Sri Kamalathmika Hrudaya Sthotram - శ్రీ కమలాత్మికా హృాదయస్తోత్రం

శ్రీ కమలాత్మికా హృాదయస్తోత్రం

ఓం అస్య శ్రీ మహాలక్ష్మీ హృదయ మాలా మంత్రస్య, భార్గవ ఋషి,

ఆద్యాది శ్రీ మహాలక్ష్మీదేవతా, అనుష్టుబాదీని నానాఛందాంసి,
శ్రీం బీజం, హ్రీం శక్తిః, ఐం కీలకం, ఆద్యాది మహాలక్ష్మీ ప్రసాద
సిద్యర్థం పాఠే వినియోగః.

ఋష్యాదిన్యాసమ్‌:
ఓం భార్గవ ఋషియే నమః శిరసి, 

ఓం అనుష్టుబాది నానాచందోభ్యోనమో ముఖే, 

ఓం ఆద్యాది శ్రీ మహాలక్ష్మీ దేవతాయై నమో హృదయే, 

ఓం శ్రీం బీజాయ నమో గుహ్యే, 

ఓం హ్రీం శక్తయే నమః పాదయోః, 

ఓం ఐం కీలకాయ నమః నాభౌ, 

ఓం వినియోగాయ నమః సర్వాంగే.

కరన్యాసం
ఓం శ్రీం అంగుష్ఠాభ్యాం నమః
ఓం హ్రీం తర్జనీభ్యాం నమః
ఓం ఐం మధ్యమాభ్యాం నమః
ఓం శ్రీం అనామికాభ్యాం నమః
ఓం హ్రీం కనిష్ఠికాభ్యాం నమః
ఓం ఐం కరతల కరపృష్ఠాభ్యాం నమః

హృదయన్యాసం
ఓం శ్రీం హృదయాయ నమః
ఓం హ్రీం శిరసే స్వాహా
ఓం ఐం శిఖాయై వషట్‌
ఓం శ్రీం కవచాయ హుం
ఓం హ్రీం నేత్రత్రయాయౌషట్‌
ఓం ఐం అస్త్రాయ ఫట్‌
ఓం శ్రీం హ్రీం ఐం ఇతి దిగ్భంధః

ధ్యానం:
హస్తద్వయేన కమలే ధారయంతీం స్వలీలయా ।
హారనూపుర సంయుక్తాం లక్ష్మీం దేవీం విచంతయే ॥

ఓం శంఖచక్ర గదాహస్తే శుభ్రవర్ణే సువాసినీ ।
మమదేహి వరం లక్ష్మీ సర్వసిద్ధి ప్రదాయినీ ॥

ఓం శ్రీం హ్రీం ఐం మహాలక్ష్మ్యై కమలధారిణ్యై సింహవాసిన్యై స్వాహా

వందేలక్ష్మీం పరశివమయీం శుద్ధజాంబూనదాభామ్‌
తేజోరూపాం కనకవసనాం సర్వభూషోజ్జ్వలాంగీమ్‌ ।
బీజాపూరం కనక కలశం హేమపద్మం దధానమ్‌
ఆద్యాం శక్తి సకలజననీం విష్ణువామాంక సంస్థామ్‌ ॥ 01 ॥

శ్రీమత్సౌభాగ్యజననీం స్తౌమి లక్ష్మీం సనాతనీమ్‌ ।
సర్వకామఫలావాప్తి సాధనైక సుఖావహామ్‌ ॥ 02 ॥

స్మరామి నిత్యం దేవేశి త్వయాప్రేరిత మానసః ।
త్వదాజ్ఞాం శిరసాధృత్వా భజామి పరమేశ్వరీమ్‌ ॥ 03 ॥

సమస్త సంపత్సుఖదాం మహాశ్రియం
సమస్త సౌభాగ్యకరీం మహాశ్రియం ।
సమస్త కళ్యాణకరీం మహాశ్రియం
భజామ్యహం జ్ఞాన కరీం మహాశ్రియం ॥ 04 ॥

