ఓం తామాహ్వయామి సుభగాం లక్ష్మీం త్రైలోక్య పూజితామ్
ఏహ్యేహి దేవి పద్మాక్షి పద్మకరకృతాలయే ॥ 01 ॥
అగచ్చాగచ్చ వరదే పశ్యమాం స్వేన చక్షుషా
అయాహ్యాయాహి ధర్మార్థ కామమోక్ష మయే శుభే ॥ 02 ॥
ఏవం విధైఃస్తుతి పదైః సత్యైస్సత్యార్థ సంస్తుతా
కనీయసీ మహాభాగా చంద్రేణ పరమాత్మనా ॥ 03 ॥
నిశాకర శ్చ సా దేవీ భ్రాతరౌ ద్వౌపయోనిధేః
ఉత్పన్నమాత్రౌ తావాస్తాం శివకేశవ సంశ్రితౌ ॥ 04 ॥
సనత్కుమారం తమృషిం సమాభాప్య పురాతనమ్
ప్రోక్తవానితిహాసం తు లక్ష్మ్యా స్తోత్రమనుత్తమమ్ ॥ 05 ॥
అథేదృశాన్మహో ఘోరద్దారి ద్రాన్నరకాత్కథమ్
ముక్తిర్భవతి లోకేஉస్మిన్ దారిద్య్రం యాతి భస్మతామ్ ॥ 06 ॥
సనత్కుమార ఉవాచ:
పూర్వం కృతయుగే బ్రహ్మా భగవాన్ సర్వలోకకృత్ ।
సృష్టింనానావిధాం కృత్వా పశ్చాచ్చింతా ముపేయివాన్ ॥ 07 ॥
కిమాహారాః ప్రజాస్త్వేతాః సంభవిష్యంతి భూతలే
తథైవ చాసాం దారిద్య్రాత్కథముత్తరణం భవేత్ ॥ 08 ॥
దారిద్య్రాత్ మరణం శ్రేయస్త్వితి సంచింత్య చేతసి
క్షీరోదస్యోత్తరే కూలే జగామ కమలోద్భవః ॥ 09 ॥
తత్ర తీవ్రం తపస్తప్త్యా కదాచిత్పరమేశ్వరమ్
దదర్శ పుండరీకాక్షం వాసుదేవం జగద్గురమ్ ॥ 10 ॥
సర్వజ్ఞం సర్వశక్తీనాం సర్వావాసం సనాతనమ్
సర్వేశ్వరం వాసుదేవం విష్ణుం లక్ష్మీపతిం ప్రభుమ్ ॥ 11 ॥
సోమకోటి ప్రతీకాశం క్షీరోద విమలేజలే
అనంత భోగశయనం విశ్రాంతమ్ శ్రీనికేతనమ్ ॥ 12 ॥
కోటిసూర్య ప్రతీకాశం మహాయోగేశ్వరేశ్వరమ్
యోగానిద్రారతం శ్రీశం సర్వావాసం సురేశ్వరమ్ ॥ 13 ॥
జగదుత్పత్తి సంహారస్థితి కారణకారణమ్
లక్ష్మ్యాది శక్తికరణం జాతమండల మండితమ్ ॥ 14 ॥
ఆయుధైర్దేహవద్భిశ్చ చక్రాద్యైః పరివారితమ్
దుర్నిరీక్ష్యం సురైః సిద్ధైః మహాయోగిశతైరపి ॥ 15 ॥
ఆధారం సర్వశక్తీనాం పరంతేజః సుదుస్సహం
ప్రబుద్ధం దేవమీశానం దృష్ట్యా కమలసంభవః ॥ 16 ॥
శిరస్యంజలి మాదాయ స్తోత్రం పూర్వ మువాచ హ
మనోవాంఛిత సిద్ధిం త్వం పూరయస్వ మహేశ్వర ॥ 17 ॥
జితంతే పుండరీకాక్ష నమస్తే విశ్వభావన
నమస్తేస్తు హృషీకేశ మహాపురుష పూర్వజ ॥ 18 ॥
సర్వేశ్వర జయానంద సర్వావాస పరాత్పర
ప్రసీద మమ భక్తస్య ఛింది సందేహజం తమః ॥ 19 ॥
ఏవం స్తుత స్సభగవాన్ బ్రహ్మణా వ్యక్త జన్మనా
ప్రసాదాభిముఖః ప్రాహ హరిర్విశ్రాంతలోచనః ॥ 20 ॥
శ్రీ భగవానువాచ:
హిరణ్యగర్భతుష్ణోస్మి బ్రూహి యత్తేஉభివాంఛితమ్
తద్వక్ష్యామి న సందేహో భక్తోసి మమసువ్రత ॥ 21 ॥
కేశవాద్వచనం శృత్వా కరుణావిష్టచేతనః
ప్రత్యువాచ మహాబుద్ధిర్భగవంతం జనార్దనమ్ ॥ 22 ॥
