ARDHA NAREESWARA STHOTRAM - అర్ధనారీశ్వర స్తోత్రం

అర్ధనారీశ్వర స్తోత్రం

చాంపేయగౌరార్ధశరీరకాయై 

కర్పూరగౌరార్ధశరీరకాయ

ధమ్మిల్లకాయై చ జటాధరాయ 

నమః శివాయై చ నమః శివాయ || 01 ||

కస్తూరికాకుంకుమచర్చితాయై 

చితారజఃపుఞ్జ విచర్చితాయ

కృతస్మరాయై వికృతస్మరాయ 

నమః శివాయై చ నమః శివాయ || 02 ||

ఝణత్క్వణత్కంకణనూపురాయై 

పాదాబ్జరాజత్ఫణినూపురాయ

హేమాంగదాయై భుజగాంగదాయ 

నమః శివాయై చ నమః శివాయ || 0౩ ||

విశాలనీలోత్పలలోచనాయై 

వికాసిపంకేరుహలోచనాయ

సమేక్షణాయై విషమేక్షణాయ 

నమః శివాయై చ నమః శివాయ || 04 ||

మందారమాలాకలితాలకాయై 

కపాలమాలాంకితకంధరాయ

దివ్యాంబరాయై చ దిగంబరాయ 

నమః శివాయై చ నమః శివాయ || 05 ||

అంభోధరశ్యామలకున్తలాయై 

తటిత్ప్రభాతామ్రజటాధరాయ

నిరీశ్వరాయై నిఖిలేశ్వరాయ 

నమః శివాయై చ నమః శివాయ || 06 ||

ప్రపంచసృష్ట్యున్ముఖలాస్యకాయై 

సమస్తసంహారకతాండవాయ

జగజ్జనన్యై జగదేకపిత్రే 

నమః శివాయై చ నమః శివాయ || 07 ||

ప్రదీప్తరత్నోజ్జ్వలకుండలాయై 

స్ఫురన్మహాపన్నగభూషణాయ

శివాన్వితాయై చ శివాన్వితాయ

నమః శివాయై చ నమః శివాయ || 08 ||

ఏతత్పఠేదష్టకమిష్టదం యో

భక్త్యా స మాన్యో భువి దీర్ఘజీవీ

ప్రాప్నోతి సౌభాగ్యమనన్తకాలం

భూయాత్సదా తస్య సమస్తసిద్ధిః || 09 ||