విజ్ఞాన సంపత్సుఖదాం సనాతనీం
విచిత్రవాగ్భూతి కరీం మనోహరాం ।
అనంత సామోద సుఖప్రదాయినీం
నమామ్యహం భూతికరీం హరిప్రియాం ॥ 05 ॥

సమస్త భూతాంతర సంస్థితా త్వం -
సమస్త భోక్తేశ్వరి విశ్వరూపే ।
తన్నాస్తి యత్వద్యతిరిక్తవస్తు -
త్వత్పాద పద్మం ప్రణమామ్యహం శ్రీం ॥ 06 ॥

దారిద్య్ర దుఃఖేషు తమోపహంత్రీం
త్వత్పాదపద్మంమయి సన్నిధస్వ ।
దీనార్తి విచ్చేదన హేతుభూతైః
కృపాకటాక్షై రభిషించ మాం శ్రీః ॥ 07 ॥

అంబప్రసీద కరుణా సుధయార్ద్ర దృష్ట్యా
మాంత్వత్కృపా ద్రవిణగేహ మిమం కురుష్వ ।
ఆలోక్య ప్రణత హృద్గత శోకహంత్రీం
త్వత్పాదపద్మ యుగళం ప్రణమామ్యహం శ్రీం ॥ 08 ॥

శాంత్యై నమోస్తు శరణాగత రక్షణాయి
కాంత్యై నమోస్తు కమనీయ గుణాశ్రయాయై ।
క్షాంత్యై నమోస్తు దురితక్షయ కారణాయై
దాంతై నమోస్తు ధనధాన్య సమృద్ధిదాయె ॥ 09 ॥

శక్యై నమోస్తు శశిశేఖర సంస్తుతాయై
రత్యై నమోస్తు రజనీకర సోదరాయై ।
భక్యై నమోస్తు భవసాగర తారకాయై
మత్యై నమోస్తు మధుసూదన వల్లభాయి ॥ 10 ॥

లక్ష్మై నమోస్తు శుభలక్షణ రక్షితాయై
సిద్ద్యై నమోస్తు శివసిద్ధ సుపూజితాయై ।
ధృత్యై నమోస్తు అమిత దుర్గతి భంజనాయై
గత్యై నమోస్తు వర సద్గతి దాయికాయై ॥ 11 ॥

దేవ్యై నమోస్తు దివిదేవ గణార్చితాయై
భూత్యై నమోస్తు భవనార్తి వినాశనాయై ।
ధాత్య్రై నమోస్తు ధరణీధర వల్లభాయై
పుష్ట్యై నమోస్తు పురుషోత్తమ వల్లభాయై ॥ 12 ॥

స్తుత్రీవ దారిద్య్ర విదుఃఖ హంత్రై -
నమోస్తుతే సర్వభయాప హంత్య్రై ।
శ్రీ విష్ణు వక్షఃస్థల సంస్థితాయై -
నమోనమః సర్వ విభూతిదాయై ॥ 13 ॥

జయతు జయతు లక్ష్మీర్లక్షణాలంకృతాంగీ
జయతు జయతు పద్మా పద్మా సద్మాభివంధ్యా ।
జయతు జయతు విద్యా విష్ణు వామాంక సంస్థా
జయతు జయతు సమ్యక్‌ సర్వ సంపత్కరీ శ్రీః ॥ 14 ॥

జయతు జయతు దేవీ దేవ సంఘాభి పూజ్యా
జయతు జయతు భద్రా భార్గవీ భాగ్యరూపా ।
జయతు జయతు నిత్యా నిర్మలజ్ఞాన వేద్యా
జయతు జయతు సత్యా సర్వభూతాంతరస్థా ॥ 15 ॥

జయతు జయతు రమ్యా రత్న గర్భాంతరస్థా
జయతు జయతు శుద్ధా శుద్ధ జాంబూనదాభా ।
జయతు జయతు కాంతా కాంతిమద్భాసితాంగీ
జయతు జయతు శాంతా శీఘ్రమాగచ్చ సౌమ్యై ॥ 16 ॥

