శ్రీ భువనేశ్వరీరహస్యాస్తవః
పూర్వపీఠికా
అధునా శృణు దేవేశి! స్తోత్రం తత్త్వనిరూపణం ।
సర్వస్వం భువనేశ్వర్యాః పరాపరరహస్యకం ।
యస్య కస్య న వక్తవ్యం వినా శిష్యాయ పార్వతి ।
వినియోగః-
అస్య స్తోత్రస్య దేవేశి! ఋషిర్భైరవ ఉచ్యతే ।
ఛందోஉనుష్టుప్‌ సమాఖ్యాతం దేవతా భువనేశ్వరీ ॥ 01 ॥
శ్రీతత్త్వరూపిణీ బీజం మాయా హ్రైం శక్తిరుచ్యతే ।
హ్రః కీలకం సమాఖ్యాతం భువనేశ్యాః మహేశ్వరి!
ధర్మార్థకామమోక్షార్ధే వినియోగః ప్రకీర్తితః ॥ 02 ॥
ధ్యానం:
ఉద్యత్సూర్యసహస్రాభాం శశాంకకృతశేఖరాం ।
పద్మాసనాం స్మేరముఖీం సూర్యేంద్వగ్నివిలోచనాం ।
రక్తవస్త్రధరాం పద్మపాశాంకుశవరాన్‌ కరైః
దధతీం భువనేశానీం ధ్యాయేత్‌ హృత్పంకజే శివాం ॥ 03 ॥
అథ రహస్యస్తవః ।
వాగ్భవం తవ శివే! ప్రియబీజం ధ్యాయతే యది నరోஉనలచేతాః ।
తస్య త్వచ్చరణపూజనమాత్రాజ్జాయతే హికమలైవ తదానీం ॥ 01 ॥
శక్తిబీజమనఘం సుధాకరం సాధకో యది జపేద్‌ హృది భక్త్యా ।
తస్య స్వర్గలలనా చరణాబ్జౌ రంజయంతి ముకుటైర్మణియుక్తైః ॥ 02 ॥
మాయాబీజం యో జపేత్‌ తే మహేశి !
తత్త్వం మంత్రీ భక్తిమాన్‌ ముక్తికాంక్షీ ।
త్వత్సాదృశ్యాత్‌ యాతి త్వద్ధామ రమ్యం
నాకస్త్రీభిర్బీజ్యమానః సుతాలైః ॥ 03 ॥
త్వన్మంత్రమధ్యే భువనేశ్వరీతి యో
నామ రంభాపరిరంభకాంక్షీ ।
ధ్యాయేత్‌ హృదబ్జే శశిఖండచూడే
స యాతి రంభాం పరిరభ్య నాకం ॥ 04 ॥
మాయాஉర్ణం యః సాధకో ధ్యాయత్உమ్బ !
తస్య బ్రహ్మవిష్ణురుద్రాదయస్తే ।
దేవాః పాదౌ రంజయంతి స్మ నిత్యం
మౌలిస్థైస్తైరింద్రనీలాదిరత్నైః ॥ 05 ॥
తత్త్వరూపిణి! భవన్మనుమధ్యే
యో జపేత్‌ తవ సుధాకరమాఖ్యం ।
దేవి! తస్య ఖలు సాధకరాజ్ఞో
విశ్వమేతదఖిలం వశమేతి ॥ 06 ॥
మాయాబీజం దేవి! మంత్రాంతసంస్థం
రాత్రౌ వహ్నిం ధ్యాయతే యో హృదంతః ।
భూమౌ భూయాస్తస్య పాదాబ్జయుగ్మం
రజంతి స్వైర్మౌలిరత్నాంశుభి స్తైః ॥ 07 ॥
ఫలశ్రుతిః ।
ఇతీదం పరమం తత్త్వం తత్త్వవిద్యాస్తవోత్తమం ।
రహస్యం భువనేశ్వర్యాః సర్వస్వం మమ పార్వతి ॥ 08 ॥
సంపూజ్య భువనేశానీం యః పఠేత్‌ సాధకోత్తమః ।
తస్యాஉష్టౌ సిద్ధయో దేవి! కరసంస్థా మహేశ్వరి ॥ 09 ॥
అస్య స్తవస్య దేవేశి! ప్రభావం కథితం విభుః ।
నాస్మ్యహం భువనేశ్వర్యాః పంచవక్రైర్న సంశయః ॥ 10 ॥
॥ ఇతి శ్రీ భువనేశ్వరీరహస్యే శ్రీభువనేశ్వర్యాః రహస్యస్తవః సంపూర్ణః ॥
No comments:
Post a Comment