక్షు కృతశ్రీః సా మే జననీ నదీశతనయేయం ।
హరిణా సాకం భజతు ప్రాకాశ్యం హృది సతాం సమృద్ధ్యై నః ॥ 79 ॥
వారినిధివంశసంపద్ దివ్యా కాచిద్ధరేర్మాన్యా ।
అర్చంతి యాం తు మునయో యోగారంభే తథాంతే చ॥ 80 ॥
ధృతసుమమధుపక్రీడాస్థానాయితకేశభారాయై ।
నమ ఉక్తిరస్తు మాత్రే వాగ్జితపీయూషధారాయై ॥ 81 ॥
సందేహే సిద్ధాంతే వాదే వా సమరభూమిభాగే వా ।
యా రాజతి బహురూపా సా దేవీ విష్ణువల్లభా ఖ్యాతా ॥ 82॥
ప్రతిఫలతు మే సదా తన్మునిమానసపేటి కారత్నం ।
విష్ణోర్వక్షోభూషణమాదృతనిర్గతిజనావనం తేజః ॥ 83 ॥
బాలకురంగవిలోచనధాటీరక్షితసురాది మనుజానాం ।
నయనయుగాసేవ్యం తద్ భాతీహ ధరాతలే తేజః ॥ 84 ॥
మాధవదృక్సాఫల్యం భక్తావలిదృశ్యకామధేనుకలా ।
లక్ష్మీరూపం తేజో విభాతు మమ మానసే వచసి ॥ 85 ॥
హరిసరసక్రీడార్థం యా విధృతానేకరూపికా మాతా ।
సా గేహభూషణం నః స్ఫురతు సదా నిత్యసంపూజ్యా ॥ 86 ॥
ద్వారవతీపురభాగే మైథిలనగరే చ యత్కథాసారః ।
సా దేవీ జలధిసుతా విహరణభా మామకే మనసి ॥ 87 ॥
జలనిధితపోమహిమ్నే దేవ్యై పరమాత్మనః శ్రియై సతతం ।
భూయాంసి నమాంసి పునః సర్వా నః సంపదః సంతు ॥ 88॥
పరమౌషధం హి సంసృతివ్యాధేర్యత్ కీర్తితం నిపుణైః ।
తదహం భజామి సతతం లక్ష్మీరూపం సదానందం ॥ 89 ॥
దశరథసుతకోదండప్రభావసాక్షాత్కృతే కృతానందా ।
సీతారూపా మాతే జజ్జే యజ్ఞక్షితా హి సా సిద్ధ్యై ॥ 90 ॥
మునిజనమానసనిలయే కమలే తే చరణపంకజం శిరసి ।
అవతంసయన్నుదారం విశామి దేవైః సుధర్మాం వా ॥ 91 ॥
ధనమదమేదురసేవాం త్యక్తవాహం తే పదాంభోజం ।
శరణం యామి పుమర్థస్ఫూర్తికలాయై భృశం దీనః ॥ 92 ॥
న ఘటయ కుత్సితసేవాం దుష్టైర్వా సంగమం మాతః ।
కురు మాం దాసం సంసృతిపాపం చ హర శీఘ్రం ॥ 93 ॥
మయి నమతి విష్ణుకాంతే తవాగ్రతస్తాపభారార్తే ।
మాతః సహసా సుముఖీ భవ బాలే దోషనిలయే చ॥ 94॥
హంత కదా వా మాతస్తవ లోచనసేచనం భవేన్మయి భోః ।
ఈత్థం ప్రాతః స్తువతాం త్వమేవ రక్షాకరీ నియతం ॥ 95 ॥
సంసారరోగశాంతిప్రదమేతల్లోచనం మాతః ।
తావత్కమహముపాసే దివ్యౌషధమాశు సాగరేంద్రసుతే ॥ 96 ॥
సంసృతిరోగార్తానాం తవ నామస్మరణమత్ర ధరణితలే ।
పూజాప్రదక్షిణాదికమార్యా ముఖ్యౌషధం వదంతి కిల ॥ 97॥
మాతర్వినా ధరణ్యాం సుకృతానాం ఖండమిహ జంతుః ।
ధ్యానం వా న హి లభతే ప్రణతిం వా సంపదాం జననీం ॥ 98 ॥
గురువరకటాక్షవిభవాద్ దేవి త్వాంఘ్రిప్రణామధుతపాపః ।
తవ చ హరేర్దాసః సన్ విశామి దేవేశ మానితాం చ సభాం ॥ 99 ॥
మురహరనేత్రమహోత్సవతారుణ్యశ్రీర్నిరస్తనతశత్రుః ।
లలితలికుచాభకుచభరయుగలా దృగ్విజితహరిణసందోహా ॥ 100 ॥
కారుణ్యపూర్ణనయనా కలికల్మషహారిణీ చ సా కమలా ।
ముఖజితశారదకమలా వక్త్రాంభోజే సదా స్ఫురతు మాతా ॥ 101 ॥
తావకకటాక్షసేచనవిభవాం నిర్దూతదురితసంఘా హి ।
పరమం సుఖం లభంతే పరే తు లోకే చ సూరిభిః సార్ధం ॥ 102 ॥
తవ పాదపద్మవిసృమరకాంతిఝరీం మనసి కలయంస్తు ।
నిరసితనరకాదిభయో విరాజతే నాకిసదసి సురవంద్యః ॥ 103 ॥
హంత సహస్రేష్వథ వా శతేషు సుకృతీ పుమాన్ మాతః ।
తావకపాదపయోరుహవరివస్యాం కలయతే సకలం ॥ 104 ॥
జనని తరంగయ నయనే మయి దీనే తే దయాస్నిగ్ధే ।
తేన వయం తు కృతార్థా నాతః పరమస్తిః నః ప్రార్ధ్యం ॥ 105 ॥
తావకకృపావశాదిహ నానాయోగాదినాశితభయా యే ।
తేషాం స్మరణమపి ద్రాక్ శ్రియావహం నిత్యమాకలయే ॥ 106 ॥
నైవ ప్రాయశ్చిత్తం దురితానాం మామకానాం హి ।
