వశిష్ట ఉవాచ
నామ్నాం సహస్ర మాం తారాయా ముఖాంభోజాద్వినిర్గతామ్
మంత్ర సిద్ధికరమ్ ప్రోక్తం తన్మే వద పితామహ ॥ 01 ॥
బ్రహ్మ ఉవాచ
శృణు వత్స ప్రవక్ష్యామి రహస్యం సర్వసిద్ధిదమ్
యస్యోపదేశ మాత్రేణ సర్వసిద్ధి ర్భవిష్యతి ॥ 02 ॥
మహాప్రళయ కాలాదౌ నష్టే స్థావర జంగమే
మహాతారాం సమాకర్ణ్య కృపయా సంహృతం తనౌ ॥ 03 ॥
నామ్నా తేన మహాతారా ఖ్యాతా సా బ్రహ్మరూపిణీ
మహాశూల త్రయం కృత్వా తత్ర చైకాకినీ స్థితా ॥ 04 ॥
పున స్పృష్టే శ్చికీర్షా భూత్ దివ్యసామ్రాజ్య సంజ్ఞకమ్
నామ్నాం సహస్ర మస్యాస్తు తకారాద్య మ్మయా స్మృతమ్ ॥ 05 ॥
తత్ప్రభావేన బ్రహ్మాండం నిర్మితమ్ సుదృఢ మ్మహత్
ఆవిర్భూతా వయం తంత్ర యంత్రై స్తస్యాః పురాద్విజ ॥ 06 ॥
స్వస్యకార్యార్థిన స్తత్ర భ్రాంతా భూమ్యాం యథా వయమ్
తయోపదిష్టాః కృపయా భవామ సృష్టి కారకాః ॥ 07 ॥
తస్యా ప్రసాదా ద్వినేంద్ర త్రయో బ్రహ్మాండనాయకాః
అన్యాస్సుర గణాస్సర్వే తస్యాః పాద ప్రసేవకాః ॥ 08 ॥
పఠనా ద్ధారణా త్సృష్టేః కర్తాహం పాలకో హరిః
తత్వాక్షరోపదేశేన సంహర్తా శంకర స్వయమ్ ॥ 09 ॥
ఋషిచ్చందాదిక ధ్యానమ్మూలవత్పరికీర్తితమ్
నియోగ మాత్ర సిద్దౌ చ పురుషార్ధ చతుష్టయమ్ ॥ 10 ॥
తారా తారాది పంచార్ణా తారాన్యావేద వీర్యజా
తారా తారహితా వర్ణా తరాద్యా తారరూపిణీ ॥ 11 ॥
తారా రాత్రి సముత్పన్నా తారా రాత్రి పరోద్యతా
తారా రాత్రి జపాసక్తా తారా రాత్రి స్వరూపిణీ ॥ 12 ॥
తారా రాజ్ఞీ స్వసంతుష్టా తారా రాజ్ఞీ వరప్రదా
తారా రాజ్ఞీ స్వరూపా చ తారా రాజ్ఞీ ప్రసిద్దదా ॥ 13 ॥
తారా హృత్పంకజాకారా తారా హృత్పంకజా పరా
తారా హృత్పంకజా ధారా తారా హృత్పంకజా తథా ॥ 14 ॥
తారేశ్వరీ చ తారా భా తారాగణ స్వరూపిణీ
తారాగణ సమాకీర్ణా తారాగణ నిషేవితా ॥ 15 ॥
తారా తారాన్వితా తారా రత్నాన్విత విభూషణా
తారాగణ రణాసన్నా తారా కృత్య ప్రపూజితా ॥ 16 ॥
తారాగణ కృతాహారా తారాగణ కృతాశ్రయా
తారాగణ కృతాగారా తారా గణన తత్పరా ॥ 17 ॥
తారాగుణ గణాకీర్ణా తారాగుణ గణప్రదా
తారాగుణ గణాసక్తా తారాగుణ గణాలయా ॥ 18 ॥
తారేశ్వరీ తారపూజ్యా తారా జప్యాతు కారణా
తారా ముఖ్యాతు తారాఖ్యా తారా దక్షాతు తారిణీ ॥ 19 ॥
తారాగమ్యాతు తారస్థా తారామృత తరంగిణీ
తారాభవ్యా తు తారార్ణా తార హవ్యాతు తారిణీ ॥ 20 ॥
తారకా తారకాంతస్థా తారకా రాశి భూషణా
తారకాహార శోభాఢ్యా తారకావేష్టితాంగణా ॥ 21 ॥
తారకా హంసకాకీర్ణా తారకా కృత భూషణా
తారకాంగద శోభాంగీ తారకా శ్రితకంకణా ॥ 22 ॥
తారకాంచిత కాంచీచ తారకాన్విత భక్షణా
తారకాచిత్ర వసనా తారకాసన మండలా ॥ 23 ॥
తారకా కీర్ణముకుటా తారకాశ్రిత కుండలా
తారకాన్విత తాటంక యుగ్మ గండస్థలో జ్వలా ॥ 24 ॥
తారకాశ్రిత పాదాబ్జా తారకా వరదాయికా
తారకా దత్త హృదయా తారకాంచిత సాయకా ॥ 25 ॥
తారకాన్యాస కుశలా తారకాన్యాస విగ్రహా
తారకాన్యాస సంతుష్టా తారకాన్యాస సిద్ధిదా ॥ 26 ॥
తారకాన్యాస నిలయా తారకాన్యాస పూజితా
తారకాన్యాస సంహృష్టా తారకాన్యాస సిద్ధిదా ॥ 27 ॥
తారకాన్యాస సమ్మగ్రా తారకాన్యాస వాసినీ
తారకాన్యాస సంపూర్ణా మంత్రసిద్ధి విధాయినీ ॥ 28 ॥
తారకోపాసక ప్రాణా తారకోపాసక ప్రియా
తారకోపాసకైః సాధ్యా తారకోపాస వేషదా ॥ 29 ॥
తారకోపాసకాసక్తా తారకోపాసకార్థినీ
తారకోపాసకారాధ్యా తారకోపాసకాశ్రయా ॥ 30 ॥
తారకాసుర సంతుష్టా తారకాసుర పూజితా
