GURU PADUKA STOTRAM గురు పాదుక స్తోత్రం

గురు పాదుక స్తోత్రం

అనంతసంసార సముద్రతార 

నౌకాయితాభ్యాం గురుభక్తిదాభ్యామ్ |

వైరాగ్యసామ్రాజ్యదపూజనాభ్యాం 

నమో నమః శ్రీగురుపాదుకాభ్యామ్ || 1 ||

కవిత్వవారాశినిశాకరాభ్యాం 

దౌర్భాగ్యదావాం బుదమాలికాభ్యామ్ |

దూరికృతానమ్ర విపత్తతిభ్యాం 

నమో నమః శ్రీగురుపాదుకాభ్యామ్ || 2 ||

నతా యయోః శ్రీపతితాం సమీయుః 

కదాచిదప్యాశు దరిద్రవర్యాః |

మూకాశ్ర్చ వాచస్పతితాం హి తాభ్యాం 

నమో నమః శ్రీగురుపాదుకాభ్యామ్ || 3 ||

నాలీకనీకాశ పదాహృతాభ్యాం 

నానావిమోహాది నివారికాభ్యాం |

నమజ్జనాభీష్టతతిప్రదాభ్యాం 

నమో నమః శ్రీగురుపాదుకాభ్యామ్ || 4 ||

నృపాలి మౌలివ్రజరత్నకాంతి 

సరిద్విరాజత్ ఝషకన్యకాభ్యాం |

నృపత్వదాభ్యాం నతలోకపంకతే: 

నమో నమః శ్రీగురుపాదుకాభ్యామ్ || 5 ||

పాపాంధకారార్క పరంపరాభ్యాం 

తాపత్రయాహీంద్ర ఖగేశ్ర్వరాభ్యాం |

జాడ్యాబ్ధి సంశోషణ వాడవాభ్యాం 

నమో నమః శ్రీగురుపాదుకాభ్యామ్ || 6 ||

శమాదిషట్క ప్రదవైభవాభ్యాం 

సమాధిదాన వ్రతదీక్షితాభ్యాం |

రమాధవాంధ్రిస్థిరభక్తిదాభ్యాం 

నమో నమః శ్రీగురుపాదుకాభ్యామ్ || 7 ||

స్వార్చాపరాణాం అఖిలేష్టదాభ్యాం 

స్వాహాసహాయాక్షధురంధరాభ్యాం |

స్వాంతాచ్ఛభావప్రదపూజనాభ్యాం 

నమో నమః శ్రీగురుపాదుకాభ్యామ్ || 8 ||

కామాదిసర్ప వ్రజగారుడాభ్యాం 

వివేకవైరాగ్య నిధిప్రదాభ్యాం |

బోధప్రదాభ్యాం దృతమోక్షదాభ్యాం 

నమో నమః శ్రీగురుపాదుకాభ్యామ్ || 9 ||