Swati Nakshatra - స్వాతి నక్షత్రము

స్వాతి నక్షత్రము

నక్షత్రం - స్వాతి

అధిపతి - రాహువు

గణము - దేవ

జాతి - పురుష

వృక్షం - మద్ది

జంతువు - మహిషము

నాడి - అంత్య

పక్షి - మయూరము

అధిదేవత - వాయువు

రాశి - తుల

స్వాతి నక్షత్ర జాతకుల గుణగణాలు:
నక్షత్రములలో స్వాతి నక్షత్రం పదిహేనవది. ఇది లక్ష్మీ నృసింహ స్వామి, మౌక్తిక మణి జన్మ నక్షత్రంగా పేరొందినది. ఈ నక్షత్రానికి శాంతి లేదు. గ్రహణాది దోషములు ఉన్న శాంతి అవసరం. స్వాతి నక్షత్రాధిపతి రాహువు.

స్వాతి నక్షత్ర నాలుగు పాదాలు తులారాశిలో ఉంటాయి. స్వాతి నక్షత్రజాతకులు శాస్త్రజ్ఞులుగా మేధా సంపత్తిని కలిగి ఉంటారు. వీరు శాస్త్రజ్ఞులుగా, అధికారులుగా, మేధావులుగా రాణిస్తారు.

స్వాతినక్షత్రం దేవగణం కనుక ధార్మికత, సాత్విక గుణం కలిగి ప్రవర్తిస్తారు. శుక్రుడి ప్రభావం కారణంగా కళలను ఆరాధిస్తారు. ఈ నక్షత్ర జాతకులు చిన్న వయసులో దాదాపు 18 సంవత్సరాలు కొన్ని సమస్యలను ఎదుర్కొన్నా యుక్తవయసులో మంచి అభివృద్ధిని సాధిస్తారు.

కష్ట కాలపరిమితి నక్షత్రపాదాలను అనుసరించి తగ్గుతూ ఉంటుంది. బాల్యంలో విద్యాభ్యాసానికి కొన్ని ఆటంకాలు ఎదురైనా పట్టుదల వహిస్తే మంచి ఫలితాలు సాధించవచ్చు.

యుక్తవయసులో గురుదశ వస్తుంది కనుక ఆర్ధికంగా సామాజికంగా మంచి అభివృద్ధి కలిగి సాధిస్తారు. శని ఈ రాశిలో ఉచ్ఛ స్థితిని పొందుతాడు కనుక, గోచార రీత్యా శని నాలుగు, అయిదు స్థానాల ఆధిపత్యం కారణంగా శని దశ వీరికి యోగిస్తుంది. బుధుడికి ఇది మిత్రరాశి కనుక, గోచార రీత్యా బుధుడు నవమ స్థానాధిపత్యం వహించి యోగకారకుడౌతాడు కనుక బుధ దశ వీరికి యోగిస్తుంది.

శుక్ర, రాహువుల ప్రభావం చంద్రుడి శుక్రస్థాన స్థితి కారణంగా, సాత్విక గుణం కారణంగా ఈ రాశి వారు కళారంగ ప్రవేశం చేస్తే సుస్థిరతను సాధించి రాణించే అవకాశాలు ఎక్కువ. ధనం పొదుపుగా ఖర్చు చేస్తారు. జల కారకుడైన శుక్రుడి ప్రభావితం వీరికి విదేశీ యానం, విదేశీ ధనార్జన కలిగిస్తుంది.

వీరు కష్టపడి పనిచేస్తారు మరియు పడే కష్టం ఆధారంగా విజయాన్ని సాధించే ధైర్యం ఉంటుంది. ఆధ్యాత్మికత పట్ల చాలా ఆసక్తి కలిగి ఉంటారు. కష్టపడి పనిచేయడంతో పాటుగా, వీరు చాకచక్యాన్ని సైతం ఉపయోగిస్తారు మరియు పనులు పూర్తయ్యేట్లుగా చేయడంలో వీరు సమర్థవంతులు.

