శ్రీ ఛిన్నమస్తాదేవి స్తోత్రం
స్తవరాజమహం వందే వై రోచన్యా శ్శుభ ప్రదం
నౌభౌ శుభ్రారవిందం తదుపరి విలసన్మండలం చండరేశ్శేః
సంసారస్యైకసారాం త్రిభువనజననీం ధర్మకామార్థదాత్రీం
తస్మిన్మధ్యే త్రిభాగే త్రితయతనుధరాంఛిన్నమస్తాం ప్రశస్తాం
తాం వందే ఛిన్నమస్తాం శమనభయహరాం యోగినీం యోగముద్రామ్‌ ॥ 01 ॥
నాభౌ శుద్ధసరోజవక్త్రవిలసధ్బంధూకపుష్పారుణాం
భాస్వద్భాస్కరమండలం తదుదరే తద్యోనిచక్రం మహత్‌
తన్మధ్యేవిపరీతమైదునతర ప్రద్యుమ్నసత్కామినీ
పృష్ఠం స్యాత్తరుణార్క కోటివలసత్తేజ స్స్వరూపాం భజే ॥ 02 ॥
వామే ఛిన్న శిరోధరాం తదితరే పాణౌమహత్కర్తృకాం
ప్రత్యాలీఢపదాం దిగంతవసనామున్ముక్త కేశవ్రజాం
ఛిన్నాత్మీయ శిరస్సముచ్చల దమృద్దారాం పిబంతీంపరాం
బాలాదిత్య సమప్రకాశ విలసన్నేత్రత్రయోద్భాసినీమ్‌ ॥ 03 ॥
వామాదన్యత్ర నాళం బహుగహనగళద్రక్తధారాభిరుచ్చై
ర్గాయంతీమస్థిభూషాం కరకమలలసత్కర్తృ కాముగ్రరూపాం
రక్తామారక్తకేశీమవగతవసనావర్ణనీ మాత్మశక్తిం
ప్రత్యాలీఢోరు పాదామరుణి తనయనాం యోగినీం యోగినిద్రామ్‌ ॥ 04 ॥
దిగ్వస్త్రాం ముక్తకేశీం ప్రళయఘనఘటా ఘోరరూపాం
ప్రచండాం దంష్ట్రాదుఃప్రేక్ష్య వక్త్రోదర వివరలసల్లోలజిహ్వాగ్రభాసాం
విద్యుల్లోలాక్షియుగ్మాం హృదయతటలసద్భోగినీం భీమమూర్తిం
సద్యఃచ్చిన్నాత్మకంఠప్రగలితరుధిరైర్ధాకినీ వర్థయంతీమ్‌ ॥ 05 ॥
బ్రహ్మేశానాచ్యుతాద్యైశ్శిరసి వినిహితా మందపాదారవిందై
రాజ్ఞైర్యోగీంద్రముఖ్యైః ప్రతిపదమనిశం చింతితాం చింత్యరూపాం
సంసారే సారభూతాం త్రిభువనజననీం ఛిన్నమస్తాం ప్రశస్తాం
ఇష్టాం తామిష్టదాత్రీం కలికలుషహరాం చేతసా చింతయామి ॥ 06 ॥
ఉత్పత్తి స్థితిసంహృతీర్ఘటయితుం ధత్తే త్రిరూపాం
తనుం త్రైగుణ్యాజ్జగతో యదీయవికృతి బ్రహ్మాచ్యుతశ్శూలభృత్‌
తామాద్యాం ప్రకృతిం స్మరామి మనసా సర్వార్థసంసిద్ధయే
యస్మాత్స్మేరపదారవిందయుగళే లాభం భజంతే నరాః ॥ 07 ॥
అభిలషిత పరస్త్రీ యోగపూజపరోஉహం
బహువిధజన భావారంభసంభావితోஉహం
పశుజనవిరతోஉహం భైరవీ సంస్థితోஉహం
గురుచరణపరోஉహం భైరవోஉహం శివోஉహమ్‌ ॥ 08 ॥
ఇదం స్తోత్రం మహాపుణ్యం బ్రహ్మణా భాషితం పురా
సర్వసిద్ధిప్రదం సాక్షాన్మహాపాతకనాశనమ్‌ ॥ 09 ॥
యఃపఠేత్రాతరుత్థాయదేవ్యాస్సన్నిహితోஉపివా
తస్య సిద్ధిర్భవేద్దేవీ వాంఛితార్థ ప్రదాయినీ ॥ 10 ॥
ధనం ధాన్యం సుతం జాయాం హయం హస్తినమేవ చ
వసుంధరాం మహావిద్యామష్టసిద్ధిం లభేద్ధ్రువమ్‌॥ 11 ॥
వైయాఘ్రాజిన రంజితస్వజఘనేஉరణ్యే ప్రలంబోదరే
ఖర్వే నిర్వచనీయపర్వసుభగే ముండావళీమండితే
కర్తీం కుందరుచిం విచిత్రవనితాం జ్ఞానే దధానే పదే
మాతర్భక్తజనాసు కంపిని మహామాయేஉస్తు తుభ్యం నమః॥ 12 ॥
॥ ఇతి శ్రీ ఛిన్నమస్తాదేవీ స్తోత్రమ్‌ ॥
No comments:
Post a Comment