యస్యాః కళాద్యాః కమలోద్భవాద్యా
రుద్రాశ్చ శక్ర ప్రముఖశ్చ దేవాః ।
జీవంతి సర్వాஉపి శక్తయస్తాః
ప్రభుత్వమాప్తాః పరమాయుషస్తే ॥ 17 ॥

లిఖేల నిటిలే విధిర్మమలిపిం విసృజ్యాంతరం
త్వయా విలిఖిత త్వమేతదితి తత్ఫల ప్రాప్తయే ।
తదంతర ఫలే స్ఫుటం కమలవాసినీ శ్రీరమాం
సమర్ప్య సముద్రికాం సకల భాగ్య సంసూచికామ్‌ ॥ 18 ॥

కలయాతే యయాదేవి జీవంతి స చరాచరాః ।
తథా సంపత్కరీ లక్ష్మీ సర్వధా సంప్రసీదమే ॥ 19 ॥

యధా విష్ణుః ధృవేన్నిత్యం స్వకళాం సంన్యవేశయత్‌ ।
తథైవ స్వకళాం లక్ష్మీం మయి సమ్యక్‌ సమర్పయ ॥ 20 ॥

సర్వ సౌఖ్య ప్రదేదేవి భక్తానామభయప్రదే ।
అచలాంకురు యత్నేన కలాంమయి నివేశితాం ॥ 21 ॥

ముదాస్తాం మంగళౌ పరమపదలక్ష్మీం స్ఫుటకళా
సదా వైకుంఠశ్రీర్నివసంతు కలామే నయనయోః ।
వసేత్సత్యేలోకే మమ వచసి లక్ష్మీవర కళాశ్రియః
శ్వేతద్వీపే నివసతు కళామే స్వకరయోః ॥ 22 ॥

తావన్నిత్యం మమాంగేషు క్షీరాబ్దే శ్రీకళావసేత్‌ ।
సూర్యచంద్రమసౌ యావద్యావలక్ష్మీపతిః శ్రియాః ॥ 23 ॥

సర్వమంగళ సంపూర్ణా సర్వైశ్వర్య సమన్వితా ।
ఆద్యాది శ్రీమహాలక్ష్మీ త్వత్కళామయి తిష్ఠతు ॥ 24 ॥

అజ్ఞాన తిమిరం హంతుం శుద్ధ జ్ఞాన ప్రకాశికా ।
సర్వైశ్వర్య ప్రదామోస్తు త్వత్కళామయి సంస్థితా ॥ 25 ॥

అలక్ష్మీం హరతు క్షిప్రం తమః సూర్య ప్రబాయథా ।
వితనోతు మమశ్రేయః త్వత్కళా మయి సంస్థితా ॥ 26 ॥

ఐశ్వర్య మంగళోత్పత్తిః త్వత్కళాయాం నిధీయతే ।
మయి తస్మాత్‌ కృతార్ధోస్మి పాత్ర మస్మి స్థితేస్తవ ॥ 27 ॥

భవదావేశ భాగ్యార్హో భాగ్యవానస్మి భార్గవి ।
త్వత్ప్రసాదాత్‌ పవిత్రోహం లోకమాతర్నమోస్తుతే ॥ 28 ॥

పునాసిమాం త్వం కలయైవ
యస్మాదతః సమాగచ్చమమాగ్రతస్త్వం ।
పరంపదం శ్రీర్భవ సుప్రసన్నా
మయ్యచ్యుతేన ప్రవిశాదిలక్ష్మీ ॥ 29 ॥

శ్రీ వైకుంఠస్థితే లక్ష్మీ సమాచ్చ మమాగ్రతః ।
నారాయణేన సహ మాం కృపాదృష్ట్యా అవలోకయ ॥ 30 ॥