త్వామేవ యామి శరణం తస్మాల్లక్ష్మి క్షమాధారే ॥ 107 ॥
మురవైరిమాన్యచరితే మాతస్త్వామఖిలలోకసామ్రాజ్యే ।
పశ్యంతి దివి సురేంద్రా మునయస్తత్త్వార్థినశ్చ నిత్యకలాం ॥ 108 ॥
స్వీయపదప్రాప్త్యై నను విబుధేశా జలధికన్యకే మాతః ।
ఆరాధ్య దివ్యకుసుమైస్తవ పాదాబ్జం పరం తుష్టాః ॥ 109 ॥
సృష్టిస్థిత్యాదౌ హరిరంబ తవాపాంగవీక్షణాదరవాన్ ।
జగదేతదవతి కాలే త్వం చ హరిర్నః క్రమాత్ పితరౌ ॥ 110 ॥
రాజ్యసుఖలాభసంపత్ప్రాప్త్యై క్షితిపాశ్చ యేచ విప్రాద్యాః ।
గాంగజలైరపి కుసుమైర్వరివస్యాం తే క్రమేణ కలయంతి ॥ 111 ॥
సంత్యక్తకామతదనుజడంభాసూయాదయో నరాః కమలే ।
ఆరాధ్య త్వాం చ హరిం కాలే చైకాసనస్థితాం ధన్యాః॥ 112 ॥
జననీ కదా పునీతే మమ లోచనమార్గమాదరాదేషా ।
యే కిల వదంతి ధన్యాస్తేషాం దర్శనమహం కలయే ॥ 113 ॥
కరధృతలీలాపద్మా పద్మా పద్మాక్షగేహినీ నయనే ।
సించతి సకలశ్రేయఃప్రాప్త్యై నిర్వ్యాజకారుణ్యా ॥ 114 ॥
నానావిధవిద్యానాం లీలాసదనం సరోజనిలయేయం ।
కవికులవచఃపయోజద్యుమణిరుచిర్భాతి నః పురత్ః ॥ 115 ॥
అతసీకుసుమద్యుతిభా నాకిగణైర్వంద్యపాదపద్మయుగా ।
సరసిజనిలయా సా మే ప్రసీదతు క్షిప్రమాదరాత్ సిద్ధ్యై ॥ 116 ॥
జగదీశవల్లభే త్వయి విన్యస్తభరః పుమాన్ సహసా ।
తీర్త్వా నాకిస్థానం విశతి పరం వైష్ణవం సురైర్మాన్యం ॥ 117 ॥
మాతర్జానవికాసం కారయ కరుణావలోకనైర్మధురైః ।
తేనాహం ధన్యతమో భవేయమార్యావృతే సదసి ॥ 118 ॥
హరివక్షసి మణిదీపప్రకాశవత్యాన్యా మాత్రా ।
నిత్యం వయమిహ దాసాః శ్రియా సనాథా ముదా పరం నౌమః ॥ 119 ॥
విద్రావయతు సరోజాసనే త్వదీయా కటాక్షధాటీ నః ।
అజ్ఞానాంకురముద్రాం పునరపి సంసారభీతిదాం సహసా ॥ 120 ॥
తావకకటాక్షసూర్యోదయే మదీయం హృదంభోజం ।
భజతే వికాసమచిరాత్ తమోవినాశశ్చ నిశ్చితో విబుధైః ॥ 121 ॥
లక్ష్మీకటాక్షలహరీ లక్ష్మీం పక్ష్మలయతి క్రమాన్నమతాం ।
పాదపయోరుహసేవా పరం పదం చిత్సుఖోల్లాసం ॥ 122 ॥
చిద్రూపా పరమా సా కమలేక్షణనాయికా ముదే భజతాం ।
యత్ప్రణయకోపకాలే జగదీశః కింకరో భవతి ॥ 123 ॥
కాచన దేవీ విహరతు మమ చిత్తే సంతతం సిద్ధ్యై ।
యాపత్యం కలశాబ్ధేరురగేశయసత్కలత్రం చ॥ 124 ॥
అష్టసు మహిషీష్వేకా కమలా ముఖ్యా హి నిర్దిష్టా ।
అనయైవ సర్వజగతాముదయాదిస్తన్యతే కాలే ॥ 125 ॥
కైవల్యానందకలాకందమహం సంతతం వందే ।
తత్తు ముకుందకలత్రం చింతితఫలదానదీక్షితం కిమపి ॥ 126 ॥
ఈక్షే కమలామేనామంబామంభోజలోచనాం సతతం ।
మందస్మితమధురాస్యాం నిత్యం చాజ్ఞాతకోపముఖదోషాం ॥ 127 ॥
అంకితమాధవవక్షఃస్థలా సరోజేక్షణా చ హరికాంతా ।
కబలయతి మానసం మే దయాప్రసారాదిభిర్నిత్యం ॥ 128 ॥
భూత్యై మమ భవతు ద్రాగజ్ఞానధ్వంసినీ నమతాం ।
నాథానురూపరూపా శ్రుత్యంతేడ్యా దశావతారేషు ॥ 129 ॥
సకలజనరక్షణేశు ప్రణిహితనయనా త్రిలోకమాతా నః ।
పుష్ణాతి మంగలానాం నికరం సేవాక్రమేణ............ ॥ 130 ॥
పద్మాసనజననీ మాం పాతు ముదా సుందరాపాంగైః ।
సర్వైశ్వర్యనిదానం యామాహుర్వైదికా దీప్తాం ॥ 131 ॥
నానాలంకారవతీ మునిమానసవాసినీ హరేః పత్నీ ।
త్య్రైలోక్యవినుతవిభవా మాం పాయాదాపదాం నిచయాత్ ॥ 132 ॥
విద్రావయతు భయం నః సా కమలా విష్ణువల్లభా మాతా ।
అబ్ధిః సంక్షుభితో?భూత్ యదర్థమార్యేణ రామేణ ॥ 133 ॥
భూయో యదర్థమింద్రః సురతరుకుసుమార్థినా చ కృష్ణేన ।
హతగర్వో? జని యుద్ధే సా నిత్యం శ్రేయసే భూయాత్ ॥ 134 ॥
త్వామారాధ్య జనా అపి ధనహీనాః సౌధమధ్యతలభాజః ।
