శ్రీ దక్షిణకాళీ కవచం
భైరవ ఉవాచ |
కాళికా యా మహావిద్యా కథితా భువి దుర్లభా
తథాఽపి హృదయే శల్యమస్తి దేవి కృపాం కురు || 1 ||
కవచస్తు మహాదేవి కథయస్వానుకంపయా|
యది నో కథ్యతే మాతర్వి ముంచామి తదా తనుమ్ || 2 ||
శ్రీ దేవ్యువాచ |
శంకాపి జాయతే వత్స తవ స్నేహత్ ప్రకాశితమ్ |
న వక్తవ్యం న ద్రష్టవ్యమతిగుహ్యతరం మహత్ || 3 ||
కాళికా జగతాం మాతా శోకదుఃఖవినాశినీ |
విశేషతః కలియుగే మహాపాతకహరిణి || 4 ||
అధకవచమ్ -
కాళీ మే పురతః పాతు పృష్ఠతశ్చ కపాలినీ |
కుల్లా మే దక్షిణే పాతు కురుకుల్లా తధోత్తరే || 5 ||
విరోధినీ శిరః పాతు విప్రచిత్తా తు చక్షుషి |
ఉగ్రమే నాసికాం పాతు కర్ణో చోగ్రప్రభామతా || 6 ||
వదనం పాతు మే దీప్తా నీలా చ చిబుకం సదా |
ఘనాగ్రీవం సదా పాతు బలాకా బాహుయుగ్మకమ్ || 7 ||
మాత్రా పాతు కరధ్వంధ్వం వక్షో ముద్రా సదావతు |
మితా పాతు స్తనద్వంద్వం యోనిమండలదేవత || 8 ||
బ్రాహ్మీ మే జఠరం పాతు నాభిం నారాయణి తథా |
ఊరూ మహేశ్వరీ నిత్యం చాముండా పాతు లింగకమ్ || 9 ||
కౌమారీ చ కటిం పాతు తథైవా జానుయుగ్మకమ్ |
అపరాజితా చ పాదౌ మే వారాహీ పాతు చాంగుళీన్ || 10 ||
సంధిస్థానం నారసింహీం పుత్రస్ధా దేవతావతు |
రక్షాహీనం తూ యత్ స్థానం వర్జితం కవచేనా తు || 11 ||
తత్సర్వం రక్ష మే దేవి కాళికే ఘోరదక్షిణే |
ఉర్ద్వమధస్తథా దిక్షు పాతూ దేవి స్వయం వపుః || 12 ||
హింస్రేభ్యః సర్వదా పాతు సాధకం చ జలాధికాత్ |
దక్షిణాకాళికా దేవి వ్యాపకత్వే సదావతు || 13 ||
ఇదం కవచమజ్ఞాత్వా యో జపేద్దేవదక్షిణామ్ |
న పూజాఫలమాప్నోతి విఘ్నస్తస్య పదేపదే || 14 ||
కవచేనావృతో నిత్యం యత్ర యత్రైవ గచ్చతి |
తత్ర తత్రాఽభయం తస్య న క్షోభం విద్యతే క్వచిత్ || 15 ||
|| ఇతి కాళీకుల సర్వస్వే శ్రీ దక్షిణకాళికా కవచమ్ ||
No comments:
Post a Comment