వీరికి చక్కటి స్వభావం ఉంటుంది, అందువల్లనే ప్రజలతో వీరికి చక్కటి సంబంధాలుంటాయి. వీరి యొక్క స్వభావం మరియు ప్రవర్తన కారణంగా, ప్రజలు విశ్వసిస్తారు. ప్రజల పట్ల చక్కటి అభిప్రాయాలు ఉంటాయి కనుక, వారి మద్దతు పొందుతారు మరియు సమాజంలో చక్కటి పేరుప్రఖ్యాతుంటాయి, ఇతర వ్యక్తుల పట్ల దయ మరియు సానుభూతి ఉంటాయి.

స్వేచ్చా మనస్తత్వంతో, ఒత్తిడిలో పనిచేయడానికి ఇష్టపడరు. అందువల్లనే, ఏది చేసినా దానిలో సంపూర్ణ స్వేచ్ఛను వీరు ఆశిస్తారు. ఉద్యోగం లేదా వ్యాపారంలో, దేనిలోనైనా మీరు విజయవంతం అవుతారు. అందువల్ల, ఉద్యోగం, వ్యాపార కోణంలో పరిస్థితి చాలా మెరుగ్గా ఉంటుంది. వీరి ద్వారా చేయబడే ప్రతిపని కూడా సరైన ప్లాన్ ఎంతో సహనంగా చేయబడుతుంది.

లక్ష్యాన్ని సాధించడం కొరకు వీరు ఎన్నడూ త్వరపడరు. ముఖంపై ఎల్లప్పుడూ చిరునవ్వు ఉంటుంది. భక్తిభావనతో సామాజిక నిబంధనలు మరియు సంప్రదాయాలను పాటిస్తారు. ఆలోచనలు ప్రశాంతంగా, దృఢంగాను ఉంటాయి. వీరు ఎల్లప్పుడూ కొత్త ఆలోచనలకు స్వాగతం పలుకుతారు మరియు కొత్త విషయాలను నేర్చుకోవడానికి ఎల్లప్పుడూ సిద్ధంగా ఉంటారు.

అసాధ్యమైన దానిని సుసాధ్యం చేయడం కొరకు, చాలా సమయాన్ని గడుపుతారు. ఎలాంటి వివక్షత లేకుండా వీరు ప్రతి ఒక్కరిని గౌరవిస్తారు. అవసరం ఉన్నవారికి మరియు చెడు చేసిన శత్రువుకు సైతం వీరు చాలా చక్కటి సహాయ సహకారాలు అందిస్తారు. వీరు చాలా దృఢంగాను మరియు కష్టపడి పనిచేస్తారు.

స్వాతి నక్షత్రము మొదటి పాదము
స్వాతి నక్షత్ర అధిపతి రాహువు. దేవగణ ప్రధానులు కాబట్టి వీరు సాత్విక ప్రవృత్తి కలిగి ఉంటారు. వీరి మీద గురు రాహు గ్రహ ప్రభావం ఉంటుంది.

ఈ నక్షత్ర జాతకులు రాహుదశలో జన్మించడంవల్ల కొన్ని సమస్యలు ఎదురైనా తల్లితండ్రుల చాటున కష్టం తెలియకుండా సాగిపోతుంది. వీరికి హైస్కులు తరువాత గురు దశ కాలంలో కాలేజి విద్యలో అభివృద్ధి కనిపిస్తుంది. 16 సంవత్సరాలకే గురు దశ వస్తుంది కనుక సౌఖ్యవంతమైన జీవితం మొదలవుతుంది.

విద్యలో చక్కని అభివృద్ధి సాధించి ఉద్యోగాలలో స్థిరపడతారు. సంపాదించినది దాచుకోవాల్సిన అవసరం వీరికి అత్యవసరం. లేకుంటే 32 సంవత్సరాలకు వచ్చే 19 సంవత్సరాల శని దశలో ఖర్చులు అధిక మవుతాయి. దీంతో అనేక ఇబ్బందులకు గురవుతారు. 51 సంవత్సరాలకు వచ్చే 17 సంవత్సరాల బుధదశ కాలంలో కొంత ఉపశమనం ఉంటుంది. ఇక మిగిలిన జీవితం సాఫీగా సాగిపోతుంది.