నానాదేశవనీపకజనస్తుతా భాంతి నిత్యమేవ రమే ॥ 135 ॥
సంసృతితాపో న భవతి పునరపి యత్పాదపంకజం నమతాం ।
సా మయి కలితదయా స్యాదంబా విష్ణోః కలత్రమనురూపం ॥ 136 ॥
జననీకటాక్షభాజామిహ మర్త్యానాం సురాస్తు కింకరతాం ।
రిపవో గిరితటవాసం భజంతి వేశ్మాని సిద్ధయః సర్వాః॥ 137 ॥
స్మరణాద్వా భజనాద్వా యస్యాః పాదాంబుజస్య భువి ధన్యాః ।
హంత రమంతే స్తంబేరమనివహావృతగృహాంగణే మనుజాః ॥ 138 ॥
చిరకృతసుకృతనిషేవ్యా సా దేవీ విష్ణువల్లభా ఖ్యాతా ।
యస్యాః ప్రసాదభూమ్నా జాతాః పశ్వాదయో వదాన్యా హి ॥ 139 ॥
అంబ మధురాన్ కటాక్షాన్ తాపహరాన్ వికిర మయి కృపాజలధే ।
యే విన్యస్తాః కరివరమారుతిముఖభక్తవర్యేషు ॥ 140 ॥
అమృతలహరీవ మధురా జలధరరుచిరా నతార్తిహరశీలా ।
సర్వశ్రేయోదాత్రీ కాచిద్ దేవీ సదా విభాతు హృది ॥ 141 ॥
గీతాచార్యపురంధ్రీ త్వదీయనామప్రభావకలనాద్యైః ।
యమభయవార్తా దూరే హరిసాంనిధ్యం కుతో న స్యాత్ ॥ 142 ॥
జలనిధితనయే కాంతే విష్ణోరుష్టాంశుచంద్రనయనే తే ।
చతురాననాదయస్తు ఖ్యాతా బాలాః శ్రుతౌ చోక్తాః ॥ 143 ॥
మనసిజవైరం గాత్రం వాణీ సౌధారసీ చ యద్భజతాం ।
శ్లాధ్యా సంపత్ సజ్జనసమాగమశ్చాశు సిధ్యంతి ॥ 144 ॥
సఫలయతు నేత్రయుగలం హతనతదురితా చ సా పరా దేవీ ।
జలనిధికన్యా మాన్యా పత్యవతారానుకూలనిజచరితా ॥ 145 ॥
నిత్యం స్మరామి దేవీం నమతాం సర్వార్థదాయినీం కమలాం ।
యామాహుర్భవనిగలధ్వంసనదీక్షాం చ ॥ 146 ॥
సకలజగదఘనివారణసంకల్పాం మధుజితో దయితాం ।
జీవాతుమేవ కలయే మోక్షార్థిజనస్య భూమిసుతాం ॥ 147 ॥
మందానామపి దయయా తమోనిరాసం వితన్వంతీ ।
సర్వత్ర భాతి కమలా తనురివ విష్ణోర్నిరస్తాఘా ॥ 148 ॥
బాలమరాలీగత్యై సురపురకన్యాదిమహితకలగీత్యై ।
విరచితనానానీత్యై చేతో మే స్పృహయతే బహులకీర్త్యై ॥ 149 ॥
అభిలషితదానకుశలా వాగ్దేవీవందితా చ సా కమలా ।
నిత్యం మానసపద్మే సంచారం కలయతే ముహుః కుతుకాత్ ॥ 150 ॥
మురమథననయనపంకజవిలాసకలికా సురేశముఖసేవ్యా ।
భూతమయీ సావిత్రీ గయత్రీ సర్వదేవతా జయతి ॥ 151 ॥
సా హి పరా విద్యా మే లక్ష్మీరక్షోభణీయకీర్తికలా ।
హృద్యాం విద్యాం దయాదద్య శ్రేయఃపరంపరాసిద్ధ్యై ॥ 152 ॥
కామజననీ హి లక్ష్మీః నానాలీలాదిభిర్నిజం నాథం ।
మోహయతి విష్ణుమచిరాత్ ప్రకృతీనాం క్షేమసిద్ధ్యర్థం ॥ 153 ॥
మనసిజసామ్రాజ్యకలానిదానమార్యాభివందితం కిమపి ।
లక్ష్మీరూపం తేజో విలసతి మమ మనసి విష్ణుసంక్రాంతం ॥ 154 ॥
విష్ణుమనోరథపాత్రం సంతప్తస్వర్ణకామ్యనిజగాత్రం ।
ఆశ్రితజలనిధిగోత్రం రక్షితనతబాహుజచ్చాత్రం ॥ 155 ॥
కవికులజిహ్వాలోలం మురమర్దనకలితరమ్యబహులీలం ।
నిరసితనతదుష్కాలం వందే తేజః సదాలినుతశీలం ॥ 156 ॥
ఆదిమపురుషపురంధ్రీమంబామంభోజలోచనాం వందే ।
యాం నత్వా గతతాపాస్త్యక్త్వా దేహం విశంతి పరమపదం ॥ 157 ॥
లక్ష్మ్యా హరిరపి భాతి ప్రకృతిక్షేమాయ దీక్షితాయాసౌ ।
మమ లోచనయోః పురతో లసతు గభీరం క్రియాసిద్ధ్యై ॥ 158 ॥
జనని కదా వా నేష్యామ్యహమారాదర్చితత్వదీయపదః ।
నిమిషమివ హంత దివసన్ దృష్ట్వా త్వామాదరేణ కల్యాణీం ॥ 159 ॥
సంపూర్ణయౌవనోజ్జ్వలదేహాం యాం వీక్ష్య శౌరిరపి ।
కుసుమశరవిద్ధచేతాః కింకరభావం స్వయం ప్రాప్తః ॥ 160 ॥
అనునయశీలస్తదను ప్రణయక్రోధాదినా భీతః ।
ఆదిమపురుషః సోஉయం సా లక్ష్మీర్న శ్రియై భవతు ॥ 161 ॥
మణికుండలలసితాస్యం కృపాకరం కిమపి కుంకుమచ్చాయం ।