సత్యలోక స్థితే లక్ష్మీ త్వం మమాగచ్చ సన్నిధిం ।
వాసుదేవేన సహితా ప్రసీద వరదా భవ ॥ 31 ॥

శ్వేత ద్వీప స్థితే లక్ష్మీ శీఘ్రమాగచ్చ సువ్రతే ।
విష్ణునా సహితే దేవి జగన్మాతః ప్రసీదమే ॥ 32 ॥

క్షీరాంబుధి స్థితే లక్ష్మీ సమాగచ్చ సమాధవా ।
త్వత్కృపా దృష్టి సుధయా సతతం మాం విలోకయ ॥ 33 ॥

రత్నగర్భ స్థితే లక్ష్మీ పరిపూర్ణే హిరణ్మయే ।
సమాగచ్చ సమాగచ్చ స్థిత్వా ఆశుపురతో మమ ॥ 34 ॥

స్థిరాభవ మహాలక్ష్మీ నిశ్చలాభవ నిర్మలే ।
ప్రసన్నే కమలే దేవి ప్రసన్న హృదయా భవ ॥ 35 ॥

శ్రీధరే శ్రీ మహాభూతే త్వదంతస్థం మహానిధిమ్‌ ।
శీఘ్రముద్ధ్రుత్వ పరతః ప్రదర్శయ సమర్పయ ॥ 36 ॥

వసుంధరే శ్రీవసుధే వసుదోగ్ధ్రి కృపామయే ।
త్వత్కుక్షిగత సర్వస్వం శీఘ్రంమే సంప్రదర్శయ ॥ 37 ॥

విష్ణుప్రియే రత్నగర్భే సమస్త ఫలదే శివే ।
త్వద్గర్భగత హేమాదీన్‌ సంప్రదర్శయ దర్శయ ॥ 38 ॥

రసాతలగతే లక్ష్మీ శీఘ్రమాగచ్చ మే పురః ।
నజానే పరమం రూపం మాతర్మే సంప్రదర్శయ ॥ 39 ॥

ఆవిర్భవ మనోవేగాత్‌ శీఘ్రమాగచ్చ మే పురః ।
మావత్స భైరిహేత్యుక్త్వా కామం గౌరివ రక్షమాం ॥ 40 ॥

దేవి శీఘ్రం సమాగచ్చ ధరణీగర్భ సంస్ధితే ।
మాతః తవభృత్య భృత్యోహం మృగయేత్వాం కుతూహలాత్‌ ॥ 41 ॥

ఉత్తిష్ఠ జాగృహి త్వం మే సముత్తిష్ఠ సుజాగృహి ।
అక్షయాన్‌ హేమకలశాన్‌ సువర్ణేన సుపూరితాన్‌ ॥ 42 ॥

నిక్షేపాన్నే సమాకృప్య సమద్ధృత్య మమాగ్రతః ।
సమున్నతాననా భూత్వా సమాధేహి తరాంతరాత్‌ ॥ 43 ॥

మత్సన్నిధిం సమాగచ్చ మదాహిత కృపారసాత్‌ ।
ప్రసీద శ్రేయసాందోగ్ద్రి లక్ష్మి మే నయనాగ్రతః ॥ 44 ॥

అత్రోపవిశ లక్ష్మిత్వం స్థిరాభవ హిరణ్మయే ।
సుస్థిరాభవ సంప్రీత్యా ప్రసీద వరదాభవ ॥ 45 ॥

అనీయ త్వం తధాదేవి నిధీన్మే సంప్రద్శయ ।
అద్యక్షణేన సహసా దత్వా సంరక్ష మాం సదా ॥ 46 ॥

మయితిష్ఠ తథా నిత్యం యధేంద్రాదిషు తిష్ఠసి
అభయం కురు మే దేవి మహాలక్ష్మీ నమోస్తుతే ॥ 47 ॥

సమాగచ్చ మహాలక్ష్మీ శుద్ధ జాంబూనద ప్రభే ।
ప్రసీదపురతః స్థిత్వా ప్రణతం మాం విలోక్య ॥ 48 ॥