చతుర్విధ భవస్యాస్య భూతసర్గస్య కేశవ
పరిత్రాణాయ మే బ్రూహి రహస్యమ్ పరమాద్భుతమ్ ॥ 23 ॥
దారిద్య్ర శమనం ధన్యం మనోజ్ఞం పావనమ్ పరమ్
సర్వేశ్వర మహా బుద్ధే స్వరూపం వైభవం మహత్ ॥ 24 ॥
శ్రియః సర్వార్తి శాయిన్యాస్తథాజ్ఞానం చ శాశ్వతం
నామాని చైవ ముఖ్యాని యాని గౌణాని చాచ్యుత ॥ 25 ॥
త్వద్వక్త్ర కమలోత్థాని శ్రోతుమిచ్చామి తత్వతః
ఇతి తస్య వచః శ్రుత్వా ప్రతివాక్య మువాచ సః ॥ 26 ॥
మహావిభూతి సంయుక్తః షాడ్గుణ్యతే పూషః ప్రభోః
భగవద్వాసుదేవస్య నిత్యం చైషానపాయినీ ॥ 27 ॥
ఏకైవ వర్తతేஉభిన్నా జ్యోత్స్నేవ హిమదీధితేః
సర్వ శక్త్యాత్మికా చైవ విశ్వం వ్యాప్య వ్యవస్థితా ॥ 28 ॥
సర్వైశ్వర్య గుణోపేతా నిత్యశుద్ధ స్వరూపిణీ
ప్రాణశక్తిః పరాహ్యేషా సర్వేషాం ప్రాణినాం భువి ॥ 29 ॥
శక్తీనాం చైవ సర్వాసాం యోనిభూతా పరాకలా
అహం తస్యాః పంనామ్నాం సహస్ర మిదముత్తమమ్ ॥ 30 ॥
శ్రుణుష్వావహితో భూత్వా పరమైశ్వర్య భూతిదం
దేవ్యాఖ్యాస్మృతి మాత్రేణ దారిద్య్రం యాతి భస్మతామ్ ॥ 31 ॥
శ్రీ భగవానువాచ :
శ్రీ పద్మా ప్రకృతిః సత్వా శాంతా చిచ్చక్తి రవ్యయా
కేవలా నిష్కలా శుద్ధా వ్యాపినీ వ్యోమ విగ్రహా ॥ 32 ॥
వ్యోమపద్మకృతాధారా పరా వ్యోమా మతోద్భవా
నిర్వ్యోమా వ్యోమ మధ్యస్థా పంచవ్యోమ పదాశ్రితా ॥ 33 ॥
అచ్యుతా వ్యోమ నిలయా పరమానంద రూపిణీ
నిత్యశుద్దా నిత్యతృప్తా నిర్వికారా నిరీక్షణా ॥ 34 ॥
జ్ఞానశక్తిః కర్తృశక్తి ర్భోక్తృ శక్తిః శిఖావహా
స్నేహాభాసా నిరానందా విభూతిర్విమలాచలా ॥ 35 ॥
అనంతా వైష్టవీ వ్యక్తా విశ్వానందా వికాసినీ
శక్తిర్విభిన్న సర్వార్తిః సముద్ర పరితోషిణీ ॥ 36 ॥
మూర్తిః సనాతనీ హార్ధీ నిస్తరంగా నిరామయా
జ్ఞాన జ్ఞేయా జ్ఞాన గమ్యా జ్ఞానజ్జేయ వికాసినీ ॥ 37 ॥
స్వచ్చంద శక్తిర్గహనా నిష్కంపార్చిః సునిర్మలా
సురూపా సర్వగా పారా బృంహిణీ సుగుణోర్జితా ॥ 38 ॥
అకలంకా నిరాధారా నిస్సంకల్పా నిరాశ్రయా
అసంకీర్ణా సుశాంతా చ శాశ్వతీ భాసురీ స్థిరా ॥ 39 ॥
అనౌపమ్యా నిర్వికల్పా నిర్యంత్రా యంత్రవాహినీ
అభేద్యా భేదినీ భిన్నా భారతీ వైఖరీ ఖగా ॥ 40 ॥
అగ్రాహ్యా గ్రాహికా గూఢా గంభీరా విశ్వగోపినీ
అనిర్దేశ్యా ప్రతిహతా నిర్బీజాஉపావనీ పరా ॥ 41 ॥
అప్రతర్క్యా పరిమితా భవభ్రాంతి వినాశినీ
ఏకా ద్విరూపా త్రివిధా అసంఖ్యాతా సురేశ్వరీ ॥ 42 ॥
సుప్రతిష్ఠా మహాధాత్రీ స్థితిర్వృద్ధి ర్ధ్రువాగతిః
ఈశ్వరీ మహిమా బుద్ధిః ప్రమోదా ఉజ్వలోద్యమా ॥ 43 ॥