హరిణా కృతసంచారం తేజో మే భాతు సర్వదా సిద్ధ్యై ॥ 162 ॥
సామ్రాజ్యమంగలశ్రీః శ్రీరేషా పుష్కరాక్షస్య ।
గంధర్వకన్యకాద్యైర్గంగాతీరేషు గీతకీర్తిరి ॥ 163 ॥
కవితాభాగ్యవిధాత్రీ పరిమలసంక్రాంతమధుపగణకేశా ।
మమ నయనయోః కదా వా సా దేవీ కలితసంనిధానకలా ॥ 164 ॥
కీర్తిః స్వయం వృణీతే వాగ్దేవీ చాపి విజయలక్ష్మీశ్చ ।
తం నరమచిరాల్లోకే యో లక్ష్మీపాదభక్తస్తు ॥ 165 ॥
సన్మిత్రం పాండిత్యం సద్దారాః సత్సుతాద్యాశ్చ ।
జాయంతే తస్య భువి శ్రీభక్తో యశ్చ నిర్దిష్టః ॥ 166 ॥
పరమాచార్యైర్వినుతాం తామంబామాదరాన్నౌమి ।
పరమైశ్వర్యం విష్ణోరపి యా వేదేషు నిర్దిష్టా ॥ 167 ॥
కవికులసూక్తిశ్రేణీశ్రవణానందోల్లసద్వతంససుమా ।
సా దేవీ మమ హృదయే కృతసాంనిధ్యా విరాజతే పరమా ॥ 168 ॥
తాపార్తాస్తు తటాకం యథా భజంతే రమాం దేవీం ।
సంసృతితప్తాః సర్వే యాంతి హి శరణం శరణ్యాం తాం ॥ 169 ॥
సర్వజ్ఞత్వం శ్లాధ్యం ధరాధిపత్యం రమే దేవి ।
యద్యత్ ప్రార్థ్యం దయయా తద్ దిశ మోక్షం చ మే జనని ॥ 170 ॥
విద్యుతమచంచలాం త్వాం కృష్ణే మేఘే పయోధివరకన్యే ।
నిత్యమవైమి శ్రేయఃసిధ్య మాతః ప్రసన్నే నః ॥ 171 ॥
త్వామంబ సంతతరుచిం కృష్ణో మేఘః సమాసాద్య ।
సద్వర్త్మని వర్షతి కిల కాంక్షాధికమాదరేణ వార్ధిసుతే ॥ 172 ॥
అంబ త్వమేవ కాలే ముకుందమపి దర్శయంతీహ ।
శ్రేయఃసిద్ధ్యై నమతాం భాసి హృది శ్రుతిశిరఃసు సల్లోకే ॥ 173 ॥
వినమదమరేశసుదతీకచసుమమకరందధారయా స్నిగ్ధం ।
తవ పాదపద్మమేతత్ కదా ను మమ మూర్ధ్ని భూషణం జనని ॥ 174 ॥
అపవర్గసౌఖ్యదే తే దయాప్రసారః కథం వర్ణ్యః ।
యామవలంబ్య హి యష్టిం న పతతి సంసారపంకిలే మార్గే ॥ 175 ॥
సూక్ష్మాత్ సూక్ష్మతరం తే రూపం పశ్యంతి యోగినో హృదయే ।
తాం త్వామహం కదా వా ద్రక్ష్యేஉలంకారమండితాం మాతః ॥ 176 ॥
చిరతరతపసా క్షిష్టే యోగిహృది స్థానభాగ్ రమా దేవీ ।
దర్శనమచిరాద్ దయయా దదాతి యోగాదిహీనానాం ॥ 177 ॥
తీరం సంసృతిజలధేః పూరం కమలాక్షలోచన ప్రీతేః ।
సారం నిగమాంతానాం దూరం దుర్జనతతేరి తత్తేజః ॥ 178 ॥
లక్ష్మీరూపం తేజో మమావిరస్తు శ్రియై నిత్యం ।
యన్నిత్యధర్మదారాన్ విష్ణోరమితౌజసః ప్రాహుః ॥ 179 ॥
జలధిసుతే త్వం జననీ స వాసుదేవః పితా చ నః కధితః ।
శరణం యువాం ప్రపన్నా నాతో దుర్గతిపరిస్ఫూర్తిః ॥ 180 ॥
హరినీలరత్నభాసా ప్రకశితాత్మా సముద్రవరకన్యా ।
మంగలమాతనుతేయం కటాక్షకలికాప్రసారైస్తు ॥ 181 ॥
మచ్చిత్తమత్తవారణబంధనమధునా త్వదీయపాదయుగే ।
కలయామి రమే మాతర్మాం రక్ష క్షిప్రమేవ సంసృతితః ॥ 182 ॥
మోచయ సంసృతిబంధం కటాక్షకలికాంకురై రమే మాతః ।
నాతః పరమర్థ్యమిహ క్షమాతలే త్వం దయామూర్తిః ॥ 183 ॥
మంజులకవితాసంతతిబీజాంకురదాయిసారసాలోకా ।
జనని తవాపాంగశ్రీః జయతి జగత్త్రాణకలితదీక్షేయం ॥ 184 1
అంబ తవాపాంగశ్రీరపాంగకేలీశతాని జనయంతీ ।
మురహంతురృది జయతి వ్రీడామదమోహకామసారకరీ ॥ 185 ॥
బద్ధమపి చిత్తమేతద్ యమనియమాద్యైః పరిష్కారైః ।
ధావతి బలాద్ రమే తవ పాదాబ్జం యామి శరణమహం ॥ 186 ॥
మత్తగజమాన్యగమనా మధురాలాపా చ మాన్యచరితా సా ।
మందస్మేరముఖాబ్జా కమలా మే హృదయసారసే లసతు ॥ 187 ॥
శాస్త్రస్మరణవిహీనం పాపినమేనం జనం రమా దేవీ ।
దయయా రక్షతి కాలే తస్యాస్తేన ప్రథా మహతీ ॥ 188 ॥
ముఖవిజితచంద్రమండలమిదమంభోరుహవిలోచనం తేజః ।
ధ్యానే జపే చ సుదృశాం చకాస్తి హృదయే కవీశ్వజాణాం చ ॥ 189 ॥
