శ్రీ తారా దేవి స్తోత్రం
మాతర్నీల సరస్వతీ ప్రణమతాం సౌభాగ్యసంపత్ప్రదే
ప్రత్యాలీఢ పదనస్థితే శవహృది స్మేరాననాంభోరుహే
ఫుల్లేందీవరలోచన త్రనయనే కర్త్రీంకపాలోజ్జ్వలే
ఖడ్గంచాదధతీ త్వమేవ శరణం త్వామీశ్వరీ మాశ్రయే || 01 ||
వాచామీశ్వరి భక్తకల్పలతికే సర్వార్థసిద్ధేశ్వరీ
గద్యప్రాకృత పద్యజాత రచనాకావ్యార్థ సిద్ధిప్రదే
నీలేందీవరలోచన త్రయయుతేకారుణ్య వారాన్నిధే
సౌభాగ్యామృతవర్షణేన కృపయా సించ త్వమస్మాదృశం || 02 ||
ఖర్వేగర్వసమూహపూరితతనౌ సర్పాదివేషోజ్జ్వలే
వ్యాఘ్ర త్వక్పరివీత సుందరికటి వ్యాధూత ఘాంటాంకితే
సద్యః కృత్తగళద్రజః పరిమిల న్ముండద్వయీ మూర్ధజే
గ్రంథిశ్రేణి నృముండదామ లలితే భీమే భయం నాశయ || 03 ||
మాయానంగవికారరూప లలనా బిందూర్ణచంద్రాంకితే
హుంఫట్కారమపిత్వమేవ శరణం మంత్రాత్మికే మాదృశాం
మూర్తిస్తే జనని త్రిథామఘటితా స్థూలాతి సూక్ష్మాపరా
వేదానానం నచగోచరా కథమపి ప్రాజ్ఞైర్నుతా మాశ్రయే || 04 ||
త్వత్పాదాంబుజసేవయా సుకృతినో గచ్చంతి సాయుజ్యతాం
తస్యాం శ్రీపరమేశ్వరి త్రినయన బ్రహ్మాది సామ్యాత్మనః
సంసారాంబుధిమజ్జనే పటుతమాన్‌ దేవేంద్రముఖ్యాస్సురాన్‌
మాతస్త్వత్పదసేవనే హి విముఖాన్‌ ఇకం మందధీ స్సేవతే || 05 ||
మాతసత్త్వత్పద పంకజ ద్వయరజో ముద్రాంకకోటిరిణి
స్తే దేవా జయసంగరే విజయినో నిశ్శంకమంకే గతాః
దేవోఽహంభువనే నమే సమ ఇతి స్పర్దాంవహంతః పరాం
తత్తుల్యా నియతం యథా శుచిరవీ నాశంవ్రజంతి స్వయం || 06 ||
త్వన్నామస్మరణా త్పలాయనపరా ద్రష్టుం చ శక్తానతే
భూతప్రేత పిశాచ రాక్షసగణా యక్షాశ్చ నాగాధిపాః
దైత్యా దానవపుంగవాశ్చ ఖచరా వ్యాఘ్రాదికా జంతవో
డాకిన్యః కుపితాంతకశ్చ మనుజే మాతః క్షణం భూతలే || 07 ||
లక్ష్మీస్సిద్ధగణశ్చపాదుకముఖాః సిద్ధాస్తథావైరిణాం
స్తంభశ్చాపి వరాంగనే గజఘటా స్తంభస్తథామోహనం
మాతస్త్వత్పదసేవయా ఖలునృణాం సిధ్యంతి తే తే గుణాః
క్లాంతః కాతమనోభవస్య భవతి క్షుద్రోఽపి వాచస్పతిః || 08 ||
తారాష్టకమిదం పుణ్యం భక్తిమాన్‌ యః పఠేన్నరః
ప్రాతర్మథ్యాహ్నకాలేచ సాయాహ్నే నియతశ్శుచిః || 09 ||
లభతే కవితాం విద్యాం సర్వశాస్త్రార్థ విద్భవేత్‌
లక్ష్మీమనశ్వరాం ప్రాప్య భుక్త్వా భోగాన్‌ యథేప్సితాన్‌ || 10 ||
కీర్తింకాంతించ నైరుజ్యం ప్రాప్యంతే మోక్షమాప్నుయాత్
|| ఇతి శ్రీ నీలతంత్రే తారాదేవి స్తోత్రమ్‌ సంపూర్ణం ||
No comments:
Post a Comment