క్ష్మామ్భ్వగ్నీరణఖర్కేన్దుయష్టప్రాయయుగాక్షరైః ।
మాతృభైరవగాం వన్దే దేవీం త్రిపురభైరవీమ్‌ ॥ 01 ॥
కాదివర్గాష్టకాకారసమస్తాష్టకవిగ్రహామ్‌ ।
అష్టశక్త్యావృతాం వన్దే దేవీం త్రిపురభైరవీమ్‌ ॥ 02 ॥
స్వరషోడశకానాం తు షట్‌ త్రింశద్భిః పరాపరైః ।
షట్‌ త్రింశత్తత్వగాం వన్దే దేవీం త్రిపురభైరవీమ్‌ ॥ 03 ॥
షట్‌ త్రింశత్తత్వసంస్థాప్యశివచన్ద్రకలాస్వపి ।
కాదితత్త్వాన్తరాం వన్దే దేవీం త్రిపురభైరవీమ్‌ ॥ 04 ॥
ఆ ఈ మాయా ద్వయోపాధివిచిత్రేన్దుకలావతీమ్‌ ।
సర్వాత్మికాం పరాం వన్దే దేవీం త్రిపురభైరవీమ్‌ ॥ 05 ॥
షడధ్వపిణ్డయోనిస్థాం మణ్డలత్రయకుణ్డలీమ్‌ ।
లిఙ్గత్రయాతిగాం వన్దే దేవీం త్రిపురభైరవీమ్‌ ॥ 06 ॥
స్వయమ్భూహృదయాం బాణభ్రూకామాన్తఃస్థితేతరామ్‌ ।
ప్రాచ్యాం ప్రత్యక్చితిం వన్దే దేవీం త్రిపురభైరవీమ్‌ ॥ 07 ॥
అక్షరాన్తర్గతాశేషనామరూపాం క్రియాపరామ్‌ ।
శక్తిం విశ్వేశ్వరీం వన్దే దేవీం త్రిపురభైరవీమ్‌ ॥ 08 ॥
వర్గాన్తే పఠితవ్యం స్యాత్‌ స్తోత్రమేతత్సమాహితైః ।
సర్వాన్‌ కామానవాప్నోతి అన్తే సాయుజ్యమాప్నుయాత్‌ ॥ 09 ॥
॥ ఇతి శ్రీత్రిపురార్ణవోక్తవర్గాన్తస్తోత్రం సంపూర్ణం ॥
No comments:
Post a Comment