శ్రీదేవ్యువాచ ।
సర్వం సంసూచితం దేవ నామ్నాం శతం మహేశ్వర ।
యత్త్నైః శతైర్మహాదేవ మయి నాత్ర ప్రకాశితమ్‌ || 01 ||
పఠిత్వా పరమేశాన హఠాత్‌ సిద్ధ్యతి సాధకః ।
నామ్నాం శతం మహాదేవ కథయస్వ సమాసతః || 02 ||
శ్రీభైరవ ఉవాచ ।
శృణు దేవి ప్రవక్ష్యామి భక్తానాం హితకారకమ్‌ ।
యజ్ఞాత్వా సాధకాః సర్వే జీవన్ముక్తిముపాగతాః || 03 ||
కృతార్థాస్తే హి విస్తీర్ణా యాన్తి దేవీపురే స్వయమ్‌ ।
నామ్నాం శతం ప్రవక్ష్యామి జపాత్‌ స(అ)ర్వజ్ఞదాయకమ్‌ || 04 ||
నామ్నాం సహస్రం సంత్యజ్య నామ్నాం శతం పఠేత్‌ సుధీః ।
కలౌ నాస్తి మహేశాని కలౌ నాన్యా గతిర్భవేత్‌ || 05 ||
శృణు సాధ్వి వరారోహే శతం నామ్నాం పురాతనమ్‌ ।
సర్వసిద్ధికరం పుంసాం సాధకానాం సుఖప్రదమ్‌ || 06 ||
తారిణీ తారసంయోగా మహాతారస్వరూపిణీ ।
తారకప్రాణహర్త్రీ చ తారానన్దస్వరూపిణీ || 07 ||
మహానీలా మహేశానీ మహానీలసరస్వతీ ।
ఉగ్రతారా సతీ సాధ్వీ భవానీ భవమోచినీ || 08 ||
మహాశ్ఖరతా భీమా శ్కారీ శ్కరప్రియా ।
మహాదానరతా చణ్డీ చణ్డాసురవినాశినీ || 09 ||
చన్ద్రవద్రూపవదనా చారుచన్ద్రమహోజ్జ్వలా ।
ఏకజటా కుర్గక్షీ వరదాభయదాయినీ || 10 ||
మహాకాళీ మహాదేవీ గుహ్యకాళీ వరప్రదా ।
మహాకాలరతా సాధ్వీ మహైశ్వర్యప్రదాయినీ || 11 ||
ముక్తిదా స్వర్గదా సౌమ్యా సౌమ్యరూపా సురారిహా ।
శఠవిజ్ఞా మహానాదా కమలా బగలాముఖీ || 12 ||
మహాముక్తిప్రదా కాళీ కాళరాత్రిస్వరూపిణీ ।
సరస్వతీ సరిచ్శ్రేష్టా స్వర్గ స్వర్గవాసినీ || 13 ||
హిమాలయసుతా కన్యా కన్యారూపవిలాసినీ ।
శవోపరిసమాసీనా ముణ్డమాలావిభూషితా || 14 ||
దిగమ్బరా పతిరతా విపరీతరతాతురా ।
రజస్వలా రజఃప్రీతా స్వయమ్భూకుసుమప్రియా || 15 ||
స్వయమ్భూకుసుమ ప్రాణా స్వయమ్భూకుసుమోత్సుకా ।
శివప్రాణా శివరతా శివదాత్రీ శివాసనా || 16 ||
అట్టహాసా ఘోరరూపా నిత్యానన్దస్వరూపిణీ ।
మేఘవర్ణా కిశోరీ చ యువతీస్తనక్కుమా || 17 ||
ఖర్వా ఖర్వజనప్రీతా మణిభూషితమణ్డనా I
క్కిణీశబ్దసంయుక్తా నృత్యన్తీ రక్తలోచనా || 18 ||
కృశ్గా కృసరప్రీతా శరాసనగతోత్సుకా ।
కపాలఖర్పరధరా ప్చశన్ముణ్డమాలికా || 19 ||
హవ్యకవ్యప్రదా తుష్టిః పుష్టిశ్చైవ వర్గానా ।
శాన్తిః క్షాన్తిర్మనో బుద్ధిః సర్వబీజస్వరూపిణీ || 20 ||
ఉగ్రాపతారిణీ తీర్ణా నిస్తీర్ణగుణవృన్దకా ।
రమేశీ రమణీ రమ్యా రామానన్దస్వరూపిణీ || 21 ||
రజనీకరసమ్పూర్ణా రక్తోత్పలవిలోచనా ।
ఇతి తే కధితం దివ్యం శతం నామ్నాం మహేశ్వరి || 22 ||
ప్రపఠేద్‌ భక్తిభావేన తారిణ్యాస్తారణక్షమమ్‌ ।
సర్వాసురమహానాదస్తూయమానమనుత్తమమ్‌ || 23 ||
షణ్మాసాద్‌ మహదైశ్వర్యం లభతే పరమేశ్వరి ।
భూమికామేన జప్తవ్యం వత్సరాత్తాం లభేత్‌ ప్రియే || 24 ||
ధనార్థీ ప్రాప్నుయాదర్ధం మోక్షార్థీ మోక్షమాప్నుయాత్‌ ।
దారార్థీ ప్రాప్నుయాద్‌ దారాన్‌ సర్వాగమ(పురోఽప్రచో)దితాన్‌ || 25 ||
అష్టమ్యాం చ శతావృత్త్యా ప్రపఠేద్‌ యది మానవః ।
సత్యం సిద్ద్యతి దేవేశి సంశయో నాస్తి కశ్చన || 26 ||
