Sri Tara Devi Ashtottara Sata Nama Stottram - శ్రీ తారా దేవి అష్టోత్తర శతనామ స్తోత్త్రం

శ్రీ తారా దేవి అష్టోత్తర శతనామ స్తోత్త్రం

ప్రత్యాలీఢపదాం ఘోరాం ముండ మాలా విభూషితామ్‌
ఖర్వాం లంబోదరీం భీమాం వ్యాఘ్ర చర్మావృతాం కటౌ ॥ 01 ॥

నవయౌవన సంపన్నాం పంచముండ విభూషితామ్‌
చతుర్భుజాం లలజ్జిహ్వాం మహాభీమాం వర ప్రదామ్‌ ॥ 02 ॥

ఖడ్గ కర్త్రీధరాం సవ్యే వామే ముండోత్పలాన్వితామ్‌
బాలార్క మండలాకార లోచనత్రయ భూషితామ్‌ ॥ 03 ॥

పింగోగ్రైక జటాం ధ్యాయే మౌలా వక్షోభ్య భూషితామ్‌
నీలనాగ జటాజూటాం శ్వేతాహికృత కుండలామ్‌ ॥ 04 ॥

పీతాహికం కణోపేతాం ధూమ్రాహి బాహు భూషణాం
శ్యామ నాగోపవీతాం చ శుభ్రాహి హార భూషణామ్‌ ॥ 05 ॥

శ్వేతనాగ లసత్కాంచీం పాటలా హి పదద్వయామ్‌
పార్శ్వద్వయే లంబమాన నీలేందీవరమాలికామ్‌ ॥ 06 ॥

ప్రజ్వలత్ప్రేత భూమధ్య స్థితాం దంష్ట్రా కరాళినీమ్‌
శవకంఠ పదద్వంద్వ వామదక్ష పదద్వయామ్‌ ॥ 07 ॥

సావేశ స్మేరవదనాం భక్తానామభయ ప్రదామ్‌
ఏకదాంకస్థితాయావై నిశమ్య వచనం శ్రియః ॥ 08 ॥

ఉవాచ కృశ మధ్యాం గాం పీనోన్నత పయోధరామ్‌
జఘనాభర భరితామ్‌ సర్వాభరణ భూషితామ్‌ ॥ 09 ॥

సముద్యదించు వదనాం విలసన్నేత్ర పంకజః
విష్ణు స్త్రీలోకాధిపతిస్సు గతస్త్వం వదస్వమే ॥ 10 ॥

శ్రీ విష్ణు ఉవాచ :

ప్రీత్యాసత్యం దయాగార యద్యహం తవవల్లభా
సాధ్విత్వం సుకుమారాంగి ఉన్నత స్తనమండలే ॥ 11 ॥

సాధువాదం భవత్యాత్ర కథితం మాం ప్రతిప్రియే
శృణుష్వేదం భద్రమూర్తే చంచలే చటులేక్షణే ॥ 12 ॥

నామేదం నీలతారిణ్యా అష్టోత్తర శతం పరమ్‌
ఇదమేవ పురావజ్రీ పృష్టవాన్‌ చంద్రశేఖరమ్‌ ॥ 13 ॥

ఉపదిష్టం తేన తస్మై తేనజాత స్త్రిలోకరాట్‌
శృణుష్వ సావధానేన చేతసా చంచలే ధ్రువం ॥ 14 ॥

అపరీక్షిత శిష్యాయ నదేయం సత్యమేవహి
కులీనాయ ప్రదాతవ్యం సుధియేశాంత చేతసే ॥ 15 ॥

అభక్తోఽభ్యోపి పుత్రేభ్యో నదేయం యస్యకస్యచిత్‌
మంత్రోద్దారమిమం భద్రే ఆదావుచ్చార్య సాధకః ॥ 16 ॥