తారకాసుర నిర్మాణ కర్త్రీ తారక వందితా ॥ 31 ॥
తారకాసుర సమ్మాన్యా తారకాసుర మానదా
తారకాసుర సంసిద్దా తారకాసుర దేవతా ॥ 32 ॥
తారకాసుర దేహస్థా తారకాసుర స్వర్గదా
తారకాసుర సంసృష్టా తారకాసుర గర్వదా ॥ 33 ॥
తారకాసుర సంహంత్రీ తారకాసుర మర్ధినీ
తారకాసుర సంగ్రామ నర్తకీ తారకాపహా ॥ 34 ॥
తారకాసుర సంగ్రామ తారిణీ తారకారి భృత్
తారకాసుర సంగ్రామ కబంధ బృందవందితా ॥ 35 ॥
తారకారి ప్రసూస్తార కారిమాతాతు తారికా
తారకారి మనోహారి వస్త్ర భూషాను శాసికా ॥ 36 ॥
తారకారి విధాత్రీ చ తారకారి నిషేవితా
తారకారి వచస్తుష్టా తారకారి సు శిక్షితా ॥ 37 ॥
తారకారి సుసంతుష్టా తారకారి విభూషితా
తారకారి కృతోత్సాంగీ తారకారి ప్రహర్షితా ॥ 38 ॥
తమః సంపూర్ణ సర్వాంగీ తమోలిప్త కళేబరా
తమో వ్యాప్త స్థలా సంగీ తమః పటల సన్నిభా ॥ 39 ॥
తమోహంత్రీ తమః కర్త్రీ తమః సంచార కారిణీ
తమోగాత్రీ తమోదాత్రీ తమః పాత్రీ తమోపహా ॥ 40 ॥
తమోరాశేః పూర్ణరాశి స్తమోరాశి వినాశిని
తమోరాశి కృతధ్వంసీ తమోరాశి భయంకరీ ॥ 41 ॥
తమోగుణ ప్రసన్నాస్యా తమోగుణ సుసిద్ధిదా
తమోగుణోక్త మార్గస్థా తమోగుణ విరాజితా ॥ 42 ॥
తమోగుణ స్తుతిపరా తమోగుణ వివర్ధినీ
తమోగుణాశ్రితపరా తమోగుణ వినాశినీ ॥ 43 ॥
తమోగుణ క్షయకరీ తమోగుణ కళేబరా
తమోగుణ ధ్వంసతుష్టా తమః పారే ప్రతిష్టితా ॥ 44 ॥
తమోభవ భవప్రీతా తమోభవ భవప్రియా
తమోభవ భవశ్రద్ధా తమోభవ భవశ్రియా ॥ 45 ॥
తమోభవ భవప్రాణా తమోభవ భవార్చితా
తమోభవ భవప్రీత్యాఽలీఢ కుంభస్థల స్థితా ॥ 46 ॥
తపస్వి బృంద సంతుష్టా తపస్వి బృంద పుష్టిదా
తపస్వి బృంద సంస్తుత్యా తపస్వి బృంద వందితా ॥ 47 ॥
తపస్వి బృంద సంపన్నా తపస్వి బృంద హర్షదా
తపస్వి బృంద సంపూజ్యా తపస్వి బృంద భూషితా ॥ 48 ॥
తపస్వి చిత్త తల్పస్థా తపస్వి చిత్త మధ్యగా
తపస్వి చిత్త చిత్తార్హా తపస్వి చిత్త హారిణీ ॥ 49 ॥
తపస్వి కల్ప వల్లాభా తపస్వి కల్పపాదపా
తపస్వి కామధేనుశ్చ తపస్వి కామపూర్తిదా ॥ 50 ॥
తపస్వి త్రాణ నిరతా తపస్వి గృహ సంస్థితా
తపస్వి గృహ రాజశ్రీ స్తపస్వి రాజ్య దాయికా ॥ 51 ॥
తపస్వి మానసారాధ్యా తపస్వి మానదాయికా
తపస్వి తాప సంహంత్రీ తపస్వి తాపశాంతి కృత్ ॥ 52 ॥
తపస్వి సిద్ధి విద్యా చ తపస్వి మంత్ర సిద్ధి కృత్
తపస్వి మంత్ర తంత్రేశీ తపస్వి మంత్ర రూపిణీ ॥ 53 ॥
తపస్వి మంత్ర నిపుణా తపస్వి కర్మకారిణీ
తపస్వి కర్మ సంభూతా తపస్వి కర్మసాక్షిణీ ॥ 54 ॥
తపస్సేవ్యా తపోభవ్యా తపోభావ్యా తపస్వినీ
తపోవశ్యా తపోగమ్యా తపోగేహ నివాసినీ ॥ 55 ॥
తపోధన్యా తపోమాన్యా తపఃకన్యా తపోవృతా
తపస్తధ్యా తపోగోప్యా తపోజప్యా తపోవృతా ॥ 56 ॥
తపస్సాధ్యా తపోరాధ్యా తపోవంద్యా తపోమయీ
తపస్సాధ్యా తపోవంధ్యా తపస్సాన్నిధ్య కారిణీ ॥ 57 ॥
తపోధేయా తపోజ్ఞేయా తపస్తప్తా తపోబలా
తపోగేయా తపోదేయా తపస్తత్వ ఫలప్రదా ॥ 58 ॥
తపో విఘ్నా వరఘ్నీ చ తపో విఘ్న వినాశినీ
తపో విఘ్న చయ ధ్వంసీ తపో విఘ్నభయంకరీ ॥ 59 ॥
తపోభూమి వరప్రాణా తపోభూమి పతిస్తుతా
తపోభూమి పతిధ్యేయా తపోభూమి పతీష్టదా ॥ 60 ॥
తపోవన కురంగస్థా తపోవన వినాశినీ
తపోవన గతిప్రీతా తపోవన విహారిణీ ॥ 61॥
తపోవన ఫలాసక్తా తపోవన ఫలప్రదా
తపోవన సుసాధ్యా చ తపోవన సుసిద్ధిదా ॥ 62 ॥
తపోవన సుసేవ్యా చ తపోవన నివాసినీ
తపోధన సుసంసేవ్యా తపోధన సుసాధితా ॥ 63 ॥