అక్షయా వర్ధమానా చ సుప్రకాశా విహంగమా
నీరజాజననీ నిత్యా జయా రోచిష్మతీ శుభా ॥ 44 ॥
తపోనుదా చ జ్వాలా చ సుదీప్తిశ్చాంశుమాలినీ
అప్రమేయాత్రిధా సూక్ష్మా పరా నిర్వాణదాయినీ ॥ 45 ॥
అపదాతా సుశుద్దా చ అమోఘాఖ్యాపరంపరా
సంధానకీ శుద్ధ విద్యా సర్వభూత మహేశ్వరీ ॥ 46 ॥
లక్ష్మీస్తుష్టిర్మహాధీరా శాంతి రాపూరణేనవా
అనుగ్రహా శక్తిరాద్యా జగజ్జేష్ఠా జగద్విధిః ॥ 47 ॥
సత్యాప్రహ్వా క్రియాయోగ్యా హ్యపర్ణాహ్లదినీ శివా
సంపూర్ణా హ్లాదినీ శుద్దా జ్యోతిష్మత్యమృతావహా ॥ 48 ॥
రజోవత్యర్క ప్రతిభాకర్షిణీ కర్షిణీ రసా
పరావసుమతీ దేవీ కాంతిః శాంతిర్మతిః కలా ॥ 49 ॥
కళా కళంకరహితా విశాలోద్దీపనీ రతిః
సంబోధినీ హారిణీ చ ప్రభావా భవభూతిదా ॥ 50 ॥
అమృతస్యందినీ జీవా జననీ ఖండికా స్థిరా
ధూమా కళావతీ పూర్ణా భాసురా సుమతా రసా ॥ 51 ॥
శుద్ధాధ్వనిః సృతిః సృష్టిర్వికృతిః కృష్టిర్వే చ
ప్రాపణీ ప్రాణదా ప్రహ్వా విశ్వాపాండుర వాసినీ ॥ 52 ॥
అవనీ వజ్రనలికా చిత్రా బ్రహ్మాండవాసినీ
అనంతరూపాஉనంతాత్మాஉనంత స్థానాஉనంత సంభవా ॥ 53 ॥
మహాశక్తిః ప్రాణశక్తి ప్రాణదాత్రీ రతింభరా
మహాసమూహా నిఖీలా ఇచ్చాధార సుఖావహా ॥ 54 ॥
ప్రత్యక్ష లక్ష్మీర్నిష్కంపా ప్రరోహా బుద్ధిగోచరా
నానాదేహా మహావర్తా బహుదేహ వికాసినీ ॥ 55 ॥
సహస్రాణీ ప్రధానా చ న్యాయ వస్తు ప్రకాశికా
సర్వాభిలాష పూర్ణేచ్భా సర్వా సర్వార్థ భాషిణీ ॥ 56 ॥
నానా స్వరూపచిద్దాత్రీ శబ్దపూర్వా పురాతనా
వ్యక్తా వ్యక్తా జీవకేశా సర్వేచ్చా పరిపూరితా ॥ 57 ॥
సంకల్ప సిద్దా సాంఖ్యేయా తత్వగర్భాధరావహా
భూతరూపా చిత్స్యరూపా త్రిగుణా గుణగర్వితా ॥ 58 ॥
ప్రజాపతీశ్వరీ రౌద్రీ సర్వాధారా సుఖావహా
కల్యాణ వాహికా కల్యా కలికల్మషనాశినీ ॥ 59 ॥
నిరూపోద్భిన్న సంతానా సుయంత్రా త్రిగుణాలయా
మహామాయా యోగమాయా మహాయోగేశ్వరీ ప్రియా ॥ 60 ॥
మహాస్త్రీ విమలాకీర్తిర్జయాలక్ష్మీ ర్నరంజన
ప్రకృతి ర్భగవన్మాయా శక్తిర్నిద్రా యశస్కరీ ॥ 61 ॥
చింతాబుద్ధిర్యశః ప్రజ్ఞా శాంతిరాప్తాతి వర్ధినీ
ప్రద్యుమ్న మాతా సాధ్వీచ సుఖసౌభాగ్య సిద్ధిదా ॥ 62 ॥
కాష్ఠానిష్ఠా ప్రతిష్ఠా చ జ్యేష్ఠా శ్రేష్ఠా జయావహా
సర్వాతి శాయిన ప్రీతిర్విశ్వశక్తిర్మహాబలా ॥ 63 ॥
పరిష్ఠా విజయా వీరా జయంతీ విజయప్రదా
హృద్గుహా గోపినీ గుహ్యా గణగంధర్వ సేవితా ॥ 64 ॥
యోగీశ్వరీ యోగమయా యోగినీ యోగసిద్ధిదా
మహాయోగేశ్వర వృతాయోగా యోగేశ్వర ప్రియా ॥ 65 ॥
బ్రహ్మేంద్ర రుద్ర నమితా సురాసురవర ప్రదా
