ధనుర్మాసం
సూర్యుడు ధను రాశిలోకి ప్రవేశించినప్పుడు మొదలయ్యే మాసం ధనుర్మాసం. ఈ ధనుర్మాసం శ్రీమహావిష్ణువుకి ప్రీతికరమైన మాసం.
దక్షిణాయననికి చివర ఉత్తరాయణం మొదలు వరకు ఉండే నెల రోజులను ధనుర్మాసం అంటారు.
ఈ నెల రోజులు తెల్లవారుజమున సమయం ఎంతో పవిత్రమైనది.
ఈ నెల రోజులు జరిగే ఆండాళ్ అమ్మ పూజ, గోదా కళ్యాణం, తిరుప్పావై మొదలగునవి ద్రవిడ సాంప్రదాయములు.
ఈ నెల రోజులు తిరుమల లో శ్రీ వేంకటేశ్వరునికి సుప్రభాతానికి బదులు తిరుప్పావై పఠిస్తారు.
ఈ నెల రోజులు సూర్యోదయం సమయము మరియు సూర్యాస్తమ సమయములలో దీపారాధన చేసిన మహాలక్ష్మి కటాక్షం లభించును.
ఈ నెల రోజులు శ్రీవైష్ణవాలయములలో ప్రత్యేక పూజలు నిర్వహిస్తారు ప్రాతసమయమున సూర్యోదయమునకు పూర్వమే శ్రీమహావిష్ణువుకు పూజలు నైవేద్యాలు నివేదిస్తారు.
ఈ మాసం విష్ణుమూర్తికి ఎంతో ప్రీతికరమైనది. ఈ కాలంలోనే గోదాదేవి మార్గళి వ్రతం చేసి నారాయణుడిని ఆరాధించింది. ధను సంక్రమణ కాలంలో నదీ స్నానాలు, పూజలు, జపాలు చేయడం వల్ల శుభ ఫలితాలొస్తాయని చాలా మంది నమ్ముతారు. ఈ నెలలో బ్రహ్మ ముహుర్తంలో నారాయణ పారాయణం చేసిన వారు దైవానుగ్రహాన్ని పొందుతారని శాస్త్రాలలో పేర్కొనబడింది.
ధనుర్మాసంలో తిరుప్పావై పారాయణం చేయడం వల్ల అవివాహితులకు వివాహ సమస్యలన్నీ తొలగిపోతాయి. అయితే ఈ నెలలో వివాహ కార్యక్రమాలను మాత్రం చేపట్టరు. ఎందుకంటే ఈ కాలంలో సూర్యుడు ధనస్సు నుంచి మకరంలోకి వెళ్తూ ఉంటాడు. సూర్యుడు మీన రాశిలో, ధనస్సు రాశిలో ఉన్నప్పుడు, గురువు మీనంలో ఉన్నప్పుడు ఎలాంటి శుభకార్యాలను నిర్వహించకూడదని శాస్త్రాలలో పేర్కొనబడింది. అందుకే ఈ నెలలో ఎక్కువగా సూర్య నమస్కారాలు చేస్తారు. ఈ కాలంలోనే ఇంటి ముందు ముగ్గులు వేసి గొబ్బెమ్మలు పెట్టి, వాటిని బియ్యం పిండి, పసుపు, కుంకుమ, పూలతో అలంకరించి పూజిస్తారు.
సాక్షాత్తు భూదేవి అవతారమైన అండాళ్ రచించిన దివ్య ప్రబంధమే తిరుప్పావై. ద్రవిడ భాషలో తిరు అంటే పవిత్రం.. పావై అంటే వ్రతం అని అర్థం. వేదాలు, ఉపనిషత్తుల సారమే తిరుప్పావై అని హిందూ పురాణాల్లో పేర్కొనబడింది.
ధనుర్మాసంలో శ్రీ విష్ణుమూర్తిని మధుసూదన పేరిట పూజిస్తారు. ఈ నెలలో తొలి పక్షం రోజుల పాటు చక్కెర పొంగలి లేదా పులగం నైవేద్యంగా సమర్పిస్తారు. ఆ తర్వాత పక్షం రోజుల పాటు దద్యోజనం నైవేద్యంగా సమర్పించాలి. ఈ కాలంలో పెళ్లి కాని కన్యలు తమ ఇంటి ముందు ముగ్గులు, గొబ్బెమ్మలతో పూజలు చేయడం వల్ల తమ కోరికలన్నీ నెరవేరుతాయి. ఈ మాసంలోనే గోదాదేవి మార్గళి వ్రతం పేరిట మహా విష్ణువును పూజించి మోక్షం పొందింది. ఈ ధనుర్మాసం వ్రత వివరాలు బ్రహ్మాండ, ఆదిత్య పురాణాలు, భాగవతం, నారాయణ సంహితాల్లోనూ కనిపిస్తాయి.
Browse Related Categories:
No comments:
Post a Comment