తపోధన సుసంలీనా తపోధన మనోమయీ
తపోధన నమస్కారా తపోధన విముక్తిదా ॥ 64 ॥
తపోధన ధనాసాధ్యా తపోధన ధనాత్మికా
తపోధన ధనారాధ్యా తపోధన ఫలప్రదా ॥ 65 ॥
తపోధన ధనాఢ్యా చ తపోధన ధనేశ్వరీ
తపోధన ధనప్రీతా తపోధన ధనాలయా ॥ 66 ॥
తపోధన జనాకీర్ణా తపోధన జనాశ్రయా
తపోధన జనారాధ్యా తపోధన జనప్రసూః ॥ 67 ॥
తపోధన జనప్రాణా తపోధన జనేష్టదా
తపోధన జనాసాధ్యా తపోధన జనేశ్వరీ ॥ 68 ॥
తరుణాసృక్ ప్రవాసార్తా తరుణా సృక్ప్రతర్చితా
తరుణా సృక్ సముద్రస్థా తరుణా సృక్ ప్రహర్షదా ॥ 69 ॥
తరుణా సృక్ సంతుష్టా తరుణా సృగ్విలేపితా
తరుణా సృఙ్ఞదీప్రాణా తరుణా సృగ్విభూషణా ॥ 70 ॥
తరుణైణ బలిప్రీతా తరుణాజ బలిప్రియా
తరుణైణ బలిప్రాణా తరుణైణ బలీష్టదా ॥ 71 ॥
తరుణాజ బలిప్రీతా తరుణాజ బలిప్రియా
తరుణాజ బలిఘ్రాణా తరుణాజ బలిప్రభుక్ ॥ 72 ॥
తరుణాదిత్య సంకాశా తరుణాదిత్య విగ్రహా
తరుణాదిత్య రుచిరా తరుణాదిత్య నిర్మలా ॥ 73 ॥
తరుణాదిత్య నిలయా తరుణాదిత్య మండలా
తరుణాదిత్య లలితా తరుణాదిత్య కుండలా ॥ 74 ॥
తరుణార్క సమజ్యోత్స్నా తరుణార్క సమప్రభా
తరుణార్క ప్రతీకాశా తరుణార్క ప్రవర్థితా ॥ 75 ॥
తరుణాతరుణ నేత్రా చ తరుణాతరుణ లోచనా
తరుణాతరుణ గాత్రాచ తరుణాతరుణ భూషణా ॥ 76 ॥
తరణీదత్త సంకేతా తరణీదత్త భూషణా
తరణీ గణసంతుష్టా తరణీతరుణీ మణిః ॥ 77 ॥
తరణీమణి సంసేవ్యా తరణీమణి మండితా
తరణీమణి సంతుష్టా తరణీమణి పూజితా ॥ 78 ॥
తరణీబృంద సంవంద్యా తరణీబృంద వందితా
తరణీబృంద సంస్తుత్యా తరణీబ్బంద మానదా ॥ 79 ॥
తరణీబృంద మధ్యస్థా తరణీబ్బంద వేష్టితా
తరణీబృంద సంప్రీతా తరణీబృంద భూషితా ॥ 80 ॥
తరణీజయ సంసిద్ధా తరుణీ జయ మోక్షదా
తరణీ పూజకాసక్తా తరణీ పూజకార్థినీ ॥ 81 ॥
తరణీ పూజక శ్రీదా తరణీ పూజాకార్తిహా
తరణీ పూజక ప్రాణా తరణీ నిందకార్తిదా ॥ 82 ॥
తరణీ కోటనిలయా తరణీ కోటివిగ్రహా
తరణీ కోటిమధ్యస్థా తరణీ కోటివేష్టితా ॥ 83 ॥
తరణీ కోటిదుస్సాధ్యా తరణీ కోటివిగ్రహా
తరణీ కోటిరుచిరా తరణీ తరుణీశ్వరీ ॥ 84 ॥
తరుణీ మణిహారాఢ్యా తరుణీ మణికుండలా
తరుణీ మణిసంతుష్టా తరుణీ మణిమండితా ॥ 85 ॥
తరణీ సరణీప్రీతా తరణీ సరణీరతా
తరణీ సరణీస్థానా తరణీ సరణీరతా ॥ 86 ॥
తరణీ మండల శ్రీదా తరణీ మండలేశ్వరీ
తరణీ మండలశ్రద్ధా తరణీ మండలస్థితా ॥ 87 ॥
తరణీ మండలార్థాఢ్యా తరణీ మండలార్చితా
తరణీ మండలధ్యేయా తరణీ భవసాగరా ॥ 88 ॥
తరణీ కారణాసక్తా తరణీ తక్షకార్చితా
తరణీ తక్షక శ్రీదా తరణీ తక్షకార్ధినీ ॥ 89 ॥
తరణీ తరుణశీలా చ తరణీ తరుణతారిణీ
తరీతరణ సంవేద్యా తరీతరణ కారిణీ ॥ 90 ॥
తరురూపా తరూపస్థా తరుస్తరులతామయీ
తరురూపా తరుస్థా చ తరుమధ్య నివాసినీ ॥ 91 ॥
తప్తకాంచన గేహస్థా తప్తకాంచన భూమికా
తప్తకాంచన ప్రాకారా తప్తకాంచన పాదుకా ॥ 92 ॥
తప్తకాంచన దీప్తాంగీ తప్తకాంచన సన్నిభా
తప్తకాంచన గౌరాంగీ తప్తకాంచన మంచగా ॥ 93 ॥
తప్తకాంచన వస్త్రాఢ్యా తప్తకాంచన రూపిణీ
తప్తకాంచన మధ్యస్థా తప్తకాంచన కారిణీ ॥ 94 ॥
తప్తకాంచన మాసార్చ్యా తప్తకాంచన పాత్రభుక్
తప్తకాంచన శైలస్థా తప్తకాంచన కుండలా ॥ 95 ॥
తప్తకాంచన క్షేత్రాఢ్యా తప్తకాంచన దండధ్భక్
తప్తకాంచన భూషాఢ్యా తప్తకాంచన దానదా ॥ 96 ॥
తప్తకాంచన దేవేశీ తప్తకాంచన చాపధృక్
తప్తకాంచన తూణాఢ్యా తప్తకాంచన బాణభృత్ ॥ 97 ॥
తలాతల విధాత్రీ చ, తలాతల విధాయినీ