త్రివర్త్మగా త్రిలోకస్థా త్రివిక్రమపదోద్భవా ॥ 66 ॥
సుతారా తారిణీ తారా దుర్గా సంతారిణీ పరా
సుతారిణీ తారయంతీ భూరితారేశ్వర ప్రభా ॥ 67 ॥
గుహ్యవిద్యా యజ్ఞవిద్యా మహావిద్యా సుశోభితా
ఆధ్యాత్మవిద్యా విగ్నేశీ పద్మస్థా పరమేష్టినీ ॥ 68 ॥
అన్వీక్షకీ త్రయీవార్తా దండనీతి ర్నయాత్మికా
గౌరీ వాగీశ్వరీ గోప్త్రీ గాయత్రీ కమలోద్భవా ॥ 69 ॥
విశ్వంభరా విశ్వరూపా విశ్వమాతా వసుప్రదా
సిద్ధిస్వాహా స్వధా స్వస్తి సుధా సర్వార్థ సాధినీ ॥ 70 ॥
ఇచ్చా సృష్టిర్ద్యుతి ర్ఫూతిః కీర్తి శ్రద్ధా దయామతిః
శ్రుతిర్మేధా ధృతిః హ్రీం శ్రీర్విద్యా విబుధవందితా ॥ 71 ॥
అనసూయా ఘృణా నీతిర్నిర్వ్యతిః కామధుక్కరా
ప్రతిజ్ఞా సంతతిర్భూతిః ద్యౌః ప్రజ్ఞా విశ్వమానినీ ॥ 72 ॥
స్మృతిర్వాగ్విశ్వజననీ పశ్యంతీ మధ్యమాసమా
సంధ్యా మేధా ప్రభా భీమా సర్వాకార సరస్వతీ ॥ 73 ॥
కాంక్షామాయా మహామాయా మోహనీ మాధవ ప్రియా
సౌమ్యాభోగా మహాభోగా భోగినీ భోగదాయినీ ॥ 74 ॥
సుథౌతకనకప్రఖ్యా సువర్ణా కమలాసనా
హిరణ్యగర్భా సుశ్రోణీ హరిణీ రమణీరమా ॥ 75 ॥
చంద్రా హిరణ్మయీ జ్యోత్స్యా రమ్యా శోభా శుభావహా
త్రైలోక్యమండనా నారీ సర్వేశ్వర వరార్చితా ॥ 76 ॥
త్రైలోక్య సుందరీ రామా మహావిభవ వాహినీ
పద్మస్థా పద్మనిలయా పద్మమాలా విభూషితా ॥ 77 ॥
పద్మయుగ్మధరా కాంతా దివ్యాభరణ భూషితా
విచిత్రరత్న ముకుటా విచిత్రాంబర భూషణా ॥ 78 ॥
విచిత్ర మాల్యాగంధాఢ్యా విచిత్రాయుధ వాహణా
మహానారాయణీ దేవీ వైష్ణవీ వీరవందితా ॥ 79 ॥
కాలసంకర్షణీ ఘోరా తత్వసంకర్షణీ కళా
జగత్సంపూరణీ విశ్వా మహావిభవ భూషణా ॥ 80 ॥
వారుణీ వరదా వ్యాఖ్యా ఘంటాకర్ణ విరాజితా
నృసింహ భైరవీ బ్రాహ్మీ భాస్కరీవ్యోమ చారిణీ ॥ 81 ॥
ఐంద్రీ కామధనుః సృష్టి కామయోనిర్మహా ప్రభా
దృష్టా కామ్యా విశ్వశక్తిర్బీజగత్యాః ఆత్మదర్శనా ॥ 82 ॥
గరుడారూఢ హృదయాచాంద్రీ శ్రీర్మధురాననా
మహోగ్రరూపా వారాహీ నారసింహీ హతాసురా ॥ 83 ॥
యుగాంతహుతభుగ్జ్వాలా కరాళా పింగళ కళా
త్రైలోక్య భూషణా భీమా శ్యామా త్రైలోక్యమోహినీ ॥ 84 ॥
మహోత్కట మహారక్తా మహాచండా మహాసనా
శంఖినీ లేఖినీ స్వస్థా లిఖితాం ఖేచరేశ్వరీ ॥ 85 ॥
భద్రకాళీ చైవ వీరా కౌమారీ భవమాలినీ
కల్యాణీ కామధుగ్జ్వాలాముఖీ చోత్పల మాలికా ॥ 86 ॥
బాలికా ధనదా సూర్యా హృదయోత్పల మాలికా
అజితా వర్షణీ రీతిః భేరుండా గరుడాసనా ॥ 87 ॥
వైశ్వానరీ మహామాయా మహాకాళీ విభీషణా
మహామందార విభవా శివానందా రతి ప్రియా ॥ 88 ॥
