బ్రహ్మాస్త్ర స్వరూపిణీ దేవీ మాతా శ్రీ బగళాముఖీ ।
చిచ్చక్తిః జ్ఞానరూపా చ బ్రహ్మానంద ప్రదాయినీ ॥ 01 ॥
మహావిద్యా మహాలక్ష్మీ శ్రీమత్త్రిపురసుందరీ ।
భువనేశీ జగన్మాతా పార్వతీ సర్వమంగళా ॥ 02 ॥
లలితా భైరవీ శాంతా అన్నపూర్ణా కులేశ్వరీ ।
వారాహీ ఛిన్నమస్తా తారా కాళీ సరస్వతీ ॥ 03 ॥
జగత్పూజ్యా మహామాయా కామేశీ భగమాలినీ ।
దక్షపుత్రీ శివాంకస్థా శివరూపా శివప్రియా ॥ 04 ॥
సర్వసంపత్కరీదేవి సర్వలోకవశంకరీ ।
వేదవిద్యా మహాపూజ్యా భక్తాద్వేషీ భయంకరీ ॥ 05 ॥
స్తంభరూపా స్తంభినీ చ దుష్టస్తంభన కారిణీ ।
భక్తప్రియా మహాభోగా శ్రీవిద్యాలలితాంబికా ॥ 06 ॥
మైనాపుత్రీ శివానందా మాతంగీ భువనేశ్వరీ ।
నారసింహీ నరేంద్రా చ నృపారాధ్యా నరోత్తమా ॥ 07 ॥
నాగినీ నాగపుత్రీ చ నగరాజసుతా ఉమా ।
పీతాంబా పీతపుష్పా చ పీతవస్త్రప్రియా శుభా ॥ 08 ॥
పీతగంధప్రియా రామా పీతరత్నార్చితా శివా ।
అర్థచంద్రధరీ దేవీ గదాముద్గర ధారిణీ ॥ 09 ॥
సావిత్రీ త్రిపదా శుద్ధా సద్యోరాగ వివర్ధినీ ।
విష్ణురూపా జగన్మోహా బ్రహ్మరూపా హరిప్రియా ॥ 10 ॥
రుద్రరూపా రుద్రశక్తిశ్చిన్మయీ భక్తవత్సలా ।
లోకమాతా శివాసంధ్యా శివపూజనతత్పరా ॥ 11 ॥
ధనాధ్యక్షా ధనేశీ చ ధర్మదా ధనదా ధనా ।
చండదర్పహరీ దేవీ శుంభాసుర నిబర్హిణీ ॥ 12 ॥
రాజరాజేశ్వరీ దేవీ మహిషాసుర మర్దినీ ।
మధుకైటభహంత్రీ చ రక్తబీజవినాశినీ ॥ 13 ॥
ధూమ్రాక్షదైత్యహంత్రీ చ భండాసుర వినాశినీ ।
రేణుపుత్రీ మహామాయా భ్రామరీ భ్రమరాంబికా ॥ 14 ॥
జ్వాలాముఖీ భద్రకాళీ బగళా శత్రునాశినీ ।
ఇంద్రాణీ ఇంద్ర పూజ్యా చ గుహమాతా గుణేశ్వరీ ॥ 15 ॥
వజ్రపాశధరా దేవీ జిహ్వాముద్గర ధారిణీ ।
భక్తానందకరీ దేవీ బగళా పరమేశ్వరీ ॥ 16 ॥
అష్టోత్తర శతం నామ్నాం బగళాయాస్తు యః పఠేత్ ।
రిపుబాధా వినిర్ముక్తః లక్ష్మీ స్థైర్యమవాప్నుయాత్ ॥ 17 ॥
భూతప్రేత పిశాచాశ్చ గ్రహపీడా నివారణమ్ ।
రాజనోవశమాయాంతి సర్వైశ్వర్యం చ విందతి ॥ 18 ॥
నానావిద్యాం చ లభతే రాజ్యం ప్రాప్నోతి నిశ్చితం ।
భుక్తిముక్తిమవాప్నోతి సాక్షాత్ శివసమోభవేత్ ॥ 19 ॥
॥ ఇతి రుద్ర యామిళే సర్వసిద్ధి ప్రద బగళాష్టోత్తర శతనామ స్తోత్రం సమాప్తం ॥
No comments:
Post a Comment