భద్రలక్ష్మీ స్తోత్రం
శ్రీదేవీ ప్రథమం నామ ద్వితీయమమృతోద్భవా |
తృతీయం కమలా ప్రోక్తా చతుర్థం లోకసుందరీ || 01 ||
పంచమం విష్ణుపత్నీతి షష్ఠం శ్రీవైష్ణవీతి చ |
సప్తమం తు వరారోహా అష్టమం హరివల్లభా || 02 ||
నవమం శార్‍ఙ్గిణీ ప్రోక్తా దశమం దేవదేవికా |
ఏకాదశం మహాలక్ష్మిః ద్వాదశం లోకసుందరీ || 03 ||
శ్రీః పద్మ కమలా ముకుందమహిషీ లక్ష్మీస్త్రిలోకేశ్వరీ |
మా క్షీరాబ్ధి సుతాఽరవిందజననీ విద్యా సరోజాత్మికా || 04 ||
సర్వాభీష్టఫలప్రదేతి సతతం నామాని యే ద్వాదశా |
ప్రాతః శుద్ధతరాః పఠంతి సతతం సర్వాన్ లభంతే శుభాన్ || 05 ||
భద్రలక్ష్మీ స్తవం నిత్యం పుణ్యమేతచ్ఛుభావహమ్ |
కాలే స్నాత్వాపి కావేర్యాం జప శ్రీవృక్షసన్నిధౌ || 06 ||
|| ఇతి శ్రీ భద్రలక్ష్మీ స్తోత్రం సంపూర్ణం ||
No comments:
Post a Comment