ఉద్రీతిః పద్మమాలా చ ధర్మవేగా విభావనీ
సత్క్రియా దేవసేనా చ హిరణ్యరజతాశ్రయా ॥ 89 ॥
సహస్రా వర్తమానా చ హస్తినాద ప్రబోధినీ
హిరణ్య పద్మవర్ణా చ హరిభద్రా సుదుర్ధరా ॥ 90 ॥
సూర్యా హిరణ్య ప్రకట సదృశీ హేమమాలినీ
పద్మాసనా నిత్యపుష్టా దేవమాతాஉమృతోద్భవా ॥ 91 ॥
మహాధనా చ యాశృంగీ కార్థమీ కంబుకంధరా
ఆదిత్యవర్ణా చంద్రాభా గంధద్వారా దురాసదా ॥ 92 ॥
వరార్చితా వరారోహా వరేణ్యా విష్ణువల్లభా
కల్యాణీ వరదా వామా వామేశీ వింధ్యవాసినీ ॥ 93 ॥
యోగనిద్రా యోగరతా దేవకీ కామరూపిణీ
కంసవిద్రావణీ దుర్గా కౌమారీ కౌశికీ క్షమా ॥ 94 ॥
కాత్యాయనీ కాళరాత్రీ ర్నిశితృప్తా సుదుర్జయా
విరూపాక్షీ విశాలాక్షీ భక్తానాం పరిరక్షణీ ॥ 95 ॥
బహురూపా స్వరూపా చ విరూపా రూప వర్జితా
ఘంటానినాద బహులా జీమూతధ్వని నిఃస్వనా ॥ 96 ॥
మహాదేవేంద్ర మధినీ భ్రుకుటీ కుటిలాననా
సత్యోపాయా చితాచైకా కౌబేరి బ్రహ్మచారిణీ ॥ 97 ॥
ఆర్యా యశోదా సుతదా ధర్మకామార్థ మోక్షదా
దారిద్య్ర దుఃఖశమనీ ఘోరదుర్గార్తి నాశినీ ॥ 98 ॥
భక్తార్తి శమనీ భవ్యా భవభర్గాపహారిణీ
క్షీరాబ్ది తనయా పద్మాకమలా ధరణీ ధరా ॥ 99 ॥
రుక్మిణీ రోహిణీ సీతా సత్యభామా యశస్వినీ
ప్రజ్ఞాధారా మితాబుద్ధిర్వేదమాతా యశోవతీ ॥ 100 ॥
సమాధిర్భావనామైత్రీ కరుణా భక్తవత్సలా
అంతర్వేదీ దక్షిణా చ బ్రహ్మచర్య పరాగతిః ॥ 101 ॥
దీక్షా వీక్షా పరీక్షా చ సమీక్షా వీరవత్సలా
అంబికా సురభిస్సిద్దా సిద్ధవిద్యాధరార్చితా ॥ 102 ॥
సుదీప్తా లేలిహానా చ కరాళా విశ్వపూరకా
విశ్వసంధారణీ దీప్తిః తాపనీ తాండవ ప్రియా ॥ 103 ॥
ఉద్భవా విరజా రాజ్ఞీ తాపనీ బిందుమాలినీ
క్షీరధారా సుప్రభావా లోకమాతా సువర్చసా ॥ 104 ॥
హవ్యగర్భాచాజ్యగర్భా జుహ్వతీ యజ్ఞసంభవా
ఆప్యాయనీ పావనీ చ దహనీ దహనాశ్రయా ॥ 105 ॥
మాతృకా మాధవీ ముచ్యా మోక్షలక్ష్మీర్మహర్థిదా
సర్వకామప్రదా భద్రా సుభద్రా సర్వమంగళా ॥ 106 ॥
శ్వేతా సుశుక్లవసనా శుక్లమలాల్యానులేపనా
హంసా హీనకరీ హంసీ హృద్యాహృత్కమలాలయా ॥ 107 ॥
సితాత పత్రా సుశ్రోణీ పద్మపత్రాయతేక్షణా
సావిత్రీ సత్యసంకల్పా కామదా కామకామినీ ॥ 108 ॥
దర్శనీయా దృశాஉదృశ్యా స్పృశ్యా సేవ్యా వరాంగనా
భోగప్రియా భోగవతీ భోగీంద్రశయనాసనా ॥ 109 ॥
ఆర్ద్రా పుష్కరిణీ పుణ్యా పావనీ పాపసూదనీ
శ్రీమతీ చ శుభాకారా పరమైశ్వర్య భూతిదా ॥ 110 ॥
అచింత్యాஉనంత విభవా భవభావ విభావనీ
నిశ్రేణీః సర్వదేహస్థా సర్వభూత నమస్కృతా ॥ 111 ॥
బలా బలాధికా దేవీ గౌమతీ గోకులాలయా