తదేతన్నీల తారాయా స్త్సవ రాజం పఠేత్సుధీః
మంత్రోద్దారం ప్రవక్ష్యామి సావధానేన తఛ్చృణు ॥ 17 ॥

ఉద్దారో మంత్రరాజస్య సర్వపాప ప్రణాశకః
జీమూత వర్త్మ దహనస్థిత మిందు యుక్త ॥ 18 ॥

ముద్యద్దినేశ్వర నిభం తల దేవిబీజమ్‌
ఆద్యం జనో యది జపేజ్జగతాం భవాని ॥ 19 ॥

లోకత్రయం సవశయే త్స్వ సరస్వతీభిః
శుక్రం హరిస్థల మనలేందు శాంత యుక్తం ॥ 20 ॥

స్త్రీం బీజమంబ తవ నాజపతే కదాచిత్‌
ముక్తావళీలసదురోజ భరాః సునేత్రా ॥ 21 ॥

రంభాదయోపి వశగాః ప్రభవంతి తస్య
ఖం వామకర్ణ కలితం శశిశేఖరాధ్యం ॥ 22 ॥

కూర్చాభిధం జనని భీజమిదం జపేద్యః
పంచాశ దుగ్ర నరముండ విశాలమావే
సంహత మస్య చరణః క్షమతే త్రిలోకీమ్‌ ॥ 23 ॥

వర్ణత్రయాత్మకో మంత్రః త్త్రిలోక మోహన క్షమః
సచాయం నీలతారిణ్యా మూలమంత్ర ఉదాహృతః ॥ 24 ॥

ప్రణవాద్యా మహావిద్యా షడంతా చోగ్ర తారిణీ
ఆదిబీజం వినాదేవి ప్రోదితైకజటా పునః ॥ 25 ॥

ఋషిన్యాసం కరన్యాస మంగన్యాసం విధాయ చ
ధ్యాయేత్తారాం మహాదేవీం మానసే హంసగామినీమ్‌ ॥ 26 ॥

ప్రళయజలధి మధ్యే స్ఫీత పుల్లాంబుజస్ధాం 
జలదపటలనీలాం లోలజిహ్వాం త్రినేత్రాం ॥ 27 ॥

శివశవ హృదివాసాం ఆసవా చ్చూర్ణితాక్షీ
ముడుగణ కృతహారా మాశ్రయే నీలతారాం ॥ 28 ॥

ఏవం ధ్యాయన్మహా విద్యాం పిబన్నపి చ కారణమ్‌
అదన్నపి చ మాంసం చ స్వరాజం పఠేత్సుధీః ॥ 29 ॥

అస్య స్తోత్రస్యాబ్ధిసుతే ఋషి రాస్తే స్వయం హరిః
ఛందోఽనుష్టుప్‌ తథాప్రోక్తం దేవతా భవతారిణీ ॥ 30 ॥

స్త్రీం తారా తారిణీ తీక్ష్ణా తీక్ష్ణ దంష్ట్రా తిలప్రభా
కరాళ వదనా కాళీ కులమార్గ ప్రవర్థినీ ॥ 31 ॥

కాత్యాయనీ చ కౌమారీ రాజరాజేశ్వరీ రమా
శ్రీవిద్యా శాంభవీ శక్తిః భైరవీ భయహారిణీ ॥ 32 ॥

మహాకాళీ మహాలక్ష్మీ ర్మహావాణీ మహోదరీ
ఇంద్రాక్షీ ఛిన్నమస్తా చ శ్యామలాంగీ కృశోదరీ ॥ 33 ॥

పునీతా పార్వతీ పుణ్యా ప్రళయాంగారలోచనా
కాలరాత్రి ర్మహాకాల కామినీ చ క్రియా కలా ॥ 34 ॥

దళితేందీవరాక్షీ చ దానవేంద్ర విమర్దినీ
లోకకర్త్రీ కర్తృహస్తా కపాలోత్పల ధారిణీ ॥ 35 ॥
  