భువంగతా భాసి లక్ష్మి యత్ర యత్ర హిరణ్మయీ ।
తత్ర తత్ర స్థితా త్వం మే తవ రూపం ప్రదద్శయ ॥ 49 ॥

క్రీడతే బహుధా భూమౌ పరిపూర్ణ హిరణ్మయే ।
మమ మూర్ధనితే హస్తమవిలంబితమర్పయ ॥ 50 ॥

ఫలద్భాగ్యోదయే లక్ష్మి సమస్త పురవాసిని ।
ప్రసీదమే మహాలక్ష్మి పరిపూర్ణ మనోరధే ॥ 51 ॥

అయోధ్యాదిషు సర్వేషు నగరేషు సమాస్థితే ।
వైభవైర్వివిధైర్యుక్తా సమాగచ్చ కళాన్వితే ॥ 52 ॥

సమాగచ్చ సమాగచ్చ మమాగ్రే భవసుస్థిరా ।
కరుణారస నిష్పంద నేత్రద్వయ విలాసినీ ॥ 53 ॥

సన్నిధస్వ మహాలక్ష్మి త్వత్పాణిం మమ మస్తకే ।
కరుణాసుధయా మాం త్వమభిషిం చ స్థిరీకురు ॥ 54 ॥

సర్వరాజ గృహే లక్ష్మి సమాగచ్చ ముదాన్వితే ।
స్థిత్వాశు పురతోమేஉద్య ప్రసాదేనాభయం కురు ॥ 55 ॥

సాదరం మస్తకే హస్తం మమ త్వం కృపయార్పయ ।
సర్వరాజగ్భహే లక్ష్మి త్వత్కళామయి తిష్ఠతు ॥ 56 ॥

ఆద్యాది శ్రీమహాలక్ష్మి విష్ణువామాంక సంస్థితే ।
ప్రత్యక్షం కురు మే రూపం రక్షమాం శరణాగతమ్‌ ॥ 57 ॥

ప్రసీద మే మహాలక్ష్మి సుప్రసీద మహాశివే ।
అచలా భవ సంప్రీత్యా సుస్థిరాభవ మద్గృహే ॥ 58 ॥

యావత్తిష్ఠంతి దేవాశ్చ యావత్త్వన్నామ తిష్ఠతి ।
యావద్విష్ణుశ్చ యావత్త్వం తావత్కురు కృపాంమయి ॥ 59 ॥

చాంద్రీకళా యథాశుక్లే వర్ధతే సా దినే దినే ।
తధా దయాతే మయ్యేవ వర్థతామభివర్థతామ్‌ ॥ 60 ॥

యధావైకుంఠనగరే యధావై శ్రీనగరే ।
సదామంద్రవనే తిష్ఠ స్థిరా శ్రీవిష్ణునా సహ ॥ 61 ॥

యోగినాం హృదయే నిత్యం యథా తిష్ఠసి విష్ణునా ।
తథా మంద్రవనే తిష్ఠ స్థిరా విష్ణునా సహ ॥ 62 ॥

నారాయణస్య హృదయే భవతీ యథాస్తే
నారాయణోஉ పి తవ హృత్కమలే యథాఆస్తే ।

నారాయణస్త్వమపి నిత్యముభౌ తథైవ
తే తిష్ఠతాం హృది మమాపి దయావతి శ్రీః ॥ 63 ॥

విజ్ఞానవృద్ధిం హృదయే కురు శ్రీః
సౌభాగ్య వృద్ధిం కురుమే గృహే శ్రీః ।
దయాసువృద్ధిం కురుతాం మయి శ్రీః
సువర్ణవృద్ధిం కురుమే గృహే శ్రీః ॥ 64 ॥

సమాంత్వజేథాః శ్రితకల్పవల్లి
సద్భక్త చింతామణి కామధేనోః ।
విశ్వస్య మాతః భవసుప్రసన్నా
గృహేకళత్రేషు చ పుత్రవర్గే ॥ 65 ॥