తోషిణీ పూర్ణచంద్రాభా ఏకానందా శతాననా ॥ 112 ॥
ఉద్యాన నగర ద్వార హర్మ్యోపవనవాసినీ
కూష్మాండీ దారుణా చండా కిరాతీ నందనాలయా ॥ 113 ॥
కాలాయనా కాగమ్యా భయదా భయనాశినీ
సౌదామినీ మేఘరవా దైత్యదానవ మర్దినీ ॥ 114 ॥
జగన్మాతా భయకరీ భూతధాత్రీ సుదుర్లభా
కాశ్యపీ శుభదానా చ వనమాలా శుభా వరా ॥ 115 ॥
ధన్యా ధన్యేశ్వరీ ధన్యా రత్నదా వసుమర్దినీ
గాంధర్వీ రేవతీ గంగా శకునీ విమలాననా ॥ 116 ॥
ఇడా శాంతికరీచైవ తామసీ కమలాలయా
ఆజ్యపా వజ్ర కౌమారీ సోమపా కుసుమాశ్రయా ॥ 117 ॥
జగత్ప్రియా చ సరథా దుర్జయా ఖగవాహనా
మనోభవా కామచరా సిద్ధచారణ సేవితా ॥ 118 ॥
వ్యోమలక్ష్మీ ర్మహాలక్ష్మీ స్తేజోలక్ష్మీః సుజోజ్వలా
రసలక్ష్మీ ర్జగద్యోనిః గంధలక్ష్మీః వనాశ్రయా ॥ 119 ॥
శ్రవణా శ్రావణా నేత్రా రసనా ప్రాణచారిణీ
విరించిమాతా విభవా వరవారిజ వాహనా ॥ 120 ॥
వీర్యా వీరేశ్వరీ వంద్యా విశోకా వసువర్ధినీ
అనాహతా కుండలినీ నళినీ వనవాసినీ ॥ 121 ॥
గాంధారిణీంద్ర నమితా సురేంద్ర నమితా సతీ
సర్వమంగళ మాంగల్యా సర్వకామ సమృద్ధిదా ॥ 122 ॥
సర్వానందా మహానందా సత్కీర్తిః సిద్ధసేవితా
సినీవాలీ కుహూ రాకా అమాచానుమతిః ర్ద్యుతిః ॥ 123 ॥
అరుంధతీ వసుమతీ భార్గవీ వాస్తుదేవతా
మాయూరీ వజ్ర భేతాళీ వజ్రహస్తా వరాననా ॥ 124 ॥
అనఘా ధరణీ ధీరా ధమనీ మణిభూషణా
రాజశ్రీ రూపసహితా బ్రహ్మశ్రీ ర్బ్రహ్మవందితా ॥ 125 ॥
జయశ్రీ ర్జయదా జ్జేయా సర్గశ్రీః స్వర్గతిః సతామ్
సుపుష్పా పుష్పనిలయా ఫల శ్రీర్నిష్కల ప్రియా ॥ 126 ॥
ధనుర్లక్ష్మీ స్త్వమిళితా పరక్రోధ నివారిణీ
కద్రూర్థనాయుః కపిలా సురసా సురమోహినీ ॥ 127 ॥
మహాశ్వేతా మహానీలా మహామూర్తి ర్విషాపహా
సుప్రభా జ్వాలినీ దీప్తి స్తృప్తి ర్వ్యాప్తిః ప్రభాకరీ ॥ 128 ॥
తేజోవతీ పద్మబోధా మదలేఖారుణావతీ
రత్నా రత్నావళీ భూతా శతధామా శతాపహా ॥ 129 ॥
త్రిగుణా ఘోషిణీ రక్ష్యార్థినీ ఘోషవర్ణితా
సాధ్యా దితిర్దితి ర్లేవీ మృగవాహామృగాంకగా ॥ 130 ॥
చిత్రనీలోత్పలగతా వృతరత్నాకరాశ్రయా
హిరణ్యరజతద్వంద్వా శంఖ భద్రాసన స్థితా ॥ 131 ॥
గోమూత్ర గోమయ క్షీరదధి సర్పిర్జలాశ్రయా
మరీచిశ్చీరవసనా పూర్ణా చంద్రార్క విష్టరా ॥ 132 ॥
సుసూక్ష్మా నిర్వృతి స్థూలా నిర్వృతారాతిరేవ చ
మరీచి ర్జ్వాలినీ ధూమ్ర హవ్యవాహా హిరణ్యదా ॥ 133 ॥
దాయినీ కాళినీ సిద్ధిః శోషిణీ సంప్రబోధినీ
భాస్కరా సంహతి స్తీక్ష్ణాప్రచండ జ్వలనోజ్వలా ॥ 134 ॥
సాంగాప్రచండా దీప్తా చ వైద్యుతి స్సుమహాద్యుతిః