అంబ వివేకవిదూరం జనమేనం శిశిరలోచనప్రసరైః ।
శిశిరయ కృపయా దేవి త్వమేవ మాతా హి లోకస్య ॥ l90 ॥
కోపదుపేక్షసే యది మాతర్మే రక్షకః కః స్యాత్ ।
మయి దీనే కో లాభస్తవ తు దయాయాః ప్రసారిణ్యాః ॥ 191 ॥
భవచండకిరణతప్తః శ్రాంతోஉహం జ్ఞానవారిదూరస్థః ।
శిశిరామంఘ్రిచ్చాయాం తవ మాతర్యామి శరణమారాత్తు ॥ 192 ॥
మాతరశోకోల్లాసం ప్రకటయ తవ కోమలకటాకైః ।
యైర్దీనా నరపతయః కలితా వారణశతావృతే గేహే ॥ 193 ॥
జయతి రమే తవ మహతీ కృపాఝరీ సర్వసంమాన్యా ।
క్షేమంకరీ యదేషా ప్రతికల్పం సర్వజగతాం చ ॥ 194 ॥
అజ్ఞానకూపకుహరే పతితం మాం పాహి కమలే త్వం ।
నగరే వా గ్రామే వా వనమధ్యే దిక్షు రక్షిణీ త్వమసి ॥ 195 ॥
తవ చరణా శరణమితి బ్రువన్నహం మాతరబ్ధితనయే త్వం ।
హరిణా సహితా దయయా ప్రాహ్యవిలంబేన దీనం మాం ॥ 196 ॥
పరిసరనతవిబుధాలీకిరీటమణికాంతివల్లరీవిసరైః ।
కృతనీరాజనవిధి తే మమ తు శిరోభూషణం హి పదయుగలం ॥ 197 ॥
మమ హృదయపంకజవనీవికాసహేతౌ దినాధిపాయేతాం ।
తవ తు కటాక్షప్రసరః దీపాయేతాం తమోనిరాకరణే ॥ 198 ॥
యావచ్చరణం యాతి క్షితితనయే త్వాం హి జంతురిహ మూఢః ।
తావత్ తస్య తు రసనాంగణే తు వాణీ సమాకలితనృత్తా ॥ 199 ॥
పంకజనిలయే తావకచరణం శరణం సమాకలయే ।
తేన హి సర్వకృతానాం భవిష్యతాం హానిరేవ దురితానాం ॥ 200 ॥
శ్రుత్యంత సేవితం తే చరణసరోజం ప్రణమ్య కిల జంతుః ।
ఛత్రోల్లసితశిరాః సన్ వనీపకాన్ దానవారిణా సించన్ ॥ 201 ॥
విష్వక్సేనముఖాద్యైః సేవితమంబ త్వదీయపాదయుగం ।
అవతంసయంతి సంతః కలితాపప్రశమనాయాస్తు ॥ 202 ॥
దుగ్ధోదధితనయే త్వాం దిశాగజేంద్రాః సువర్ణఘటతోయైః ।
మణిమంటపమధ్యతలే సమభ్యషించన్ హరిప్రీత్యై ॥ 203 ॥
దిగ్గజపుష్పకరకుంభైరభిషిక్తాం త్వాం హరిః ప్రీత్యా ।
ఉదవహదారాన్మునిగణమధ్యే సర్వశ్రియో మూలం ॥ 204 ॥
జాతపరాక్రమకలికా దిశి దిశి కింనరసుగీతనిజయశసః ।
ధన్యా భాంతి హి మనుజాః యద్వీక్షాలవవిశేషతః కాలే ॥ 205 ॥
నమదమరీకచభరసుమమరందధారాభిషిక్తం తే।
పదకమలయుగలమేతఛ్చ్రేయఃస్ఫూర్త్యై సదా భవతు ॥ 206 ॥
రాగద్వేషాదిహతం మామవ కమలే హరేః కాంతే ।
దర్శయ దయయా కాలే హ్యపవర్గస్థానమార్గం చ ॥ 207 ॥
న హి జానే వర్ణయితుం పరమే స్థనే త్వదీయవిభవమహం ।
మునయశ్చ సురా వేదా యతో నివృత్తాః క్షమాతనయే ॥ 208 ॥
మనుజాః కటాక్షితాః కిల తథాంబయా మేదినీపుత్రా ।
సత్సుతకలత్రసహితాః సురభిం కాలేన నిర్విశాంతి ముదా ॥ 209 ॥
జలధీశకన్యకా సా లసతు పురోஉస్మాకమాదరకృతశ్రీః ।
యత్ప్రణమనాజ్జనానాం కవితోన్మేషః సదీడితే భాతి ॥ 210 ॥
దూరికరోతు దురితం త్వద్భక్తిర్మామకం కమలే ।
అహమపి సురేశసేవ్యే తవ సదసి విశామి కీర్తిగానపరః ॥ 211 ॥
పరమజ్ఞానవిధాత్రీ తవ పాదపయోజభక్తిరస్మాకం ।
కిం వాశాస్యమతోஉన్యత్ సముద్రతనయే హరేర్జాయే ॥ 212 ॥
అంబ కదా వా లప్స్యే మదీయపాపాపనోదాయ ।
తవ పాదకమలసేవామబ్జభవాద్యైస్తు సంప్రార్థ్యాం ॥ 213 ॥
మందానామపి మంజులకవిత్వరసదాయినీ జననీ ।
కాపి కరుణామయీ సా లసతు పురస్తాత్ సదాస్మాకం ॥ 214 ॥
సకలకవిలోకవినుతే కమలే కమలాక్షి వల్లభే విష్ణోః ।
త్వన్నామాని హి కలయే వనే జలే శత్రుపీడాయాం ॥ 215 ॥
దివి వా భువి దిక్షు జలే వహ్నౌ వా సర్వతః కమలే ।
జంతూనాం కిల రక్షా త్వదధీనా కీర్త్యతే విబుధైః ॥ 216 ॥
కుశలవిధయే తదస్తు త్రివిక్రమాసేవ్యరమ్యనిజకేలి ।
కబలితపదనతదైన్యం తరుణాంబుజలోచనం తేజః ॥ 217 ॥