ముండహస్తా ముండమాలా భుజంగ కృతకుండలా
అర్థేందు మౌళిరమలా పరమా పరమేశ్వరీ ॥ 36 ॥

పూర్ణేందు బింబవదనా వారాహేందు కళా వరా
చాముండా చండవీర్యా చ చండదోర్దండ ఖండినీ ॥ 37 ॥

ప్రేతమండల మధ్యస్థా భైరవ వ్రజసేవితా
గణేశ గుహమతా చ గౌరీ గుర్వీ గణ ప్రియా ॥ 38 ॥

దినేశ మండలగతా చంద్రమండల మధ్యగా
నక్షత్రా క్షత్రహస్తా చ వహ్నిర్వాయుర్జలం మరుత్‌ ॥ 39 ॥

బ్రహ్మణీ వైష్ణవీ శైవీ శివా శాంతా సనాతనీ
భవానీ భీమరూపా చ భీమాచ భవతారిణీ ॥ 40 ॥

అంబికా చండికా చండీ దుర్గాదుర్గారి నాశినీ
విశ్వ వాగ్రూపిణీ నీతా కాళిందీ జాహ్నవీ మహీ ॥ 41 ॥

ఆకాశవాసినీ గంగా భుజంగ పరమాలినీ
బాలా ధూమవతీ ధన్యా బగళా భువనేశ్వరీ ॥ 42 ॥

షోడశీ షోడశకళా ఖడ్గ కర్పర ధారిణీ
ఉద్యదిందు ప్రతీకాశా కోటిసూర్య సమప్రభా ॥ 43 ॥

ఠక్కురాజ్ఞీ మహారాజ్ఞీ పట్టరాజ్ఞీ ప్రభావినీ
కపర్దినీ కోటిమూర్తి ర్మహామాయా మహోత్సవా ॥ 44 ॥

ఇతి తే కథితం లోలకుండలోన్మండితాననే
అష్టోత్తర శతం నామ తారాయా స్తూర్ణ సిద్ధిదమ్‌ ॥ 45 ॥

ఫలశ్చతి :
స్తవరాజం పఠే దేవమనాకుల మనోనరః
షణ్‌మాసాంత స్త్రి సంధ్యాయాం రాజానం వశమానయేత్‌ ॥ 46 ॥

షోఢావిన్యస్త దేహాయ క్రమదీక్షాన్వితాయ చ
మహాచీన క్రమజ్ఞాయ దేయ మేతం చ నా న్యథా ॥ 47 ॥

ఏకైక నామజం పుణ్యమసంఖ్య ఫలదం మహత్‌
నిశీధే త్రిరిదం జస్త్వా మహామాహేశ్వరో భవేత్‌ ॥ 48 ॥

విధానమధ వక్ష్యామి విధేయం భక్త సత్తమైః

తాంబూల పూరిత ముఖః సుదృఢః సాధకాగ్రణీః ॥ 49 ॥

ఉపచారైరనేకైశ్చ పూజయేత్‌ పరమేశ్వరీమ్‌
సింధూర వేదికామధ్యే పాదావుల్లిఖ్య యత్నతః ॥ 50 ॥

మహాదేవీం యజేత్తత్ర జగదీశ నమస్కృతామ్‌
సింధూర కరవీరాద్యైః కుసుమైః లోహితైః సితైః ॥ 51 ॥

జవాజన్యై ర్భిల్వదళైః విష్ణు క్రాంత తరూద్భవైః
జలస్థల సరోజైశ్చ పారిజాత ప్రసూనకైః ॥ 52 ॥

కుందైశ్చ కర్ణికారైశ్చ ప్రసన్న వదన ప్రియే
నైవేద్యై రాసవాద్యైశ్చ పంచభిర్మైశ్చ పూపకైః ॥ 53 ॥