ఆద్యాదిమాయే త్వమజాండ బీజ -
త్వమేవ సాకార నిరాకృతిస్తవమ్‌ ।
త్వయాధృతాశ్చాబ్జభవాండ
సంఘాధాళ్చిత్రం సచిత్రం తవదేవి విష్ణోః ॥ 66 ॥

బ్రహ్మ రుద్రాదయో దేవాశ్చాపి నశక్తుయుః ।
మహిమానం తవస్తోతుం మందోహం శక్నుయాంకథమ్‌ ॥ 67 ॥

అంబ త్వద్వత్స వాక్యాని సూక్తాసూక్తాని యాని చ ।
తాని స్వీకురు సర్వజ్ఞా దయాళుత్వేన సాదరమ్‌ ॥ 68 ॥

భవతీం శరణం గత్వా కృతార్థాఃస్యుః పురాతనాః ।
ఇతి సంచింత్య మనసా త్వామహం శరణం వ్రజే ॥ 69 ॥

అనంతా నిత్య సుఖీనః త్వద్భక్తాః త్వత్పరాయణాః ।
ఇతివేద ప్రమాణాద్ధి దేవి త్వాం శరణం వ్రజే ॥ 70 ॥

తవప్రతిజ్ఞా మద్భక్తా న నశ్యంతీత్యపి క్వచిత్‌ ।
ఇతి సంచింత్య సంచింత్య ప్రాణాన్‌ సంధారయామ్యహమ్‌ ॥ 71 ॥

త్వదధీనః త్వహం మాతః త్వత్మృపామయివిద్యతే ।
యావత్సంపూర్ణ కామః స్యాత్‌ తావదేహి దయానిధే ॥ 72 ॥

క్షణమాత్రం నశక్నోమి జీవితుం త్వత్కృపాం వినా ।
నజీవంతీహ జలజా జలంత్యక్తావ జలంగ్రహాః ॥ 73 ॥

యధాహి పుత్రవాత్సల్యాజ్జననీ ప్రస్నుతస్తనీ ।
వత్సం త్వరితమాగత్య సంప్రీణయతి వత్సలా ॥ 74 ॥

యదిస్యాంతవ పుత్రోஉహం మాతా త్వం యది మామకీ ।
దయాపయోధర స్తన్య సుధాభిరభిషం చ మాం ॥ 75 ॥

మృగ్యో న గుణలేశోపి మయిదోషైక మందిరే ।
పాంశూనాం వృష్టి బిందూనాం దోషాణాం చ నమేమితిః ॥ 76 ॥

పాపినామమేవాద్యో దయాళూనాం త్వమగ్రణీః ।
దయానీయో మదన్యోஉస్తి తవకోஉత్ర జగత్రయే ॥ 77 ॥

విధానాహం న సృష్టశ్చేన్నస్యాత్తవ దయాళుతా ।
ఆమయోవా న సృష్టశ్చైథౌషధస్య వృథోదయః ॥ 78 ॥

కృపామదగ్రజా కిం తే అహం కిం వా తదగ్రజః ।
విచార్య దేహిమే విత్తం తవ దేవి దయానిధే ॥ 79 ॥

మాతా పితా త్వం గురు సద్గతిః
శ్రీ స్త్వమేవ సంజీవన హేతుభూతా।
అన్యన్నమన్నే జగదేకనాథే
త్వమేవ సర్వం మమదేవి సత్యే ॥ 80 ॥

ఆద్యాది లక్ష్మీర్భవ సుప్రసన్నా విశుద్ధ విజ్ఞాన సుఖైక దోగ్థ్రీ।
అజ్ఞాన హంత్రీ త్రిగుణాతిరిక్తా ప్రజ్ఞాన నేత్రీ భవసుప్రసన్నా ॥ 81 ॥

