Varahi Devi Stavam – శ్రీ వారాహీ దేవి స్తవం

శ్రీ వారాహీ దేవి స్తవం

ధ్యానం:
ఐంకార ద్వయమధ్యసంస్థిత లసద్భూబీజవర్ణాత్మికాం |
దుష్టారాతిజనాక్షి వక్త్రకరపత్సంభినీం జృంభిణీం |
లోకాన్ మోహయంతీం దృశా చ మహాసాదంష్ట్రాకరాలాకృతిం |
వార్తాళీం ప్రణతోస్మి సంతతమహం ఘోణింరథోపస్థితాం ॥

స్తవం:

శ్రీకిరి రథమధ్యస్థాం పోత్రిముఖీం చిద్ఘనైకసద్రూపాం ।
హలముసలాయుధహస్తాం నౌమి శ్రీదండనాయికామంబాం ॥ 01 ॥

వాగ్భవభూవాగీశీ బీజత్రయఠార్ణవైశ్చ సంయుక్తాం ।
కవచాస్త్రానలజాయా యతరూపాం నైమి శుద్ధవారాహీం ॥ 02 ॥

స్వప్నఫలబోధయిత్రీం స్వప్నేశీం సర్వదుఃఖవినిహంత్రీం ।
నతజన శుభకారిణీం శ్రీకిరివదనాం నౌమి సచ్చిదానందాం ॥ 03 ॥

పంచదశవర్ణవిహితాం పంచమ్యంబాం సదా కృపాలంబాం ।
అంచితమణిమయభూషాం చింతతిఫలదాం నమామి వారాహీం ॥ 04 ॥

విఘ్నాపన్నిర్మూలన విద్యేశీం సర్వదుఃఖవినిహంత్రీం ।
సకలజగత్సంస్తంభనచతురాం శ్రీస్తంభినీం కలయే ॥ 05 ॥

దశవర్ణరూపమనువర విశదాం తురగాధిరాజసంరూఢాం ।
శుభదాం దివ్యజగత్రయవాసినీం సుఖదాయినీం సదా కలయే ॥ 06 ॥

ఉద్ధత్రీక్ష్మాం జలనిది మగ్నాం దంష్ట్రాగ్రలగ్నభూగోలాం ।
భక్తనతిమోదమానాం ఉన్మత్తాకార భైరవీం వందే ॥ 07 ॥

సప్తదశాక్షరరూపాం సప్తోదధిపీఠమధ్యగాం దివ్యాం ।
భక్తార్తినాశనిపుణాం భవభయవిధ్వంసినీం పరాం వన్దే ॥ 08 ॥

నీలతురగాధిరూఢాం నీలాంచిత వస్త్రభూషణోపేతాం ।
నీలాభాం సర్వతిరస్కరిణీం సంభావయే మహామాయాం ॥ 09 ॥

సలసంఖ్యమంత్రరూపాం విలసద్భూషాం విచిత్రవస్త్రాఢ్యాం ।
సులలితతన్వీం నీలాం కలయే పశువర్గ మోహినీం దేవీం ॥ 10 ॥

వైరికృతసకలభీకర కృత్యావిధ్వంసినీం కరాలాస్యాం ।
శత్రుగణభీమరూపాం ధ్యాయే త్వాం శ్రీకిరాతవారాహీం ॥ 11 ॥

చత్వారింశద్వర్ణకమనురూపాం సూర్యకోటిసంకాశామ్ ।
దేవీం సింహతురంగా వివిధాయుధ ధారిణీం కిటీం నౌమి ॥ 12 ॥

ధూమాకారవికారాం ధూమానలసన్నిభాం సదా మత్తామ్ ।
పరిపంథియూథహంత్రీం వందే నిత్యం చ ధూమ్రవారాహీం ॥ 13 ॥

వర్ణచతుర్వింశతికా మంత్రేశీం సమదమహిషపృష్ఠస్థాం ।
ఉగ్రాం వినీలదేహాం ధ్యాయే కిరివక్త్ర దేవతాం నిత్యాం ॥ 14 ॥

బిందుగణతాత్మకోణాం గజదలావృత్తత్రయాత్మికాం దివ్యాం ।
సదనత్రయసంశోభిత చక్రస్థాం నౌమి సిద్ధవారాహీం ॥ 15 ॥

వారాహీ స్తోరతమేతద్యః ప్రపఠేద్భక్తిసంయుతః ।
స వే ప్రాప్నోతి సతతం సర్వసౌఖ్యాస్పదం పదం ॥ 16 ॥

॥ ఇతి శ్రీ వారాహీ దేవి స్తవం సంపూర్ణం ॥

వారాహీ

దశమహా విద్యలు

నిత్య స్తోత్రావళి