MADHURASHTAKAM - మధురాష్టకం

మధురాష్టకం

అధరం మధురం వదనం మధురం

నయనం మధురం హసితం మధురమ్ |

హృదయం మధురం గమనం మధురం

మధురాధిపతేరఖిలం మధురమ్ || 01 ||

వచనం మధురం చరితం మధురం

వసనం మధురం వలితం మధురం |

చలితం మధురం భ్రమితం మధురం

మధురాధిపతేరఖిలం మధురమ్ || 02 ||

వేణు-ర్మధురో రేణు-ర్మధురః

పాణి-ర్మధురః పాదౌ మధురౌ |

నృత్యం మధురం సఖ్యం మధురం

మధురాధిపతేరఖిలం మధురమ్ || 03 ||

గీతం మధురం పీతం మధురం

భుక్తం మధురం సుప్తం మధురం |

రూపం మధురం తిలకం మధురం

మధురాధిపతేరఖిలం మధురమ్ || 04 ||

కరణం మధురం తరణం మధురం

హరణం మధురం స్మరణం మధురం |

వమితం మధురం శమితం మధురం

మధురాధిపతేరఖిలం మధురమ్ || 05 ||

గుంజా మధురా మాలా మధురా

యమునా మధురా వీచీ మధురా |

సలిలం మధురం కమలం మధురం

మధురాధిపతేరఖిలం మధురమ్ ||06 ||

గోపీ మధురా లీలా మధురా

యుక్తం మధురం ముక్తం మధురం |

దృష్టం మధురం శిష్టం మధురం

మధురాధిపతేరఖిలం మధురమ్ || 07 ||

గోపా మధురా గావో మధురా

యష్టి ర్మధురా సృష్టి ర్మధురా |

దలితం మధురం ఫలితం మధురం

మధురాధిపతేరఖిలం మధురమ్ || 08 ||

|| ఇతి శ్రీమద్వల్లభాచార్యవిరచితం మధురాష్టకం సంపూర్ణమ్ ||