కపిలా నీరరక్తా చ సుషుమ్నా విస్ఫులింగినీ ॥ 135 ॥
అర్చిష్మతీ రిపుహరా దీర్ఘా ధూమావళీ జరా
సంపూర్ణమండలా పూషా స్రంసినీ సుమనోహరా ॥ 136 ॥
జయా పుష్టికరీ ఛాయా మానసా హృదయోజ్వలా
సువర్ణకారినీ శ్రేష్ఠా మృతసంజీవనీ రణే ॥ 137 ॥
విశల్య కరణీ శుభ్రా సంధినీ పరమౌషధిః
బ్రహ్మిష్ఠా బ్రహ్మ సహితా ఐందవీ రత్న సంభవా ॥ 138 ॥
విద్యుత్ ప్రభా బిందుమతీ త్రిస్వభావ గుణాంబికా
నిత్యోదితా నిత్యదృష్టా నిత్యకామకరీషిణీ ॥ 139 ॥
పద్మాంకా వజచిహ్నా చ వక్రదండా విభాసినీ
విదేహపూజితా కన్యా మాయా విజయవాహినీ ॥ 140 ॥
మానినీ మంగళా మాన్యా మానినీ మానదాయినీ
విశ్వేశ్వరీ గణవతీ మండలా మండలేశ్చరీ ॥ 141 ॥
హరిప్రియా భౌమసుతా మనోజ్ఞా మతిదాయినీ
ప్రత్యంగిరా సోమగుప్తా మనోభిజ్ఞా వదన్మతిః ॥ 142 ॥
యశోధరా రత్నమాలా కృష్ణా త్రైలోక్య బంధినీ
అమృతాధారిణీ హర్షా వినతా వల్లకీశచీ ॥ 143 ॥
సంకల్పా భామినీ మిశ్రా కాదంబర్యమృత ప్రభా
ఆగతా నిర్గతా వజ్రా సుహితా సహితాక్షతా ॥ 144 ॥
సర్వార్థ సాధనకరీ ధానుర్దారణికామలా
కరుణాధార సంభూతా కమలాక్షీ శశిప్రియా ॥ 145 ॥
సౌమ్యరూపా మహాదీప్తా మహాజ్వాలా వికాసినీ
మాలా కాంచన మాలా చ సద్వజ్ర కనక ప్రభా ॥ 146 ॥
ప్రక్రియా పరమా భోక్త్రీ క్షోభికా చ సుభఖోదయా
విజృంభణా చ వజ్రాఖ్యా శృంఖలా కమలేక్షణా ॥ 147 ॥
జయంకరీ మధుమతీ హరితా శశినీ శివా
మూలప్రకృతిరీశానీ యోగమాతా మనోజవా ॥ 148 ॥
ధర్మోదయా భానుమతీ సర్వాభాసా సుఖావహా
దురంధరా చ బాలా చ ధర్మసేవ్యా తథాగతా ॥ 149 ॥
సుకుమారా సౌమ్యముఖీ సౌమ్య సంబోధనోత్తమా
సుముఖీ సర్వతోభద్రా గుహ్యశక్తి ర్గుహాలయా ॥ 150 ॥
హలాయుధా చ కావీరా సర్వశాస్త్ర సుధారిణీ
వ్యోమశక్తిర్మహాదేహాగ్ర వ్యోమగామగ్రమన్మయీ ॥ 151 ॥
గంగా వితస్తా యమునా చంద్రభాగా సరస్వతీ
తిలోత్తమోర్వశీ రంభా స్వామినీ సురసుందరీ ॥ 152 ॥
బాణప్రహరణా బాలా బింబోష్ఠీ చారుహాసినీ
కకుద్మినీ చారుపృష్టా దృష్టాదృష్ట ఫలప్రదా ॥ 153 ॥
కామ్యచరీ చ కామ్యా చ కామాచార విహారిణీ
హిమశైలేంద్ర సంకాశా గజేంద్ర వరవాహనా ॥ 154 ॥
అశేష సుఖసౌభాగ్య సంపదా యోనిరుత్తమా
సర్వోత్కృష్టా సర్వమయీ సర్వా సర్వేశ్వర ప్రియా ॥ 155 ॥
సర్వాంగ యోనిః సావ్యక్తా సంప్రధానేశ్వరేశ్వరీ
విష్ణు వక్షస్థలగతా కిమతః పరమచ్యుతే ॥ 156 ॥
పరా నిర్మహిమా దేవీ హరివక్షస్థలాశ్రయా
సాదేవీ పాపహంత్రీ చ సాన్నిధ్యం కురుతాం మమ ॥ 157 ॥
ఇతి నామ్నాం సహస్రంతు లక్ష్మ్యాః ప్రోక్తం శుభావహమ్