స్వాతి నక్షత్రము రెండవ పాదము
స్వాతి నక్షత్రము దేవగణ ప్రధానులు కనుక రెండో పాదములోని జన్మనక్షత్రులు సాత్విక ప్రవృత్తి కలిగి ఉంటారు. వీరి మీద శని రాహు గ్రహ ప్రభావం ఉంటుంది. వీరికి బద్ధకం కొంచం ఎక్కువ. అయినప్పటికీ పని ఆరంభించారంటే బాగా శ్రమించి పని పూర్తి చేస్తారు.

వీరికి రాహుదశ దాదాపు 11 సంవత్సరాల కాలం ఉంటుంది. కనుక రాహుదశ కాలంలో చదువులో మందకొడితనం కొనసాగుతుంది. అయినప్పటికీ తరువాత వచ్చే 16 సంవత్సరాల గురుదశ కాలంలో చదువులో అభివృద్ధి ఉంటుంది. జీవితంలో త్వరగా స్థిరపడతారు.

27 సంవత్సరాల నుండి ఉండే 19 సంవత్సరాల శనిదశ కాలంలో ఆదాయం కంటే ఖర్చులు అధికంగా ఉంటాయి కనుక సంపాదించుకున్నది జాగ్రత్త చేసుకోవలసిన అవసరం ఎంతో ఉంది. 46 సంవత్సరాల తరువాత 17 సంవత్సరాల బుధ దశ కాలంలో పరిస్థితులు కొంచెం కుదుటపడతాయి. ఇక మిగిలిన జీవితం సాఫీగా సాగిపోతుంది.

స్వాతి నక్షత్రము మూడవ పాదము
వీరు సాత్విక ప్రవృత్తి కలిగి ఉంటారు. వీరి మీద గురు గ్రహ ప్రభావం ఉంటుంది. అయినప్పటికీ పని మొదలు పెట్టారంటే బాగా శ్రమించి పని చేస్తారు. వీరికి పట్టుదల అధికంగా ఉంటుంది. స్థిరమైన అభిప్రాయలు ఉంటాయి.

వీరికి రాహుదశ దాదాపు 7 సంవత్సరాల కాలం ఉంటుంది. కనుక ఆరంభంలో రాహుదశ కాలంలో చదువులో మందకొడితనం కొనసాగుతుంది. అయినప్పటికీ తరువాత వచ్చే 16 సంవత్సరాల గురు దశ కాలంలో చదువులో అభివృద్ధి ఉంటుంది. జీవితంలో త్వరగా స్థిరపడతారు. 23 సంవత్సరాల నుంచి ఉండే 19 సంవత్సరాల శనిదశ కాలంలో ఆదాయం కంటే ఖర్చులు అధికంగా ఉంటాయి.

42 సంవత్సరాల తరువాత 17 సంవత్సరాల బుధ దశ కాలంలో పరిస్థితులు కాస్త కుదుటపడతాయి. తరువాత 59 సంవత్సరాల తరువాత వచ్చే 7 సంవత్సరాల కేతుదశలో కొన్ని సమస్యలు ఎదురవుతాయి. కేతువు అనుకూలంగా ఉంటే విదేశీయానం ఉంటుంది. 66 సంవత్సరాల తరువాత పరిస్థితులు చక్కబడతాయి. వృద్ధాప్య దశ కూడా సాఫీగా సాగిపోతుంది.

స్వాతి నక్షత్రము నాలుగవ పాదము
స్వాతి నక్షత్రం నాల్గవ పాదంలో జన్మించిన వీరు సాత్విక ప్రవృత్తి కలిగి ఉంటారు. వీరి మీద గురు గ్రహ ప్రభావం ఉంటుంది. ఉపాధ్యాయులుగా పని చేసే అవకాశం ఉండవచ్చు.

