శ్రీ ధూమావతి కవచం - 1
శ్రీ పార్వత్యువాచ :
ధూమావత్యర్చనం శంభో శ్రుతం విస్తరతో మయా
కవచం శ్రోతుమిచ్ఛామి తస్యా దేవ వదస్వ మే ॥ 01 ॥
శ్రీ బైరవ ఉవాచ:
శృణు దేవి పరం గుహ్యం న ప్రకాశ్యం కలౌయుగే
ధూమావత్యాస్తు కవచం శత్రువిగ్రహకారకమ్‌ ॥ 02 ॥
బ్రహ్మాద్యా దేవి సతతం యద్వశాదరిఘాతినః
దేవా భవంతి శత్రుఘ్నా యస్యాధ్యాన ప్రభావతః ॥ 03 ॥
ఓం అస్యశ్రీ ధూమవతీకవచస్య పిప్పలాద ఋషిః అనుష్టుప్‌ చ్ఛందః
శ్రీ ధూమవతీ దేవతా ధూం భీజం స్వాహా శక్తిః ధూమవతీ కీలకం,
శత్రుహననే జపే వినియోగః
ఓం ధూం బీజం మే శిరఃపాతు లలాటం సదావతు
ధూమ నేత్రయుగం పాతు వతీ కర్ణౌ సదావతు ॥ 04 ॥
దీర్ఘాతూదరమధ్యే తు నాభిం మే మలినాంబరా
శూర్పహస్తా పాతు గుహ్యం రూక్షా రక్షతు జానునీ ॥ 05 ॥
ముఖం మే పాతు భీమాఖ్యా స్వాహా రక్షతు నాసికాం
సర్వవిద్యావతాత్కంఠం వివర్ణా బాహుయుగ్మకమ్‌ ॥ 06 ॥
చంచలా హృదయం పాతు దుష్టా పార్శ్వం సదావతు
ధూమహస్తా సదా పాతు పాదౌ పాతు భయాపహా ॥ 07 ॥
ప్రవృద్ధరోమా పాతు భృశం కుటిలా కుటిలేక్షణా
క్షుత్పిపాసార్దితా దేవీ భయదా కలహప్రియా ॥ 08 ॥
సర్వాంగం పాతు మే దేవీ సర్వశత్రు వినాశినీ
ఇత్యే తత్కవచం పుణ్యం కథితం భువి దుర్లభమ్‌ ॥ 09 ॥
న ప్రకాశ్యం న ప్రకాశ్యం న ప్రకాశ్యం కలౌయుగే
పఠనీయం మహాదేవి త్రిసంధ్యం థ్యానతత్పరైః ॥ 10 ॥
దుష్టాభిచారో దేవేశి తద్గాత్రం నైవ సంస్పృశేత్‌
॥ ఇతి భైరవీ భైరవ సంవాదే శ్రీ ధూమావతీ కవచమ్‌ సంపూర్ణం ॥
No comments:
Post a Comment