ఇతి సత్యం పునః సత్యం సత్యం సత్యం మహేశ్వరి ।
అస్మాత్‌ పరతరం నాస్తి స్తోత్రమధ్యే న సంశయః || 27 ||
నామ్నాం శతం పఠేద్‌ మన్త్రం సంజప్య భక్తిభావతః ।
ప్రత్యహం ప్రపఠేద్‌ దేవి యదీచ్చేత్‌ శుభమాత్మనః || 28 ||
ఇదానీం కథయిష్యామి విద్యోత్పత్తిం వరాననే ।
యేన విజ్ఞానమాత్రేణ విజయీ భువి జాయతే || 29 ||
యోనిబీజత్రిరావృత్త్యా మధ్యరాత్రౌ వరాననే ।
అభిమన్త్య్ర జలం స్నిగ్ధం అష్టోత్తరశతేన చ|| 30 ||
తజ్జలం తు పిబేద్‌ దేవి షణ్మాసం జపతే యది ।
సర్వవిద్యామయో భూత్వా మోదతే పృథివీతలే || 31 ||
శక్తిరూపాం మహాదేవీం శృణు హే నగనన్దిని ।
వైష్ణవః శైవమార్గో వా శాక్తో వా గాణపోఽపి వా || 32 ||
తథాపి శక్తేరాధిక్యం శృణు భైరవసున్దరి ।
సచ్చిదానన్దరూపాచ్చ సకలాత్‌ పరమేశ్వరాత్‌ || 33 ||
శక్తిరాసీత్‌ తతో నాదో నాదాద్‌ బిన్దుస్తతః పరమ్‌ ।
అథ బిన్ద్వాత్మనః కాలరూపబిన్దుకలాత్మనః || 34 ||
జాయతే చ జగత్సర్వం సస్థావరచరాత్మకమ్‌ ।
శ్రోతవ్యః స చ మన్తవ్యో నిర్ధ్యాతవ్యః స ఏవ హి || 35 ||
సాక్షాత్కార్యశ్చ దేవేశి ఆగమైర్వివిధైః శివే ।
శ్రోతవ్యః శ్రుతివాక్యేభ్యో మన్తవ్యో మననాదిభీః || 36 ||
ఉపపత్తిభిరేవాయం ధ్యాతవ్యో గురుదేశతః ।
తదా స ఏవ సర్వాత్మా ప్రత్యక్షో భవతి క్షణాత్‌ || 37 ||
తస్మిన్‌ దేవేశి ప్రత్యక్షే శృణుష్వ పరమేశ్వరి ।
భావైర్బహువిధైర్దేవి భావస్తత్రాపి నీయతే || 38 ||
భక్తేభ్యో నానాఘాసేభ్యో గవి చైకో యథా రసః ।
సదుగ్ధాఖ్యసంయోగే నానాత్వం లభతే ప్రియే || 39 ||
తృణేన జాయతే దేవి రసస్తస్మాత్‌ పరో రసః ।
తస్మాత్‌ దధి తతో హవ్యం తస్మాదపి రసోదయః || 40 ||
స ఏవ కారణం తత్ర తత్కార్యం స చ లక్ష్యతే ।
దృశ్యతే చ మహాదే(వఽవి)న కార్యం న చ కారణమ్‌ || 41 ||
తథైవాయం స ఏవాత్మా నానావిగ్రహయోనిషు ।
జాయతే చ తతో జాతః కాలభేదో హి భావ్యతే || 42 ||
స జాతః స మృతో బద్ధః స ముక్తః స సుఖీ పుమాన్‌ ।
స వృద్ధః స చ విద్వాంశ్చ న స్త్రీ పుమాన్‌ నపుంసకః || 43 ||
నానాధ్యాససమాయోగాదాత్మనా జాయతే శివే ।
ఏక ఏవ స ఏవాత్మా సర్వరూపః సనాతనః || 44 ||
అవ్యక్తశ్చ స చ వ్యక్తః ప్రకృత్యా జ్ఞాయతే ధ్రువమ్‌ ।
తస్మాత్‌ ప్రకృతియోగేన వినా న జ్ఞాయతే క్వచిత్‌ || 45 ||
వినా ఘటత్వయోగేన న ప్రత్యక్షో యథా ఘటః ।
ఇతరాద్‌ భిద్యమానోఽపి స భేదముపగచ్చతి|| 46 ||
మాం వినా పురుషే భేదో న చ యాతి కథ్చన ।
న ప్రయోగైర్న చ జ్ఞానైర్న శ్రుత్యా న గురుక్రమైః || 47 ||
న స్నానైస్తర్పణ్త్య్రర్వాపి నచ దానైః కదాచన ।
ప్రకృత్యా జ్ఞాయతే హ్యాత్మా ప్రకృత్యా లుప్యతే పుమాన్‌ || 48 ||
ప్రకృత్యాధిష్ఠితం సర్వం ప్రకృత్యా వ్చతం జగత్‌ ।
ప్రకృత్యా భేదమాప్నోతి ప్రకృత్యాభేదమాప్నుయాత్‌ || 49 ||
నరస్తు ప్రకృతిర్నైవ న పుమాన్‌ పరమేశ్వరః ।
ఇతి తే కథితం తత్త్వం సర్వసారమనోరమమ్‌ || 50 ||
|| ఇతి శ్రీబృహన్నీలతన్త్రే భైరవభైరవీసంవాదే
తారాశతనామ తత్త్వసారనిరూపణం వింశః పటలః ||
No comments:
Post a Comment