జననీ సువర్ణవృష్టిప్రదాయినీ భాతి విష్ణువక్షఃస్థా ।
కమలా కలితక్షేమా ప్రకృతీనాం శీతలాపాంగైః ॥ 218 ॥
జగతామాదిమజననీ లసతి కవేరాత్మజాపులినే ।
క్షేత్రేషూత్తమజుష్టేష్వయోనిజా లోకరక్షాయై ॥ 219 ॥
కుచశోభాజితవిష్ణుః కుంకుమపంకాంకితా కమలా ।
కాంచ్యాం రాజతి కాంచీమణిగణనీరాజితాంఘ్రియుగా ॥ 220 ॥
మందారకుసుమమదహరమందస్మితమధురవదనపంకరుహా ।
హృద్యతమనిత్యయౌవనమండితగాత్రీ విరాజతే కమలా ॥ 221 ॥
కంసరిపుగేహినీ సా హంసగతిరంసమాన్యనిజచరితా ।
సంసారతాపహానిం కలయతు కాలే రమాస్మాకం ॥ 222 ॥
మనసిజజననీ జననీ చాస్మాకమిహాదరాత్ కాలే ।
శీతలలోలాపాంగైస్తరంగయతి శ్రేయసాం సరిణం ॥ 223 ॥
తవ మందహాసకలికాం భజే భుజంగే శయానం తం ।
యా కలయతి గతకోపం బాలానాం నః కృతాపరాధానాం ॥ 224 ॥
సా సాధయేదభీష్టం కమలా శ్రీర్విష్ణువక్షఃస్థా ।
యస్యాః పదవిన్యాసః శ్రుతిమౌలిషు తన్యతే మహాలక్ష్మ్యాః ॥ 225 ॥
శాంతిరసనిత్యశేవధిమంబాం సేవే మనోరథావాప్త్యై ।
యామారాధ్య సురేశాః స్వపదం ప్రాపురి తాదృక్షం ॥ 226 ॥
ధాతురపి వేదవచసాం దూరే యత్థ్పానమామనంతి బుధాః ।
సాస్తు ముదే శ్రీరేషా మురమర్దనసత్కలత్రమమితౌజః ॥ 227 ॥
భవదుఃఖరాశిజలధేరఠాత్ తరిత్రీం పరం విద్మః ।
తామంబాం కమలస్థాం మురారివక్షోమణిప్రదీపాం చ॥ 228 ॥
మునిసార్వభౌమవర్ణితమహాచరిత్రం హరేః కలత్రం తత్ ।
పథి మంగలాయ భవతు ప్రస్థానజుషాం కృపాధారం ॥ 229 ॥
ఖండితవైరిగణేయం మండితభక్తా సుతాద్యైశ్చ ।
భాసురకీర్తిర్జయతి క్షోణీసురవంద్యచరణాబ్జా ॥ 230 ॥
నతపాలిని మాం పాహి త్రిజగద్వంద్యే నిధేహి మయి దయయా ।
తావకకటాక్షలహరీః శక్తిమయే సకలసిద్ధీనాం ॥ 231 ॥
భవసాగరం తితీర్షుస్తవ చరణాబ్జం మహాసేయుం ।
మాతః కదా ను లప్స్యే ఘనతాపోర్మ్యాదిపీడితో దీనః॥ 232 1
కవివాగ్వాసంతీనాం వసంతలక్ష్మీర్మురారిదయితా నః ।
పరమాం ముదం విధత్తే కాలే కాలే మహాభూత్యై ॥ 233 ॥
సురహరపరతంత్రం తద్ గతతంద్రం వస్తు నిస్తులముపాసే ।
తేనైవాహం ధన్యో మద్వంశ్యా నిరసితాత్మతాపభరాః ॥ 234 ॥
తృష్ణాం శమయతి దేవీ రాఘవదయితా నతాలిసురవల్లి ।
ఇట్యార్యవచో ధైర్యం జనయతి కాలే ధరాపుత్రి ॥ 235 ॥
రఘుపతిదయితే మాతః కాకాసురరక్షణాదినా లోకే ।
తావకకరుణామహిమా ప్రథితః కిల భూతిదాయీ నః ॥ 236 ॥
ప్రచురతదురితపాలీసమావృతానాం కలౌ హి తప్తానాం ।
తావకదయా హి మాతః శరణం వరమితి సతాం గణః స్తౌతి ॥ 237 ॥
అత్యంతశీతలాం తాం కటాక్షధాటీముపాసేஉహం ।
తేన మమ త్రిదశానాం న కోஉపి భేదో ధరాతనయే ॥ 238 ॥
యైః సేవా సంకలితా తవ పాదాబ్జే ధరాతనయే ।
తేషామజ్ఞానఝరీ యాతి హి విలయం క్షణేనైవ ॥ 239 ॥
జ్ఞానారవిందవిలసనమచిరాదస్య స్తుతౌ హి కవివర్యాః ।
సంపద్ దివ్యా చ తథా విబుధావలిమాననీయాత్ర ॥ 240 ॥
మాతస్తవ పాదాబ్జం యస్య లలాటే కృతోరునిజకాంతి ।
తత్పాదపద్మమచిరాద్ విమానగా దేవతా వహతి ॥ 241 ॥
ఆజ్ఞావశేన దేవ్యా లసంతి దివి దేవతామాన్యాః ।
ఇంద్రాద్యాః స చ ధాతా దిక్పాలాశ్చాపి గంధర్వాః ॥ 242 ॥
కైవల్యానందకలాదాత్రీం కమలామహర్నిశం నౌమి ।
తేనైవ జన్మ సఫలం తీర్థాదినిషేవణాద్యచ్చ ॥ 243 ॥
యచ్చ హరిపాదపంకేరుహపరిచరణాదినా లోకే ।
తత్ సర్వమాశు ఘటయతి సహసా మందస్య మే మాతా ॥ 244 ॥
నానాశ్రుత్యంతకలాపరిమలపరివాహవాసితం మాతః ।
తవ చరణకమలయుగలం మమావతంసః క్షణం భాతు ॥ ॥ 245 ॥
నతదేవనగరనారీధమ్మిల్లలసత్సుమాలికృతనాదాః ।
