1. నల్ల కుక్కకు నాలుగు చెవులు ఏమిటది ? సమాధానం : లవంగం
2. బంగారు చెంబులో వెండి గచ్చకాయ ఏమిటది ? సమాధానం : పనసగింజ
3. కుడితి తాగదు, మేత మేయదు గాని, కుండకు పాలు ఇస్తుంది..? సమాధానం : తాడి చెట్టు, ఈత చెట్టు
4. అనగనగ ఒక అప్సరస. పేరు మధ్యలో ఒక అక్షరం తీసేస్తే మేక..? సమాధానం : మేనక
5. పూజకు పనికిరాని పత్రి ఏమిటి..?? సమాధానం : ఆసుపత్రి
6. గీయలేని కోణం..?? సమాధానం : కుంభకోణం
7. కొట్టకుండా తగిలే దెబ్బ ఏమిటి..?? సమాధానం : వడదెబ్బ
8. తాగలేని పాలు ఏమిటి..?? సమాధానం : పాపాలు
9. తినలేని కాయ ఏమిటి..?? సమాధానం : లెంపకాయ
10. అందరికీ ఇష్టమైన కారం ఏమిటి..?? సమాధానం : ఉపకారం
11. అందరూ కోరుకునే సతి ఏమిటి..?? సమాధానం : వసతి
12. కూర్చోలేని హాలు ఏమిటి..?? సమాధానం : వరహాలు
13. పగలు కూడా కనపడే నైట్ ఏమిటి..?? సమాధానం : గ్రానైట్
14. రుచి లేని కారం ఏమిటి..?? సమాధానం : ఆకారం
15. ఎగిరినా ఎగురుతుంది, నడచినా నడుస్తుంది కానీ నోట మాట లేదు ? సమాధానం : నీడ
16. కడుపు నిండా రాగాలు, వంటి నిండా గాయాలు ? సమాధానం : వేణువు, మురళి
17. ఇల్లు అంతా తిరిగి మూలన కూర్చుంటుంది ? సమాధానం : చీపిరి
18. అమ్మకి తమ్ముడిని కాను, కానీ నేను అందరికి మేనమామని ఎవర్ని నేను ?
సమాధానం : చందమామ
19. జాన కాని జాన ? సమాధానం : ఖజాన
20. మూత తెరిస్తే, ముత్యాలు ? సమాధానం : దంతాలు
21. చక్కని చెరువు చిక్కని నీళ్లు తెల్లని కాడ ఎర్రని పువ్వు..? సమాధానం : దీపం
22. అడవిలో పుటింది, అడవిలో పెరిగింది, మా ఇంటికొచ్చింది, మహాలక్ష్మిగా మారింది..?
సమాధానం : గడప
23. పగలేమో కటోర తపస్వి రాత్రి భయంకర రాక్షసి..? సమాధానం : గబ్బిలం
24. పచ్చని చేలు పరిమళాల పిట్టా ఒళ్ళు విరుచుకుంది తెచ్చుకుందాం అంటే గుచ్చుకుంది..?
సమాధానం : మొగలి పువ్వు
25. అరచేతిలో లెక్కించలేనన్ని ఇళ్ళు, వాటికి వెళ్లే దారేకాని వచ్చే దారే లేదు?
సమాధానం : జల్లెడ
26. పోకంతా పొట్టోడు, ఇంటికి గట్టోడు? సమాధానం : తాళం కప్ప
27. సన్న తోడవు తొలగిస్తే, కమ్మని వెన్నముద్ద అందరూ ఇష్టంగా ఆరగిస్తారు?
సమాధానం : అరటిపండు
28. చారెడు కుండలో మానెడు పగడాలు? సమాధానం : దానిమ్మ పండు
29. చెట్టుకు కాయని కరకరలాడే కాయ? సమాధానం : కజ్జికాయ
30. నల్ల స్తంభం పై నలుగురు దొంగలు? సమాధానం : లవంగం మొగ్గ
31. కాళ్ళు చేతులు ఉన్నా నడవలేనిది? సమాధానం : కుర్చీ
32. ఒళ్ళంతా ముళ్ళు, కడుపంతా చేదు? సమాధానం : కాకర కాయ.