పరావరేణ భేదేన ముఖ్యగౌణేన భాగతః ॥ 158 ॥
యశ్చైతత్ కీర్తయే న్నిత్యం శ్రుణుయాద్వాపి పద్మజా
శుచిః సమాహితో భూత్వా భక్తి శ్రద్ధా సమన్వితః ॥ 159 ॥
శ్రీనివాసం సమభ్యర్చ్య పుష్పధూపానులేపనైః
భోగైశ్చ మధుపర్కాద్యై యథాశక్తి జగద్గురుమ్ ॥ 160 ॥
తత్పార్శ్వస్థాం శ్రియం దేవీం సంపూజ్య శ్రీధరప్రియామ్
తతోనామ సహస్రేణ తోషయేత్పరమేశ్వరీమ్ ॥ 161 ॥
నామరత్నావళీ స్తోత్రం ఇదం యః సతతం పఠేత్
ప్రసాదాభిముఖీ లక్ష్మీః సర్వం తస్మై ప్రయచ్చతి ॥ 162 ॥
యస్యా లక్ష్మ్యాశ్చ సంభూతా శ్శక్తి యో విశ్వగాః సదా
కారణత్వం న తిష్టంతి జగత్యస్మింశ్చరాచరే ॥ 163 ॥
తస్మాత్ప్రీతా జగన్మాతా శ్రీర్యస్యాచ్చుత వల్లభా
సుప్రీతా శ్శక్తయస్తస్య సిద్ధిమిష్టాందిశంతి హి ॥ 164 ॥
ఏక ఏవ జగత్ స్వామీ శక్తి మానచ్యుత ప్రభుః
తదంశ శ్శక్తిమంతోన్యే బ్రహ్మేశానాదయో యథా ॥ 165 ॥
తథైవైకా పరాశక్తిః శ్రీః తస్య కరుణాశయా
జ్ఞానాది షాడ్గుణ్యమయీ యా ప్రోక్తా ప్రకృతిః పరా ॥ 166 ॥
ఏకైకశక్తి స్తస్యా ద్వితీయాత్మని వర్తతే
పరాపరేశీ సర్వేశీ సర్వాకారా సనాతనీ ॥ 167 ॥
అనంతనామధేయా చ శక్తి చక్రస్య నాయికా
జగచ్చరాచర మిదం సర్వం వ్యాప్య వ్యవస్థితా ॥ 168 ॥
తస్మా దేకైవ పరమా శ్రీః జ్ఞేయా విశ్వరూపిణీ
సౌమ్యా సౌమ్యేన రూపేణ సంస్థితా నటజీవవత్ ॥ 169 ॥
యోయోజగతి పుంభావః సవిష్ణురితి నిశ్చయః
యాయాతునారీ భావస్థా తత్ర లక్ష్మీ ర్వ్యవస్థితా ॥ 170 ॥
ప్రకృతేః పురుషాచ్చాన్య స్తృతీయో నైవ విద్యతే
అధ కిం బహునోక్తేన నరనారీ మయోహరిః ॥ 171 ॥
అనేక భేద భిన్నస్తు క్రియతే పరమేశ్వరః
మహావిభూతి దయితాం యే స్తువంత్యచ్యుత ప్రియామ్ ॥ 172 ॥
తే ప్రాప్నువంతి పరమాం లక్ష్మీం సంశుద్ధచేతసః
పద్మయోని రిదం ప్రాప్య పఠన్ స్తోత్రమిదం క్రమాత్ ॥ 173 ॥
దివ్యమష్ట గుణైశ్వర్యం తత్ప్రసాదాచ్చ లబ్దవాన్
సకామానాం చ ఫలదా మకామానాం చ మోక్షదామ్ ॥ 174 ॥
పుస్తకాఖ్యాం భయత్రాతీం సితవస్త్రాం త్రిలోచనాం
మహాపద్మ నిషణ్ణాంతాం లక్ష్మీ మజరతాం నమః ॥ 175 ॥
కరయుగళ గృహీతం పూర్ణకుంభం దధానా
క్వచిదమల గతస్థా శంఖ పద్మాక్షపాణిః
క్వచిదపిదయితాంగే చామర వ్యగ్రహస్తా
క్వచిదపి సృణిపాశం బిభ్రతీ హేమకాంతిః ॥ 176 ॥
॥ ఇతి శ్రీ బ్రహ్మపురాణే కాశ్మీర వర్ణనే హిరణ్యగర్ణ హృదయే సర్వకామ
ప్రదాయకం పురుషోత్తమేవ పోక్త్రం శ్రీ కమలాత్మికా సహస్రనామ స్తోత్రం సమాప్తం ॥
కమలాతీకా దేవి మహావిద్య
దశ మహా విద్యలు
నిత్య స్తోత్రావళి
పంచాంగం
No comments:
Post a Comment