తలాతల స్వరూపేశీ తలాతల విహారిణీ ॥ 98 ॥
తలాతల జనాసాధ్యా తలాతల జనేశ్వరీ
తలాతల జనారాధ్యా తలాతల జనార్థదా ॥ 99 ॥
తలాతల జయాభాక్షీ తలాతలజ చంచలా
తలాతలజ రత్నాఢ్యా తలాతలజ దేవతా ॥ 100 ॥
తటినీ స్థానరసికా తటినీ తటవాసినీ
తటినీ తటినీ తీరగామినీ తటినీ ప్రియా ॥ 101 ॥
తటినీ ప్లవనప్రీతా తటినీ ప్లవనోద్యతా
తటినీ ప్లవనశ్లాఘ్యా తటినీ ప్లవనార్థదా ॥ 102 ॥
తటలాస్యా తటస్థానా తటేశీ తటవాసినీ
తటపూజ్యా తటారాధ్యా తటరోమ ముఖార్థినీ ॥ 103 ॥
తటజా తటరూపా చ తటస్థా తటచంచలా
తటసన్నిధి దేహస్థా సహితా తటశాయినీ ॥ 104 ॥
తరంగిణీ తరంగాభా తరంగాయతలోచనా
తరంగ సమదుర్ధర్షా తరంగ సమచంచలా ॥ 105 ॥
తరంగ సమదీర్ఘాంగీ తరంగ సమవర్ధితా
తరంగ సమసంవృద్ధి తరంగ సమనిర్మలా ॥ 106 ॥
తడాగమధ్య నిలయా తడాగమధ్య సంభవా
తడాగ రచనశ్లాఘ్యా తడాగ రచనోద్యతా ॥ 107 ॥
తడాగ కుముదామోదీ తడాగేశీ తడాగినీ
తడాగ నీరసస్నాతా తడాగ నీరనిర్మలా ॥ 108 ॥
తడాగ కమలాగారా తడాగ కమలాలయా
తడాగ కమలాంతస్థా తడాగ కమలోద్యతా ॥ 109 ॥
తడాగ కమలాంగీ చ తడాగ కమలాసనా
తడాగ కమలప్రాణా తడాగ కమలేక్షణా ॥ 110 ॥
తడాగ రక్తపద్మస్థా తడాగ శ్వేతపద్మగా
తడాగ నీలపద్మాభా తడాగ నీలపద్మభృత్ ॥ 111 ॥
తనుస్తనుగీతా తన్వీ తన్వంగీ తనుధారిణీ
తనురూపా తనుగతా - తనుధృక్తనురూపిణీ ॥ 112 ॥
తనుస్థా తనుమధ్యాంగీ తనుకృత్తనుమంగళా
తనుసేవ్యాతు తనుజా తనుజా తనుసంభవా ॥ 113 ॥
తనుభృత్తను సంభూతా తనుదా తనుకారిణీ
తనుభృత్తను సంహంత్రీ తను సంచార కారిణీ ॥ 114 ॥
తథ్యవాక్ తథ్యవచనా తథ్యకృత్ తథ్యవాదినీ
తథ్యభృత్ తథ్యచరితా తథ్యధర్మాను వర్తినీ ॥ 115 ॥
తథ్యభుక్ తథ్యగమనా తథ్యభక్తి వరప్రదా
తథ్య తర్క్య స్వభావా చ తర్కదాయాతు తర్కకృత్ ॥ 116 ॥
తర్క్యా తర్క్య స్వభావా చ తర్కదాయాతు తర్కకృత్
తర్కాధ్యాపన మధ్యస్థా తర్కాధ్యాపనకారిణీ ॥ 117 ॥
తర్కాధ్యాపన సంతుష్టా తర్కాధ్యాపన రూపిణీ
తర్కాధ్యాపన సంశీలా తర్కార్థ ప్రతిపాదితా ॥ 118 ॥
తర్కాధ్యాపన సంతృప్తా తర్కార్థ ప్రతిపాదికా
తర్కవాదాశ్రితపదా తర్కవాద వివర్ధినీ ॥ 119 ॥
తర్కవాదైకనిపుణా తర్కవాద ప్రచారిణీ
తమాలదశ శ్యామాంగీ తమాలదళమాలినీ ॥ 120 ॥
తమాలవన సంకేతా తమాల పుష్పపూజితా
తగరీ తగరారాధ్యా తగరార్చిత పాదుకా ॥ 121 ॥
తగర స్రక్సు సంతుష్టా తగర స్రగ్విరాజితా
తగరాహుతి సంతుష్టా తగరాహుతి కీర్తిదా ॥ 122 ॥
తగరాహుతి సంసిద్ధా తగరాహుతి మానదా
తడిత్తడిల్లతాకారా తడిచ్చంచలలోచనా ॥ 123 ॥
తడిల్లతా తడిత్తన్వీ తడిద్దీప్తా తడిత్ప్రభా
తద్రూపా తత్స్వరూపేశీ తన్మయీ తత్త్వరూపిణీ ॥ 124 ॥
తత్స్థాన దాననిరతా తత్కర్మ ఫలదాయినీ
తత్త్వకృత్తత్త్వదా తత్త్వ తత్త్వవిత్తత్త్వ తర్పితా ॥ 125 ॥
తత్త్వార్చ్యా తత్త్వపూజ్యా చ తత్త్వార్ఘ్యా తత్త్వరూపిణీ
తత్త్వజ్ఞాన ప్రదానేశీ తత్వజ్ఞాన మోక్షదా ॥ 126 ॥
త్వరితాత్వరిత ప్రీతా త్వరితార్తి వినాశినీ
త్వరితాసన సంతుష్టా త్వరితాసవ తర్చితా ॥ 127 ॥
త్వగ్వస్త్రా త్వక్పరీధానా తరళా తరళేక్షణా
తరక్షుచర్మవసనా తరక్షుత్వగ్విభూషణా ॥ 128 ॥
తరక్షుస్తరక్షు ప్రాణా తరక్షు పృష్ఠగామినీ
తరక్షు పృష్ఠసంస్థానా తరక్షు పృష్ఠవాసినీ ॥ 129 ॥
తర్పితో దైస్తర్పణాశా తర్పణాసక్త మానసా
తర్పణానంద హృదయా తర్పణాధిపతిఃస్త తిః॥ 130 ॥
