చిదచిత్పరతత్త్వానాం తత్త్వాయాథార్థ్యవేదినే |
రామానుజాయ మునయే నమో మమ గరీయసే ||
క్లేశకర్మాద్యశేషదోషాసంస్పృష్టం, స్వాభావికానవధికాతిశయ
జ్ఞానబలైశ్వర్య వీర్య శక్తితేజస్సౌశీల్య వాత్సల్య మార్దవార్జవ
సౌహార్ద సామ్య కారుణ్య మాధుర్య గాంభీర్య ఔదార్య చాతుర్య
స్థైర్య ధైర్య శౌర్య పరాక్రమ సత్యకామ సత్యసంకల్ప కృతిత్వ
కృతజ్ఞతాద్యసంఖ్యేయ కళ్యాణ గుణగణౌఘమహార్ణవం,
పరబ్రహ్మభూతం, పురుషోత్తమం, శ్రీరంగశాయినం,
అస్మత్స్వామినం, ప్రబుద్ధనిత్యనియామ్య
నిత్యదాస్యైకరసాత్మస్వభావోఽహం, తదేకానుభవః
తదేకప్రియః, పరిపూర్ణం భగవంతం విశదతమానుభవేన
నిరంతరమనుభూయ, తదనుభవజనితానవధికాతిశయ
ప్రీతికారితాశేషావస్థోచిత అశేషశేషతైకరతిరూప నిత్యకింకరో భవాని ||
స్వభావానుసంధానపూర్వక భగవదనవధికాతిశయ
స్వామ్యాద్యఖిలగుణగణానుభవజనిత అనవధికాతిశయ
ప్రీతికారితాశేషావస్థోచిత అశేషశేషతైకరతిరూప
నిత్యకైంకర్య ప్రాప్త్యుపాయభూతభక్తి తదుపాయ
సమ్యగ్జ్ఞాన తదుపాయ సమీచీనక్రియా
తదనుగుణ సాత్త్వికతాస్తిక్యాది సమస్తాత్మగుణవిహీనః,
దురుత్తరానంత తద్విపర్యయ జ్ఞానక్రియానుగుణానాది
పాపవాసనా మహార్ణవాంతర్నిమగ్నః,
తిలతైలవత్ దారువహ్నివత్ దుర్వివేచ
త్రిగుణ క్షణక్షరణస్వభావ అచేతనప్రకృతివ్యాప్తిరూప
దురత్యయ భగవన్మాయాతిరోహిత స్వప్రకాశః
అనాద్యవిద్యాసంచితానంతాశక్య విస్రంసన
కర్మపాశప్రగ్రథితః, అనాగతానంతకాల సమీక్షయాఽపి
అదృష్టసంతారోపాయః, నిఖిలజంతుజాత శరణ్య,
శ్రీమన్నారాయణ, తవ చరణారవిందయుగళం
శరణమహం ప్రపద్యే ||
పరమకారుణికో భగవాన్, స్వానుభవప్రీత్య
ఉపనీతైకాంతికాత్యంతిక నిత్యకైంకర్యైకరతిరూప
నిత్యదాస్యం దాస్యతీతి విశ్వాసపూర్వకం
భగవంతం నిత్యకింకరతాం ప్రార్థయే ||
దేహి మే కృపయా నాథ న జానే గతిమన్యథా ||
భవేయం పుండరీకాక్ష త్వమేవైవం కురుష్వ మాం ||
ఏతదుచ్చారణమాత్రావలంబనేన ,
ఉచ్యమానార్థ పరమార్థనిష్టం మే మనః త్వమేవాద్యైవ కారయ ||
ప్రణతార్తిహర, ఆశ్రితవాత్సల్యైక మహోదధే,
అనవరతవిదిత నిఖిలభూతజాత యాథాత్మ్య,
సత్యకామ, సత్యసంకల్ప, ఆపత్సఖ, కాకుత్స్థ,
శ్రీమన్, నారాయణ, పురుషోత్తమ, శ్రీరంగనాథ,
మమ నాథ, నమోఽస్తుతే ||
|| ఇతి శ్రీరంగగద్యం సంపూర్ణం ||
భూలోక వైకుంఠం శ్రీరంగం. దినం దినం ఉత్సవమే. భగవద్రామానుజులవారు సాయించిన వచన ప్రబంధం ఈ శ్రీరంగ గద్యం. సాధరణంగా పద్యలుగా, శ్లోకాలుగా ప్రార్థన స్తొత్రాలుంటాయి. ఇక్కడ జగదాచార్యులైన శ్రీ రామానుజులవారు అందరికీ సులభంగా అర్థం తెలియాలనే అభిలాషతో గద్యంగా శ్రీరంగేశుని స్తుతించారు. అందరూ ఈ శ్రీరంగ గద్యను పఠించి తరించాలి. --Badreenath
ReplyDeletehttps://whatsapp.com/channel/0029Vb6lbmd3bbV1mQ6rSn24
DeleteThis comment has been removed by the author.
ReplyDelete