అశేషవాగ్జాడ్యమలాపహంత్రీ నవం నవం స్పష్టసువాక్ప్రదాయినీ।
మమేహజిహ్వాగ్ర సురాంగనర్తకీ భవప్రసన్నావదనే చ మే శ్రీః ॥ 82 ॥

సమస్త సమ్యత్సు విరాజమానా సమస్త తేజశ్చయ భాసమానా ।
విష్ణుప్రియేత్వం భవదీప్యమానా వాగ్దేవతా మే నయనే ప్రసన్నా ॥ 83 ॥

సర్వప్రదర్శో సకలార్థదేత్వం ప్రభాసులావణ్య దయాప్రదోగ్థ్రీ ।
సువర్ణదేత్వం సుముఖీభవ శ్రీః హిరణ్మయీ మే నయనే ప్రసన్నా ॥ 84 ॥

సర్వార్థదా సర్వజగత్ప్రసూతిః సర్వేశ్వరీ సర్వభూయాపహంత్రీ ।
సర్వోన్నతా త్వం సుముఖీ భవశ్రీః హిరణ్మయీ మే నయనే ప్రసన్నా ॥ 85 ॥

సమస్త విఘ్నౌషు వినాశకారిణీ సమస్త భక్తోద్ధరణే విచక్షణా ।
అనంత సౌభాగ్య సుఖప్రదాయినీ హిరణ్మయీ మే నయనే ప్రసన్నా ॥ 86 ॥

దేవి ప్రసీద దయనీయత మాయా మహ్యం
దేవాధినాత భవదేవ గణాధివంద్యే ।
మాతస్తధైవ భవసన్నిహితా దృశోర్మే
పత్యా సమం మమముఖే భవ సుప్రసన్నా ॥ 87 ॥

మా వత్స భైరభయదానకరోஉర్పితస్తే
మౌళే మమేతి మమ దీనదయానుకంపే ।
మాతః సమర్పయ ముదా కరుణా కటాక్షం
మాంగళ్య బీజమిహ నః సృజా జన్మమాతః ॥ 88 ॥

కటాక్ష ఇహ కామధుక్తవ మనస్తు చింతామణిః
కరః సురతరుః సదా నవనిధి స్త్వమేవేందిరే ।
భవే తవ దయారసో మమరసాయనంచాన్వహం
ముఖం తప కళానిధిర్వివిధ వాంఛితార్థప్రదమ్‌ ॥ 89 ॥

యథా రసస్పర్శనతోஉయసోஉపి
సువర్ణ తాస్యాత్కమలే తథాతే ।
కటాక్ష సంస్పర్శనతో జననామ
మంగళనామపి మంగళత్వమ్‌ ॥ 90 ॥

దేహీతి నాస్తీతి వచః ప్రవేశాద్భీతో
రమేత్వాం శరణం ప్రపద్యే ।
అతః సదాஉస్మిన్నభయప్రదాత్వం
సహైవ పత్యామయి సన్నిధేహి ॥ 91 ॥

కల్పదృమేణ మణినా సహితా సురమ్యశ్రీః తే
కళామయి రసేన రసాయనేన ।
ఆస్తాం యతోమమ శిరః కరదృష్టి పాద స్పృష్టాః
సువర్ణ వపుషః స్థిర జంగమాస్యుః ॥ 92 ॥

ఆద్యాది విష్ణోః స్థిరధర్మపత్నీ
త్వమేవ పత్యా మయి సన్నిధేహి ।
ఆద్యాది లక్ష్మీ త్వదనుగ్రహేణ
పదే పదే మే నిధి దర్శనంస్యాత్‌ ॥ 93 ॥

ఆద్యాది లక్ష్మీ హృదయం పఠేద్యః

సరాజ్య లక్ష్మీమచలాం తనోతి ।
మహాదరిద్రోపి భవేద్ధనాఢ్యాః
తదన్వయే శ్రీః స్థిరతాం ప్రయాతి ॥ 94 ॥

అస్య స్మరణ మాత్రేణ తుష్టాస్యాద్విష్ణు వల్లభా ।
తస్యా భీష్టం దదాత్యాసు తం పాలయతి పుత్రవత్‌  ॥ 95 ॥