33. రంగం కాని రంగం, ఏమి రంగం? సమాధానం : వీరంగం
34. రసం కాని రసం ? సమాధానం : నీరసం
35. దానికి రెండే కాళ్ళు, ఏడు చేతులు? సమాధానం : నిచ్చెన
36. ఈ ఇంటికి, ఆ ఇంటికి మధ్య ఒకటే దూలం? సమాధానం : ముక్కు
37. కళ్లుండి చూడలేదు, కాళ్ళుండి నడవలేదు? సమాధానం : నవారు మంచం
38. కన్ను ఉన్నా తలలేనిది? సమాధానం : సూది
39. కాటుక రంగు, కమలము హంగు ! విప్పిన పొంగు, ముడిచిన క్రుంగు ? సమాధానం : గొడుగు
40. బడి కాని బడి, ఏమి బడి? సమాధానం : రాబడి
41. ఊరికి రెండు కళ్ళు, ఒకటి తెలుపుని చూస్తే, మరొకటి నలుపుని చూస్తుంది..?
సమాధానం : ఆకాశం (రాత్రి, పగలు)
42. చుక్కలు చుక్కల రాణిని బంగారు వెన్నెల ప్రాణిని బిత్తర చూపులు దానిని చెంగుచెంగున దూకే దాన్ని..?? సమాధానం : జింక (లేడి)
43. కిట కిట తలుపులు కిటారు తలుపులు ఎప్పుడు మూసిన చప్పుడు కావు ?
సమాధానం : కను రెప్పలు
44. పుట్టినపుడు పురుగు ! పెరిగితే పువ్వుల రాజు ? సమాధానం : భ్రమరము
45. హారము కాని హారము, ఏమి హారము ? సమాధానం : ఆహారము
46. అడవిలో పుట్టింది అడవిలో పెరిగింది మా ఇంటికొచ్చింది తైతక్క లాడింది ?
సమాధానం : చిల్ల కవ్వ
47. నన్ను కొడితే ఊరుకోను, గట్టిగా అరుస్తాను, దేవుడ్ని పిలుస్తాను ? సమాధానం : గుడి గంట
48. చూస్తే చిన్నోడు, వాడి ఒంటి నిండా నారా బట్టలు ? సమాధానం : టెంకాయ
49. చూస్తే గజి బిజీ, తింటే కరకర ? సమాధానం : జంతిక
50. నాకు నోరు లేదు కానీ మాటలాడుతాను, చెవులు లేవు కానీ ఎంత చిన్నగా మాట్లాడినా విని అందరికీ తెలియచేస్తాను ? సమాధానం : మైకు
51. చిక్కటి కారడవిలో చక్కటి దారి ? సమాధానం : పాపిట
52. చారల పాపకి దూది కుచ్చు! ? సమాధానం : ఉడుత
53. కొట్టకుండా తగిలే దెబ్బ ఏమిటి ? సమాధానం : వడదెబ్బ
54. కరవలేని పాము ? సమాధానం : వెన్నుపాము
55. అరచెయ్యంత పట్నంలో అరవై గదులు; గదికొక్క సిపాయి; సిపాయికొక్క తుపాకీ ?
సమాధానం : తేనె పట్టు
56. వెలిగించలేని క్యాండిల్ ? సమాధానం : ఫిల్టర్ క్యాండిల్
57. వాహనాలకు ఉండని టైర్ ఏమిటి ? సమాధానం : సెటైర్
58. అంకెల్లో లేని పది ? సమాధానం : ద్రౌపది
59. ఇంటికి పెట్టలేని గేట్ ఏమిటి ? సమాధానం : ఇంట్రాగేట్
60. అందరికి నచ్చే బడి ఏమిటి ? సమాధానం : రాబడి
61. మొక్కకు పూయని రోజాలు ఏమిటి ? సమాధానం : శిరోజాలు
62. వేసుకోలేని గొడుగు ఏమిటి ? సమాధానం : పుట్టగొడుగు
63. డబ్బులుండని బ్యాంక్ ఏమిటి ? సమాధానం : బ్లడ్ బ్యాంక్
64. నారి లేని విల్లు ఏమిటి ? సమాధానం : హరివిల్లు
No comments:
Post a Comment