త్రయీమయీ త్రయీసేవ్యా త్రయీపూజ్యా త్రయీకథా
త్రయీభవ్యా త్రయీభావ్యా త్రయీహవ్యా త్రయీయుతా ॥ 131 ॥
త్య్రక్షరీ త్య్రక్షరేశానీ త్య్రక్షరీ శీఘ్రసిద్ధిదా
త్య్రక్షరేశీ త్య్రక్షరీస్థా త్య్రక్షరీ పురుషాస్పదా ॥ 132 ॥
తపనా తపనేష్టా చ తపస్తపన కన్యకా
తపనాంశుసమా సహ్యా తపన కోటి కాంతి కృత్ ॥ 133 ॥
తపనీయా తల్పగతా తల్పాతల్ప విధాయినీ
తల్పకృత్తల్పగా తల్పదాత్రీ తల్పతలాశ్రయా ॥ 134 ॥
తపనీయా తలా రాత్రీ తపనీయాంశు ప్రార్థినీ
తపనీయప్రదా తప్తా తపనీయాద్రి సంస్థితా ॥ 135 ॥
తల్పేశీ తల్పదా తల్పసంస్థితా తల్పవల్లభా
తల్పప్రియా తల్పరతా తల్ప నిర్మాణ కారిణీ ॥ 136 ॥
తరసా పూజనాసక్తా తరసా వరదాయినీ
తరసా సిద్ధి సంధాత్రీ తరసా మోక్షదాయినీ ॥ 137 ॥
తాపసీ తాపసారాధ్యా తాపసార్తి వినాశినీ
తాపసార్తా తాపసశ్రీ స్తాపన ప్రియవాదినీ ॥ 138 ॥
తాపసానంద హృదయా తాపసానంద దాయినీ
తాపసాశ్రిత పాదాబ్జా తాపసాసక్త మానసా ॥ 139 ॥
తామసీ తామసీపూజ్యా తామసీ ప్రణయోత్సుకా
తామసీ తామసీ సీతా తామసీ శీఘ్రసిద్ధిదా ॥ 140 ॥
తాలేశీ తాల భుక్తాలదాత్రీ తాలోపమస్తనీ
తాల వృక్షస్థితా తాలవృక్షజా తాలరూపిణీ ॥ 141 ॥
తార్క్ష్య తార్క్ష్య సమారూఢా తార్క్ష్యేశీ తార్త్యపూజితా
తార్క్ష్యేశ్వరీ తార్క్ష్యమాతా తార్క్ష్యేశీ వరదాయినీ ॥ 142 ॥
తాపీతు తపినీ తాప సంహంత్రీ తాపనాశినీ
తాపదాత్రీ తాపకర్త్రీ తాప విధ్వంసకారిణీ ॥ 143 ॥
త్రాసకర్త్రీ త్రాసదాత్రీ త్రాసహర్త్రీ చ త్రాసహా
త్రాసితా త్రాసరహితా త్రాస నిర్మూలకారిణీ ॥ 144 ॥
త్రాణకృత్త్రాణ సంశీలా తానేశీ తానదాయినీ
తానగానరతా తానకారిణీ తానగాయినీ ॥ 145 ॥
తారుణ్యామృత సంపూర్ణా తారుణ్యామృత వారిధిః
తారుణ్యామృత సంతుష్టా తారుణ్యామృత తర్చితా ॥ 146 ॥
తారుణ్యామృత పూర్ణాంగీ తారుణామృత విగ్రహా
తారుణ్య గుణసంపన్నా తారుణ్యోక్తి విశారదా ॥ 147 ॥
తాంబూలీ తాంబూలేశానీ తాంబూల చర్వణోద్యతా
తాంబూల పూరితాస్యా చ తాంబూలారుణితా ధరా ॥ 148 ॥
తాటంక రత్నవిఖ్యాతి స్తాటంక రత్నభూషిణీ
తాటంక రత్నమధ్యస్థా తాటంక ద్వయభూషిణీ ॥ 149 ॥
తిథీశా తిథిసంపూజ్యా తిథిస్థా తిథిరూపిణీ
త్రితిథి వాసినీ సేవ్యా తిథీశ వరదాయినీ ॥ 150 ॥
తిలోత్తమాది కారాధ్యా తిలోత్తమాదిక ప్రభా
తిలోత్తమా తిలప్రేక్ష్యా తిలారాధ్యా తిలార్చితా ॥ 151 ॥
తిలభుక్ తిలసందాత్రీ తిలతుష్టా తిలాలయా
తిలదా తిలసంకాశా తిలతైల విధాయినీ ॥ 152 ॥
తిలతైలోపలిప్తాంగీ తిలతైల సుగంధినీ
తిలాజ్య హోమసంతుష్టా తిలాజ్య హోమసిద్ధిదా ॥ 153 ॥
తిలపుష్పాంజలి ప్రీతా తిలపుష్పాంజలి ప్రియా
తిలపుష్పాంజలి శ్రేష్ఠా తిలపుష్పా ఘనాశినీ ॥ 154 ॥
తిలకాశ్రిత సిందూరా తిలకాంకిత చందనా
తిలకాహృత కస్తూరీ తిలకామోద మోదినీ ॥ 155 ॥
త్రిగుణా త్రిగుణాకారా త్రిగుణాన్విత విగ్రహా
త్రిగుణాకార విఖ్యాతా త్రిమూర్తి స్త్రిగుణాత్మికా ॥ 156 ॥
త్రిశిరా త్రిపురేశానీ త్రిపురా త్రిపురేశ్వరీ
త్రిపురేశీ త్రిలోకస్థా త్రిపురీ త్రిపురాంబికా ॥ 157 ॥
త్రిపురారి సమారాధ్యా త్రిపురారి వరప్రదా
త్రిపురారి శిరోభూషా (త్రిపురారి వరప్రదా ॥ 158 ॥
త్రిపురారీష్ట సందాత్రీ త్రిపురారీష్ట దేవతా
త్రిపురారి కృతర్ధాంగీ త్రిపురారి విలాసినీ ॥ 159 ॥
త్రిపురాసుర సంహంత్రీ త్రిపురాసుర మర్దినీ
త్రిపురాసుర సంసేవ్యా త్రిపురాసుర వర్యపా ॥ 160 ॥
