వేదవేద్యులు వెదకేటి మందు

వేదవేద్యులు వెదకేటి మందు

తాళం: ___

రాగం: దేసాక్షి (మేళకర్త __, __  జన్యరాగ )

రూపకర్త: అన్నమాచార్య

ఆరోహణ: 

అవరోహణ: 

పల్లవి

వేదవేద్యులు వెదకేటి మందు

ఆది నంత్యములేని‌ ఆ మందు ॥వేద॥

చరణము

అడవిమందులుఁ గషాయములు 

నెల్లవారు కడగానక కొనఁగాను

తొడిఁబడ నొకమందు దొరకె మాకు భువి-

నడియాలమైనట్టి ఆ మందు ॥వేద॥

లలితరసములుఁ దైలములు 

నెల్లవారు కలకాలము గొనఁగాను

చెలువైన దొకమందు చేరె మాకు భువి-

నలవి మీఱినయట్టి యా మందు ॥వేద॥

కదిసిన జన్మరోగముల నెల్లవారు

కదలలేక వుండఁగాను

అదన శ్రీతిరువేంకటాద్రిమీఁది మందు

అదివో మా గురుఁడిచ్చె నా మందు ॥వేద॥