ఈ నక్షత్ర జాతకులకు రాహుదశ దాదాపు మూడు సంవత్సరాల కాలం ఉంటుంది. చదువు నిరాటంకంగా కొనసాగుతుంది. 16 సంవత్సరాల గురుదశ కాలంలో చదువులో అభివృద్ధి ఉంటుంది. ఉన్నత చదువులలో కొంత మందకొడితనం ఉంటుంది. ప్రయత్నంతో విజయం సాధించవచ్చు. జీవితంలో త్వరగా స్థిరపడతారు.

19 సంవత్సరాల నుంచి 19 సంవత్సరాల శని దశ కాలం ఉంటుంది.. కాబట్టి ఆ సమయంలో ఆదాయం కంటే ఖర్చులు అధికంగా ఉంటాయి. 38 సంవత్సరాల తరువాత 17 సంవత్సరాల బుధ దశ కాలంలో పరిస్థితులు కాస్త కుదుటపడతాయి. తరువాత 55 సంవత్సరాల తరువాత వచ్చే ఏడు సంవత్సరాల కేతు దశలో కొన్ని సమస్యలు ఎదురవుతాయి. కేతువు అనుకూలంగా ఉంటే విదేశీయానం ఉంటుంది. 62 సంవత్సరాల తరువాత పరిస్థితులు చక్కబడతాయి. వృద్ధాప్యం సౌఖ్యంగా సాగిపోతుంది.

స్వాతి నక్షత్ర జాతకులు పెంచాల్సిన వృక్షం:
స్వాతి నక్షత్రం వారు మద్ది చెట్టును పెంచడం, పూజించడం మంచిది. జ్యోతిష్య శాస్త్రం ప్రకారం, ఈ వృక్షాన్ని సంరక్షించడం వల్ల విశేషమైన ప్రయోజనాలు కలుగుతాయి. అన్ని రకములైన విద్యలలోను రాణిస్తారు, ఆత్మవిశ్వాసం అధికంగా ఉంటుంది.

స్వాతి నక్షత్ర జాతకుల తారాఫలాలు:
తార నామం - తారలు - ఫలం

జన్మ తార - ఆర్ద్ర, స్వాతి, శతభిష - శరీరశ్రమ

సంపత్తార - పునర్వసు, విశాఖ, పూర్వాభాద్ర - ధన లాభం

విపత్తార - పుష్యమి, అనురాధ, ఉత్తరాభాద్ర - కార్యహాని

సంపత్తార - ఆశ్లేష, జ్యేష్ట, రేవతి - క్షేమం

ప్రత్యక్ తార - అశ్విని, మఖ, మూల - ప్రయత్న భంగం

సాధన తార - భరణి, పూర్వ ఫల్గుణి, పూర్వాషాఢ - కార్య సిద్ధి, శుభం

నైత్య తార - కృత్తిక, ఉత్తర ఫల్గుణి, ఉత్తరాషాఢ - బంధనం

మిత్ర తార - రోహిణి, హస్త, శ్రవణం - సుఖం

అతిమిత్ర తార - మృగశిర, చిత్త, ధనిష్ట - సుఖం, లాభం

నక్షత్ర శాంతి: 2 కిలోల శనగపప్పు దైవ ధ్యాసలో గడిపే వారికి దానం చేయాలి.

నక్షత్ర మంత్రం:

।। ఓం ।।
వాయుర్నక్షత్రమభ్యే'తి నిష్ట్యా”మ్ ।
తిగ్మశృం'గో వృషభో రోరు'వాణః ।
సమీరయన్ భువ'నా మాతరిశ్వా" ।
అప ద్వేషాగ్మ్'సి నుదతామరా'తీః ।
తన్నో' వాయస్తదు నిష్ట్యా' శృణోతు ।
తన్నక్షత్రం భూరిదా అ’స్తు మహ్యమ్” ।
తన్నో' దేవాసో అను'జానంతు కామమ్” ।
యథా తరే’మ దురితానివిశ్వా” ॥

జ్యోతిషశాస్త్రము

నిత్య స్తోత్రావళి

నిత్య పారాయణ శ్లోకాలు

స్తోత్రాలు

పంచాంగం