త్రికుటా త్రికుటారాధ్యా త్రికూటార్చిత విగ్రహా
త్రికుటాచల మధ్యస్థా త్రికుటాచల వాసినీ ॥ 161 ॥
త్రికుటాచల సంజాతా త్రికుటాచల నిర్గతా
త్రిజటా త్రిజటేశానీ త్రిజటా వరదాయినీ ॥ 162 ॥
త్రినేత్రేశీ త్రినేత్రా చ త్రినేత్ర వరవర్ణినీ
త్రివళీ త్రివళీయుక్తా త్రిశూల వరధారిణీ ॥ 163 ॥
త్రిశూలేశీ త్రిశూలీశీ త్రిశూలభృత్త్రిశూలినీ
త్రిమనుస్త్రిమనూపాస్యా త్రిమనూపాసకేశ్వరీ ॥ 164 ॥
త్రిమను జపసంతుష్టా త్రిమనుస్తూర్ణ సిద్ధిదా
త్రిమను పూజనప్రీతా త్రిమను ధ్యానమోక్షదా ॥ 165 ॥
త్రివిధా త్రివిధా భక్తి స్త్రిమతా త్రిమతేశ్వరీ
త్రిభావస్థా త్రిభావేశీ త్రిభావ పరిపూరితా ॥ 166 ॥
త్రితత్వాత్మా త్రితత్వేశీ త్రితత్వజ్ఞాత్రి తత్వధృక్
త్రితత్వా చ మనప్రీతా త్రితత్వా చ మనేష్టదా ॥ 167 ॥
త్రికోణస్థా త్రికోణేశీ త్రికోణ చక్రవాసినీ
త్రికోణ చక్రమధ్యస్థా త్రికోణ బిందురూపిణీ ॥ 168 ॥
త్రికోణయంత్ర సంస్థానా త్రికోణ యంత్రరూపిణీ
త్రికోణ యంత్రసంపూజ్యా త్రికోణ యంత్రసిద్ధిదా ॥ 169 ॥
త్రివర్ణాఢ్యా త్రివర్ణేశీ త్రివర్ణోపా స్వరూపిణీ
త్రివర్ణస్థా త్రివర్ణాఢ్యా త్రివర్ణ వరదాయినీ ॥ 170 ॥
త్రివర్ణాఢ్యా త్రివర్ణార్చ్య త్రివర్గ ఫలదాయినీ
త్రివర్గాఢ్యా త్రివర్గేశీ త్రివర్గాద్య ఫలప్రదా ॥ 171 ॥
త్రిసంధ్యార్చ్యా త్రిసంధ్యేశీ త్రిసంధ్యారాధనేష్టదా
త్రిసంధ్యార్చన సంతుష్టా త్రిసంధ్యా జపమోక్షదా ॥ 172 ॥
త్రిపదారాధితప్రదా త్రిపదా త్రిపదేశ్వరీ
త్రిపదా ప్రతిపాద్యేశీ త్రిపదా ప్రతిపాదికా ॥ 173 ॥
త్రిశక్తిశ్చ త్రిశక్తీశీ త్రిశక్తీష్ట ఫల ప్రదా
త్రిశక్తేష్టా త్రిశక్తీష్టా త్రిశక్తి పరివేష్టితా ॥ 174 ॥
త్రివేణీ చ త్రివేణీ స్త్రీః త్రివేణీ మాధవార్చితా
త్రివేణీ జలసంతుష్టా త్రివేణీ స్నానపుణ్యదా ॥ 175 ॥
త్రివేణీ జలసంస్నాతా త్రివేణీ జలరూపిణీ
త్రివేణీ జలపూతాంగీ త్రివేణీ జలపూజితా ॥ 176 ॥
త్రినాడీస్థా త్రినాడీశీ త్రినాడీ మధ్యగామినీ
త్రినాడీ సంధ్య సంఛేద్యా త్రినాడీ చ త్రికోటినీ ॥ 177 ॥
త్రిపంచాశ స్త్రిరేఖా చ త్రిశక్తి పథగామినీ
త్రిపదస్థా త్రిలోకేశీ త్రికోటి కులమోక్షదా ॥ 178 ॥
త్రిరామేశీ త్రిరామార్చ్యా త్రిరామ వరదాయినీ
త్రిదశాశ్రిత పాదాబ్జా త్రిదశాలయ చంచలా ॥ 179 ॥
త్రిదశా త్రిదశప్రార్ధ్వా త్రిదశాశు వరప్రదా
త్రిదశైశ్వర్య సంపన్నా త్రిదశేశ్వర సేవితా ॥ 180 ॥
త్రియామార్చ్యా త్రియామేశీ త్రియామానంత సిద్ధిదా
త్రియామేశాధిక జ్యోత్స్నా త్రియామేశాధికాననా ॥ 181 ॥
త్రియామానాధవ త్సౌమ్యా త్రియామానాధ భూషణా
త్రియామానాధ లావణ్యా రత్నకోటి యుతాననా ॥ 182 ॥
త్రికాలస్థా త్రికాలజ్ఞా త్రికాలజ్ఞత్వ కారిణీ
త్రికాలేశీ త్రికాలార్చ్యా త్రికాలజ్ఞత్వ దాయినీ ॥ 183 ॥
తీరభుక్తీరగా తీరసరితా తీరవాసినీ
తీరభుగ్దేశ సంజాతా తీరభుగ్దేశ సంస్థితా ॥ 184 ॥
తిగ్మా తిగ్మాంశు సంకాశా తిగ్మాంశు క్రోడసంస్థితా
తిగ్మాంశు కోటిదీప్తాంగీ తిగ్మాంశు కోటివిగ్రహా ॥ 185 ॥
తీక్ష్ణా తీక్ష్ణతరా తీక్ష్ణ మహిషాసుర మర్దినీ
తీక్ష్ణా కర్త్రీలసత్పాణి స్తీక్ష్ణాసి వరధారిణీ ॥ 186 ॥
తీవ్రా తీవ్రగతి స్తీవ్రాసుర సంఘవినాశినీ
తీవ్రాష్ట నాగాభరణా తీవ్రముండ విభూషణా ॥ 187 ॥
తీర్దాత్మికా తీర్దమయీ తీర్ధేశీ తీర్దపూజితా
