Sri Thripura Bhairavee Sthotram - శ్రీ త్రిపుర భైరవీ స్తోత్రం

శ్రీ త్రిపుర భైరవీ స్తోత్రం 

శ్రీ భైరవ ఉవాచ:

బ్రహ్మాదయః స్తుతిపదైరపి సూక్ష్మరూపం 
జానంతినైవ జగదాదిమనాది మూర్తిమ్‌
తస్మాద్వయం కుచనతాం నవకుంకుమాభాం
స్థూలాం స్తుమః సకలవాఙ్మయ మాతృభూతామ్‌ ॥ 01 ॥

సద్యః సముద్యత సహస్ర దివాకరాభాం
విద్యాక్షసూత్ర వరదాభయ చిహ్నహస్తాం
నేత్రోత్పలైస్త్రిభారలంకృత పద్మవక్త్రాం
తాం తారహార రుచిరాం త్రిపురే భజామః ॥ 02 ॥

సింధూరపుంజ రుచిరం కుచభార నమ్రం
జన్మాంతరేషు కృతపుణ్య ఫలైక గమ్యం
అన్యోన్యభేద కలహాకుల మానభేదైః
జానంతి కిం జడధియస్తవ రూపమంబ ॥ 03 ॥

స్థూలాంవదంతి మునయః శృతయోగృణంతి
సూక్ష్మాం వదంతి వచసామధివాస మన్యే
త్వాం మూల ముహూరపరే జగతాం భవాని
మన్యామహే వయమపార కృపాంబురాశిం ॥ 04 ॥

చంద్రావసంత కలితాం శరదిందు శుభ్రాం
పంచాదశాక్షరమయీం హృది భావయంతి
త్వాం పుస్తకం జపవటీమమృతాఢ్య కుంభం
వ్యాఖ్యాం చ హస్తకమలైర్ధధతీం త్రినేత్రామ్‌ ॥ 05 ॥

శంభుస్త్వమద్రి తనయా కలితార్థభాగో
విష్ణుస్త్వమంబ కమలా పరిబద్ధ దేహః
పద్మోద్భవస్త్వమసి వాగధివా సభూమిః
తేషాం క్రియాం చ జగతి త్రిపురేత్వమేవ ॥ 06 ॥

ఆశ్రిత్య వాగ్భవ భవాంశ్చతురః పరాధీన్‌
భావాన్‌ పదేషు విహితార్ధ ముదీరయంతీమ్‌
కంఠాదిభిశ్చ కరణైః పరదేవతాం త్వాం
సంవిన్మయీం హృది కదాపి నవిస్మరామి ॥ 07 ॥

ఆకుంచ్య వాయుమవజిత్య చ వైరిషట్కం
ఆలోక్య నిశ్చలధియా నిజనాసికాగ్రమ్‌
ధ్యాయంతి మూర్ధి కలితేందు కళావసంతం
త్వద్రూపమంబ కృతినస్తరుణార్క బింబం ॥ 08 ॥

త్వం ప్రాప్య మన్మధరిపోర్వ పురర్ధభాగం
సృష్టిం కరోషి జగతామిది వేదవాదః
సత్యం తదద్రితనయే జగదేక మాతః
నోచేదశేష జగతః స్థితిరేవ నస్యాత్‌ ॥ 09 ॥

పూజాం విధాయ కుసుమైః సురపాదపానాం
పీఠే తవాంబ కనకాచల గహ్వరేషు
గాయంతి సిద్ధవనితాః సహకిన్నరీభిః
ఆస్వాదితా సవర సారుణనేత్ర పద్మాః ॥ 10 ॥

విద్యుద్విలాస వపుషః శియమావహంతీం
యాంతీం స్వవాసభవనాచ్చివ రాజధానీమ్‌
సౌషుమ్నమార్గ కమలాని వికాసయంత్రీం
దేవీం భజే హృది పరామృతసిక్తగాత్రీం ॥ 11 ॥

ఆనందజన్మ భువనం శృతీనం
చైతన్యమాత్ర తనుమంబ సమాశ్రయామి
బ్రహ్మేశ విష్ణుభి రభిష్టుత పాదపద్మం
సౌభాగ్య జన్మ వసతిం త్రిపురేయధావత్‌ ॥ 12 ॥

శబ్దార్థ భావి భువనం సృజతీందురూపా
యాతద్భిభర్తి పునరర్కతనుః స్వశక్త్యా
వహ్న్యాత్మికా హారతి తత్‌ సకలం యుగాంతే
తాం శారదాం మనసిజాతు న విస్మరామి ॥ 13 ॥

నారాయణీతీ నరకార్ణవ తారణీతి
గౌరీతి ఖేదశమనీతి సరస్వతీతి
జ్ఞానప్రదేతి నయనత్రయ భూషితేతి
తామమద్రిరాజ తనయే విభుధావదంతి ॥ 14 ॥

యేస్తువంతి జగన్మాతః శ్లోకైః ద్వాదశభిః క్రమాత్‌ ।
త్వామానుప్రాప్య వాక్సిద్ధిః ప్రాప్నుయుస్తే పరాంగతి ॥ 15 ॥

ఇతితే కథితం దేవి పంచాంగం భైరవీమయం ।
గుహ్యాద్గోప్యతమంగోప్యం గోపనీయం స్వయోనివత్ ॥ 16 ॥

॥ ఇతి శ్రీరుద్రయామళే ఉమామహేశ్వర సంవాదే
పంచాంగఖండ నిరూపణే శ్రీభైరవీస్తోత్రమ్ సమాప్తం ॥

శ్రీ త్రిపుర భైరవీ మహా విద్యా

దశమహా విద్యలు

నిత్య స్తోత్రావళి

పంచాంగం