ఇదం రహస్యం హృదయం సర్వకామ ఫలప్రదమ్‌ ।
జపః పంచ సహస్త్రంతు పురశ్చరణ ముచ్యతే ॥ 96 ॥

త్రికాలమేకకాలం వా నరో భక్తి సమన్వితః ।
యః పఠేత్‌ శృణుయాద్వాపే సయాతి పరమం శ్రియం ॥ 97 ॥

మహాలక్ష్మీం సముద్దిశ్య నిశిభార్గవ వాసరే ।
ఇదం శ్రీ హృదయం జప్త్వా పంచవారం ధనీభవేత్‌ ॥ 98 ॥

అనేన హృదయేనాన్నం గర్భిణ్యా అభిమంత్రితమ్‌ ।
దదాతి తత్కులే పుత్రో జాయతే శ్రీపతిః స్వయమ్‌ ॥ 99 ॥

నరేణ వా అధవా నార్యా లక్ష్మీ హృదయ మంత్రితే ।
జలేపీతే చ తద్వంశే మందభాగ్యోన జాయతే ॥ 100 ॥

య అశ్వినే మాసి చ శుక్లపక్షే రమోత్సవే సన్నిహితే సుభక్యా ।
పఠేత్తధైకోత్తర వారవృద్ధ్యా లభేత్స సౌవర్ణమయీం సువృష్టిమ్‌ ॥ 101 ॥

య ఏకభుక్తో అన్వహమేకవర్షం విశుద్ధధీః సప్తతి వారజాపి ।
సమంద భాగ్యోపి రమాకటాక్షాత్‌ భవేత్సహస్రాక్షతాధికా శ్రీః ॥ 102 ॥

శ్రీ శాంఘ్రి భక్తిం హరిదాస దాస్యం
ప్రసన్న మంత్రార్ధ ధృఢైక నిష్ఠామ్‌ ।
గురోః స్మృతిః నిర్మలబోధ బుద్ధిం
ప్రదేహి మాతః పరమం పదం శ్రియమ్‌ ॥ 103 ॥

పృధ్వీ పతిత్వం పురుషోత్తమత్వం
విభూతివాసం వివిదార్థ సిద్ధిమ్‌ ।
సంపూర్ణ కీర్తిం బహువర్ష భోగమ్‌
ప్రదేహిమే లక్షి పునః పునస్త్వమ్‌ ॥ 104 ॥

వాదార్థ సిద్ధిం జనవశ్యతాం చ
వయః స్థిరత్వం లలానా సుభోగమ్‌ ।
పౌత్రాది లబ్ధిం సకలార్థ సిద్ధిం
భవే భవే భార్గవి మే ప్రయచ్చ ॥ 105 ॥

అథ శిరోబీజమ్‌ ఓం యం హం కం లం ప్రం శ్రీం  ॥ 100 ॥

ధ్యాయేల్లక్ష్మీం ప్రహసిత ముఖీం కోటి బాలార్కభాసం
విద్యుద్వర్ణాంబరధరాం భూషణాఢ్యాం సుశోభామ్‌ ।
బీజాపురం సరసిజయుగం స్వర్ణపాత్రం
భర్త్రాయుక్తాం ముహురభయదా మహ్యమప్యచ్చుతశ్రీః॥ 107 ॥

గుహ్యతి గుహ్యగోప్త్రీత్వం గృహాణాస్మృత్కృతం జపమ్‌ ।
సిద్ధిర్భవతుమే దేవి త్వత్ప్రసాదాన్మయి స్థిరా ॥ 108 ॥

॥ ఇతి శ్రీ అథర్పణ రహస్యే లక్ష్మీ హృాదయస్తోత్రం సంపూర్ణం ॥

కమలాతీకా దేవి మహావిద్య

దశ మహా విద్యలు

నిత్య స్తోత్రావళి

పంచాంగం