తీర్ధ రాజేశ్వరీ తీర్ధఫలదా తీర్ధ దానదా ॥ 188 ॥
తుములీ తుములప్రాజ్ఞీ తుములాసుర ఘాతినీ
తుముల క్షతజప్రీతా తములాంగణ నర్తకీ ॥ 189 ॥
తురగీ తురగారూఢా తురంగ పృష్ఠగామినీ
తురంగ గమనాహ్లాదా తురంగ వేగగామినీ ॥ 190 ॥
తురీయా తులనా తుల్యాతుల్య వృత్తిస్తుతుల్య కృత్
తులనేశీ తులారాశి స్తులారాశిత్వ సూక్ష్మ విత్ ॥ 191 ॥
తుంబికా తుంబికాపాత్ర భోజనా తుంబికార్థినీ
తులసీ తులసీవర్యా తులజా తులజేశ్వరీ ॥ 192 ॥
తుషాగ్నివ్రత సంతుష్టా తుషాగ్ని స్తుషరాశికృత్
తుషార కరశీతాంగీ తుషారకర పూర్తికృత్ ॥ 193 ॥
తుషారాద్రి స్తుషారాద్రిసుతా తుహినదీధితిః
తుహినాచలకన్యా చ తుహినాచల వాసినీ ॥ 194 ॥
తుర్యవర్గేశ్వరీ తుర్యవర్గదా తుర్యవేదదా
తుర్యవర్యాత్మికా తుర్యతుర్యేశ్వర స్వరూపిణీ ॥ 195 ॥
తుష్టిదా తుష్టి కృత్తుష్టి స్తూణీరద్వయ పృష్టదృక్
తుంబురా జ్ఞానసంతుష్టా తుష్ట సంసిద్ది దాయినీ ॥ 196 ॥
తూర్ణరాజ్యప్రదా తూర్ణగద్గదా తూర్ణపద్యదా
తూర్ణ పాండిత్య సందాత్రీ తూర్ణపూర్ణ బలప్రదా ॥ 197 ॥
తృతీయాచ తృతీయేశీ తృతీయా తిధిపూజితా
తృతీయా చంద్రచూడేశీ తృతీయా చంద్రభూషణా ॥ 198 ॥
తృప్తిప్తాప్తికరీ తృస్తృ తృష్ణా తృష్ణా వివర్ధినీ
తృష్ణాపూర్ణకరీ తృష్ణానాశినీ తృషితా తృషా ॥ 199 ॥
త్రేతా సంసాధితా త్రేతా త్రేతాయుగ ఫలప్రదా
త్రైలోక్యపూజ్యా త్రైలోక్యదాత్రీ త్రైలోక్య సిద్ధిదా ॥ 200 ॥
త్రైలోక్యైశ్వరతాదాత్రీ త్రైలోక్య పరమేశ్వరీ
త్రైలోక్యమోహనేశానీ త్రైలోక్య రాజ్యదాయినీ ॥ 201 ॥
త్రైత్రిశాఖేశ్వరి తైత్రిశాఖాతైత్ర వివేకదా
తోరణాన్విత గేహస్థా తోరణాసక్త మానసా ॥ 202 ॥
తోలకా స్వర్ణ సందాత్రీ తోలకాస్వర్ణ కంకణా
తోమరాయుధరూపా చ తోమరాయుధ ధారిణీ ॥ 203 ॥
తౌర్య త్రికేశ్వరీ తౌర్య త్రికీ తౌర్యత్రికోత్సుకీ
తంత్రకృత్ తంత్రవత్సూక్ష్మా తంత్రమంత్ర స్వరూపిణీ ॥ 204 ॥
తంత్రకృత్తంత్ర సంపూజ్యా తంత్రేశీ తంత్రసమ్మతా
తంత్రజ్ఞా తంత్రవత్తంత్రసాధ్యా తంత్రస్వరూపిణీ ॥ 205 ॥
తంత్రస్థా తంత్రజా తంత్రీ తంత్రభృత్తంత్ర మంత్రదా
తంత్రాద్యా తంత్రగా తంత్రా తంత్రార్చ్యా తంత్రసిద్ధిదా ॥ 206 ॥
ఫలశ్రుతి
ఇతితే కథితం దివ్యం ఋతుకోటి ఫలప్రదమ్
నామ్నాం సహస్రం తారాయాస్తకాద్యం సుగోపితమ్ ॥ 207 ॥
దానం యజ్ఞః తపస్తీర్థం వ్రతం చానశనాదికమ్
ఏకైక నామజం పుణ్యం సంధ్యాసుగది తమ్మయా ॥ 208 ॥
గురౌ దేవే తథా మంత్రే యస్యస్యాన్నిశ్చలా మతిః
తస్యైవ స్తోత్ర పాఠేస్మిన్ సంభవే దధికారితా ॥ 209 ॥
మహాచీన క్రమాభిన్న షోడన్యస్త కళేబరః
క్రమదీక్షాన్వితో మంత్రీ పఠేదేతన్నచాన్యధా ॥ 210 ॥
గంధపుష్పాదిభి ర్ద్రవైః మకారైః పంచకైర్ద్విజః
సంపూజ్య తారాం విధివ త్పఠేదేత దనన్యధీః ॥ 211 ॥
అష్టమ్యాంచ చతుర్దశ్యాం సంక్రాంతౌ రవివాసరే
శని భౌమదినే రాత్రౌ గ్రహణే చంద్ర సూర్యయోః ॥ 212 ॥
తారారాత్రౌ కాలరాత్రౌ మోహరాత్రౌ విశేషతః
పఠనాన్మంత్ర సిద్ధిస్యాత్ సర్వజ్ఞత్వం ప్రజాయతే ॥ 213 ॥
శ్మశానే ప్రాంతరే రమ్యే శూన్యాగారే విశేషతః
దేవాగారే గిరౌ వాపి స్తవపారాయణం చరేత్ ॥ 214 ॥
బ్రహ్మహత్యా సురాపానం స్తేయం స్త్రీ గమనాదికమ్
గురుతల్పే తథా చాన్యత్ పాతకంనశ్యతి ధ్రువమ్ ॥ 215 ॥
లతా మధ్యగతో మంత్రీ శ్రద్దయా చార్చయేద్యది
ఆకర్షయేత్తదా రంభా మ్మేనా మపిత థోర్వశీమ్ ॥ 216 ॥
సంగ్రామ సమయే వీరస్తారా సామ్రాజ్య కీర్తనాత్
