శ్రీపార్వత్యువాచ :
నామ్నాం సహస్రం పరమం ఛిన్నమస్తా ప్రియం శుభమ్ ।
కథితం భవతా శంభో సద్యః శత్రు-నికృంతనమ్ ॥ 01 ॥
పునః పృచ్ఛామ్యహం దేవ కృపాం కురు మమోపరి ।
సహస్ర నామ పాఠే చ అశక్తో యః పుమాన్ భవేత్ ॥ 02 ॥
తేన కిం పఠ్యతే నాథ తన్మే బ్రూహి కృపామయ ।
శ్రీ సదాశివ ఉవాచ :
అష్టోత్తర శతం నామ్నాం పఠ్యతే తేన సర్వదా।
సహస్ర నామ పాఠస్య ఫలం ప్రాప్నోతి నిశ్చితమ్ ॥
ఓం అస్యశ్రీ ఛిన్నమస్తాష్టోత్తర శతనామ స్తోత్రస్య సదాశివఋషిః అనుష్టుప్ఛన్దః
శ్రీఛిన్నమస్తా దేవతా మమ సకల సిద్ధి ప్రాప్తయే జపే వినియోగః॥
ఓం ఛిన్నమస్తా మహావిద్యా మహాభీమా మహోదరీ ।
చండేశ్వరీ చండమాతా చండముండ ప్రభంజనీ ॥ 01 ॥
మహా చండా చండ రూపా చండికా చండ ఖండినీ ।
క్రోధినీ క్రోధ జననీ క్రోధరూపా కుహూః కలా ॥ 02 ॥
కోపాతురా కోపయుతా కోప సంహార కారిణీ ।
వజ్ర వైరోచనీ వజ్రా వజ్ర కల్పా చ డాకినీ ॥ 03 ॥
డాకినీ కర్మ నిరతా డాకినీ కర్మ పూజితా ।
డాకినీ సంగ నిరతా డాకినీ ప్రేమ పూరితా ॥ 04 ॥
ఖట్వాంగ ధారిణీ సర్వా ఖడ్గ కర్పర ధారిణీ ।
ప్రేతాసనా ప్రేత యుతా ప్రేత సంగ విహారిణీ ॥ 05 ॥
ఛిన్నముణ్డధరా ఛిన్న చణ్డ విద్యా చ చిత్రిణీ ।
ఘోర-రూపా ఘోర-దృష్టిః ఘోరారావా ఘనోదరీ ॥ 06 ॥
యోగినీ యోగనిరతా జపయజ్ఞ పరాయణా ।
యోని చక్ర మయీ యోని ర్యోనిచక్ర ప్రకీర్తినీ ॥ 07 ॥
యోని ముద్రా-యోనిగమ్యా యోనియన్త్ర-నివాసినీ ।
యన్త్ర రూపా యన్త్ర మయీ యన్త్రేశీ యన్త్ర-పూజితా ॥ 08 ॥
కీర్త్యా కపర్ధినీ కాళీ కంగాళీ కలవికారిణీ ।
ఆరక్తా రక్ష నయనా రక్త పానపరాయణా ॥ 09 ॥
భవానీ భూతిదా భూతి ర్భూతి దాత్రీచ భైరవీ ।
భైరవాచార-నిరతా భూత-భైరవ-సేవితా ॥ 10 ॥
భీమా భీమేశ్వరీ దేవీ భీమనాద పరాయణా ।
భవారాధ్యా భవనుతా భవసాగరతారిణీ ॥ 11 ॥
భద్రకాళీ భద్రతను ర్భద్రరూపా చ భద్రికా ।
భద్రరూపా మహాభద్రా సుభద్రా భద్రపాలినీ ॥ 12 ॥
సుభగా భవ్యవదనీ సుముఖీ సిద్ధ సేవితా ।
సిద్ధిదా సిద్ధి నివహా సిద్ధాసిద్ధ నిషేవితా ॥ 13 ॥
శుభదా శుభగా శుద్ధా శుద్ధసత్వా శుభావహా ।
శ్రేష్ఠా దృష్ఠిమయీ దేవీ దృష్ఠి సంహారకారిణీ ॥ 14 ॥
శర్వాణీ సర్వగా సర్వా సర్వమంగళకారిణీ ।
శివా శాంతా శాంతి రూపా మృడానీ మదానతురా ॥ 15 ॥
ఇతితే కథితం దేవి స్తోత్రం పరమదుర్లభం ।
గుహ్యాద్గుహ్యతరం గోప్యం గోపనీయం ప్రయత్నతః ॥ 16 ॥
కిమత్ర బహునోక్తేన త్వదగ్రే ప్రాణవల్లభే ।
మారణం మోహనం దేవి హ్యుచ్చాటనమతః పరం ॥ 17 ॥
స్తంభనాదిక-కర్మాణి ఋద్ధయః సిద్ధయోఽపి చ ।
త్రికాల పఠనాదస్య సర్వే సిద్ధ్యంత్యసంశయః ॥18 ॥
మహోత్తమం స్తోత్రమిదం వరాననే ।
మయేరితం నిత్య మనన్య బుద్ధయః ॥19 ॥
పఠన్తి యే భక్తియుతా నరోత్తమా
పఠన్తి యే భక్తియుతా నరోత్తమా
భవేన్నతేషాం రిపుభిః పరాజయః ॥ 20 ॥
॥ ఇతి శ్రీఛిన్నమస్తాష్టోత్తరశతనామ స్తోత్రమ్ సమాప్తం ॥
॥ ఇతి శ్రీఛిన్నమస్తాష్టోత్తరశతనామ స్తోత్రమ్ సమాప్తం ॥
No comments:
Post a Comment