ఓం అస్యశ్రీ బగళాముఖీ స్తోత్రస్య నారదబుషిః శ్రీ బగళాముఖీ
దేవతా మమ సన్నిహితానాం విరోధినాం వాజ్ముఖ పదబుద్ధీనాం స్తంభనార్థే
స్తోత్రపాఠే వినియోగః
మధ్యేసుధాబ్ది మణిమంటప రత్నవేది
సింహాసనోపరిగతాం పరిపీతవర్ణాం
పీతాంబరాభరణ మాల్యవిభూషితాంగీం
దేవీంభజామి ధృతముద్గరవైరిజిహ్వామ్॥ 01 ॥
జిహ్వాగ్రమాదాయ కరేణ దేవీం
వామేన శత్రూన్ పరిపీడయంతీం
గదాభిఘాతేన చ దక్షిణేన
పీతాంబరాఢ్యాం ద్విభుజాం భజామి॥ 02 ॥
చలత్కనకకుండలోల్లసితచారుగండస్థలాం
లసత్కనకచంపక ద్యుతిమదిందుబింబాననాం
గదాహత విపక్షకాం కలితలోలజిహ్వాంచలాం
స్మరామి బగళాముఖీం విముఖవాఙ్మనస్త్పమ్భినీమ్॥ 03 ॥
పీయూషో దధిమధ్యచారు విలసద్రక్తోత్పలే మంటపే
సత్సింహాసన మౌళిపాతితరిపుం ప్రేతాసనాథ్యాసినీం
స్వర్ణాభాం కరపీడితారిరసనాం భ్రామ్యద్గదాం విభ్రమాం
ఇత్థం థ్యాయతి యాంతితస్య విలయం సద్యోథ సర్వాపదః॥ 04 ॥
దేవిత్త్వచ్చరణాంబుజార్చనకృతే యః పీత పుష్పాంజలీన్
భక్త్యా వామకరే నిథాయ చ మనుం మన్త్రీ మనోజ్ఞాక్షరం
పీఠథ్యానపరోஉథ కుంభకవశాద్బీజం స్మరేత్పార్థివ
స్తస్యామిత్ర ముఖస్యవాచిహృదయేజాడ్యం భవేత్తక్షణాత్॥ 05 ॥
వాదీమూకతి కంకతి క్షితిపతి ర్వైశ్వానరశ్శీతితి
క్రోధీశామ్యతి దుర్దనస్సుజనతి క్షిప్రానుగః ఖంజతి
గర్విఖర్వతి సర్వవిచ్చ జడతి త్వద్యంత్రణా యంత్రితః
శ్రీనిత్యే బగళాముఖీ ప్రతిదినం కల్యాణి తుభ్యం నమః॥ 06 ॥
మంత్రస్తావదయం విపక్షదలనస్తోత్రం పవిత్రం చతే
యంత్రం వాదినియంత్రణం త్రిజగతాం జైత్రంచ చిత్రంచతే
మాతశ్శ్రీ బగళేతి నామ లలితం యస్యాస్తి జంతోర్ముఖే
త్వన్నామగ్రహణేన సంసది ముఖస్తంభో భవేద్వాదినామ్॥ 07 ॥
దుష్ట స్తంభన ముగ్రవిఘ్నశమనం దారిద్యవిద్రావణం
భూభృద్భీశమనం చలన్మగదృశాం చేతస్సమాకర్షణం
సౌభాగ్యైకనికేతనం సమదృశః కారుణ్యపూర్ణామృతం
మృత్యోర్మారణ మావిరస్తు పురతో మాతస్త్వదీయం వపుః॥ 08 ॥
మాతర్భంజయమే విపక్షవదనాం జిహ్వాంచ సంకీలయ
బ్రాహ్మీంముద్రయ నాశయాశుధిషణా ముగ్రాంగతిం స్తంభయ
శత్రూంశ్చూర్ణయ దేవి తీక్షగదయా గౌరాంగి పీతాంబరే
విఘ్నౌఘం బగళేహర ప్రణమతాం కారుణ్యపూర్ణేక్షణే॥ 09 ॥
మాతర్భైరవి భద్రకాళివిజయే వారాహివిశ్వాశయే
శ్రీవిద్యే సమయేమహేశి బగళే కామేశి రామే రమే
మాతంగిత్రిపురే పరాత్పరతరే స్వర్గాపవర్గప్రదే
దాసోஉహం శరణాగతః కరుణయా విశ్వేశ్వరి త్రాహిమామ్॥ 10 ॥
సంరంభే సౌరసంఘే ప్రహరణసమయే బంధనేవారిమధ్యే
విద్యావాదేవి వాదే ప్రతికృతినృపతౌ దివ్యకాలే నిశాయామ్
వశ్యేవా స్తంభనే వా రిపువధసమయే నిర్జనేవా వనేవా
గచ్చం స్తిష్ఠం స్త్రికాలం యదిపఠతి శివం ప్రాప్నుయాదాశుధీరః॥ 11 ॥
నిత్యం స్తోత్రమిదం పవిత్ర మిహయోదేవ్యాః పఠత్యాదరాత్
థృత్వాయంత్రమిదం తథైవ సమరే బాహౌకరేవాగళే
రాజానోప్యరయో మదాంధకరిణ స్సర్పా మృగేంద్రాదికాః
తేవైయాంతి విమోహితా రిపుగణా లక్ష్మీః స్థిరా స్సిద్ధయః॥ 12 ॥
త్వం విద్యా పరమాత్రిలోకజననీ విఘ్నౌఘసంఛేదినీ
యోషాకర్షణకారిణీ త్రిజగతా మానందసంవర్ధినీ
యస్ఫోటోచ్చాటనకారిణీ జనమనస్సంమోహ సందాయినీ
జిహ్వాకీలనభైరవీ విజయతే బ్రహ్మాస్త్రమంత్రో యథా॥ 13 ॥
విద్యాలక్ష్మీ స్సర్వసౌభాగ్యమాయుః పుత్రైః పౌత్రైః సర్వసామ్రాజ్యసిద్ధిః
మానం భోగో వన్యమారోగ్యసౌఖ్యం ప్రాప్తం తత్తద్భూతలేஉస్మిన్నరేణ॥ 14 ॥
యత్కృతంచ జపం హోమం గదితం పరమేశ్వరి
దుష్టానాం నిగ్రహార్ధాయ తద్గృహాణ నమోஉస్తుతే॥ 15 ॥
బ్రహ్మాస్త్రమితివిఖ్యాతం త్రిషులోకేషువిశ్రుతం
గురుభక్తాయ దాతవ్యం నదేయం యస్యకస్యచిత్॥ 16 ॥
పీతాంబరాంతాంద్విభుజాం త్రినేత్రాం గాత్రగోజ్జ్వలాం
శిలాముద్గరహస్తాం చ స్మరేత్తాం బగళాముఖీమ్॥ 17 ॥
॥ ఇతి శ్రీ రుద్రయామళే బగళాముఖీ స్తోత్రమ్ ॥
No comments:
Post a Comment