Sri Baglamukhi Ashtottara Sata Nama Sthotram 2 - శ్రీ బగళాముఖీ అష్టోత్తర శత నామాస్తోత్రం 2

శ్రీ బగళాముఖీ అష్టోత్తర శత నామాస్తోత్రం 2

నారద ఉవాచ ।
భగవన్‌ దేవదేవేశ సృష్టిస్థితిలయే శ్వర ।
శతమష్టోత్తరం నామ్నాం బగళాయా వదాధునా ॥ 01 ॥

శ్రీ భగవానువాచ ।
శృణు వత్స ప్రవక్ష్యామి నామ్నామష్టోత్తరం శతమ్‌ ।
పీతాంబర్యా మహాదేవ్యాః స్తోత్రం పాపప్రణాశనమ్‌ ॥ 02 ॥

యస్య ప్రపఠనాత్సద్యో వాదీ మూకోభవేత్‌ క్షణాత్‌ ।
రిపవస్త్సంభనం యాన్తి సత్యం సత్యం వదామ్యహమ్‌ ॥ 03 ॥

ఓం అస్య శ్రీపీతాంబర్యష్టోత్తరశతనామస్తోత్రస్య సదాశివ ఋషిః
అనుష్టుప్ఛందః శ్రీపీతాంబరీ దేవతా శ్రీపీతాంబరీ ప్రీతయే జపే వినియోగః ।

ఓం బగళా విష్ణువనితా విష్ణుశంకరభామినీ ।
బహుళా దేవమాతా చ మహావిష్ణుప్రసూరపి ॥ 04 ॥

మహామత్స్యా మహాకూర్మా మహావారాహరూపిణీ ।
నారసింహప్రియా రమ్యా వామనా పటురూపిణీ ॥ 05 ॥

జామదగ్న్యస్వరూపా చ రామా రామప్రపూజితా ।
కృష్ణా కపర్దినీ కృత్యా కలహా చ వికారిణీ ॥ 06 ॥

బుద్ధిరూపా బుద్ధభార్యా బౌద్ధపాషండఖండినీ ।
కల్కిరూపా కలిహరా కలిదుర్గతినాశినీ ॥ 07 ॥

కోటిసూర్యప్రతీకాశా కోటికందర్పమోహినీ ।
కేవలా కఠినా కాళీ కలా కైవల్యదాయినీ ॥ 08 ॥

కేశవీ కేశవారాధ్యా కిశోరీ కేశవస్తుతా ।
రుద్రరూపా రుద్రమూర్తీ రుద్రాణీ రుద్రదేవతా ॥ 09 ॥

నక్షత్రరూపా నక్షత్రా నక్షత్రేశప్రపూజితా ।
నక్షత్రేశప్రియా నిత్యా నక్షత్రపతివందితా ॥ 10 ॥

నాగినీ నాగజననీ నాగరాజప్రవందితా ।
నాగేశ్వరీ నాగకన్యా నాగరీ చ నగాత్మజా ॥ 11 ॥

నగాధిరాజతనయా నగరాజప్రపూజితా ।
నవీనా నీరదా పీతా శ్యామా సౌందర్యకారిణీ ॥ 12 ॥

రక్తా నీలా ఘనా శుభ్రా శ్వేతా సౌభాగ్యదాయినీ ।
సుందరీ సౌభగా సౌమ్యా స్వర్ణాభా స్వర్గతిప్రదా ॥ 13 ॥

రిపుత్రాసకరీ రేఖా శత్రుసంహారకారిణీ ।
భామినీ చ తథా మాయా స్తంభినీ మోహినీ శుభా ॥ 14 ॥

రాగద్వేషకరీ రాత్రీ రౌరవధ్వంసకారిణీ ।
యక్షిణీ సిద్ధనివహా సిద్ధేశా సిద్ధిరూపిణీ ॥ 15 ॥

లంకాపతిధ్వంసకరీ లంకేశరిపువందితా ।
లంకానాథకులహరా మహారావణహారిణీ ॥ 16 ॥

దేవదానవసిద్దౌఘపూజితాపరమేశ్వరీ ।
పరాణురూపా పరమా పరతంత్రవినాశినీ ॥ 17 ॥

వరదా వరదారాధ్యా వరదానపరాయణా ।
వరదేశప్రియా వీరా వీరభూషణభూపషితా ॥ 18 ॥

వసుదా బహుదా వాణీ బ్రహ్మరూపా వరాననా ।
బలదా పీతవసనా పీతభూషణభూషితా ॥ 19 ॥

పీతపుష్పప్రియా పీతహారా పీతస్వరూపిణీ ।
ఇతి తే కథితం విప్ర నామ్నామష్టోత్తరం శతమ్‌ ॥ 20 ॥

యః పఠేత్పాఠయేద్వాపి శృణుయాద్వా సమాహితః ।
తస్య శత్రుః క్షయం సద్యో యాతి నైవాత్ర సంశయః ॥ 21 ॥

ప్రభాతకాలే ప్రయతో మనుష్యః పఠేత్సుభక్త్యా పరిచింత్య పీతామ్‌ ।
ధ్రువం భవేత్తస్య సమస్తవృద్ధిః వినాశమాయాతి చ తస్య శత్రుః॥ 22 ॥

॥ ఇతి శ్రీవిష్ణుయామలే నారదవిష్ణుసంవాదే శ్రీబగళాష్టోత్తరశతనామస్తోత్రమ్‌ సమాప్తం ॥

శ్రీ బగళాముఖీ మహా విద్యా

దశమహా విద్యలు

నిత్య స్తోత్రావళి

పంచాంగం