ఉద్యదిన-ద్యు తిమిందు-కిరీటాం
తుంగ-కుచాం నయన-త్రయ-యుక్తాం ।
స్మేరామభయ -వరాంకుశ-పాశాం
ప్రాతః స్మరామి శ్రీభువనేశ్వరీం ॥ 01 ॥
సిందూరారుణ-విగ్రహా త్రి-నయనాం మాణిక్య-మౌలి-స్ఫురత్‌
తారా-నాయక-శేఖరాం స్మిత-ముఖీమాపీన -వక్షో-రుహాం ।
పాణిభ్యామలి-పూర్ణ-రత్న-చషకం సంవిభ్రతీం శాశ్వతీం
ప్రాతః స్మరామి రత్న-ఘటస్థ-మధ్య-చరణాం పరాంబికాం ॥ 02 ॥
శ్యామాంగీం శశి-శేఖరాం నిజ-కరైర్నీతం చ రక్తోత్పలం
రత్నాఢ్య-చషకం గుణం భయ-హరం సంవిభ్రతీం శాశ్వతీం ।
భుక్తా-హార -లసత్‌-పయోధర-నతాం నేత్ర-త్రయోల్లాసినీం
ప్రాతః స్మరామి భువనాం సుర-పూజితాం రక్తాంబుజ-స్థితాం ॥ 03 ॥
ఉద్యచ్చంద్ర-సహస్ర-రశ్మి-సదృశీం వహ్నీందు -సూర్యేక్షణాం
మాధ్వీ-విందు-విఘూర్ణితేక్షణ -యుగాం వీణా-రవత్యాకులాం ।
మాలా-పుస్తక-సింధు-పాత్ర-కమలం దోర్భిర్వహంతీం ముదా
ప్రాతః స్మరామి భువనేశ్వరీం సర్వాది-దేవైః సదా స్తుతాం ॥ 04 ॥
సరోజ-నయనాం చలత్‌-కనక-కుండలాం శైశవీం
ధనుర్జప-వటీ -కరాముదిత-సూర్య-కోటి -ప్రభాం ।
శశాంక-కృత-శేఖరాం శవ-శరీర-సంస్థాం శివాం
ప్రాతః స్మరామి భువనేశ్వరీం శత్రు-గతి-స్తంభినీం ॥ 05 ॥
వీణా-వాదన-తత్పరాం త్రి-నయనాం త్రైలోక్య-రక్షా-పరాం
మాధ్వీ-పాన-పరాయణాం శవ-గతాం మంద-స్మితాం చిన్మయీం ।
మాయా-వీజవిభూషితాం శశి-కలా చూడాం చ సత్ముండలాం
ప్రాతః స్మరామి భువనేశ్వరీం భగవతీం సర్వః సంస్తుతాం ॥ 06॥
॥ ఇతి శ్రీభువనేశ్వరీ ప్రాతఃస్మరణం సంపూర్ణం ॥
No comments:
Post a Comment