Sri Bhuvaneshwaree Ashtottrara Sata Nama Stothram - శ్రీ భువనేశ్వరి అష్టోత్తర శతనామ స్తోత్రం

శ్రీ భువనేశ్వరి అష్టోత్తర శతనామ స్తోత్రం

కైలాస శిఖరే రమ్యే నానారత్నోప శోభితే

నరనారీ హితార్థాయ శివం ప్రపచ్చ పార్వతీ ॥ 01 ॥

దేవ్యువాచ :
భువనేశ్వరీ మహావిద్యా నామ్నామష్టోత్తరం శతమ్‌
కథయస్వ మహాదేవ యద్యహం తవవల్లభా ॥ 02 ॥

ఈశ్వర ఉవాచ :
శ్రుణుదేవి మహాభాగే స్తవరాజమిదం శుభమ్‌
సహస్ర నామ్నా మధికం సిద్ధిదం మోక్షహేతుకమ్‌ ॥ 03 ॥

శుచిభిః ప్రాతరుత్థాయ పఠితవ్యం సమాహితైః
త్రికాలం శ్రద్ధయా యుక్తైః సర్వకామ ఫలప్రదం ॥ 04 ॥

ఓం అస్యశ్రీ భువనేశ్వర్యష్ణోత్తర శతనామ స్తోత్రస్య శక్తి ఋషిః
గాయత్రీ ఛందో, భువనేశ్వరీ దేవతా, చతుర్వర్గ సాధనే వినియోగః ॥

ఓం మహామాయా మహావిద్యా మహాయోగా మహోత్కటా
మాహేశ్వరీ కుమారీ చ బ్రహ్మాణీ బ్రహ్మరూపిణీ ॥ 05 ॥

వాగీశ్వరీ యోగరూపా యోగినీ కోటి సేవితా
జయా చ విజయాచైవ కౌమారీ సర్వమంగళా ॥ 06 ॥

హింగుళా చ విలాసీ చ జ్వాలినీ జ్వల రూపిణీ
ఈశ్వరీ క్రూర సంహారీ కుల మార్గ ప్రదాయినీ ॥ 07 ॥

వైష్ణవీ సుభగాకారా సుకుల్యాకుల పూజితా
వామాంగా వామాచార వామదేవ ప్రియాతథా ॥ 08 ॥

డాకినీ యోగినీ రూపాభూతేశీ భూతనాయికా
పద్మావతీ పద్మనేత్రా ప్రబుద్ధా చ సరస్వతీ ॥ 09 ॥

భూచరీ ఖేచరీ మాయా మాతంగీ భువనేశ్వరీ
కాంతా పతివ్రతా సాక్షీ సుచక్షుః కుండవాసినీ ॥ 10 ॥

ఉమా కుమారీ లోకేశీ సుకేశీ పద్మరాగిణీ
ఇంద్రానీ బ్రహ్మచాండాలీ చంద్రికా వాయువల్లభా ॥ 11 ॥

సర్వధాతు మయీ మూర్తిర్జలరూపా జలోదరీ
ఆకాశీ రణగా చైవ నృకపాలవిభూషణా ॥ 12 ॥

నర్మదా మోక్షదా చైవ కామధర్మార్థ దాయినీ
గాయత్రీ చాథ సావిత్రీ త్రిసంధ్యా తీర్ధగామినీ ॥ 13 ॥

అష్టమీ నవమీ చైవ దశమ్యే కాదశీ తథా
పౌర్ణమాసీ కుహురూపా తిథిమూర్తి స్వరూపిణీ ॥ 14 ॥

సురారి నాశకారీ చ ఉగ్రరూపా చ వత్సలా
అనలా అర్ధమాత్రా చ అరుణా పీనలోచనా ॥ 15 ॥

లజ్జా సరస్వతీ విద్యా భవానీ పాపనాశినీ
నాగపాశధరా మూర్తి రగాథా ధృతకుండలా ॥ 16 ॥

క్షయరూపా క్షయకరీ తేజస్వినీ శుచిస్మితా
అవ్యక్తావ్యక్తలోచా చ శంభురూపా మనస్వినీ ॥ 17 ॥

మాతంగీ మత్త మాతంగీ మహాదేవ ప్రియాసదా
దైత్యహా చైవవారాహీ సర్వశాస్త్ర మయీ శుభా ॥ 18 ॥

ఇదం పఠతే భక్త్యా శ్రుణుయా ద్వా సమాహితః
అపుత్రో లభతే పుత్రాన్‌ నిర్ధనో ధనవాన్‌ భవేత్‌ ॥ 19 ॥

మూర్ఖోపి లభతే శాస్త్రం చోరోపి లభతే గతిమ్‌
వేదానాం పఠకో విప్రః క్షత్రియో విజయీ భవేత్‌ ॥ 20 ॥

వైశ్యస్తు ధనవాన్‌ భూయాత్‌ శూద్రస్తు సుఖమేధతే
అష్టమ్యాం చ చతుర్ధశ్యాం నవమ్యాం చైకచేతస ॥ 21 ॥

యే పఠన్తి సదాభక్త్యా నతేవై దుఃఖ భాగినః
ఏకకాలం ద్వికాలం వా త్రికాలంవా చతుర్ధకమ్‌ ॥ 22 ॥

యే పఠన్తి సదాభక్త్యా స్వర్గలోకే చ పూజితాః
రుద్రం దృష్ట్వా యథా దేవా పన్నగా గరుడం యథా ॥ 23 ॥

శత్రవః ప్రపలాయన్తే తస్యవక్త్ర విలోకనాత్‌

॥ ఇతి శ్రీ రుద్రయామళే భువనేశ్వరీ అష్టోత్తర శతనామస్తోత్రం సమాప్తం ॥

శ్రీ భువనేశ్వరీ దేవి ఉపాసన విధానము

శ్రీ భువనేశ్వరి మహా విద్యా

దశమహా విద్యలు

నిత్య స్తోత్రావళి