కాంత్యా కాంచనసన్నిభాం హిమగిరిప్రఖ్యైశ్చతుర్భిర్గజైః
హస్తోత్ష్కిప్తహిరణ్మయామృతఘటైరాసిచ్యమానాం శ్రియం ।
బిభ్రాణాం వరమబ్జయుగ్మమభయం హస్తైః కిరీటోజ్జ్వలాం
క్షౌమాబద్ధ నితంబబింబలలితాం వందేஉరవిందస్థితాం ॥ 01 ॥
మాణిక్యప్రతిమప్రభాం హిమనిభైస్తుంగైశ్చతుర్భిర్గజైః
హస్తాగ్రాహితరత్నకుంభసలిలైరాసిచ్యమానాం ముదా ।
హస్తాబ్జైర్వరదానమంబుజయుగాభీతీర్దధానాం హరేః
కాంతాం కాంక్షితపారిజాతలతికాం వందే సరోజాసనాం ॥ 02 ॥
ఆసీనా సరసీరుహేస్మితముఖీ హస్తాంబుజైర్బిభ్రతీ
దానం పద్మయుగాభయే చ వపుషా సౌదామినీసన్నిభా ।
ముక్తాహారవిరాజమానపృథులోత్తుంగస్తనోద్భాసినీ
పాయాద్వః కమలా కటాక్షవిభవైరానందయంతీ హరిం॥ 03 ॥
సిందూరారుణకాంతిమబ్జవసతిం సౌందర్యవారాన్నిధిం
కోటీరాంగదహారకుండలకటీసూత్రాదిభిర్భూషితాం ।
హస్తాబ్జైర్వసుపత్రమబ్జయుగలాదర్శౌ వహంతీం పరాం
ఆవీతాం పరిచారికాభిరనిశం సేవే ప్రియాం శార్గిణః ॥ 04 ॥
బాలార్కద్యుతిమిందుఖండవిలసత్కోటీరహారోజ్జ్వలాం
రత్నాకల్పవిభూషితాం కుచనతాం శాలేః కరైర్మంజరీం
పద్మం కౌస్తుభరత్నమప్యవిరతం సంబిభ్రతీం సస్మితాం
ఫుల్లాంభోజవిలోచనత్రయయుతాం వందే పరాం దేవతాం ॥ 05 ॥
॥ ఇతి శ్రీ కమలాత్మికా ధ్యానం సంపూర్ణం ॥
No comments:
Post a Comment