ఏ తీరుగ నను దయ చూచెదవో
తాళం:
రాగం:
రూపకర్త: రామదాసు
పల్లవి
ఏ తీరుగ నను దయ చూచెదవో, ఇన వంశోత్తమ రామా
నా తరమా భవ సాగరమీదను, నళిన దళేక్షణ రామా
చరణము
శ్రీ రఘు నందన సీతా రమణా, శ్రితజన పోషక రామా
కారుణ్యాలయ భక్త వరద నిను, కన్నది కానుపు రామా || 1 ||
క్రూరకర్మములు నేరక చేసితి, నేరములెంచకు రామా
దారిద్ర్యము పరిహారము సేయవే, దైవ శిఖామణి రామా || 2 ||
వాసవ నుత రామదాస పోషక వందన మయోధ్య రామా
భాసుర వర సద్గుణములు కల్గిన భద్రాద్రీశ్వర రామా || 3 ||
భాసుర వర సద్గుణములు కల్గిన భద్రాద్రీశ్వర రామా
No comments:
Post a Comment