MAHA MRUTHYUNJAYA MANTRAM - మహామృత్యుంజయ స్తోత్రం

మహామృత్యుంజయస్తోత్రం (రుద్రం పశుపతిం)

శ్రీగణేశాయ నమః ।
ఓం అస్య శ్రీమహామృత్యుంజయస్తోత్రమంత్రస్య శ్రీ మార్కండేయ ఋషిః,
అనుష్టుప్ఛందః, శ్రీమృత్యుంజయో దేవతా, గౌరీ శక్తిః,
మమ సర్వారిష్టసమస్తమృత్యుశాంత్యర్థం సకలైశ్వర్యప్రాప్త్యర్థం
జపే వినోయోగః ।

ధ్యానం
చంద్రార్కాగ్నివిలోచనం స్మితముఖం పద్మద్వయాంతస్థితం
ముద్రాపాశమృగాక్షసత్రవిలసత్పాణిం హిమాంశుప్రభమ్ ।
కోటీందుప్రగలత్సుధాప్లుతతముం హారాదిభూషోజ్జ్వలం
కాంతం విశ్వవిమోహనం పశుపతిం మృత్యుంజయం భావయేత్ ॥

రుద్రం పశుపతిం స్థాణుం నీలకంఠముమాపతిమ్ ।
నమామి శిరసా దేవం కిం నో మృత్యుః కరిష్యతి ॥ 01॥

నీలకంఠం కాలమూర్త్తిం కాలజ్ఞం కాలనాశనమ్ ।
నమామి శిరసా దేవం కిం నో మృత్యుః కరిష్యతి ॥ 02॥

నీలకంఠం విరూపాక్షం నిర్మలం నిలయప్రదమ్ ।
నమామి శిరసా దేవం కిం నో మృత్యుః కరిష్యతి ॥ 03॥

వామదేవం మహాదేవం లోకనాథం జగద్గురుమ్ ।
నమామి శిరసా దేవం కిం నో మృత్యుః కరిష్యతి ॥ 04॥

దేవదేవం జగన్నాథం దేవేశం వృషభధ్వజమ్ ।
నమామి శిరసా దేవం కిం నో మృత్యుః కరిష్యతి ॥ 05॥

త్ర్యక్షం చతుర్భుజం శాంతం జటామకుటధారిణమ్ ।
నమామి శిరసా దేవం కిం నో మృత్యుః కరిష్యతి ॥ 06॥

భస్మోద్ధూలితసర్వాంగం నాగాభరణభూషితమ్ ।
నమామి శిరసా దేవం కిం నో మృత్యుః కరిష్యతి ॥ 07॥

అనంతమవ్యయం శాంతం అక్షమాలాధరం హరమ్ ।
నమామి శిరసా దేవం కిం నో మృత్యుః కరిష్యతి ॥ 08॥

ఆనందం పరమం నిత్యం కైవల్యపదదాయినమ్ ।
నమామి శిరసా దేవం కిం నో మృత్యుః కరిష్యతి ॥ 09॥

అర్ద్ధనారీశ్వరం దేవం పార్వతీప్రాణనాయకమ్ ।
నమామి శిరసా దేవం కిం నో మృత్యుః కరిష్యతి ॥ 10॥

ప్రలయస్థితికర్త్తారమాదికర్త్తారమీశ్వరమ్ ।
నమామి శిరసా దేవం కిం నో మృత్యుః కరిష్యతి ॥ 11॥

వ్యోమకేశం విరూపాక్షం చంద్రార్ద్ధకృతశేఖరమ్ ।
నమామి శిరసా దేవం కిం నో మృత్యుః కరిష్యతి ॥ 12॥

గంగాధరం శశిధరం శంకరం శూలపాణినమ్ ।
(పాఠభేదః) గంగాధరం మహాదేవం సర్వాభరణభూషితమ్ ।
నమామి శిరసా దేవం కిం నో మృత్యుః కరిష్యతి ॥ 13॥

అనాథః పరమానంతం కైవల్యపదగామిని ।
నమామి శిరసా దేవం కిం నో మృత్యుః కరిష్యతి ॥ 14॥

స్వర్గాపవర్గదాతారం సృష్టిస్థిత్యంతకారణమ్ ।
నమామి శిరసా దేవం కిం నో మృత్యుః కరిష్యతి ॥ 15॥

కల్పాయుర్ద్దేహి మే పుణ్యం యావదాయురరోగతామ్ ।
నమామి శిరసా దేవం కిం నో మృత్యుః కరిష్యతి ॥ 16॥

శివేశానాం మహాదేవం వామదేవం సదాశివమ్ ।
నమామి శిరసా దేవం కిం నో మృత్యుః కరిష్యతి ॥ 17॥

ఉత్పత్తిస్థితిసంహారకర్తారమీశ్వరం గురుమ్ ।
నమామి శిరసా దేవం కిం నో మృత్యుః కరిష్యతి ॥ 18॥

ఫలశ్రుతి
మార్కండేయకృతం స్తోత్రం యః పఠేచ్ఛివసన్నిధౌ ।
తస్య మృత్యుభయం నాస్తి నాగ్నిచౌరభయం క్వచిత్ ॥ 19॥

శతావర్త్తం ప్రకర్తవ్యం సంకటే కష్టనాశనమ్ ।
శుచిర్భూత్వా పథేత్స్తోత్రం సర్వసిద్ధిప్రదాయకమ్ ॥ 20॥

మృత్యుంజయ మహాదేవ త్రాహి మాం శరణాగతమ్ ।
జన్మమృత్యుజరారోగైః పీడితం కర్మబంధనైః ॥ 21॥

తావకస్త్వద్గతః ప్రాణస్త్వచ్చిత్తోఽహం సదా మృడ ।
ఇతి విజ్ఞాప్య దేవేశం త్ర్యంబకాఖ్యమనుం జపేత్ ॥ 23॥

నమః శివాయ సాంబాయ హరయే పరమాత్మనే ।
ప్రణతక్లేశనాశాయ యోగినాం పతయే నమః ॥ 24॥

శతాంగాయుర్మంత్రః ।
ఓం హ్రీం శ్రీం హ్రీం హ్రైం హ్రః
హన హన దహ దహ పచ పచ గృహాణ గృహాణ
మారయ మారయ మర్దయ మర్దయ మహామహాభైరవ భైరవరూపేణ
ధునయ ధునయ కంపయ కంపయ విఘ్నయ విఘ్నయ విశ్వేశ్వర
క్షోభయ క్షోభయ కటుకటు మోహయ మోహయ హుం ఫట్
స్వాహా ఇతి మంత్రమాత్రేణ సమాభీష్టో భవతి ॥

॥ ఇతి శ్రీమార్కండేయపురాణే మార్కండేయకృత మహామృత్యుంజయస్తోత్రం
సంపూర్ణమ్ ॥

నిత్య స్తోత్రావళి

పంచాంగం