Sri Baglamukhi Kavacham 5 - శ్రీ బగళాముఖీ కవచం 5

శ్రీ బగళాముఖీ కవచం-5

(రుద్రయామళ తంత్రే)

శ్రుత్వా చ బగలాపూజాం స్తోత్రం చాపి మహేశ్వర ।
ఇదానీం శ్రోతుమిచ్చామి కవచం వద మే ప్రభో ।

వైరినాశకరం దివ్యం సర్వాశుభవినాశనమ్‌ ।
శుభదం స్మరణాత్పుణ్యం త్రాహి మాం దుఃఖనాశనమ్‌ ।

శ్రీభైరవ ఉవాచ ।
కవచం శృణు వక్ష్యామి భైరవీ ప్రాణవల్లభే ।
పఠిత్వా ధారయిత్వా తు త్రైలౌక్యే విజయీ భవేత్‌ ।

ఓం అస్య శ్రీబగలాముఖీకవచస్య నారదఋషిరనుష్టుష్ఛన్దః
శ్రీబగలాముఖీ దేవతా లం బీజం ఐం కీలకం
పురుషార్థచతుష్టయే జపే వినియోగః ।

శిరో మే బగలా పాతు హృదయైకాక్షరీ పరా ।
ఓం హ్రీం ఓం మే లలాటే చ బగలా వైరినాశినీ ॥ 01 ॥

గదాహస్తా సదా పాతు ముఖం మే మోక్షదాయినీ ।
వైరిజిహ్వాన్ధరా పాతు కణ్ఠం మే బగలాముఖీ ॥ 02 ॥

ఉదరం నాభిదేశం చ పాతు నిత్యం పరాత్పరా ।
పరాత్పరపరా పాతు మమ గుహ్యం సురేశ్వరీ ॥ 03 ॥

హస్తౌ చైవ తథా పాతు పార్వతీపరిపాతు మే ।
వివాదే విషమే ఘోరే సంగ్రమే రిపుస్కటే ॥ 04 ॥

పీతామ్బరధరా పాతు సర్వాంగాం శివనర్తకీ ।
శ్రీవిద్యాసమయో పాతు మాత్గదురితాశివా ॥ 05 ॥

పాతుపుత్రం సుతాం చైవ కలత్రం కాలికా మమ ।
పాతు నిత్యం భ్రాతరం మే పితరం శూలినీ సదా ॥ 06 ॥

సన్దేహి బగలాదేవ్యాః కవచం మన్ముఖోదితమ్‌ ।
నైవ దేయమముఖ్యాయ సర్వసిద్ధిప్రదాయకమ్‌ ॥ 07 ॥

పఠనాద్ధారణాదస్య పూజనాద్చ్వాతం లఖేత్‌ ।
ఇదం కవచమజ్ఞాత్వా యో జపేద్‌ బగలాముఖీమ్‌ ॥ 08 ॥

పిబన్తి శోణితం తస్య యోగిన్యః ప్రాప్యసాదరాః ।
వశ్యే చాకర్షణే చైవ మారణే మోహనే తథా ॥ 09 ॥

మహాభయే విపత్తౌ చ పఠేద్వాపాఠయేత్తు యః ।
తస్య సర్వార్థసిద్ధిః స్యాద్భక్తియుక్తస్య పార్వతీ ॥ 10 ॥

॥ ఇతి శ్రీరుద్రయామలే బగళాముఖీకవచం సంపూర్ణం ॥

శ్రీ బగళాముఖీ మహా విద్యా

దశమహా విద్యలు

నిత్య స్తోత్రావళి

పంచాంగం