చతురంగ చయం జిత్వా సర్వసామ్రాజ్య భాగ్భవేత్ ॥ 217 ॥
నిశార్ధే పూజనాంతే చ ప్రతినామ్నా ప్రపూజయేత్
ఏకైకం కరవీరాద్యై ర్మందారై ర్నీలవారిజైః ॥ 218 ॥
గద్యపద్యమయీ వాణీ భూభోజ్యా చ ప్రవర్తతే
పాండిత్యం సర్వశాస్త్రేషు వాదీ త్రస్యతి దర్శనాత్ ॥ 219 ॥
వహ్నిజాపాంతకై రేతైస్తారాద్యైః ప్రతినామభిః
రాజన్యం సర్వరాజేషు పరకాయ ప్రవేశనమ్ ॥ 220 ॥
అంతర్థానం ఖేచరత్వం బహుకాయ ప్రకాశనం
గుటికాపాదుకా పద్మావతీ మధుమతీ తథా ॥ 221 ॥
రసం రసాయనాః సర్వాః సిద్ధయః సముపస్థితాః
కర్పూరాగురు కస్తూరీ చందనై స్సంయుతైర్జలైః ॥ 222 ॥
మూల సంపుటి తేనైవ ప్రతినామ్నా ప్రపూజయేత్
యక్ష రాక్షస గంధర్వా విద్యాధర మహోరగాః ॥ 223 ॥
భూతప్రేత పిశాచాద్యా డాకినీ శాకినీ గణాః
దుష్టా భైరవ భేతాళా కూష్మాండా కిన్నరీ గణాః ॥ 224 ॥
భయభీతాః పలాయంతే తేజసా సాధకస్య చ
మంత్రజ్ఞానే సముత్పన్నే ప్రతినామ్నా విచారయేత్ ॥ 225 ॥
మంత్రసంపుటి తేనైవ తస్య శాంతిర్భవేద్ద్రువమ్
వనితా వశమాయాంతి దాస్యతా యాంతిపార్థివాః ॥ 226 ॥
అగ్నయః శీతతాం యాంతి జాపకస్య చ భాషణాత్
ఏకావర్తన మాత్రేణ రాజభీతి నివారణమ్ ॥ 227 ॥
వేలావర్తన మాత్రేణ పశువృద్ధిః ప్రజాయతే
దశావృత్యా ధనప్రాప్తిః వింశత్యా రాజ్య మాప్నుయాత్ ॥ 228 ॥
శతావృత్యా గృహేతస్య చంచలా నిశ్చలా భవేత్
గంగా ప్రవాహవద్వాణీ ప్రలాపాదపి జాయతే ॥ 229 ॥
పుత్రపౌత్రాన్వితో మంత్రీ చిరంజీవీ తు దేవవత్
శతద్వయా వర్తనేన దేవవత్పూజ్యతే జనైః ॥ 230 ॥
శతపంచక మావర్త్య సభవేత్ భైరవోపమః
సహస్రవర్తనేనైవ మంత్ర తస్య స్వసిద్ధిదః ॥ 231 ॥
తస్మిన్ ప్రవర్తతే సర్వసిద్ధి స్సర్వార్థసాధినీ
పాదుకాం చ వేతాళా పాతాళ గమనాదికమ్ ॥ 232 ॥
వివిధా యక్షిణీ సిద్ధిర్వాక్ సిద్ధిస్తస్య జాయతే
శోషణం సాగరానాంచ ధరాయా భ్రమణం తథా ॥ 233 ॥
నవీన సృష్టి నిర్మాణం సర్వ కర్తుం క్షమోభవేత్
అయుతా వర్తనేనైవ తారాం పశ్యతి చక్షుషా ॥ 234 ॥
లక్షావర్తన మాత్రేణ తారాపతి సమోభవేత్
నకించిద్దుర్లభం తస్య జీవన్ముక్తే ర్హిభూతలే ॥ 235 ॥
కల్పాంతే న తు తత్పశ్చాత్ తారా సాయుజ్య మాప్నుయాత్
యద్ధితారా సమా విద్యా నాస్తి తారుణ్య రూపిణీ ॥ 236 ॥
న చైతత్సదృశం స్తోత్రం భవేద్ బ్రహ్మాండమండలే
వక్త్రకోటి సహస్రైస్తు జిహ్వాకోటి శతైరపి ॥ 237 ॥
నశక్యతే ఫలం వక్తు మయాకల్ప శతైరపి
చుంబకే నిందకే దుష్టే పిశునే జీవహింసకే ॥ 238 ॥
సంగోప్యం స్తోత్రమేతత్త ద్దర్శనేనైవ కుత్రచిత్
రాజ్యం దేయం ధనం దేయం శిరోదేయ మధాపి వా ॥ 239 ॥
న దేయం స్తోత్రవర్యంతు మంత్రాదపి మహోద్యతమ్
అనులోమ విలోమాభ్యా మ్మూల సంపుటితం త్విదమ్ ॥ 240 ॥
లిఖిత్వా భూర్జపత్రాదౌ గంధాష్టక పురస్సరైః
ధారయేద్దక్షిణే బాహౌ కంఠే వామభుజే తథా ॥ 241 ॥
తస్య సర్వార్థ సిద్ధి స్యా ద్వహ్నినా నైవ దహ్యతే
తద్గాత్రం శస్త్ర సంఘైశ్చ భిద్యతేన కదాచన ॥ 242 ॥
సభూమి వలయే పుత్ర విచరే ద్భైరవోపమః
వంధ్యాపి లభతే పుత్రా న్నిర్ధనో ధన మాప్నుయాత్
నిర్విఘ్నో లభతే విద్యాంతర్క వ్యాకరణాదికామ్ ॥ 243 ॥
ఇత నిగదితమస్యాస్తాది నామ్నాం సహస్రం
వరద మనునిధానమ్ దివ్యసామ్రాజ్య సంజ్ఞమ్
విధిహరిగిరిశాదౌ శక్తిదానైక దక్షం
సమవిధి పఠనీయం కాళితారా సమజ్ఞైః ॥ 244 ॥
॥ ఇతి శ్రీ బ్రహ్మ యామళే తారాయాస్తకారాది సహస్రనామస్తోత్రం సంపూర్ణం ॥
