వివర్ణా చంచలా దుష్టా దీర్ఘా చ మలినాంబరా ।
విముక్తకుంతలా రూక్షా విధవా విరలద్విజా ॥ 01 ॥
కాకధ్వజరథారూఢా విలంబితపయోధరా ।
శూర్పహస్తాతిరూక్షాక్షా ధూతహస్తా వరాన్వితా ॥ 02 ॥
ప్రవృద్ధఘోణా తు భృశం కుటిలా కుటిలేక్షణా ।
క్షుత్పిపాసార్ధి తా ధ్యేయా భయదా కలహస్పదా ॥ 03 ॥
అత్యుచ్చా మలినాంబరాஉఖిలజనోద్వేగావహా దుర్మనా
రూక్షాక్షిత్రితయా విశాలదశనా సూర్యోదరీ చంచలా ।
ప్రస్వేదాంబుచితా క్షుధాకులతనుః కృష్ణాஉతిరూక్షప్రభా
ధ్యేయా ముక్తకచా సదాప్రియకలిర్ధూమావతీ మంత్రిణా॥ 04 ॥
॥ ఇతి శ్రీధూమావతీ ధ్యానం ॥
No comments:
Post a Comment