ప్రాతర్మురజవిలాసం కలయంతి భృశం తవాగ్రతో భృంగాః ॥ 246 ॥
పాపప్రశమనదీక్షాకలాధురీణాః పయోజనిలయే తే ।
మాం చ పవిత్రీకుర్యుః పాదపరాగాః కృపావశతః ॥ 247 ॥
హంత కదా వా లప్స్యే తవాంఘ్రిశుశ్రూషణాసక్తిం ।
సహజానందం తేన హి పదం క్రమాత్ ప్రాప్యమాదిష్టం ॥ 248 ॥
నలినీవిలాసరుచిరాం మయి దేవి త్వత్కటాక్షలహరీం హి।
కాలే నిధేహి దయయా స్ఫీతా తే కీర్తిరాదృతా సర్వైః ॥ 249 ॥
వినిహతదురితస్తోమా కాపి మదీయే హృదంభోజే ।
లసతు పరదేవతాఖ్యా మాధవనేత్రప్రియంకరీ కలికా ॥ 250 ॥
పంచాయుధగురుమంత్రం కలనూపురనినదమాదరాత్ కమలే ।
కలయతి రమాధవగ్భహం యాతుం కాలే త్వయి ప్రవృత్తాయాం ॥ 251 ॥
నతనాకిలోకవనితాలలాటసిందూరశోణకాంతిభృతోః ।
కలయే నమాంసి కమలే తవ పాదపయోజయోర్నిత్యం ॥ 252 ॥
కమలసుషుమానివాసస్థానకటాక్షం చిరాయ కృతరక్షం ।
రక్షోగణభీతికరం తేజో భాతి ప్రకామమిహ మనసి ॥ 258 ॥
జ్యోత్స్నేవ శిశిరపాతా కటాక్షధాటీ త్వదీయా హి ।
అంబ ముకుంద.............. (అసంపూర్తి) కురుతే ॥ 254॥
తాపహరరసవివర్షంఅధృతకుతుకా కాపి నీలనలినరుచిః ।
కాదంబినీ పురస్తదాస్తాం నః సంతతం జననీ ॥ 255 ॥
సఫలయతు నేత్రయుగలం మామకమేతత్ త్వదీయరూపమహో ।
యత్ కమలనేత్రసుచరితపచేలిమం వైదికీ శ్రుతిర్బ్రూతే ॥ 256 ॥
మాధవనేత్రపయోజామృతలహరీ భాతి తావకం రూపం ।
అంబ యువామాద్యౌ నః పితరౌ వనే సుఖావాప్త్యై ॥ 257 ॥
సరసకవితాదిసంపద్విలసనమారాదుశాంతి కవివర్యాః ।
యత్ప్రీణనేన సా మే భవతు విభూత్యై హి సా కమలా ॥ 258 ॥
మనసిజజయాదికార్యం యదపాంగలవాన్నృణాం భవతి ।
తత్పదమానందకలం సేవ్యం చ భజే రమాం జననీం ॥ 259 ॥
శిథిలతతమఃసమూహా భక్తానాం సా రమా దేవీ ।
జనయతి ధైర్యం చ హరేః కాలే యా సర్వదా సేవ్యా ॥ 260 ॥
యద్భ్రూవిలాసవశతః శక్తః సృష్ట్యాదికం కర్తుం ।
హరిరపి లోకే ఖ్యాతః సా నః శరణం జగన్మాతా ॥ 261 ॥
నయనయుగలీం కదా మే సించతి ఏవ్యాః పరం రూపం ।
యద్భజనాన్న హి లోకే దృష్టం శ్లాధ్యం పరం వస్తు ॥ 262 ॥
సుచరితఫలం త్వదీయం రూపం నః కలితభక్తీనాం ।
అత ఏవ మామకానాం పాపానాం విరతిరూర్జితా కమలే ॥ 263 ॥
సుకృతివిభవాదుపాస్యా కమలా సా సర్వకల్యాణా ।
హరివక్షసి కృతవాసా రక్షతి లోకానహోరాత్రం ॥ 264 ॥
సంవిద్రూపా హి హరేః కుటుంబినీ భాతి భక్తహృదయేషు ।
సర్వశ్రేయఃప్రాప్త్యై యాం విదురార్యా రమాం కమలాం ॥ 265 ॥
విషయలహరీప్రశాంత్యై కమలాపాదాంబుజం నౌమి ।
పూర్వం శుకాదిసుధియో యద్ధ్యానాద్ గలితశత్రుభయాః ॥ 266 ॥
లలితగమనం త్వదీయం కలనూపురనాదపూరితం మాతః ।
నౌమి పదాంబుజయుగలం భవతాపనిరాసనాయాద్య ॥ 267 ॥
విరలీకరోతి తాపం కమలాయా మందహాసఝరీ ।
యత్సేవనేషు సముదితకౌతుకరసనిర్భరో హరిర్జయతి ॥ 268 ॥
ప్రతిఫలతు సంతతం మే పురతో మాతస్త్వదీయరూపమిదం ।
యద్దర్శనరసభూమ్నా హరిరపి నానాస్వరూపభాక్ కాలే ॥ 269 ॥
అంబ తవ చరణసేవాం సంతతమహమాదరాత్ కలయే ।
తేన మమ జన్మ సఫలం త్రిదశానామివ మునీంద్రాణాం ॥ 270 ॥
దుర్వారగర్వదుర్శతిదురర్థనిరసనకలానిపుణాః ।
తవ చరణ సేవయైవ హి కమలే మాతర్బుధా జగతి ॥ 271 ॥
ఆనదమేతి మాతస్తవ నామోచ్చారణేన సింధుభవే ।
సంప్రాప్తత్వద్రూపం మమ మానసమాత్తయోగకలం ॥ 272 ॥
తవ దృష్టిపాతవిభవాత్ సర్వే లోకే విధూతతాపభరాః ।
యాంతి ముదా త్రిదశైః సహ విభానమారుహ్య మాతరహో 1 278 ॥
కో వా న శ్రయతి బుధః శ్రేయోஉర్థీ తామిమాం కమలాం ।