అన్యైశ్చ వివిధైర్ద్రవ్యైః ఘృతాక్తైర్విశ్వమాతరమ్‌
పూజయేత్సాధక శ్రేష్ఠో భక్త్యా నిశ్చల మానసః ॥ 54 ॥

కరవీర రక్తపుప్పైః సతిలైః సయవాక్షతైః
మధుసిక్తైః శర్కరాద్యైః పాయసాన్నేన సంయుతైః ॥ 55 ॥

ప్రతినామ నిశీధేహి ఘృతాక్తై ర్హవనం చరేత్‌
నమస్కృత్య మహాదేవీం బలిం దద్యాద తంద్రితః ॥ 56 ॥

మాంస మాషాన్న శాకాజ్య పాయసా పూపకాదికైః
చతుష్పధే ముక్త కేశ ఆసవా చూర్ణితేక్షణః ॥ 57 ॥

ఉక్తమేతద్విధత్తే యః ససాక్షాచ్చంకరో భవేత్‌
గద్యపద్యమయీ వాణీ తస్యగంగా ప్రవాహవత్‌ ॥ 58 ॥

వక్త్ర శుభ్రాంశు బింబే వై ప్రలాపాదపి జాయతే
నేత్రారవిందయుగళే కమలా నిశ్చలా భవేత్‌ ॥ 59 ॥

చక్రవర్తి శిరోరత్న నిర్ఘృష్ట చరణోజనః
భవేత్తమను గచ్చంత్యః సేవంతే ఊర్వశీ ముఖాః ॥ 60 ॥

స్తంభనం జంభనం చేందోర్మోహనం జగతామపి
శోషణం సాగరాణాం చ కర్తుం స క్షమతే పుమాన్‌ ॥ 61 ॥

మహాత్మా స చిరంజీవన్ముక్త స్త్యక్త వికల్పనః
కీర్త్యా శీతద్యుతిః తస్యా చ్చండరశ్మిః ప్రతాపతః ॥ 62॥

తత్సౌందర్యేణ వృత్తోరు లజ్జాకృన్మీన కేతనః
రిపూణాం కాలరూపస్యా త్సర్వ శక్త్యా స్వయం శివః ॥ 63 ॥

గురుః శాస్త్రార్థవే త్తౄణాం జ్ఞాతాభూత భవిష్యయోః
నిర్భయో విచరేల్లోకే విహారీ భైరవో యథా ॥ 64 ॥

భూర్జపత్రే లిఖిత్వేదం రసేన జతు జన్మనా
రక్తవర్ణేన నవ్యేన వేష్టయేత్పట్టవాససా ॥ 65 ॥

సువర్ణ గుటికాస్థం చ దోషిదక్షే నిదారయేత్‌
పుమాం స్త్రీ వామబాహౌ తచ్చిత్తేప్సిత ఫలప్రదమ్‌ ॥ 66 ॥

యః పఠేత ప్రయతః ప్రాతః ప్రియ ఆవర్ష ముత్సుకః
స లక్ష్మీరాజిత గృహః సర్వవిద్యా విశారదః ॥ 67 ॥

య ఇదం ద్వాదశావృత్యా జపే జ్జఘనమధ్యగః
నిత్యం నిధువనాసక్తః సవాచాపటుతాం వ్రజేత్‌ ॥ 68 ॥

ఈశామీశ గణేశ వందిత పదాం సంసార విద్యామయీం
పైష్టీపాన పరాయణాం యదఖిల బ్రహ్మాండ వాగ్రూపిణీం ॥ 69 ॥

ఉద్యద్దీప్త కళాం పరాపరకలాం సంసార సారాం పరామ్‌
తారాం నీలసరోజ రాజిత కరాం తామీశ్వరీ మాశ్రయే ॥ 70 ॥

॥ ఇతి శ్రీ విష్ణు యామళే శ్రీ తారాష్టోత్తర శతనామ స్తోత్రం సంపూర్ణం ॥