యాం పన్నగారివాహనసద్గర్మిణీమర్చయంతి సురనాథాః ॥ 274 ॥
తామరవిందనివాసామంబాం శరణార్థినాం కలితరక్షాం ।
బహురూపేష్వఘనిచయేష్వపి నిశ్చిత్యాత్మనో ధైర్యం ॥ 275 ॥
కరుణాప్రవాహఝర్యా గతపంక భూతలం మాతః ।
సత్వాంకురాదిలసితం జయతి పయోరాశికకన్యకే కమలే ॥ 276 ॥
విధిశివవాసవముఖ్యైర్వంద్యపదాబ్జే నమస్తుభ్యం ।
మాతర్విష్ణోర్దయితే సర్వజ్ఞత్వం చ మే కలయ ॥ 277 ॥
పరదేవతే ప్రసీద ప్రసీద హరివల్లభే మాతః ।
త్వామాహుః శ్రుతయః కిల కల్యాణగుణాకరాం నిత్యాం ॥ 278 ॥
క్షంతవ్యమంబ మామకమఘరాశిం క్షపయ వీక్షణతః ।
సత్వోన్మేషం దేహి ప్రియే హరేర్దాసమపి కురుమాం॥ 279 ॥
వాంఛితసిద్ధిర్న స్యాద్ యది పాదాబ్జే కృతప్రణామానాం ।
హానిస్త్వదీయయశసామితి కేచిద్ధైర్యవంతశ్చ ॥ 280 ॥
సదసదనుగ్రహదక్షాం త్వాం మాతః సంతతం నౌమి ।
గ్రహపీడా నైవ భవేద్యమపీడా దూరతః కాలే ॥ 281 ॥
విద్యాః కలాశ్చ కాలే కృపయా కలయ ప్రసీదాశు ।
మాతస్త్వమేవ జగతాం సర్వేషాం రక్షణం త్వయా క్రియతే ॥ 282 ॥
ఉఛేష్వపి నీచేషు ప్రకాశతే తుల్యమేవ తవ రూపం ।
ఏతద్ దృష్ట్వా ధైర్యం ఘనాగసోஉప్యంబ జాయతే నను మే ॥ 283 ॥
కా శంకా తవ వైభవజాలం వక్తుం దిగంతరే మాతః ।
వరహారాలంకారాం సేవంతే త్వాం హరిత్పతయః ॥ 284 ॥
కమలాయాశ్చ హరేరపి సందృప్యం దివ్యదాంపత్యం ।
తావేవ నః పతీ కిల జన్మాంతరపుణ్యపరిపాకాత్ ॥ 285 ॥
సర్వాసాముపనిషదాం విద్యానాం త్వంపరం స్థానం ।
అల్పధియో వయమేతే త్వత్త్సోత్రే భోః కథం శక్తాః ॥ 286 ॥
సాష్టాంగప్రణతిరియం ప్రకల్పితా మాతరద్య తవ చరణే ।
తేనాహం హి కృతార్థః కిం ప్రార్థ్యం వస్త్వతః కమలే ॥ 287॥
సోత్రమిదంహి మయా తే చరణాంభోజే సమర్పితం భక్త్యా ।
తవ చ గురోరపి వీక్షా తత్ర నిదానం పరం నాన్యత్ ॥ 288 ॥
దేహాంతే నను మాతర్మోక్షం త్రిదశైః సమం దేహి ।
అహమపి సామ పఠన్ సన్ త్వాం చ హరిం యామి శరణార్థీ ॥ 289 ॥
శుకవాణీమివ మాతర్నిరర్థకాం మద్వచోభంగీం ।
ఆరాచ్చృణోషి దయయా తదేవ చోత్తమపదవ్యక్త్యై ॥ 290 ॥
విద్యాం కలాం వరిష్ఠాం అంబ త్వాం సంతతం వందే ।
యా వ్యాకరోషి కాలే విద్వద్భిర్వేదతత్త్వాది ॥ 291 ॥
వైదుష్యం వాణ్యాః సత్సంపజర్యో యదీయవీక్షణతః ।
సిధ్యంత్యపి దేవానాం సా నః శరణం రమా దేవీ ॥ 292 ॥
విపులం శ్రియో విలాసం శ్రద్ధాం భక్త్యాదికం దేహి ।
అంబ ప్రసీద కాలే తవ పాదాబ్జైకసేవినామిహ నః ॥ 293 ॥
కేచిత్ ప్రాంచః కమలాం ప్రాప్య హి శరణం విపత్కాలే ।
ఝటితి విధూనితతాపాః సా మే దేవీ ప్రసన్నాస్తు ॥ 294 ॥
మరకతకాంతిమనోహరమూర్తిః సైషా రమా దేవీ ।
పాతి సకలాని కాలే జగంతి కరుణావలోకాద్యైః ॥295 ॥
భాగీరథీవ వాణీ తవ నుతిరూపా విరాజతే పరమా ।
ఇహ మాతర్యద్భజనం సర్వేషాం సర్వసంపదాం హేతుః ॥ 296 ॥
కలశపయోదధితనయే హరిప్రియే లక్ష్మి మాతరంబేతి ।
తవ నామాని జపన్ సన్ త్వద్దాసోஉహం తు ముక్తయే సిద్ధః ॥ 297 ॥
నిఖిలచరాచరరక్షాం వితన్వతీ విష్ణువల్లభా కమలా ।
మమ కులదైవతమేషా జయతి సదారాధ్యమాన్యపాదకమలా ॥ 298 ॥
సర్వజన్నుతవిభవే సంతతమపి వాంఛితప్రదే దేవి ।
అంబ త్వమేవ శరణం తేనాహం ప్రాప్తసర్వకార్యార్థః ॥ 299 ॥
కమలే కథం ను వర్ణ్యస్తవ మహిమా నిగమమౌలిగణవేద్యః ।
ఇతి నిశ్చిత్య పదాబ్జం తవ వందే మోక్షకామోஉహం ॥ 300 ॥
త్వామంబ బాలిశోஉహం త్వచమత్కారైర్గిరాం గుంభైః ।
అయథాయథక్రమం హి స్తువన్నపి ప్రాప్తజన్మసాఫల్యః ॥ 301 ॥
॥ ఇతి శ్రీకమలాత్రిశతీ సమాప్తం ॥
